https://arm.sputniknews.ru/20250324/vardashencinery-pvoghvoc-en-pakel-pahanjum-en-lutsel-irenc-bnakaranajin-khndiry-87081024.html
Վարդաշենցիները փողոց են փակել. պահանջում են լուծել իրենց բնակարանային խնդիրը
Վարդաշենցիները փողոց են փակել. պահանջում են լուծել իրենց բնակարանային խնդիրը
Sputnik Արմենիա
Վարդաշենի հանրակացարանների բնակիչները հանդիպում են պահանջում Երևանի քաղաքային իշխանությունների հետ։ 24.03.2025, Sputnik Արմենիա
2025-03-24T11:20+0400
2025-03-24T11:20+0400
2025-03-24T11:41+0400
բողոքի ակցիա
երևանի քաղաքապետարան
հանրակացարան
վարդաշեն
https://cdn.am.sputniknews.ru/img/07e9/03/18/87080158_1:0:1270:714_1920x0_80_0_0_e3d2a41ef6e86dbcd7d1e56c5082a274.jpg.webp
ԵՐԵՎԱՆ, 24 մարտի – Sputnik. Վարդաշենի հանրակացարանների բնակիչները բողոքի ակցիա են իրականացնում` հանդիպում պահանջելով քաղաքային իշխանությունների հետ։ 1.5 ժամ սպասելուց հետո նրանք որոշեցին ճանապարհ փակել։Նշենք, որ Վարդաշեն թաղամասի հանրակացարանային շենքերը 4-րդ կարգի վթարային են, կոյուղու խողովակներն էլ վնասված են, կեղտաջրերը լցվում են շենքի նկուղային հարկը։Մեկ այլ բնակիչ էլ ընդգծեց` իրենց ակցիան ՔՊ–ականների «ասեք, կանենք» կարգախոսի պատասխանն է։Նշենք, որ բնակիչների հետ ճանապարհ է փակել նաև ավագանու նախկին անդամ Սոնա Աղեկյանը։Ավինյանը խոստացավ ու խաբեց․ Վարդաշենի հանրակացարանի բնակիչները բողոքի ակցիա են անումԵրևանի քաղաքապետարանի դիմաց վարդաշենցիներից ավելի մեծ թվով ոստիկաններ են տեղակայվել։Բողոքի ակցիայի ժամանակ առաջարկ եղավ, որ 3 հոգի բարձրանան ու զրուցեն քաղաքային իշխանությունների հետ։ Որևէ մեկը չհամաձայնեց այդ առաջարկին, քանի որ նման փորձ արդեն ունեցել են. այդ ժամանակ իրենց թույլ չեն տվել հեռախոսները խորհրդակցությունների սենյակ տանել։ Վարդաշենցիները վստահեցրին` պատրաստ են նույնիսկ ամեն օր գալ և ճանապարհ փակել, նույնիսկ մինչև երեկո մնալ ու քաղաքապետարանի մուտքերը փակել, որպեսզի աշխատակիցները չկարողանան դուրս գալ։Ավագանու «Մայր Հայաստան» խմբակցության անդամ Աննա Ավետիսյանն իջավ քաղաքացիների մոտ և հայտնեց, որ Երևանի փոխքաղաքապետ Արմեն Փամբուխչյանը հրաժարվել է իջնել բողոքող քաղաքացիների մոտ` պատճառաբանելով, որ աշխատանքային գրաֆիկը շատ ծանրաբեռնված է ու նույնիսկ 5 րոպե ազատ ժամանակ չունի։ Ավագանու ընդդիմադիր անդամը շեշտեց, որ նույնիսկ հրաժարվել են որևէ այլ կոմպետենտ անձի ուղարկել` զրուցելու վարդաշենցիների հետ։Հիշեցնենք, որ նախորդ շաբաթ նույնպես վարդաշենցիները քաղաքապետարանի մոտ էին ու կրկին պահանջում էին հանդիպում Երևանի քաղաքապետ Տիգրան Ավինյանի և փոխքաղաքապետ Արմեն Փամբուխչյանի հետ։ Վերջիններն ընտրությունների ժամանակ խոստացել էին լուծել նրանց բնակարանային խնդիրները։
