https://arm.sputniknews.ru/20250528/irany-gvortsarqi-depqum-amerikjan-tesuchnerin-tujl-kta-mtnel-mijukajin-objektner-eslami-89456113.html
Իրանը գործարքի դեպքում ամերիկյան տեսուչներին թույլ կտա մտնել միջուկային օբյեկտներ. Էսլամի
Իրանը գործարքի դեպքում ամերիկյան տեսուչներին թույլ կտա մտնել միջուկային օբյեկտներ. Էսլամի
Sputnik Արմենիա
Թեհրանն ու Վաշինգտոնը Օմանի միջնորդությամբ իրանական միջուկային դոսյեի շուրջ անուղղակի բանակցությունների հինգ փուլ են անցկացրել։ 28.05.2025, Sputnik Արմենիա
2025-05-28T12:17+0400
2025-05-28T12:17+0400
2025-05-28T12:20+0400
իրանի իսլամական հանրապետություն
ամն
բանակցություն
միջուկային պայմանագիր
միջուկային վառելիք
համապարփակ և ընդլայնված գործընկերության համաձայնագիր (հըգհ)
մագատէ
https://cdn.am.sputniknews.ru/i/logo/logo-social.png
ԵՐԵՎԱՆ, 28 մայիսի - Sputnik. Իրանը ԱՄՆ-ի հետ գործարքի դեպքում պատրաստ է ՄԱԳԱՏԷ-ի կազմում ամերիկացի տեսուչներին թույլ տալ մուտք գործել իր միջուկային օբյեկտներ։ Այս մասին, ինչպես փոխանցում է ՌԻԱ Նովոստին, այսօր հայտարարել է Իրանի ատոմային էներգիայի կազմակերպության ղեկավար Մոհամմադ Էսլամին։Իրանն ու ԱՄՆ-ն Օմանի միջնորդությամբ իրանական միջուկային դոսյեի շուրջ անուղղակի բանակցությունների հինգ փուլ են անցկացրել: Դրանցից վերջինը տեղի է ունեցել մայիսի 23-ին Հռոմում։ Դրանից հետո Իրանի ԱԳ նախարար Աբբաս Արաղչին հայտարարել է Օմանի առաջարկած մեխանիզմների մասին, որոնք կարող են օգնել վերացնել բանակցություններում առաջընթացի հասնելու ճանապարհին առկա խոչընդոտները: Առաջընթացը, իրանցի նախարարի խոսքով, հնարավոր կլինի մեկ-երկու փուլից հետո։Իրանի ղեկավարը Օմանի միջնորդությամբ ԱՄՆ-ի հետ բանակցությունների լավ արդյունքի հույս ունիՄիևնույն ժամանակ, հինգերորդ փուլից առաջ սրվել են կողմերի հակասությունները։ Այսպես, ԱՄՆ-ն բանակցություններից առաջ Իրանից պահանջել է հրաժարվել ուրանի հարստացումից։ Իրանական կողմը մերժել է այդ պահանջը՝ նշելով, որ կողմերը չեն կարողանա պայմանավորվել, եթե ԱՄՆ-ն պնդի, որ Թեհրանը հրաժարվի հարստացման տեխնոլոգիայից:Ընդ որում, Իրանը հնարավոր է համարել ուրանի հարստացման մակարդակի նվազեցումը, ինչպես նաև խոսել է իր միջուկային գործունեության նկատմամբ ավելի մեծ վերահսկողություն թույլ տալու պատրաստակամության մասին, որպեսզի ցուցադրի իրանական միջուկային ծրագրի խաղաղ բնույթը:Օմանի ԱԳ նախարարը որոշակի առաջընթաց է արձանագրել ԱՄՆ-ի և Իրանի բանակցություններում
իրանի իսլամական հանրապետություն
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ամն, բանակցություն, միջուկային պայմանագիր, միջուկային վառելիք, համապարփակ և ընդլայնված գործընկերության համաձայնագիր (հըգհ), մագատէ
իրանի իսլամական հանրապետություն, ամն, բանակցություն, միջուկային պայմանագիր, միջուկային վառելիք, համապարփակ և ընդլայնված գործընկերության համաձայնագիր (հըգհ), մագատէ
Իրանը գործարքի դեպքում ամերիկյան տեսուչներին թույլ կտա մտնել միջուկային օբյեկտներ. Էսլամի
12:17 28.05.2025 (Թարմացված է: 12:20 28.05.2025) Թեհրանն ու Վաշինգտոնը Օմանի միջնորդությամբ իրանական միջուկային դոսյեի շուրջ անուղղակի բանակցությունների հինգ փուլ են անցկացրել։
ԵՐԵՎԱՆ, 28 մայիսի - Sputnik. Իրանը ԱՄՆ-ի հետ գործարքի դեպքում պատրաստ է ՄԱԳԱՏԷ-ի կազմում ամերիկացի տեսուչներին թույլ տալ մուտք գործել իր միջուկային օբյեկտներ։ Այս մասին, ինչպես փոխանցում է ՌԻԱ Նովոստին, այսօր հայտարարել է Իրանի ատոմային էներգիայի կազմակերպության ղեկավար Մոհամմադ Էսլամին։
«Մենք առ այսօր չենք ընդունել այն երկրների տեսուչներին, որոնց հետ հակամարտության մեջ ենք... Բայց եթե համաձայնություն ձեռք բերվի (ԱՄՆ–ի հետ – խմբ.), և հաշվի առնվեն Իրանի բոլոր պահանջներն ու ցանկությունները, ապա մենք պատրաստ ենք վերանայել ՄԱԳԱՏԷ-ի տեսուչների ընդունման հարցը», -լրագրողներին ասել է Էսլամին՝ պատասխանելով հարցին, թե կթույլատրվի՞, արդյոք, որ ԱՄՆ-ն իր տեսուչներին ուղարկի Իրանի միջուկային օբյեկտներ:
Իրանն ու ԱՄՆ-ն Օմանի միջնորդությամբ իրանական միջուկային դոսյեի շուրջ անուղղակի բանակցությունների հինգ փուլ են անցկացրել: Դրանցից վերջինը տեղի է ունեցել մայիսի 23-ին Հռոմում։ Դրանից հետո Իրանի ԱԳ նախարար Աբբաս Արաղչին հայտարարել է Օմանի առաջարկած մեխանիզմների մասին, որոնք կարող են օգնել վերացնել բանակցություններում առաջընթացի հասնելու ճանապարհին առկա խոչընդոտները: Առաջընթացը, իրանցի նախարարի խոսքով, հնարավոր կլինի մեկ-երկու փուլից հետո։
Միևնույն ժամանակ, հինգերորդ փուլից առաջ սրվել են կողմերի հակասությունները։ Այսպես, ԱՄՆ-ն բանակցություններից առաջ Իրանից պահանջել է հրաժարվել ուրանի հարստացումից։ Իրանական կողմը մերժել է այդ պահանջը՝ նշելով, որ կողմերը չեն կարողանա պայմանավորվել, եթե ԱՄՆ-ն պնդի, որ Թեհրանը հրաժարվի հարստացման տեխնոլոգիայից:
Ընդ որում, Իրանը հնարավոր է համարել ուրանի հարստացման մակարդակի նվազեցումը, ինչպես նաև խոսել է իր միջուկային գործունեության նկատմամբ ավելի մեծ վերահսկողություն թույլ տալու պատրաստակամության մասին, որպեսզի ցուցադրի իրանական միջուկային ծրագրի խաղաղ բնույթը:
