https://arm.sputniknews.ru/20250328/rd-pnn-patmel-e-mets-hajrenakani-hervos-khachatur-meliqjani-skhranqi-masin-87249797.html
ՌԴ ՊՆ–ն պատմել է Մեծ Հայրենականի հերոս Խաչատուր Մելիքյանի սխրանքի մասին
ՌԴ ՊՆ–ն պատմել է Մեծ Հայրենականի հերոս Խաչատուր Մելիքյանի սխրանքի մասին
Sputnik Արմենիա
1942 թվականի հունվարին Կուրսկ-Օբոյանի գործողության ընթացքում Մելիքյանի գումարտակն արշավել է գերմանական թիկունքի խորքերով և առաջինն է դուրս եկել Օբոյան քաղաքի... 28.03.2025, Sputnik Արմենիա
2025-03-28T13:24+0400
2025-03-28T13:24+0400
2025-03-28T14:15+0400
հայրենական մեծ պատերազմ
հայրենական մեծ պատերազմի վետերան
մեդալ
խաչատուր մելիքյան
https://cdn.am.sputniknews.ru/img/07e8/01/1b/71593650_0:210:2894:1838_1920x0_80_0_0_884bed6f8d70676b79aa30ce19ba541a.jpg.webp
ԵՐԵՎԱՆ, 28 մարտի – Sputnik. Ռուսաստանի պաշտպանության նախարարությունը ներկայացրել է նոր մուլտիմեդիա նախագիծ՝ նվիրված Հայրենական մեծ պատերազմի տարբեր ազգությունների մասնակիցներին, որոնք արժանացել են Խորհրդային Միության հերոսի կոչման: Հերոսների թվում է 227-րդ հրաձգային դիվիզիայի 777-րդ հրաձգային գնդի գումարտակի հրամանատար Խաչատուր Բեգլարի Մելիքյանը:Պատերազմի առաջին իսկ օրերից նա կռվել է Խորհրդային Միության արևմտյան սահմաններին։ Արդեն 1941-ի հունիսին նրա ստորաբաժանումը կռվի մեջ է մտել՝ առաջին խոչընդոտներից մեկը դառնալով հարձակվող ֆաշիստական բանակի ճանապարհին: Նիժնյաա Սիրովատկա (Սումիի մարզ) գյուղի մոտ մղված մարտում Մելիքյանն իրեն դրսևորել է որպես վճռական և խիզախ հրամանատար. նրա գումարտակը երկու օր շարունակ պահել է բնակավայրի մի մասը՝ հետ մղելով թշնամու չորս հակագրոհները, չնայած հակառակորդի թվային և տեխնիկական գերազանցությանը:ՀՀ–ում նախատեսում են Հայրենական մեծ պատերազմին նվիրված ավելի քան 900 հուշարձան վերականգնելՀրամանատարությունը Մելիքյանին էր հանձնարարել առանցքային գործողությունը՝ թշնամու պրոխորովյան խմբավորման ջախջախումը։ 1941 թվականի դեկտեմբերի 8-ի գիշերը նա գլխավորել է այդ համարձակ արշավը. նրա հրամանատարության տակ գտնվող մարտիկները հանկարծակի ներխուժել են Պրոխորովկա գյուղ և գրավել դրա հյուսիսարևելյան ծայրամասը։ Ինչպես նշում է ՌԴ ՊՆ-ն, գործողության ընթացքում ոչնչացվել է հակառակորդի 16 կրակակետ, իսկ մերձամարտում, հետևելով իրենց անվախ հրամանատարի օրինակին, մարտիկները ոչնչացրել են մոտ 150 ֆաշիստ զինվորների և սպաների: Մելիքյանի ստորաբաժանումը դիմացել է երեք կատաղի հակագրոհի և պահել է դիրքերը։1942 թվականի հունվարին Կուրսկ-Օբոյանի գործողության ընթացքում Մելիքյանի գումարտակն արշավել է գերմանական թիկունքի խորքերով և առաջինն է դուրս եկել Օբոյան քաղաքի(Կուրսկի մարզ) մատույցներ։ Հունվարի 8-ին Օրլովկա գյուղի մոտ տեղի ունեցած մարտում Խաչատուր Մելիքյանը զոհվել է քաջի մահով։ՌԴ-ում փաստաթղթեր են բացահայտվել հաղթանակի գործում ԽՍՀՄ ժողովուրդների ավանդի մասինԻնչպես ընդգծում է ՌԴ պաշտպանության նախարարությունը, նա կռվել է քաջաբար՝ իր օրինակով ոգեշնչելով մարտիկներին, և նրա վերջին խոսքերը եղել են` «Առա՜ջ, հանուն հաղթանակի»։Հերոսության և անձնվիրության համար Խաչատուր Մելիքյանը հետմահու արժանացել է Խորհրդային Միության հերոսի կոչման։ Նա թաղված է Օբոյան քաղաքում, որի ազատագրման համար իր կյանքն է տվել: Նրա գումարտակը տասնյակ կատաղի մարտեր է անցել և դարձել է անկոտրում կամքի խորհրդանիշ, իսկ հրամանատարի անունը հավերժ գրված է Մեծ հաղթանակի պատմության էջերում։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայրենական մեծ պատերազմ, հայրենական մեծ պատերազմի վետերան, մեդալ, խաչատուր մելիքյան
