https://arm.sputniknews.ru/20250522/5-tari-anc-evs-9-andz-e-dzerbakalvel-azh-i-ev-karavarutjan-shenqerum-ankargutjunneri-hamar-89239140.html
5 տարի անց ևս 9 անձ է ձերբակալվել ԱԺ-ի և կառավարության շենքերում անկարգությունների համար
5 տարի անց ևս 9 անձ է ձերբակալվել ԱԺ-ի և կառավարության շենքերում անկարգությունների համար
Sputnik Արմենիա
Միջնորդություններ են ներկայացվել դատարան՝ նրանց նկատմամբ կալանքը որպես խափանման միջոց կիրառելու վերաբերյալ։ 22.05.2025, Sputnik Արմենիա
2025-05-22T16:30+0400
2025-05-22T16:30+0400
2025-05-22T17:14+0400
եռակողմ հայտարարություն
երևան
հհ կառավարություն
բողոքի ակցիա
արարատ միրզոյան
https://cdn.am.sputniknews.ru/img/07e4/0b/0a/25250500_0:0:1587:892_1920x0_80_0_0_e4a0ac33376cb679af2ae3fb217f7de7.jpg
ԵՐԵՎԱՆ, 22 մայիսի – Sputnik․ ՀՀ կառավարության և Ազգային ժողովի վարչական շենքերում, նաև այլ վայրերում զանգվածային անկարգություններ կազմակերպելու, դրանց մասնակցելու համար ևս 9 անձ է ձերբակալվել։ Տեղեկությունը հայտնում է ՀՀ քննչական կոմիտեի մամուլի ծառայությունը։Խոսքը վերաբերում է 2020 թվականի նոյեմբերի 10-ի դեպքերին։Նոյեմբերի 9-ի լույս 10-ի գիշերը եռակողմ պայմանավորվածության մասին ՀՀ վարչապետ Նիկոլ Փաշինյանի հայտարարությունից հետո Երևանում բողոքի ակցիաներ սկսվեցին, ցուցարարները մտան կառավարության և ԱԺ–ի շենքեր։ ՔԿ-ից հայտնում են, որ նախաքննության ընթացքում պարզվել է զանգվածային անկարգություններին մասնակցած ևս 9 անձի ինքնությունը։ Նրանք, ՀՀ կառավարության շենքի մոտ հավաքված բազմաթիվ այլ անձանց հետ միասին, բռնի գործողություններով հաղթահարելով ոստիկանական պատնեշը, մոտեցել են կառավարության շենքի մուտքի դռանը, հարակից պատուհաններին, ոտքերով և ձեռքերով հարվածներ են հասցրել դրանց, նետել տարբեր առարկաներ, կոտրել մուտքի դռան և հարակից պատուհանների ապակիները, վնասելով բացել են մուտքի դուռը և մուտք գործել կառավարության շենք։ Ներսում շարունակել են զանգվածային անկարգությունները։Քննիչի միջնորդությամբ դատախազը որոշումներ է կայացրել 9 անձի նկատմամբ հարուցել հանրային քրեական հետապնդում՝ Քրեական օրենսգրքի 327-րդ հոդվածի 1-ին մասով (զանգվածային անկարգություններին մասնակցելը):9 անձինք հայտնաբերվել և ձերբակալվել են:Միջնորդություններ են ներկայացվել դատարան՝ նրանց կալանավորելու համար։Ձեռնարկվում են համալիր միջոցառումներ զանգվածային անկարգությունների մյուս մասնակիցների ինքնությունը պարզելու ուղղությամբ:Նախաքննությունը շարունակվում է։Հիշեցնենք` 2020–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին Արցախում ռազմական գործողությունների դադարեցման վերաբերյալ։Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եռակողմ հայտարարություն, երևան, հհ կառավարություն, բողոքի ակցիա, արարատ միրզոյան
եռակողմ հայտարարություն, երևան, հհ կառավարություն, բողոքի ակցիա, արարատ միրզոյան
5 տարի անց ևս 9 անձ է ձերբակալվել ԱԺ-ի և կառավարության շենքերում անկարգությունների համար
16:30 22.05.2025 (Թարմացված է: 17:14 22.05.2025) Միջնորդություններ են ներկայացվել դատարան՝ նրանց նկատմամբ կալանքը որպես խափանման միջոց կիրառելու վերաբերյալ։
ԵՐԵՎԱՆ, 22 մայիսի – Sputnik․ ՀՀ կառավարության և Ազգային ժողովի վարչական շենքերում, նաև այլ վայրերում զանգվածային անկարգություններ կազմակերպելու, դրանց մասնակցելու համար ևս 9 անձ է ձերբակալվել։ Տեղեկությունը հայտնում է
ՀՀ քննչական կոմիտեի մամուլի ծառայությունը։
Խոսքը վերաբերում է 2020 թվականի նոյեմբերի 10-ի դեպքերին։
Նոյեմբերի 9-ի լույս 10-ի գիշերը
եռակողմ պայմանավորվածության մասին ՀՀ վարչապետ Նիկոլ Փաշինյանի հայտարարությունից հետո Երևանում բողոքի ակցիաներ սկսվեցին, ցուցարարները մտան կառավարության և ԱԺ–ի շենքեր։
ՔԿ-ից հայտնում են, որ նախաքննության ընթացքում պարզվել է զանգվածային անկարգություններին մասնակցած ևս 9 անձի ինքնությունը։ Նրանք, ՀՀ կառավարության շենքի մոտ հավաքված բազմաթիվ այլ անձանց հետ միասին, բռնի գործողություններով հաղթահարելով ոստիկանական պատնեշը, մոտեցել են կառավարության շենքի մուտքի դռանը, հարակից պատուհաններին, ոտքերով և ձեռքերով հարվածներ են հասցրել դրանց, նետել տարբեր առարկաներ, կոտրել մուտքի դռան և հարակից պատուհանների ապակիները, վնասելով բացել են մուտքի դուռը և մուտք գործել կառավարության շենք։ Ներսում շարունակել են զանգվածային անկարգությունները։
«Նշված անձինք ինչպես առանձին, այնպես էլ միմյանց գործողությունները լրացնելով, ոտքերով հարվածելով կոտրել են ՀՀ կառավարության շենքի մի շարք դռներ, պոկելու եղանակով վնասել շենքի գույքը՝ այդ կերպ մասնակցելով ջարդելով, գույք ոչնչացնելով, վնասելով և բռնություն գործադրելով զուգորդված զանգվածային անկարգություններին»,- նշված է հաղորդագրության մեջ։
Քննիչի միջնորդությամբ դատախազը որոշումներ է կայացրել 9 անձի նկատմամբ հարուցել հանրային քրեական հետապնդում՝ Քրեական օրենսգրքի 327-րդ հոդվածի 1-ին մասով (զանգվածային անկարգություններին մասնակցելը):
9 անձինք հայտնաբերվել և ձերբակալվել են:
Միջնորդություններ են ներկայացվել դատարան՝ նրանց կալանավորելու համար։
Ձեռնարկվում են համալիր միջոցառումներ զանգվածային անկարգությունների մյուս մասնակիցների ինքնությունը պարզելու ուղղությամբ:
Նախաքննությունը շարունակվում է։
Հիշեցնենք` 2020–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ
հայտարարություն ընդունեցին Արցախում ռազմական գործողությունների դադարեցման վերաբերյալ։
Հայտարարության ստորագրումից հետո ՀՀ վարչապետ Նիկոլ Փաշինյանը
Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:
Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը
ծեծի ենթարկվեց, նրան տեղափոխեցին հիվանդանոց։
