https://arm.sputniknews.ru/20250421/rublu-pvokharzheqy-grete-erku-tarva-yntacqum-arajin-angam-hatel-e-48-drami-sahmany-88061997.html
Ռուբլու փոխարժեքը գրեթե երկու տարվա ընթացքում առաջին անգամ հատել է 4,8 դրամի սահմանը
Ռուբլու փոխարժեքը գրեթե երկու տարվա ընթացքում առաջին անգամ հատել է 4,8 դրամի սահմանը
Sputnik Արմենիա
ԱՄՆ-ի հետ Ռուսաստանի հարաբերությունների ջերմացման և պատժամիջոցների մեղմացման սպասումների ֆոնին ռուբլին ամրապնդում է դիրքերը։ Բացի այդ, Վաշինգտոնի առևտրային... 21.04.2025, Sputnik Արմենիա
2025-04-21T19:33+0400
2025-04-21T19:33+0400
2025-04-21T19:33+0400
ռուբլի
դրամ
կենտրոնական բանկ (կբ)
https://cdn.am.sputniknews.ru/img/07e5/01/14/26160137_0:300:1600:1200_1920x0_80_0_0_bb1f5bf83f39b95d2c9f92b413a15ae5.jpg
ԵՐԵՎԱՆ, 21 ապրիլի - Sputnik. Հայաստանում ռուսական ռուբլու փոխարժեքը գրեթե երկու տարվա ընթացքում առաջին անգամ հատել է 4,8 դրամի սահմանը։ԿԲ տվյալների համաձայն, մեկ ռուբլու դիմաց փոխարժեքն այսօր առավոտյան կազմել է 4,8075 դրամ: Վերջին անգամ ռուբլին այս նիշից բարձր էր 2023 թվականի մայիսի 29-ին (4,82 դրամ)։Բայց այդ արտահոսքի ազդեցությունը Ռուսաստանը չի կրել, քանի որ ներդրումներն (հատկապես արևմտյան երկրներից) այնտեղ առանց այդ էլ հասցվել են նվազագույնի։ Պատճառներից է նաև Ռուսաստանի Կենտրոնական բանկի հիմնական տոկոսադրույքի աճը (2024 թվականի երկրորդ կեսին բանկն այն բարձրացրել է 16% -ից մինչև 21%)։Ըստ այդմ, աճել են վարկերի տոկոսադրույքները, նվազել է ներմուծվող ապրանքների (և, հետևաբար, դրանց գնման արժույթի) պահանջարկը։ Բացի այդ, ռուբլով խնայողությունների նկատմամբ աճել է հետաքրքրությունը (քանի որ բարձր առանցքային տոկոսադրույքը բարձրացում է ոչ միայն վարկերի, այլև ներդրումների տոկոսները):Նշենք, որ հայ արտահանողների համար ռուբլու ամրապնդումը, դրամի փոխանակման դեպքում, կարող է նշանակել եկամտի աճ (Ռուսաստանում պայմանական ապրանք վաճառելով 1000 ռուբլով, նախկին 4000-4100 դրամի փոխարեն այժմ գործարարը կստանա 4800 դրամ եկամուտ): Այս ֆինանսական բարձիկը նաև օգնում է մրցակցել ռուսական շուկայում՝ անհրաժեշտության դեպքում իջեցնելով գները: Ռուբլին արժևորվում է. ԿԲ նախագահը գիտի այդ «սենտիմենտի» պատճառներըՓոխարժեքի ամրապնդումը նաև կբարձրացնի Ռուսաստանից դրամական փոխանցումների գնողունակությունը։Նշենք, որ Հայաստանից Ռուսաստան արտահանումը 2024 թվականին աճել է 41,1%-ով՝ կազմելով 12,4 մլրդ դոլար: Ռուսաստանից Հայաստան դրամական փոխանցումների ծավալն աճել է 2,5%-ով՝ կազմելով 5,8 մլրդ դոլար: Երկու դեպքում էլ ծավալները 2021 թվականի համեմատ մնում են զգալիորեն ավելի բարձր, քանի որ ներառում են ապրանքների վերավաճառք և ռելոկանտների դրամական փոխանցումներ:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուբլի, դրամ, կենտրոնական բանկ (կբ)
