https://arm.sputniknews.ru/20250513/nakhatesum-enq-40vov-pvokhhatucel-karktapashtpan-cancery-hh-bvolvor-hamajnqnerum-papvojan-88895421.html
Նախատեսում ենք 40%–ով փոխհատուցել կարկտապաշտպան ցանցերը ՀՀ բոլոր համայնքներում. Պապոյան
Նախատեսում ենք 40%–ով փոխհատուցել կարկտապաշտպան ցանցերը ՀՀ բոլոր համայնքներում. Պապոյան
Sputnik Արմենիա
ՀՀ էկոնոմիկայի նախարարը վստահեցրեց, որ բարելավելու են գործող ապահովագրական համակարգը, որպեսզի ապահովագրական ընկերությունների համար ռիսկերն էականորեն նվազեցնեն։ 13.05.2025, Sputnik Արմենիա
2025-05-13T17:04+0400
2025-05-13T17:04+0400
2025-05-13T17:05+0400
հայաստան
կարկուտ
ապահովագրություն
գևորգ պապոյան
https://cdn.am.sputniknews.ru/img/07e9/04/17/88123795_0:0:1000:563_1920x0_80_0_0_1884da2fecb4b43d4f1d25244bdf63c9.jpg
ԵՐԵՎԱՆ, 13 մայիսի – Sputnik. ՀՀ էկոնոմիկայի նախարարությունը կառավարությանն առաջարկել է երկրի բոլոր համայնքներում 40%–ով փոխհատուցել կարկտապաշտպան ցանցերի գումարը։ Այդ մասին այսօր Ազգային ժողովում տեղեկացրեց ՀՀ էկոնոմիկայի նախարար Գևորգ Պապոյանը` պատասխանելով «Հայաստան» խմբակցության պատգամավոր Արման Ղազարյանի հարցին։Ավելի վաղ հայտնել էինք, որ Արտաշատի կենտրոնական հատվածում մայիսի 5–ին տեղացած կարկուտը վնասներ է հասցրել ծիրանի և խաղողի այգիներին։ Երկու օր անց Պապոյանը ԱԺ–ում հայտնեց` համապատասխան հանձնաժողով է ստեղծվել, որն ուսումնասիրում է վնասների չափը, որոնք հիմնականում եղել են 7–8 գյուղում։ Պտղի մասով միջինում մինչև 30 տոկոս վնաս է եղել, բանջարեղենի դեպքում` 50–60 տոկոս։Արման Ղազարյանը հետարքրքվեց` նախարարությունը գնահատե՞լ է Արարատյան դաշտում տեղացած կարկուտի ֆինանսական վնասի չափը, և ի՞նչ է նախատեսվում անել կարկուտից տուժած ու իրենց բերքը չապահովագրած տնտեսվարողներին փոխհատուցելու համար։Պապոյանը նշեց, որ վնասների չափը դեռ ամփոփման փուլում է։ Այս պահին նախարարությունը մի նախագիծ է մշակել, որն այսօր կոմիտեների նիստում դրական եզրակացություն է ստացել, ու, ամենայն հավանականությամբ, ՀՀ կառավարության առաջիկա նիստում այն կընդունվի, որով նախատեսել են փոխհատուցում։Նա նաև տեղեկացրեց, որ ՀՀ վարչապետից կոնկրետ հանձնարարական ունեն` բարելավել գործող ապահովագրական համակարգը, և ապահովագրական ընկերությունների համար ռիսկերն էականորեն նվազեցնել կամ ռիսկեր չթողնել, որպեսզի նրանք կարողանան համարձակ ապահովագրություն իրականացնել։Պապոյանի խոսքով` այս փոփոխությունները շատ արագ պետք է անեն, որպեսզի այս տարվա ընթացքում արդեն իսկ հնարավոր լինի ապահովագրական պայմանագրերը նոր տրամաբանությամբ կնքել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կարկուտ, ապահովագրություն, գևորգ պապոյան
հայաստան, կարկուտ, ապահովագրություն, գևորգ պապոյան
Նախատեսում ենք 40%–ով փոխհատուցել կարկտապաշտպան ցանցերը ՀՀ բոլոր համայնքներում. Պապոյան
17:04 13.05.2025 (Թարմացված է: 17:05 13.05.2025) ՀՀ էկոնոմիկայի նախարարը վստահեցրեց, որ բարելավելու են գործող ապահովագրական համակարգը, որպեսզի ապահովագրական ընկերությունների համար ռիսկերն էականորեն նվազեցնեն։
ԵՐԵՎԱՆ, 13 մայիսի – Sputnik. ՀՀ էկոնոմիկայի նախարարությունը կառավարությանն առաջարկել է երկրի բոլոր համայնքներում 40%–ով փոխհատուցել կարկտապաշտպան ցանցերի գումարը։ Այդ մասին այսօր Ազգային ժողովում տեղեկացրեց ՀՀ էկոնոմիկայի նախարար Գևորգ Պապոյանը` պատասխանելով «Հայաստան» խմբակցության պատգամավոր Արման Ղազարյանի հարցին։
Ավելի վաղ
հայտնել էինք, որ Արտաշատի կենտրոնական հատվածում մայիսի 5–ին տեղացած կարկուտը վնասներ է հասցրել ծիրանի և խաղողի այգիներին։ Երկու օր անց Պապոյանը ԱԺ–ում
հայտնեց` համապատասխան հանձնաժողով է ստեղծվել, որն ուսումնասիրում է վնասների չափը, որոնք հիմնականում եղել են 7–8 գյուղում։ Պտղի մասով միջինում մինչև 30 տոկոս վնաս է եղել, բանջարեղենի դեպքում` 50–60 տոկոս։
Արման Ղազարյանը հետարքրքվեց` նախարարությունը գնահատե՞լ է Արարատյան դաշտում տեղացած կարկուտի ֆինանսական վնասի չափը, և ի՞նչ է նախատեսվում անել կարկուտից տուժած ու իրենց բերքը չապահովագրած տնտեսվարողներին փոխհատուցելու համար։
Պապոյանը նշեց, որ վնասների չափը դեռ ամփոփման փուլում է։ Այս պահին նախարարությունը մի նախագիծ է մշակել, որն այսօր կոմիտեների նիստում դրական եզրակացություն է ստացել, ու, ամենայն հավանականությամբ, ՀՀ կառավարության առաջիկա նիստում այն կընդունվի, որով նախատեսել են փոխհատուցում։
«Նախագծով առաջարկում ենք 40 տոկոս փոխհատուցում տրամադրել կարկտապաշտպան ցանցերի համար։ Եթե նախկինում մենք փոխհատուցում էինք միայն այն համայնքներին, որտեղ կարկուտի ռիսկը բավականին մեծ էր, ապա հիմա այն կտրամադրենք ՀՀ բոլոր համայնքներին, եթե տնտեսվարողներն իրենք տեղադրեն ցանցերը»,– հայտարարեց նախարարը։
Նա նաև տեղեկացրեց, որ ՀՀ վարչապետից կոնկրետ հանձնարարական ունեն` բարելավել գործող ապահովագրական համակարգը, և ապահովագրական ընկերությունների համար ռիսկերն էականորեն նվազեցնել կամ ռիսկեր չթողնել, որպեսզի նրանք կարողանան համարձակ ապահովագրություն իրականացնել։
Պապոյանի խոսքով` այս փոփոխությունները շատ արագ պետք է անեն, որպեսզի այս տարվա ընթացքում արդեն իսկ հնարավոր լինի ապահովագրական պայմանագրերը նոր տրամաբանությամբ կնքել։
