https://arm.sputniknews.ru/20250526/stvery-steghtsum-e-ishkhanutjuny-tntesagety-meknabanum-e-pek-nakhagahi-hajtararutjuny-89381369.html
Ստվերը ստեղծում է իշխանությունը. տնտեսագետը մեկնաբանում է ՊԵԿ նախագահի հայտարարությունը
Ստվերը ստեղծում է իշխանությունը. տնտեսագետը մեկնաբանում է ՊԵԿ նախագահի հայտարարությունը
Sputnik Արմենիա
Նաիրի Սարգսյանը պնդում է, որ պետությունն անհամադրելի հարկային դրույքաչափեր է կիրառում և սխալ ծախսային քաղաքականություն վարում։ 26.05.2025, Sputnik Արմենիա
2025-05-26T21:48+0400
2025-05-26T21:48+0400
2025-05-27T20:00+0400
հայաստան
տնտեսություն
էդուարդ հակոբյան
նաիրի սարգսյան
առևտուր
շինարարություն
https://cdn.am.sputniknews.ru/img/07e6/0a/1a/50438275_0:84:1600:984_1920x0_80_0_0_4674cb83046d677d14e8e24a9d96e6b3.jpg
ԵՐԵՎԱՆ, 26 մայիսի – Sputnik. ՀՀ–ում ստվերի կտրուկ աճին նպաստել են հենց իրենք՝ իշխանությունները։ Sputnik Արմենիայի հետ զրույցում այս տեսակետը հայտնեց «Հայաստանը ես եմ» նախաձեռնության ղեկավար, տնտեսագետ Նաիրի Սարգսյանը` մեկնաբանելով ՊԵԿ նախագահ Էդուարդ Հակոբյանի հրապարակած վերջին տվյալները։ՊԵԿ նախագահը մայիսի 23-ին հայտարարեց, որ 2025թ–ի հունվար-ապրիլին 2024 թ-ի նույն ժամանակահատվածի համեմատ ստվերային շրջանառությունը Հայաստանում աճել է 84 միլիարդ դրամով կամ 146 տոկոսով։ Դրա հետևանքով ՊԵԿ-ը թերհավաքագրել է 39 միլիարդ դրամ, ինչը 80 տոկոսով շատ է նախորդ տարվա նույն ժամանակահատվածի համեմատ։ՊԵԿ-ի իրականացրած ստուգումները ցույց են տվել, որ ամենաստվերային ոլորտներն են առևտուրը և շինարարությունը` ներառյալ շինանյութերի առևտուրը։Տնտեսագետը ոլորտային այս տարբերակումը մեկնաբանեց ՀՀ տնտեսության կառուցվածքի առանձնահատկություններով։ Ըստ նրա` վերջին 2 տարում կառուցապատման ծավալների աննախադեպ աճի պայմաններում շինարարության ոլորտում ցանկալի շահույթ ապահովելու համար շինարարական կազմակերպությունները ստվերային շրջանառության են գնացել` թաքցնելով իրական եկամուտներն ու արհեստականորեն ավելացնելով ծախսերը, այսինքն` ստվերային պայմանավորվածություններ ձեռք բերելով նաև շինանյութ վաճառողների ու վերավաճառողների հետ։Սարգսյանի խոսքով` նույնաբովանդակ գործընթաց է տեղի ունենում նաև առևտրի ոլորտում, որտեղ ստվերային շրջանառությունն ապահովելու ուղիներն ավելի բազմազան են ու դժվար բացահայտելի։Ինչ վերաբերում է տնտեսության հիմնական ճյուղին` արդյունաբերությանը, մասնագետը նշեց, որ այստեղ մինչև 2025թ–ը ստվերային շրջանառությունը շատ չնչին է եղել, քանի որ ոլորտի հիմնական աճն ապահովվել է հանքարդյունաբերության և հատկապես հանքանյութի արտահանման հաշվին, որտեղ ստվերը գրեթե բացառված է։ Իսկ սննդի, խմիչքի կամ ծխախոտի արդյունաբերությունն ու իրացումը վերահսկվել է ակցիզային հարկով կամ դրոշմավորումներով, ինչը ևս գրեթե բացառում էր ստվերի հնարավորությունը։«2025թ–ից իշխանությունը դրոշմապիտակները փոխարինեց QR կոդերով, որը չապահովեց թվային անվտանգություն և հանգեցրեց ստվերային շրջանառության աճի։ Խմիչք արտադրողներից ու վաճառողներից շատերը կարողանում են թվային տեխնոլոգիաներով կեղծել QR կոդերն ու վաճառք իրականացնել»,– վստահեցրեց Սարգսյանը։Անդրադառնալով ՊԵԿ-ի թերհավաքագրած 39 միլիարդ դրամին` տնտեսագետն ընդգծեց, որ պետական մարմինը բոլոր լծակներն ու ռեսուրսներն ունի ուսումնասիրելու ու պարզելու թերհավաքագրումների ծագումը։ Բայց քանի որ դա, ըստ տնտեսագետի, հետևանք է հենց ՊԵԿ–ի նախաձեռնած հարկային փոփոխությունների, մասնավորապես` ակցիզները QR կոդերով փոխարինելու, ապա պատասխանատու կառույցը բավարարվում է միայն փաստն արձանագրելով ու հետաքրքրված չէ պատճառները պարզելու հարցում։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, տնտեսություն, էդուարդ հակոբյան, նաիրի սարգսյան, առևտուր, շինարարություն