հայրենական մեծ պատերազմ, հայրենական մեծ պատերազմի վետերան, մեդալ, խաչատուր մելիքյան
ՌԴ ՊՆ–ն պատմել է Մեծ Հայրենականի հերոս Խաչատուր Մելիքյանի սխրանքի մասին
13:24 28.03.2025 (Թարմացված է: 14:15 28.03.2025) 1942 թվականի հունվարին Կուրսկ-Օբոյանի գործողության ընթացքում Մելիքյանի գումարտակն արշավել է գերմանական թիկունքի խորքերով և առաջինն է դուրս եկել Օբոյան քաղաքի մատույցներ։
ԵՐԵՎԱՆ, 28 մարտի – Sputnik. Ռուսաստանի պաշտպանության նախարարությունը ներկայացրել է նոր մուլտիմեդիա նախագիծ՝ նվիրված Հայրենական մեծ պատերազմի տարբեր ազգությունների մասնակիցներին, որոնք արժանացել են Խորհրդային Միության հերոսի կոչման: Հերոսների թվում է 227-րդ հրաձգային դիվիզիայի 777-րդ հրաձգային գնդի գումարտակի հրամանատար Խաչատուր Բեգլարի Մելիքյանը:
Պատերազմի առաջին իսկ օրերից նա կռվել է Խորհրդային Միության արևմտյան սահմաններին։ Արդեն 1941-ի հունիսին նրա ստորաբաժանումը կռվի մեջ է մտել՝ առաջին խոչընդոտներից մեկը դառնալով հարձակվող ֆաշիստական բանակի ճանապարհին: Նիժնյաա Սիրովատկա (Սումիի մարզ) գյուղի մոտ մղված մարտում Մելիքյանն իրեն դրսևորել է որպես վճռական և խիզախ հրամանատար. նրա գումարտակը երկու օր շարունակ պահել է բնակավայրի մի մասը՝ հետ մղելով թշնամու չորս հակագրոհները, չնայած հակառակորդի թվային և տեխնիկական գերազանցությանը:
Հրամանատարությունը Մելիքյանին էր հանձնարարել առանցքային գործողությունը՝ թշնամու պրոխորովյան խմբավորման ջախջախումը։ 1941 թվականի դեկտեմբերի 8-ի գիշերը նա գլխավորել է այդ համարձակ արշավը. նրա հրամանատարության տակ գտնվող մարտիկները հանկարծակի ներխուժել են Պրոխորովկա գյուղ և գրավել դրա հյուսիսարևելյան ծայրամասը։ Ինչպես նշում է ՌԴ ՊՆ-ն, գործողության ընթացքում ոչնչացվել է հակառակորդի 16 կրակակետ, իսկ մերձամարտում, հետևելով իրենց անվախ հրամանատարի օրինակին, մարտիկները ոչնչացրել են մոտ 150 ֆաշիստ զինվորների և սպաների: Մելիքյանի ստորաբաժանումը դիմացել է երեք կատաղի հակագրոհի և պահել է դիրքերը։
1942 թվականի հունվարին Կուրսկ-Օբոյանի գործողության ընթացքում Մելիքյանի գումարտակն արշավել է գերմանական թիկունքի խորքերով և առաջինն է դուրս եկել Օբոյան քաղաքի(Կուրսկի մարզ) մատույցներ։ Հունվարի 8-ին Օրլովկա գյուղի մոտ տեղի ունեցած մարտում Խաչատուր Մելիքյանը զոհվել է քաջի մահով։
Ինչպես ընդգծում է ՌԴ պաշտպանության նախարարությունը, նա կռվել է քաջաբար՝ իր օրինակով ոգեշնչելով մարտիկներին, և նրա վերջին խոսքերը եղել են` «Առա՜ջ, հանուն հաղթանակի»։
Հերոսության և անձնվիրության համար Խաչատուր Մելիքյանը հետմահու արժանացել է Խորհրդային Միության հերոսի կոչման։ Նա թաղված է Օբոյան քաղաքում, որի ազատագրման համար իր կյանքն է տվել: Նրա գումարտակը տասնյակ կատաղի մարտեր է անցել և դարձել է անկոտրում կամքի խորհրդանիշ, իսկ հրամանատարի անունը հավերժ գրված է Մեծ հաղթանակի պատմության էջերում։