ռուբլի, դրամ, կենտրոնական բանկ (կբ)
Ռուբլու փոխարժեքը գրեթե երկու տարվա ընթացքում առաջին անգամ հատել է 4,8 դրամի սահմանը
ԱՄՆ-ի հետ Ռուսաստանի հարաբերությունների ջերմացման և պատժամիջոցների մեղմացման սպասումների ֆոնին ռուբլին ամրապնդում է դիրքերը։ Բացի այդ, Վաշինգտոնի առևտրային պատերազմների ֆոնին Ռուսաստանը չի կրել զարգացող երկրներից կապիտալի արտահոսքի ազդեցությունը։
ԵՐԵՎԱՆ, 21 ապրիլի - Sputnik. Հայաստանում ռուսական ռուբլու փոխարժեքը գրեթե երկու տարվա ընթացքում առաջին անգամ հատել է 4,8 դրամի սահմանը։
ԿԲ տվյալների համաձայն, մեկ ռուբլու դիմաց փոխարժեքն այսօր առավոտյան կազմել է 4,8075 դրամ: Վերջին անգամ ռուբլին այս նիշից բարձր էր 2023 թվականի մայիսի 29-ին (4,82 դրամ)։
Նշենք, որ Bloomberg-ի տվյալներով՝ դոլարի նկատմամբ ռուբլին տարեսկզբից ամրապնդվել է 38 %-ով, ինչն ունի մի քանի պատճառ։ Դրանցից մեկը ԱՄՆ-ի հետ Ռուսաստանի հարաբերությունների ջերմացման և արևմտյան պատժամիջոցների մեղմացման ակնկալիքներն են։ Բացի այդ, ԱՄՆ նախագահ Դոնալդ Թրամփի վարչակազմի առևտրային պատերազմների ֆոնին ամբողջ աշխարհում ներդրողները զարգացող (համեմատաբար ավելի ռիսկային) երկրների ակտիվներից կապիտալ են դուրս բերում:
Բայց այդ արտահոսքի ազդեցությունը Ռուսաստանը չի կրել, քանի որ ներդրումներն (հատկապես արևմտյան երկրներից) այնտեղ առանց այդ էլ հասցվել են նվազագույնի։ Պատճառներից է նաև Ռուսաստանի Կենտրոնական բանկի հիմնական տոկոսադրույքի աճը (2024 թվականի երկրորդ կեսին բանկն այն բարձրացրել է 16% -ից մինչև 21%)։
Ըստ այդմ, աճել են վարկերի տոկոսադրույքները, նվազել է ներմուծվող ապրանքների (և, հետևաբար, դրանց գնման արժույթի) պահանջարկը։ Բացի այդ, ռուբլով խնայողությունների նկատմամբ աճել է հետաքրքրությունը (քանի որ բարձր առանցքային տոկոսադրույքը բարձրացում է ոչ միայն վարկերի, այլև ներդրումների տոկոսները):
Նշենք, որ հայ արտահանողների համար ռուբլու ամրապնդումը, դրամի փոխանակման դեպքում, կարող է նշանակել եկամտի աճ (Ռուսաստանում պայմանական ապրանք վաճառելով 1000 ռուբլով, նախկին 4000-4100 դրամի փոխարեն այժմ գործարարը կստանա 4800 դրամ եկամուտ): Այս ֆինանսական բարձիկը նաև օգնում է մրցակցել ռուսական շուկայում՝ անհրաժեշտության դեպքում իջեցնելով գները:
Փոխարժեքի ամրապնդումը նաև կբարձրացնի Ռուսաստանից դրամական փոխանցումների գնողունակությունը։
Նշենք, որ Հայաստանից Ռուսաստան արտահանումը 2024 թվականին աճել է 41,1%-ով՝ կազմելով 12,4 մլրդ դոլար: Ռուսաստանից Հայաստան դրամական փոխանցումների ծավալն աճել է 2,5%-ով՝ կազմելով 5,8 մլրդ դոլար: Երկու դեպքում էլ ծավալները 2021 թվականի համեմատ մնում են զգալիորեն ավելի բարձր, քանի որ ներառում են ապրանքների վերավաճառք և ռելոկանտների դրամական փոխանցումներ:
