https://arm.sputniknews.ru/20250530/shengenjan-vizan-erazanq-viza-kentrvonnery-pvogh-ashkhatelu-mijvoc-89243806.html

Շենգենյան վիզան՝ երազանք, վիզա կենտրոնները՝ փող աշխատելու միջոց

Շենգենյան վիզան՝ երազանք, վիզա կենտրոնները՝ փող աշխատելու միջոց

Sputnik Արմենիա

Մասնագետները չեն բացառում, որ վիզայի ստացման գործընթացի բարդացման նպատակներից մեկը պատերազմից հետո միգրացիայի կառավարումն է, իսկ երկրորդ պատճառը շատ ավելի... 30.05.2025, Sputnik Արմենիա

2025-05-30T22:45+0400

2025-05-30T22:45+0400

2025-05-30T22:45+0400

վիզա

զբոսաշրջություն

զբոսաշրջիկ

դեսպանատուն

հայաստան

տուրիստական ընկերություն

https://cdn.am.sputniknews.ru/img/07e7/05/02/59070555_0:0:1600:901_1920x0_80_0_0_03bab7748344b9caaa8d6f69da18e738.jpg

Մի կողմից Եվրամիության հետ մերձենում ենք, մյուս կողմից վիզաների ազատականացման փոխարեն շենգենյան վիզա ստանալն ավելի ու ավելի բարդ է դառնում։ Օրինակ՝ հարցազրույցի համար օր ամրագրելը բախտավորության է վերածվել, ընդ որում ոչ միայն զբոսաշրջիկների, այլև զբոսաշրջային ընկերությունների համար։Վիզա կենտրոնները վիճակը բարելավելու փոխարեն ավելացին խնդիրներըԵվրոպական խոշորագույն լոուքոսթեր ավիաընկերություններից Wizz Air-ը հայաստանյան շուկա մուտք գործեց 2020 թվականին։ Հայաստանցի զբոսաշրջիկի համար հաճելի անակնկալ էր Երևանից դեպի եվրոպական ուղղություններ, այդ թվում՝ Հռոմ, Միլան, Վենետիկ, Վիեննա, օրինակ, 15-30 եվրոյով ճամփորդելու հնարավորությունը։ Սակայն նախ կորոնավիրուսի համավարակը խանգարեց ճամփորդական երազանքների իրականացմանը, հետո էլ վրա հասան վիզա կենտրոններում և դեսպանատներում հերթերը, պարբերաբար հարցազրույցի օր ամրագրելու դժվարությունը, երբեմն էլ՝ անհնարինությունը։ Sputnik Արմենիան տարբեր ժամանակներում խնդրին մի քանի անգամ անդրադարձել է, սակայն վերջին շրջանում հարցազրույցի օրվա ամրագրման խնդիրը, թերևս, գագաթնակետին է հասել։Նախ՝ դեսպանատների մեծ մասն անցել է վիզա կենտրոնների միջոցով սպասարկման։ Սա նշանակում է, որ շենգենյան վիզայի համար պահանջվող 35 եվրո հյուպատոսական վճարին ավելանում է 15-20 հազար դրամ` վիզա կենտրոնների միջնորդական ծառայությունների համար։ Չնայած սրան՝ տուրիստներն ու տուրիստականները լիահույս էին, որ վիզա կենտրոններով սպասարկումն ավելի լավ կլինի, որովհետև դեսպանատների ռեսուրսները սահմանափակ են, իսկ միջնորդ ընկերությունների միջոցով կկարողանան ավելի շատ զբոսաշրջիկի սպասարկել։ Ցավոք, հույսերը չարդարացան, վիճակը մի բան էլ ավելի բարդացավ։«Այսօր բոլոր վիզա կենտրոնների և դեսպանատների հետ խնդիր ունենք։ Կարծում եմ՝ դրանք արհեստածին են, անկախ նրանից, որ Wizz Air-ի գալով շեշտակի ավելացել է ճամփորդողների թիվը և քովիդից հետո մարդկանց ճամփորդելու ցանկությունն էլ աճել է, բայց այդ ամենը հիմնավոր պատճառ չէ նման իրավիճակի համար։ Հիմա խոսում ենք վիզայի ազատականացման մասին, բայց ավելի է բարդացել։ Լինում է նաև, որ առհասարակ չեն կարողացել օր վերցնել, ստիպված մարդիկ ազատ վիզային ռեժիմով ուղղություն են ընտրում»,- ասում է Զբոսաշրջության նորարարության և զարգացման ֆեդերացիայի համահիմնադիր, «Any Wish Tour» տուրիստական ընկերության տնօրեն Ալինա Պետրոսյանը։«Կոֆե՞, Հռո՞մ»Ամենախնդրահարույցներից է Իտալիայի վիզաների կենտրոնը։ Տուրիստական ընկերություններից շատերը մի կերպ են հիշում, թե երբ են վերջին անգամ կարողացել այս վիզա կենտրոնում օր ամրագրել։«Դու պետք է մի առանձին հաստիք ունենաս, մեկը նստի ու առավոտից երեկո միայն դա անի»,- ասում «Գարանտ տուրի» հիմնադիր-տնօրեն Անի Մկրտչյանը, որը տուրիստական ոլորտում գրեթե 20 տարվա փորձ ունի։ Ծիծաղելով հիշում է, որ Իտալիայի վիզաների կենտրոնում վերջին անգամ ինքնուրույն կարողացել է օր ամրագրել 2023 թվականի դեկտեմբերին՝ երկար պայքարից հետո։«3 անգամ փորձելուց հետո էջդ բլոկվում է, էլ չես կարողանում թարմացնել, տեսնել՝ օրը բացեց, թե ոչ։ Ես Նոստրադամուսը չեմ, որ գուշակեմ՝ որ պահին օր կբացեն, հենց այդ պահին կարողանաս մտնել, որ քեզ չբլոկեն։ Նախկինում պատահական օրերի էր ազատ ժամեր բացվում։ Բազմաթիվ բողոքներից հետո որոշեցին «օրեր բացելը» դարձնել կոնկրետ օրով ու ժամով։ Ազատ օրերն ու ժամերը բացվում էին ուրբաթ օրը ժամը 4-ին, զարթուցիչս մինչև հիմա զնգում է, հիմա դարձրել են ժամը 2-ից 4-ը, բայց էլի բան չի փոխվում։ Բանն այն է, որ անգամ եթե տեսնում ես՝ ժամն ազատ է, փորձում ես վերցնել, այդ ընթացքում ստուգում պետք է անցնես (օրինակ՝ գտնես՝ որ նկարներում է լուսացույց կամ աքլոր պատկերված)․ արագ ես անում, ասում է՝ երևի բոտ ես, դանդաղ ես անում՝ օրն ես կորցնում, մի խոսքով, պրակտիկորեն հնարավոր չէ օրը վերցնել»,- ասում է Անին։Հավելում է՝ ծանոթներից մեկն աշխատում էր Իտալիայի վիզաների կենտրոնում։ Նրա խոսքով՝ եթե նախկինում շաբաթական միջինը 100 դիմում էին ընդունում, ապա հիմա օրական՝ մոտ 150, Իտալիայի վիզայի համար դիմողների թիվը գրեթե տասնապատկվել է։«Դա հասկանալի է, բայց եթե հաճախորդների թիվն ավելացել է, ուրեմն աշխատատեղեր է պետք բացել, հատկապես որ այդ 150-ը վճարում են ձեզ դրա համար»,- նշում է Անին։Նույն իրավիճակն է նաև «Անռիվա տուր» տուրօպերատորի մոտ․ մենեջեր Լիլիթ Մկրտչյանի խոսքով՝ վերջին անգամ երջանիկ պատահականությամբ կարողացել է օր ամրագրել հունվարին, անգամ ինքն իր ուղևորության համար օր ամրագրել չի կարողացել։«Անգամ երբ ազատ ժամ ես տեսնում, 3 վայրկյանի ընթացքում անցնել բոլոր քայլերն ու վերցնել օրը բավականին դժվար է»,- նշում է Լիլիթը։Իրավիճակն այնքան անկանխատեսելի է, որ այս ուղղությամբ մեկնել ցանկացող զբոսաշրջիկներին հենց սկզբից անկեղծորեն ներկայացնում են իրավիճակը։Նրա խոսքով՝ 1 տարի առաջ իրավիճակն ավելի տանելի էր, գոնե փրայմ-թայմով (հավելյալ գումար վիզաների կենտրոնում վճարելով) հնարավոր էր օր ամրագրել, հիմա դա էլ չի լինում։«Փրայմ-թայմի համար պետք է զանգեիր իրենց, հեռախոսով ամրագրում անեիր։ Եթե 1 տարի առաջ գոնե հույս կար, որ կմիանաս, հեռախոսը կվերցնեն, հիմա դա էլ է անհույս երազանք»,- հավելում է Լիլիթը։«Any Wish Tour» տուրիստական ընկերության տնօրեն Ալինա Պետրոսյանի խոսքով՝ մի քանի օր առաջ թեպետ իրենք կարողացել են Իտալիայի վիզաների կենտրոնում ժամադրության օր ամրագրել, բայց 1-2 հաջողված փորձն իրավիճակը չի թեթևացնում, և ամբողջ գրասենյակի աշխատանքը քաոսի է վերածվում։«Մեր ամբողջ գրասենյակը բոլոր հնարավոր տեխնիկական միջոցներով մուտք է գործում, որ կարողանա օր ամրագրել։ Հաճախորդներից մեկի համար հասցնում ենք վերցնել, մնացածի համար՝ ոչ, դա նրանից չէ, որ մի հաճախորդը մյուսից կարևոր է, պարզապես չի լինում»,- նշում է Ալինա Պետրոսյանը։Սե-լյա-վի նաև ՖրանսիայիցԱմիսներ առաջ վիզա կենտրոնով սպասարկման անցավ նաև Ֆրանսիայի դեսպանատունը, արդյունքում ֆրանսիական շենգեն ստանալը նույնպես երազանք դարձավ։Մարիետա Մուրադյանը ֆրանսերենի երկարամյա փորձով մասնագետ է։ Ասում է՝ իր համար լեզվի ուսուցման ամենաարդյունավետ միջոցներից մեկը տեղում մշակույթին ու լեզվին ծանոթանալն է, դրա համար էլ տարին մի քանի անգամ աշակերտների հետ Ֆրանսիա են մեկնում։ Հուլիսի 7-ին հերթական ուղևորությունն է, խմբից շատերը տոմսերը գնել են դեռ հոկտեմբերին, իսկ վիզայի համար հարցազրույցի օր ամրագրել մինչև հիմա չի ստացվում։«Ես ամեն տարի մի քանի անգամ ուսանողների, աշակերտների խմբեր եմ տարել Ֆրանսիա։ Այս տարի ոչ մի կերպ չի հաջողվում օր ամրագրել։ Երբ հոկտեմբերին տոմսերը գնում էի, սպասարկումը դեռ վիզա կենտրոնով չէր, ու խոսակցություն էլ չկար այն մասին, որ վիզա կենտրոնով է դառնալու, հետևաբար չեմ էլ մտահոգվել, մտածել եմ՝ ամեն անգամվա նման նամակ կգրեմ դեսպանություն, խմբային հարցազրույցի օր կտան։ 4 գիշեր չեմ քնել, հետևել եմ վիզա կենտրոնների էջին, չի բացում։ Բազմաթիվ նամակներ եմ գրել, դեսպանատնից պատասխանում են՝ վիզա կենտրոնին դիմեք, վիզա կենտրոնին դիմում են, ասում