Երևանի որոշ հատվածներ հոսանքազրկվել են. ՀԷՑ–ի բրիգադներն աշխատում են արտակարգ ռեժիմով
20:13 13.05.2025 (Թարմացված է: 20:21 13.05.2025)
Բաժանորդագրվել
Հոսանքազրկվել են Էրեբունի և Կենտրոն վարչական շրջանների մի շարք փողոցներ։
ԵՐԵՎԱՆ, 13 մայիսի – Sputnik. Երևանի որոշ հատվածներ հոսանքազրկվել են էլեկտրահաղորդման բարձրավոլտ համակարգից առաջացած խնդրի հետևանքով։ Տեղեկությունը հայտնում է «Հայաստանի էլեկտրական ցանցեր» ընկերությունը։
«Այսօր՝ ժամը 17:15-ին, «Հայաստանի էլեկտրական ցանցեր» ընկերությանը չպատկանող էլեկտրահաղորդման բարձրավոլտ համակարգից առաջացած խնդրի հետևանքով հոսանքազրկվել են ընկերության սպասարկման ոլորտում գտնվող Երևան քաղաքի որոշ հատվածներ (Քրիստափորի, Տպագրիչների, Տոլստոյի փողոցներ, Տիգրան Մեծի պողոտա, Վարդաշենի, Վարդանանց, Վազգեն Սարգսյան, Սասունցի Դավթի, Սայաթ-Նովայի, Պուշկինի, Չարենցի, Վրացյան, Սոֆիայի փողոցներ և այլն) և 110 կՎ օդային գծեր («Վինիլ», «Կաուչուկ», «Հարավային», «Կենտրոնական 1» և «Կենտրոնական 2»)»,– ասված է հաղորդագրությունում:
Նշվում է, որ ՀԷՑ–ի վթարավերականգնողական բրիգադներն աշխատում են արտակարգ ռեժիմով՝ սեղմ ժամկետում բաժանորդներին այլընտրանքային սնուցմամբ ապահովելու համար:
