https://arm.sputniknews.ru/20250330/ajkidvoji-sensej-81-amja-papiky-bardzrakrunknervov-80-amja-tatikn-u-fitnesi-marzumnery-87133449.html
Այկիդոյի սենսեյ 81-ամյա պապիկը, բարձրակրունկներով 80-ամյա տատիկն ու ֆիտնեսի մարզումները
Այկիդոյի սենսեյ 81-ամյա պապիկը, բարձրակրունկներով 80-ամյա տատիկն ու ֆիտնեսի մարզումները
Sputnik Արմենիա
Արդեն մի քանի ամիս է՝ «Նորք» շուրջօրյա խնամքի կենտրոնի մի քանի շահառու տատիկ-պապիկներ մարզասրահ են այցելում։ Sputnik Արմենիան զրուցել է նրանց հետ։ 30.03.2025, Sputnik Արմենիա
2025-03-30T18:35+0400
2025-03-30T18:35+0400
2025-04-03T21:10+0400
հայաստան
նորքի տուն-ինտերնատ
տատիկ
պապիկ
ֆիտնես
մարզասրահ
հեղինակներ
https://cdn.am.sputniknews.ru/img/07e9/03/19/87148334_0:0:1601:901_1920x0_80_0_0_f9692c9dfb6a0ac934818b86da7da854.jpg.webp
Այն, որ կյանքի 8-րդ տասնամյակում կարելի է նոր բան փորձել, այն էլ՝ սպորտ, մի քիչ անհավանական է թվում, բայց իրական է։ 80-ամյա Ռոզա տատը, որն արդեն շուրջ 11 տարի է՝ «Նորք» շուրջօրյա խնամքի կենտրոնում է ապրում (նախկին ծերանոց. խմբ․) և նախկինում երբեք սպորտով չի զբաղվել, շաբաթական երկու անգամ մարզասրահ է այցելում։Ասում է՝ ժամանակին ընկերները խորհուրդ էին տալիս մեջքի կորությունը շտկելու համար մարզասրահ այցելել, ինքն էլ ընդդիմանում էր։«Միշտ ասում էի՝ չէ՛, ես չեմ կարող գնալ, ամաչում եմ ծռմռվել տղամարդկանց ներկայությամբ»,- ասում է Ռոզա Սարգսյանը։Բարձրակրունկ կոշիկների հավաքածուով ոճային տատիկը սեփական ընտանիք չի կազմել, ավելի քան կես դար ապրել է եղբոր ընտանիքի հետ։ Տունը կորցրին, եղբայրը մահացավ, նա էլ որոշեց այստեղ ապրել։Ասում է՝ երջանիկ է, որ գլխին տանիք ունի, բայց զբաղմունքի, օրը հետաքրքիր ու տարբերվող դարձնող ժամանցի կարիք էլ կա։ Թեպետ տարբեր ծրագրեր կան, բայց նորություններն ուրախությամբ են ընդունում։ Այդպիսի նորություն դարձավ ֆիտնեսը, որն առհասարակ նորություն էր Ռոզա տատիկի կյանքում։ Ծիծաղում է՝ 2 կգ բարձրացնելն իր համար արդեն չտեսնված մի բան էր, ո՜ւր մնաց մարզվելը։«Իմ կյանքն աշխատանքն է եղել։ Մի անգամ ուզում էի ջրով դույլը բարձրացնել, դնել գազի վրա, եղբորս տղան ասաց՝ հորքուր, սպասի, դու չես կարա, մամային կանչեմ։ Գիտեին, որ ես չեմ կարող նման բաներ անել։ Իսկ հիմա մարզասրահ գնալը տոն է մեզ համար, էդ օրերին անհամբեր սպասում ենք, թե երբ է մեր գնալու ժամը գալու»,- ասում է Ռոզա տատը։Հիմա ոչ միայն հաճույքով, այլև պատասխանատվությամբ է մարզումների գնում, առավելագույնն անում, որ վարժությունները լավ ստացվեն։81-ամյա Սևան Շեմսյանի ամբողջ կյանքն էլ սպորտի հետ է կապված եղել։ Ընտանիքը Եգիպտոսից հայրենադարձվել է 1940-ականներին, Խորհրդային Հայաստանում տարատեսակ մարզաձևերով է զբաղվել՝ բռնցքամարտ, արևելյան մարտարվեստներ, ասում է՝ այկիդոյի սենսեյ է։«Էստեղ էլ ամեն օր բակում մարզվել եմ։ 5-6 վարժություն ունեմ, որ ամբողջ կյանքում անում եմ։ Իմ առողջության համար եմ անում»,- ասում է պապիկը, որը ոչ միայն ակտիվ հետևում է առողջ ապրելակերպին, այլև երիտասարդական ավյունն էլ չի կորցրել։ Անգամ 2 տարի առաջ կարողացել է նվաճել կենտրոնի շահառուներից Ռայա տատիկի սիրտը, և ընտանիք են կազմել։Սևան պապն ու Ռայա տատը զրույցի ընթացքում շտապում են մեկը մյուսին գովել՝ տատը հիացած է Սևան պապի հայրենասիրությամբ, պապն էլ՝ Ռայա տատի տաղանդով․ կոմպոզիտոր է, 2 հարյուրից ավելի երաժշտական ստեղծագործություններ է հեղինակել։«Ինքը իմ տաղանդավոր տիկինն է»,- ասում է Սևան պապը։«Հայասեր է»,- հպարտությամբ ամուսնու կողմն է նայում Ռայա տատը։Վերջին 2 տարիներին գրեթե անբաժան են, միայն թե մարզասրահ գնալու ճանապարհին կինն ամուսնուն չի ուղեկցում, թեպետ ժամանակին բասկետբոլով է զբաղվել, բայց հիմա սպորտը չի ձգում։ Խնամքով դասավորում է ամուսնու սպորտային հագուստները, տեղավորում պայուսակում և շաբաթական 2 անգամ 1 ժամով ճանապարհ դնում։44–օրյայի զինհաշմանդամ Անդրանիկը ձևափոխել է մեքենան ու հարմարեցրել ձեռքով վարելուն74-ամյա Սվետլանա Մինասյանն ամբողջ կյանքում հաշվապահությամբ է զբաղվել, ասում է՝ վերջին մարզումը դպրոցում էր՝ ֆիզկուլտուրայի դասին։«Բժշկուհին եկավ, առաջարկեց գնալ ֆիտնեսի։ Զարմացանք, բայց մեկ էլ հայտնվեցինք ֆիտնեսում։ Որ մի երկու պարապմունք բաց եմ թողնում, հետո գնում եմ, թև ու ոտք բռնվում է, հետո էլի անցնում»,- ասում է տիկին Սվետան։Տատիկ-պապիկների ֆիտնեսի հաճախելու գաղափարի հեղինակը ֆիտնես-մարզիչ Վլադ Խառատյանն է։ Առաջարկեց շաբաթական 2 անգամ իր մարզասրահում հյուրընկալել «Նորք» շուրջօրյա խնամքի կենտրոնի շահառուներին՝ նրանց համար և՛ հետաքրքիր ժամանց ապահովելով, և՛ առողջ ապրելակերպ։«Տարեցների հետ աշխատելը շատ հետաքրքիր է, նրանց հետ՝ շատ հաճելի։ Նաև ուրախանում ենք, երբ կարողանում ենք օգնել նրանց առողջությանը։ Տարեցների մոտ ողնաշարի, հոդերի ցավերը շատ ակտուալ են, մարզումների միջոցով կարողանում են ուժեղացնել մկանախմբերը, թեթևացնել, որոշ դեպքերում էլ անցկացնել ցավերը»,- ասում է Վլադը։Նա հուսով է, որ ծրագիրը կընդարձակվի, սպորտի հաճախելու գաղափարը վարակիչ կդառնա, ֆիտնեսով զբաղվող տատիկ-պապիկների թիվը կբազմապատկվի։Դժվար էր, որ մաման էր լացում. քաղցկեղը հաղթահարած երեխան և հիվանդության դեմ պայքարը ՀՀ–ում
Sputnik Արմենիա
media@sputniknews.com