են՝ հարթակով պետք է վերցնեք, խմբայինի տարբերակ չկա, անհատական պետք է վերցնել։ 26-հոգանոց խումբ է, անգամ 1 հատիկ տեղ չի բացում, ես ինչպե՞ս եմ 26 հոգու համար օր վերցնելու»,- ասում է տիկին Մարիետան։Ասում է՝ ինքնուրույն փորձերից հետո անգամ մի քանի տուրիստականների ընկերությունների է դիմել, նրանք նույնպես չեն կարողանում օր ամրագրել։ Նամակ է գրել Հայաստանում Ֆրանսիայի դեսպանին, պատասխան դեռ չկա։Այս իրավիճակը, Մարիետա Մուրադյանի խոսքով, պարզապես ստորացուցիչ է։«Մենք հաճախորդ ունենք, որի համար 3 ամիս չենք կարողացել օր վերցնել։ Միաժամանակ գիտենք, որ կան մարդիկ, ովքեր կարողանում են գումարի դիմաց օր վերցնել։ Տպավորություն է, թե տուրիստականն է թերանում ինչ-որ հարցում, բայց դա այդպես չէ։ Մեր գրասենյակը բավականին մեծ է, մեր աշխատակիցները 24 ժամով հսկում են օրերի բացվել-չբացվելը, բայց չեն կարողանում»,- նշում է «Any Wish Tour»-ի տնօրեն Ալինա Պետրոսյանը։Ովքեր են խորհրդավոր օր վերցնողներըԹե ինչպես են ոմանք կարողանում խորհրդավոր կերպով կլորիկ գումարի դիմաց օր վերցնել, տուրիստականների ներկայացուցիչներն իրենք էլ չեն հասկանում։«Մենք չգիտենք՝ ովքեր են այդ մարդիկ և ինչպես են դա անում»,- ասում է Ալինա Պետրոսյանը։Անդրադառնալով այն մեղադրանքներին, թե տուրիստականներն են օրերի վաճառքով զբաղված՝ ասում են՝ իրենք անգամ իրենց ու իրեն հարազատների համար չեն կարողանում օր վերցնել։ Խորհրդավոր «օր վերցնողները» հաճախ նաև պարզապես իրենց բախտն են փորձում՝ առավոտից երեկո կենտրոնանում են կոնկրետ օր վերցնելու ուղղությամբ ու ինչ-որ պահի հաջողում։ Մեզ հետ զրույցում տուրիստականներից մեկի աշխատակիցն ասաց՝ եղբոր համար երկար ժամանակ այդ խորհրդավոր օր վերցնողներին էր փնտրում, պատրաստ էր վճարել անգամ 70-80 հազար դրամ, բայց որևէ մեկն այդպես էլ օր տրամադրել չի կարողացել։Մեր հերոսներից մեկն էլ ավելի քան 3 ամիսների փորձերից, մի քանի տուրիստական ընկերությունների դիմելուց հետո որոշեց օգտվել «օր վերցնողների» ծառայություններից և դիմելուց ընդամենը 3 օր անց 30 հազար դրամի դիմաց հարցազրույցի օր ունեցավ։Մարդիկ ողջամիտ կասկածներ ունեն, որ տեղերի խորհրդավոր վաճառքի սխեմայում կարող են նաև վիզա կենտրոնների աշխատակիցներից ներգրավված լինել, այլապես տևական ժամանակ և նման քանակով ստացվող բողոքները, բարձրաձայնվող հարցերը չէին կարող անտեսվել։ Ստացվում է՝ վիզա կենտրոնները որպես «բիզնես կենտրոններ» են բացվել։Հունաստանը «ո՛չ» է ասել, կրկի՛ն փորձիրՀունաստանի վիզաների կենտրոնն էլ իր «բզիկներն» ունի։ «Any Wish Tour»-ի տնօրեն Ալինա Պետրոսյանի խոսքով՝ հարթակում տեսնում են՝ օրեր կան, սկսում են ամրագրման գործընթացը՝ լրացնել պահանջվող տվյալները, սեղմել «ամրագրում», որից հետո պետք է նշված հեռախոսահամարին հատուկ կոդ գա, այն պետք է լրացնել պահանջվող դաշտում և ստանալ օրվա ամրագրում։«Փորձել ենք բոլոր օպերատորների հեռախոսահամարներով, կոդը հազվադեպ է գալիս, կարող է՝ ամսվա մեջ 1 կամ 2 անգամ գա, երբ կապ ենք հաստատում վիզա կենտրոնի հետ, ասում են՝ նորմալ գալիս է, խնդիրը ձեզ մոտ է։ Նախկինում հնարավորություն էին տալիս՝ եթե կոդ չի գալիս, ազատ տեղերի համար նամակ գրես, հավելյալ 15 հազար դրամի դիմաց օր ամրագրես։ Հիմա դա հանել են, այսինքն՝ և՛ տեխնիկական խնդիր կա, և՛ հնարավորություն չեն տալիս»,- ասում է Ալինան։Նկատում է՝ չնայած սրան՝ բոլոր այն ընկերությունները, որոնք չարտերային թռիքչներ ունեն դեպի Հունաստան, անխափան ունենում են հարցազրույցի իրենց օրերը։ Ալինան շեշտում է՝ դա նորմալ է, բայց դրա կողքին պետք է նաև հնարավորություն լինի մյուս ընկերությունների համար։Օր ամրագրելու խնդիրները մի կողմից, մյուս կողմից էլ Հունաստանից մերժումներն են հասել առավելագույնի։ Մարդը նույն փաստաթղթերով կարող է դիմել, մերժվել, երկու շաբաթ անց կրկին դիմել ու ստանալ վիզա կամ էլ հակառակը։«Ես մի գործարար հաճախորդ ունեի, որը, բառի բուն իմաստով, միլիոնատեր էր։ Այդ մարդը մտավ և մերժում ստացավ այն դեպքում, երբ դրանից ամիսներ առաջ ընտանիքի հետ գնացել էին Հունաստան հանգստանալու, այնքան էր հավանել, որ վերադարձավ, ասաց՝ ուզում եմ գնալ, հյուրանոց գնել։ Զայրացած զանգահարեցի Հունաստանի դեսպանատուն, ասացի՝ տրամաբանությունը ո՞րն է՝ 2 ամիս առաջ նույն թղթերով տվել եք, 2 ամիս հետո՝ մերժել։ Ասացին՝ նորից դիմեք։ Մեկ շաբաթ անց նորից դիմեց և ստացավ վիզա»,- պատմում է «Գարանտ Տուրի» տնօրեն Անի Մկրտչյանը։«Անռիվա Տուր»-ի մենեջեր Լիլիթը շարունակում է գործընկերուհուն՝ մարդիկ ունեն մի քանի շենգենյան վիզաներ, նաև բազմակի մուտքի թույլտվությամբ, հունականը կարող է կա՛մ անհարկի մերժել, կա՛մ մեկանգամյա մուտքով վիզա տրամադրել։Զրուցակիցներիցս մեկի խոսքով՝ 2 տարի շարունակ ընտանիքով հանգստացել են Հունաստանում, նախորդ տարի 6 ամիս ժամկետով բազմակի մուտքի վիզա էին ստացել։ Քանի որ այս տարին «խառն էր», որոշեցին բախտները չփորձել և կրկին Հունաստան գնալ հանգստանալու։ Դիմեցին ու մերժում ստացան։Հավելում է՝ տուրիստականներն ասում են՝ մերժումից 2 օր հետո մտեք, կստանաք, ինչը կասկածելի է զրուցակցիս համար։ Կասկածների պատճառ է նաև այն, որ ինքնուրույն ամիսներ շարունակ փորձում էր օր ամրագրել, բայց չէր ստացվում, տուրիստականներին մեկին դիմելուց 1 օր անց օրը