https://arm.sputniknews.ru/20250412/vor-hajern-en-avand-unecel-tiezerqi-juracman-gvortsum-87757511.html
Ո՞ր հայերն են ավանդ ունեցել տիեզերքի յուրացման գործում
Ո՞ր հայերն են ավանդ ունեցել տիեզերքի յուրացման գործում
Sputnik Արմենիա
Մարդու առաջին թռիչքը տիեզերք, որը տեղի ունեցավ 1961 թվականի ապրիլի 12-ին Խորհրդային Միությունում, նշանակալից իրադարձություն էր մարդկության պատմության մեջ: 12.04.2025, Sputnik Արմենիա
2025-04-12T19:25+0400
2025-04-12T19:25+0400
2025-04-12T19:40+0400
տիեզերք
տիեզերագնաց
տիեզերակայան
յուրի գագարին
https://cdn.am.sputniknews.ru/img/192/77/1927784_0:522:1481:1355_1920x0_80_0_0_1d378af0c394b10e3ffb9d3713a35ffa.jpg
ԵՐԵՎԱՆ, 12 ապրիլի - Sputnik. Հայաստանը, ինչպես խորհրդային մյուս հանրապետությունները, մեծ ջանքեր է գործադրել տիեզերքի զարգացման և յուրացման գործում։ Տիեզերագնացության օրը Ռուսական տունը ներկայացրել է խորհրդային տիեզերական ծրագրին հայերի մասնակցությունը:Մասնավորապես, զգալի ներդրում է ունեցել ինժեներ-կոնստրուկտոր Պավել Աղաջանովը։ Նա Երկրի առաջին արհեստական արբանյակի, կրող և միջմայրցամաքային բալիստիկ հրթիռների ստեղծման գլխավոր մասնագետն էր։ Առաջին արբանյակն ու Յուրի Գագարինին տիեզերք արձակելիս օգտագործվել է նրա հրամանատարահաշվողական համալիրը։Ինժեներ-կոնստրուկտոր Ալեքսանդր Քեմուրջիյանն իր հերթին մետաղական շասսի է մշակել պատմության մեջ առաջին մոլորակագնացի՝ «Լունոխոդ-1»-ի համար:«Պլեսեցկ» տիեզերակայանից իրականացվել է «Անգարա-1.2» հրթիռակրի հաջող արձակումըՏիեզերական կենսաբանության և բժշկության հիմնադիրներից էր Նորայր Սիսակյանը։ Հետագայում նա դարձել է Տիեզերագնացության միջազգային ակադեմիայի փոխնախագահ։ Ղեկավարել է մարդուն տիեզերական թռիչքի նախապատրաստող ծրագրի մշակումը (թեկնածուների ընտրություն, կենսապահովման համակարգեր, բժշկական հսկողություն, անվտանգություն, վերադառնալ երկիր և թռիչքից հետո առողջության ուսումնասիրություն):Գառնիի տիեզերական աստղագիտության ինստիտուտի հիմնադիր Գրիգոր Գուրզադյանն իր ավանդն է ունեցել «Օրիոն» աստղադիտակների ստեղծման գործում: Դրանցից առաջինը՝ «Օրիոն-1»-ը, 1971 թվականին տեղադրվել է «Սալյուտ» տիեզերակայանում։Անդրանիկ Իոսիֆյանը մասնակցել է հրթիռա-տիեզերական տեխնիկայի՝ հրթիռների, արբանյակների և տիեզերանավերի էլեկտրամեխանիկական սարքերի ստեղծմանը։ Նրա ղեկավարությամբ մշակվել և գործարկվել է «Օմեգա» արբանյակը։Հայաստանը պետք է հետ չմնա աստղագիտության ոլորտում. Բյուրականի աստղադիտարանի ղեկավարՀայտնի է նաև տիեզերագնաց-փորձարկող Վլադիմիր Գևորգյանը, որը 1977 թվականին ընդգրկվել է ԽՍՀՄ պաշտպանության նախարարության «Ալմազ» ուղեծրային կայանում թռիչքների նախապատրաստման ծրագրում։ Ծրագիրը, սակայն, փակվել է 1978 թվականին։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տիեզերք, տիեզերագնաց, տիեզերակայան, յուրի գագարին