+74956456601
MIA „Rossiya Segodnya“
2025
Մարիաննա Փայտյան
https://cdn.am.sputniknews.ru/img/07e8/0c/11/84034826_0:0:1362:1362_100x100_80_0_0_0b2d52a8945e2a5af21505c1f7ceb190.jpg.webp
Մարիաննա Փայտյան
https://cdn.am.sputniknews.ru/img/07e8/0c/11/84034826_0:0:1362:1362_100x100_80_0_0_0b2d52a8945e2a5af21505c1f7ceb190.jpg.webp
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Մարիաննա Փայտյան
https://cdn.am.sputniknews.ru/img/07e8/0c/11/84034826_0:0:1362:1362_100x100_80_0_0_0b2d52a8945e2a5af21505c1f7ceb190.jpg.webp
հայաստան, նորքի տուն-ինտերնատ, տատիկ, պապիկ, ֆիտնես, մարզասրահ, հեղինակներ
հայաստան, նորքի տուն-ինտերնատ, տատիկ, պապիկ, ֆիտնես, մարզասրահ, հեղինակներ
Այկիդոյի սենսեյ 81-ամյա պապիկը, բարձրակրունկներով 80-ամյա տատիկն ու ֆիտնեսի մարզումները
18:35 30.03.2025 (Թարմացված է: 21:10 03.04.2025) Արդեն մի քանի ամիս է՝ «Նորք» շուրջօրյա խնամքի կենտրոնի մի քանի շահառու տատիկ-պապիկներ մարզասրահ են այցելում։ Sputnik Արմենիան զրուցել է նրանց հետ։
Այն, որ կյանքի 8-րդ տասնամյակում կարելի է նոր բան փորձել, այն էլ՝ սպորտ, մի քիչ անհավանական է թվում, բայց իրական է։ 80-ամյա Ռոզա տատը, որն արդեն շուրջ 11 տարի է՝ «Նորք» շուրջօրյա խնամքի կենտրոնում է ապրում (նախկին ծերանոց. խմբ․) և նախկինում երբեք սպորտով չի զբաղվել, շաբաթական երկու անգամ մարզասրահ է այցելում։
Ասում է՝ ժամանակին ընկերները խորհուրդ էին տալիս մեջքի կորությունը շտկելու համար մարզասրահ այցելել, ինքն էլ ընդդիմանում էր։
«Միշտ ասում էի՝ չէ՛, ես չեմ կարող գնալ, ամաչում եմ ծռմռվել տղամարդկանց ներկայությամբ»,- ասում է Ռոզա Սարգսյանը։
Բարձրակրունկ կոշիկների հավաքածուով ոճային տատիկը սեփական ընտանիք չի կազմել, ավելի քան կես դար ապրել է եղբոր ընտանիքի հետ։ Տունը կորցրին, եղբայրը մահացավ, նա էլ որոշեց այստեղ ապրել։
Ասում է՝ երջանիկ է, որ գլխին տանիք ունի, բայց զբաղմունքի, օրը հետաքրքիր ու տարբերվող դարձնող ժամանցի կարիք էլ կա։ Թեպետ տարբեր ծրագրեր կան, բայց նորություններն ուրախությամբ են ընդունում։ Այդպիսի նորություն դարձավ ֆիտնեսը, որն առհասարակ նորություն էր Ռոզա տատիկի կյանքում։ Ծիծաղում է՝ 2 կգ բարձրացնելն իր համար արդեն չտեսնված մի բան էր, ո՜ւր մնաց մարզվելը։
«Իմ կյանքն աշխատանքն է եղել։ Մի անգամ ուզում էի ջրով դույլը բարձրացնել, դնել գազի վրա, եղբորս տղան ասաց՝ հորքուր, սպասի, դու չես կարա, մամային կանչեմ։ Գիտեին, որ ես չեմ կարող նման բաներ անել։ Իսկ հիմա մարզասրահ գնալը տոն է մեզ համար, էդ օրերին անհամբեր սպասում ենք, թե երբ է մեր գնալու ժամը գալու»,- ասում է Ռոզա տատը։
Հիմա ոչ միայն հաճույքով, այլև պատասխանատվությամբ է մարզումների գնում, առավելագույնն անում, որ վարժությունները լավ ստացվեն։
81-ամյա Սևան Շեմսյանի ամբողջ կյանքն էլ սպորտի հետ է կապված եղել։ Ընտանիքը Եգիպտոսից հայրենադարձվել է 1940-ականներին, Խորհրդային Հայաստանում տարատեսակ մարզաձևերով է զբաղվել՝ բռնցքամարտ, արևելյան մարտարվեստներ, ասում է՝ այկիդոյի սենսեյ է։
«Էստեղ էլ ամեն օր բակում մարզվել եմ։ 5-6 վարժություն ունեմ, որ ամբողջ կյանքում անում եմ։ Իմ առողջության համար եմ անում»,- ասում է պապիկը, որը ոչ միայն ակտիվ հետևում է առողջ ապրելակերպին, այլև երիտասարդական ավյունն էլ չի կորցրել։ Անգամ 2 տարի առաջ կարողացել է նվաճել կենտրոնի շահառուներից Ռայա տատիկի սիրտը, և ընտանիք են կազմել։
Սևան պապն ու Ռայա տատը զրույցի ընթացքում շտապում են մեկը մյուսին գովել՝ տատը հիացած է Սևան պապի հայրենասիրությամբ, պապն էլ՝ Ռայա տատի տաղանդով․ կոմպոզիտոր է, 2 հարյուրից ավելի երաժշտական ստեղծագործություններ է հեղինակել։
«Ինքը իմ տաղանդավոր տիկինն է»,- ասում է Սևան պապը։
«Հայասեր է»,- հպարտությամբ ամուսնու կողմն է նայում Ռայա տատը։
Վերջին 2 տարիներին գրեթե անբաժան են, միայն թե մարզասրահ գնալու ճանապարհին կինն ամուսնուն չի ուղեկցում, թեպետ ժամանակին բասկետբոլով է զբաղվել, բայց հիմա սպորտը չի ձգում։ Խնամքով դասավորում է ամուսնու սպորտային հագուստները, տեղավորում պայուսակում և շաբաթական 2 անգամ 1 ժամով ճանապարհ դնում։
74-ամյա Սվետլանա Մինասյանն ամբողջ կյանքում հաշվապահությամբ է զբաղվել, ասում է՝ վերջին մարզումը դպրոցում էր՝ ֆիզկուլտուրայի դասին։
«Բժշկուհին եկավ, առաջարկեց գնալ ֆիտնեսի։ Զարմացանք, բայց մեկ էլ հայտնվեցինք ֆիտնեսում։ Որ մի երկու պարապմունք բաց եմ թողնում, հետո գնում եմ, թև ու ոտք բռնվում է, հետո էլի անցնում»,- ասում է տիկին Սվետան։
Տատիկ-պապիկների ֆիտնեսի հաճախելու գաղափարի հեղինակը ֆիտնես-մարզիչ Վլադ Խառատյանն է։ Առաջարկեց շաբաթական 2 անգամ իր մարզասրահում հյուրընկալել «Նորք» շուրջօրյա խնամքի կենտրոնի շահառուներին՝ նրանց համար և՛ հետաքրքիր ժամանց ապահովելով, և՛ առողջ ապրելակերպ։
«Տարեցների հետ աշխատելը շատ հետաքրքիր է, նրանց հետ՝ շատ հաճելի։ Նաև ուրախանում ենք, երբ կարողանում ենք օգնել նրանց առողջությանը։ Տարեցների մոտ ողնաշարի, հոդերի ցավերը շատ ակտուալ են, մարզումների միջոցով կարողանում են ուժեղացնել մկանախմբերը, թեթևացնել, որոշ դեպքերում էլ անցկացնել ցավերը»,- ասում է Վլադը։
Նա հուսով է, որ ծրագիրը կընդարձակվի, սպորտի հաճախելու գաղափարը վարակիչ կդառնա, ֆիտնեսով զբաղվող տատիկ-պապիկների թիվը կբազմապատկվի։