հրաշքով ստացվեց։Մինչև օրդ հասնի, կարող ես ամուսնանալ, հղիանալ, երեխա ունենալՏուրիստական ընկերություններն ասում են՝ այսօր ամենականխատեսելի դեսպանատունը գերմանականն է դարձել, ճիշտ է՝ գրանցվելուց հետո հարցազրույցի հերթը մոտ 10 ամիս հետո է հասնում, բայց գոնե որոշակիություն կա։«Գարանտ Տուրի» տնօրեն Անի Մկրտչյանը զավեշտալի պատմություն է հիշում՝ հաճախորդներից մեկի հերթը մինչև հասավ՝ երեխա ունեցան, բայց քանի որ երեխայի համար արտահերթ օր ամրագրելու հնարավորություն չկա, մարդիկ ստիպված 10+ ամիս երկար սպասած հարցազրույցը բաց թողեցին։Շուտով Գերմանիայի դեսպանատունը ևս վիզա կենտրոններով սպասարկման է անցնելու, ուստի այստեղ էլ մի նոր քաոս է սպասվում։Պտտի՛ր, պտտի՛ր, կարուսել․․․Վիզա կենտրոններով սպասարկման տարբերակին դեռևս չեն անցել նաև Չեխիայի և Լեհաստանի դեսպանատները։ Դա չի նշանակում, թե այստեղ ամեն ինչ լավ է։Ալինա Պետրոսյանն ասում է՝ Լեհաստանն ու Չեխիան, բառի բուն իմաստով, խաղարկություն են սարքել։«Չեխիային ժամադրություն վերցնելու համար նամակը պետք է ուղարկես ամեն 15-րդ օրը՝ ուղիղ ժամը 6-ին։ Եթե ուղարկել ես 5։30, մերժվում ես, օր չեն տրամադրում, 6։30՝ մերժվում ես։ Այս վերջերս ինտերվալը երկարացրել են՝ 6-7-ը»,- ասում է Ալինան։Ի դեպ, Չեխիան պահանջում է վճարված հյուրանոց և ավիատոմս, սա էլ մեկ այլ պրոբլեմ է՝ բա ո՞ր մերժեցին։«Լեհաստանի դեպքում սկզբում լրացնում ես ամբողջ դիմումը, մուտք ես անում, ու վիճակահանություն է սկսվում, 3 օրը մեկ կոդեր են խաղարկում, պետք է սպասես՝ մինչև բախտդ բերի, քո կոդը դուրս գա։ Ընտանիքի անդամներով ճամփորդում են, մեկինը կարող է դուրս գալ, մյուսինը՝ ոչ, կամ էլ կոդը կարող է այն ժամանակ գա, երբ ճամփորդությանդ ժամկետն անցել է»,- ասում է Ալինան։Իսպանական «կրքոտ» գիշերներ«Օրը բացվում է, պետք է հասցնես րոպեների ընթացքում լրացնել դիմումը, սելֆի անել, վճարումներն անել, օրը ֆիքսել․ մինչև մի հոգունն անում ես, ժամադրություն վերցնելու հնարավորությունը փակվում է»,- ասում է Ալինան։Նրա խոսքով՝ իսպանականի դեպքում օրերը բացվում են հիմնականում ուշ երեկոյան ժամերին՝ 23։00-ից հետո, ու իրենց աշխատակիցները երբեմն կեսգիշերին, անգամ գիշերային ժամերին համակարգչի առաջ նստած են անցկացնում։Ի դեպ, հերոսներիցս մեկն էլ ամուսնու հետ միասին անհասկանալի մերժում էր վերջերս ստացել Իսպանիայի դեսպանությունից՝ մոտ 150 հազար դրամ ծախսելով միայն վիզա կենտրոն մտնելու և դիմումները ներկայացնելու համար։ Նրա խոսքով՝ մինչ այս ինքը Եվրոպայի գրեթե 80 տոկոսը պտտվել է, ցանկանում էին ամուսնու հետ գնալ ֆուտբոլային հանդիպում դիտելու և Հայաստանում