վարդաշեն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բողոքի ակցիա, երևանի քաղաքապետարան, հանրակացարան, վարդաշեն
բողոքի ակցիա, երևանի քաղաքապետարան, հանրակացարան, վարդաշեն
Վարդաշենցիները փողոց են փակել. պահանջում են լուծել իրենց բնակարանային խնդիրը
11:20 24.03.2025 (Թարմացված է: 11:41 24.03.2025) Վարդաշենի հանրակացարանների բնակիչները հանդիպում են պահանջում Երևանի քաղաքային իշխանությունների հետ։
ԵՐԵՎԱՆ, 24 մարտի – Sputnik. Վարդաշենի հանրակացարանների բնակիչները բողոքի ակցիա են իրականացնում` հանդիպում պահանջելով քաղաքային իշխանությունների հետ։ 1.5 ժամ սպասելուց հետո նրանք որոշեցին ճանապարհ փակել։
Նշենք, որ Վարդաշեն թաղամասի հանրակացարանային շենքերը 4-րդ կարգի վթարային են, կոյուղու խողովակներն էլ վնասված են, կեղտաջրերը լցվում են շենքի նկուղային հարկը։
«Մենք ուզում ենք, որ մեր խնդիրը լուծեն, խոստացել էին ընտրությունների ժամանակ։ Պարտավոր են լուծում տալ հարցին։ Կգնանք ստեղից կառավարության մոտ, հետո էլ հետ կգանք քաղաքապետարան»,– նշեց բնակիչներից մեկը։
Մեկ այլ բնակիչ էլ ընդգծեց` իրենց ակցիան ՔՊ–ականների «ասեք, կանենք» կարգախոսի պատասխանն է։
Նշենք, որ բնակիչների հետ ճանապարհ է փակել նաև ավագանու նախկին անդամ Սոնա Աղեկյանը։
Երևանի քաղաքապետարանի դիմաց վարդաշենցիներից ավելի մեծ թվով ոստիկաններ են տեղակայվել։
Բողոքի ակցիայի ժամանակ առաջարկ եղավ, որ 3 հոգի բարձրանան ու զրուցեն քաղաքային իշխանությունների հետ։ Որևէ մեկը չհամաձայնեց այդ առաջարկին, քանի որ նման փորձ արդեն ունեցել են. այդ ժամանակ իրենց թույլ չեն տվել հեռախոսները խորհրդակցությունների սենյակ տանել։
Վարդաշենցիները վստահեցրին` պատրաստ են նույնիսկ ամեն օր գալ և ճանապարհ փակել, նույնիսկ մինչև երեկո մնալ ու քաղաքապետարանի մուտքերը փակել, որպեսզի աշխատակիցները չկարողանան դուրս գալ։
Ավագանու «Մայր Հայաստան» խմբակցության անդամ Աննա Ավետիսյանն իջավ քաղաքացիների մոտ և հայտնեց, որ Երևանի փոխքաղաքապետ Արմեն Փամբուխչյանը հրաժարվել է իջնել բողոքող քաղաքացիների մոտ` պատճառաբանելով, որ աշխատանքային գրաֆիկը շատ ծանրաբեռնված է ու նույնիսկ 5 րոպե ազատ ժամանակ չունի։ Ավագանու ընդդիմադիր անդամը շեշտեց, որ նույնիսկ հրաժարվել են որևէ այլ կոմպետենտ անձի ուղարկել` զրուցելու վարդաշենցիների հետ։
Հիշեցնենք, որ նախորդ շաբաթ նույնպես վարդաշենցիները քաղաքապետարանի մոտ էին ու կրկին
պահանջում էին հանդիպում Երևանի քաղաքապետ Տիգրան Ավինյանի և փոխքաղաքապետ Արմեն Փամբուխչյանի հետ։ Վերջիններն ընտրությունների ժամանակ խոստացել էին լուծել նրանց բնակարանային խնդիրները։
