Ծաղկաձորում կվադրոցիկլի վթարից մահացածները շրջանավարտներ չեն. ոստիկանության հերքումը
16:44 24.05.2025 (Թարմացված է: 16:45 24.05.2025)
Բաժանորդագրվել
Դեպքը տեղի է ունեցել այսօր Ծաղկաձոր քաղաքի Վլադիմիր Հարությունյան փողոցում։
ԵՐԵՎԱՆ, 24 մայիսի – Sputnik. Ծաղկաձոր քաղաքում այսօր կվադրոցիկլի կողաշրջման հետևանքով մահացածները շրջանավարտներ չեն.վթարի զոհ են դարձել 2009 թվականին ծնված 2 աղջիկներ։ Տեղեկությունը հայտնում է ՀՀ ՆԳՆ ոստիկանությունը` հերքելով ԶԼՄ–ներով տարածված լուրը, թե մահացածները շրջանավարտներ են։
«Լրատվական կայքերից մեկում տեղեկություն էր տարածվել, թե մահացածները շրջանավարտներ են։ Տեղեկությունը չի համապատասխանում իրականությանը։ Բժշկական կենտրոն տեղափոխված չորս անձից երկուսը՝ 2009 թվականին ծնված աղջիկներ, մահացել են»,– նշված է ոստիկանության հաղորդագրության մեջ։
Հիշեցնենք` այսօր` ժամը 11:20–ի սահմաններում, Ծաղկաձորում կվադրոցիկլ է վթարի ենթարկվել, կա 2 զոհ, 2 տուժած։
ArmLur.am-ը գրել էր, որ մահացածները Երևանի թիվ 29 դպրոցի աշակերտներ են` 2007–2008 թթ. ծնված երկու աղջիկներ, որոնք երեկ տոնել են իրենց վերջին զանգը։