էին թողնում նաև 2 մանկահասակ երեխաներին․․․Տուրիստների մեղքն էլ կա, բայց․․․Որոշ դեսպանատների դեպքում բարդացված իրավիճակում իրենց բաժին մեղքը երևի տուրիստներն էլ ունեն։ Օրինակ, Գերմանիայի դեսպանատուն, որը դեռ 1 տարի առաջ հայտնի էր երկար ժամանակով բազմակի մուտքի վիզաներ տալով, շատերը դիմում էին, ստանում վիզա, գնում ուր ասես, բացի Գերմանիայից։ Թերևս սա պատճառ դարձավ խստացման․ հիմա ոչ միայն երկարաժամկետ վիզաներ է հազվադեպ տալիս, այլև պարտադիր ստուգում է, որ դիմումում նշած ուղղությամբ գնաս. եթե, օրինակ, հյուրանոցի չեղարկում անես առանց դեսպանատանը զգուշացնելու, վիզադ էլ կարող է չեղարկվել։Միաժամանակ ԶՆԶ ֆեդերացիայի նախագահ Ալինա Պետրոսյանը նկատում է՝ թեպետ հասկանալի է, որ ամեն դեսպանատուն վիզա է տալիս առաջնահերթ իր երկիր այցելության համար, բայց մենք ոչ թե ազգային, այլ շենգենյան վիզայի համար ենք դիմում։Ի վերջո, մասնագետները շեշտում են՝ եթե բոլոր դեսպանատներն ու վիզա կենտրոնները պատշաճ աշխատեն ու սպասարկեն, մարդիկ ստիպված չեն լինի դիմել այնտեղ, որտեղ հասանելի է, բայց գնալ այլ ուղղությամբ։Իսկ ինչու է վիճակն այսքան բարդացել. Ալինա Պետրոսյանը չի բացառում, որ միգրացիան կառավարելու նպատակ կա, քանի որ պատերազմներից հետո մշտապես նաև արտագաղթ է սկսվում, ուստի հնարավոր է՝ 2020-ից հետո մեր երկրից հնարավոր հոսքն արգելելու համար է։ Նրա կարծիքով՝ երկրորդ պատճառը շատ ավելի նյութական է՝ պարզապես բիզնես։Բողոքողներ շատ կան, իսկ լսողներ․․․Թե տուրիստական ընկերությունները, թե մասնագիտական ֆեդերացիաները բազմիցս բողոքներ են ներկայացրել դեսպանատներ, ՀՀ արտաքին գործերի նախարարություն, նույնիսկ ՀՀ վարչապետին են նամակ գրել։Բարձր մակարդակով որևէ արձագանք մինչև այսօր չեն ստացել․ վերևներում վստահ են՝ գործընթացը նորմալ գնում է, խնդիր էլ չկա։Այն, որ քաղաքացիները և տուրիստական ընկերությունները վնասներ են կրում՝ չկարողանալով օրեր ամրագրել, թվում է, թե առանձնապես ոչ մեկին չի էլ անհանգստացնում։Ի դեպ, Sputnik Արմենիան իրավիճակի վերաբերյալ պաշտոնական հարցումներ է ուղարկել ՀՀ արտաքին գործերի նախարարություն, Հայաստանում Գերմանիայի, Իտալիայի, Լեհաստանի, Ֆրանսիայի դեսպանատներ։ Որևէ տեղից մինչ այս պահը պատասխան չի ստացվել։Հոկտեմբերից Երևանից նոր ավիաչվերթեր են գործարկվելու եվրոպական 8 ուղղություններով։ Դատելով ներկա իրավիճակից՝ տուրիստներն ու զբոսաշրջային ընկերությունները մտահոգված են՝ «Это все еще цветочки», վիճակն ավելի է վատթարանալու։

2025

Լուրեր

am_HY

վիզա, զբոսաշրջություն , զբոսաշրջիկ, դեսպանատուն, հայաստան, տուրիստական ընկերություն