հայաստան, տնտեսություն, էդուարդ հակոբյան, նաիրի սարգսյան, առևտուր, շինարարություն
Ստվերը ստեղծում է իշխանությունը. տնտեսագետը մեկնաբանում է ՊԵԿ նախագահի հայտարարությունը
21:48 26.05.2025 (Թարմացված է: 20:00 27.05.2025) Նաիրի Սարգսյանը պնդում է, որ պետությունն անհամադրելի հարկային դրույքաչափեր է կիրառում և սխալ ծախսային քաղաքականություն վարում։
ԵՐԵՎԱՆ, 26 մայիսի – Sputnik. ՀՀ–ում ստվերի կտրուկ աճին նպաստել են հենց իրենք՝ իշխանությունները։
Sputnik Արմենիայի հետ զրույցում այս տեսակետը հայտնեց «Հայաստանը ես եմ» նախաձեռնության ղեկավար, տնտեսագետ Նաիրի Սարգսյանը` մեկնաբանելով ՊԵԿ նախագահ Էդուարդ Հակոբյանի հրապարակած վերջին տվյալները։
ՊԵԿ նախագահը մայիսի 23-ին
հայտարարեց, որ 2025թ–ի հունվար-ապրիլին 2024 թ-ի նույն ժամանակահատվածի համեմատ ստվերային շրջանառությունը Հայաստանում աճել է 84 միլիարդ դրամով կամ 146 տոկոսով։ Դրա հետևանքով ՊԵԿ-ը թերհավաքագրել է 39 միլիարդ դրամ, ինչը 80 տոկոսով շատ է նախորդ տարվա նույն ժամանակահատվածի համեմատ։
«ՀՀ–ում ստվերը ստեղծում է իշխանությունը։ Երբ անհամադրելի և անարդյունավետ հարկային դրույքաչափեր են կիրառվում, և զուգահեռ սխալ ծախսային բյուջետային քաղաքականություն է տարվում, յուրաքանչյուր հարկատու զգում է, որ իր վճարած հարկերը նպատակին չեն ծառայում։ Օրինակ` տեսնում է, որ ինքը աշխատավարձերի ու ծախսերի կրճատումներ է իրականացնում, որ կարողանա հարկերը վճարել, իսկ ԱԺ նախագահը 2024թ–ի արտադրության, մի քանի հարյուր հազար դոլար արժողությամբ տրանսպորտային միջոց է քշում, բնականաբար պետք է գնա ստվերային գործողությունների»,– ասաց Սարգսյանը։
ՊԵԿ-ի իրականացրած ստուգումները ցույց են տվել, որ ամենաստվերային ոլորտներն են առևտուրը և շինարարությունը` ներառյալ շինանյութերի առևտուրը։
Տնտեսագետը ոլորտային այս տարբերակումը մեկնաբանեց ՀՀ տնտեսության կառուցվածքի առանձնահատկություններով։ Ըստ նրա` վերջին 2 տարում կառուցապատման ծավալների աննախադեպ աճի պայմաններում շինարարության ոլորտում ցանկալի շահույթ ապահովելու համար շինարարական կազմակերպությունները ստվերային շրջանառության են գնացել` թաքցնելով իրական եկամուտներն ու արհեստականորեն ավելացնելով ծախսերը, այսինքն` ստվերային պայմանավորվածություններ ձեռք բերելով նաև շինանյութ վաճառողների ու վերավաճառողների հետ։
Սարգսյանի խոսքով` նույնաբովանդակ գործընթաց է տեղի ունենում նաև առևտրի ոլորտում, որտեղ ստվերային շրջանառությունն ապահովելու ուղիներն ավելի բազմազան են ու դժվար բացահայտելի։
Ինչ վերաբերում է տնտեսության հիմնական ճյուղին` արդյունաբերությանը, մասնագետը նշեց, որ այստեղ մինչև 2025թ–ը ստվերային շրջանառությունը շատ չնչին է եղել, քանի որ ոլորտի հիմնական աճն ապահովվել է հանքարդյունաբերության և հատկապես հանքանյութի արտահանման հաշվին, որտեղ ստվերը գրեթե բացառված է։ Իսկ սննդի, խմիչքի կամ ծխախոտի արդյունաբերությունն ու իրացումը վերահսկվել է ակցիզային հարկով կամ դրոշմավորումներով, ինչը ևս գրեթե բացառում էր ստվերի հնարավորությունը։
«2025թ–ից իշխանությունը դրոշմապիտակները փոխարինեց QR կոդերով, որը չապահովեց թվային անվտանգություն և հանգեցրեց ստվերային շրջանառության աճի։ Խմիչք արտադրողներից ու վաճառողներից շատերը կարողանում են թվային տեխնոլոգիաներով կեղծել QR կոդերն ու վաճառք իրականացնել»,– վստահեցրեց Սարգսյանը։
Անդրադառնալով ՊԵԿ-ի թերհավաքագրած 39 միլիարդ դրամին` տնտեսագետն ընդգծեց, որ պետական մարմինը բոլոր լծակներն ու ռեսուրսներն ունի ուսումնասիրելու ու պարզելու թերհավաքագրումների ծագումը։ Բայց քանի որ դա, ըստ տնտեսագետի, հետևանք է հենց ՊԵԿ–ի նախաձեռնած հարկային փոփոխությունների, մասնավորապես` ակցիզները QR կոդերով փոխարինելու, ապա պատասխանատու կառույցը բավարարվում է միայն փաստն արձանագրելով ու հետաքրքրված չէ պատճառները պարզելու հարցում։