տիեզերք, տիեզերագնաց, տիեզերակայան, յուրի գագարին
Ո՞ր հայերն են ավանդ ունեցել տիեզերքի յուրացման գործում
19:25 12.04.2025 (Թարմացված է: 19:40 12.04.2025) Մարդու առաջին թռիչքը տիեզերք, որը տեղի ունեցավ 1961 թվականի ապրիլի 12-ին Խորհրդային Միությունում, նշանակալից իրադարձություն էր մարդկության պատմության մեջ:
ԵՐԵՎԱՆ, 12 ապրիլի - Sputnik. Հայաստանը, ինչպես խորհրդային մյուս հանրապետությունները, մեծ ջանքեր է գործադրել տիեզերքի զարգացման և յուրացման գործում։ Տիեզերագնացության օրը
Ռուսական տունը ներկայացրել է խորհրդային տիեզերական ծրագրին հայերի մասնակցությունը:
«Խորհրդային շրջանում հայ գիտնականներն ու ինժեներները կարևոր ներդրում են ունեցել տիեզերական ոլորտի զարգացման գործում։ Աշխատանքների գաղտնիության և կոլեկտիվ բնույթի պատճառով նրանցից շատերը ստվերում են մնացել», - ասվում է հրապարակման մեջ։
Մասնավորապես, զգալի ներդրում է ունեցել ինժեներ-կոնստրուկտոր Պավել Աղաջանովը։ Նա Երկրի առաջին արհեստական արբանյակի, կրող և միջմայրցամաքային բալիստիկ հրթիռների ստեղծման գլխավոր մասնագետն էր։ Առաջին արբանյակն ու Յուրի Գագարինին տիեզերք արձակելիս օգտագործվել է նրա հրամանատարահաշվողական համալիրը։
Ինժեներ-կոնստրուկտոր Ալեքսանդր Քեմուրջիյանն իր հերթին մետաղական շասսի է մշակել պատմության մեջ առաջին մոլորակագնացի՝ «Լունոխոդ-1»-ի համար:
Տիեզերական կենսաբանության և բժշկության հիմնադիրներից էր Նորայր Սիսակյանը։ Հետագայում նա դարձել է Տիեզերագնացության միջազգային ակադեմիայի փոխնախագահ։ Ղեկավարել է մարդուն տիեզերական թռիչքի նախապատրաստող ծրագրի մշակումը (թեկնածուների ընտրություն, կենսապահովման համակարգեր, բժշկական հսկողություն, անվտանգություն, վերադառնալ երկիր և թռիչքից հետո առողջության ուսումնասիրություն):
Գառնիի տիեզերական աստղագիտության ինստիտուտի հիմնադիր Գրիգոր Գուրզադյանն իր ավանդն է ունեցել «Օրիոն» աստղադիտակների ստեղծման գործում: Դրանցից առաջինը՝ «Օրիոն-1»-ը, 1971 թվականին տեղադրվել է «Սալյուտ» տիեզերակայանում։
Անդրանիկ Իոսիֆյանը մասնակցել է հրթիռա-տիեզերական տեխնիկայի՝ հրթիռների, արբանյակների և տիեզերանավերի էլեկտրամեխանիկական սարքերի ստեղծմանը։ Նրա ղեկավարությամբ մշակվել և գործարկվել է «Օմեգա» արբանյակը։
Հայտնի է նաև տիեզերագնաց-փորձարկող Վլադիմիր Գևորգյանը, որը 1977 թվականին ընդգրկվել է ԽՍՀՄ պաշտպանության նախարարության «Ալմազ» ուղեծրային կայանում թռիչքների նախապատրաստման ծրագրում։ Ծրագիրը, սակայն, փակվել է 1978 թվականին։
