https://arm.sputniknews.ru/20250313/patzhamijvocner-en-petq-evrakhvorhrdarany-qnnarkel-e-haj-gerineri-veraberjal-hratap-banadzevy-86699620.html
Պատժամիջոցներ են պետք. Եվրախորհրդարանը քննարկել է հայ գերիների վերաբերյալ հրատապ բանաձևը
Պատժամիջոցներ են պետք. Եվրախորհրդարանը քննարկել է հայ գերիների վերաբերյալ հրատապ բանաձևը
Sputnik Արմենիա
Պատգամավորներն ընդգծել են, որ Բաքվից գնված գազը չի կարող ավելի կարևոր լինել, քան մարդու իրավունքները։ 13.03.2025, Sputnik Արմենիա
2025-03-13T10:32+0400
2025-03-13T10:32+0400
2025-03-13T10:35+0400
հայաստան
ադրբեջան
գերի
եվրախորհրդարան
բանաձև
https://cdn.am.sputniknews.ru/img/07e7/01/13/54052270_0:159:1600:1059_1920x0_80_0_0_cacb9bcf00361564d3550e32dd61fb96.jpg.webp
ԵՐԵՎԱՆ, 13 մարտի – Sputnik. Եվրախորհրդարանը պետք է խիստ պատժամիջոցներ կիրառի ադրբեջանցի այն պաշտոնյաների դեմ, որոնք դատական բռնություններ են կատարում։ Ինչպես հայտնում է «Արմենպրեսը», այս մասին հայտարարել է Եվրախորհրդարանում հայ գերիների վերաբերյալ հրատապ բանաձևի համահեղինակ Վասիլե Դինկուն։Բանաձևը քննարկվել է Եվրոպական խորհրդարանի մարտի 12-ի լիագումար նիստում։Դինկուն իր ելույթում նշել է, որ հայ քաղաքական բանտարկյալների վիճակը մեծ հարցականի տակ է Կովկասի այս հատվածում արդարության, կայունության և խաղաղության առումով։ Նա հիշեցրել է, որ Եվրոպական խորհրդարանը վերոնշյալ հարցերում երբեք չի շեղվել իր սկզբունքներից, այդ թվում` Հայաստանի ինքնիշխանության և անկախության հարցում։Հայաստանի հարցերով մշտական զեկուցող և բանաձևի համահեղինակներից Միրիամ Լեքսմանն իր ելույթում նշել է, որ Բաքվում տեղի ունեցող կեղծ դատավարություններն ու գերիների անմարդկային պայմանները ցույց են տալիս Ադրբեջանի նախագահ Իլհամ Ալիևի իրական դեմքը՝ ռեժիմ, որն անտեսում է միջազգային պարտավորությունները։Առաջարկված բանաձևի համահեղինակ, Հայաստանի հարցերով համազեկուցող Նատալի Լուազոն էլ ասել է, որ Բաքվում տեղի ունեցող դատավարությունները ոչնչով չեն զիջում ստալինյան դատավարություններին, և որ գերիների միակ «մեղքը» հայ լինելն է։ Լուազոն, դիմելով ԵՄ բարձր ներկայացուցիչ Կայա Կալասին, ափսոսանք է հայտնել, որ նա հերթական անգամ ներկա չէ լիագումար նիստին և չի լսում իրենց։ Պատգամավորը կոչ է արել լսել ու իրականացնել այն, ինչ երկար ժամանակ անընդհատ պահանջում է Եվրոպական խորհրդարանը։ԵԽ քաղաքական բոլոր խմբակցություններից ելույթ են ունեցել ավելի քան մեկ տասնյակ պատգամավորներ և կարևորել ԵՄ-ի խիստ դիրքորոշման, Ադրբեջանին պատասխանատվության ենթարկելու, պատժամիջոցներ կիրառելու անհրաժեշտությունը։ Նրանք ստեղծված քաղաքական իրավիճակն անվանել են ամոթալի։Պատգամավորները հիշեցրել են, որ Բաքվից գնված գազը չի կարող առավել կարևոր լինել մարդու իրավունքներից և եվրոպական արժեքներից։Քննարկման ավարտին ելույթ է ունեցել նաև Եվրոպական Հանձնաժողովի հանձնակատար Դան Յորգենսենը։«Եվրամիությունը շարունակելու է կոչ անել Ադրբեջանի կառավարությանը կատարել իր միջազգային պարտավորությունները, որոնք ներառում են օրինական դատավարության և արդար դատաքննության իրավունքը։ Մենք կօգտագործենք բոլոր հնարավորությունները, որպեսզի Ադրբեջանը պարտավորվի ապահովել կալանավորվածների համար արժանապատիվ և անվտանգ պայմաններ։ Խոշտանգումների և անմարդկային վերաբերմունքի վերաբերյալ զեկույցները պետք է անհապաղ և անկողմնակալ կերպով հետաքննվեն», - նշել է հանձնակատարը։Հրատապ ընթացակարգով առաջարկված բանաձևը քվեարկության կդրվի այսօր՝ մարտի 13-ին։Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:Նախկին պետնախարար և բարերար Ռուբեն Վարդանյանի գործը քննվում է առանձին վարույթով: Չնայած գործի նյութերը մյուսների հետ միավորելու նրա խնդրանքին` դատարանը որոշել է 422 հատորներից 400-ը դիտարկել առանձին:Փետրվարի 26-ին հայտնի դարձավ,, որ Ռուբեն Վարդանյանի առողջական վիճակը կտրուկ վատացել է, քանի որ նա ադրբեջանական բանտում փետրվարի 19–ից հացադուլ է սկսել։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, գերի, եվրախորհրդարան, բանաձև
հայաստան, ադրբեջան, գերի, եվրախորհրդարան, բանաձև
Պատժամիջոցներ են պետք. Եվրախորհրդարանը քննարկել է հայ գերիների վերաբերյալ հրատապ բանաձևը
10:32 13.03.2025 (Թարմացված է: 10:35 13.03.2025) Պատգամավորներն ընդգծել են, որ Բաքվից գնված գազը չի կարող ավելի կարևոր լինել, քան մարդու իրավունքները։
ԵՐԵՎԱՆ, 13 մարտի – Sputnik. Եվրախորհրդարանը պետք է խիստ պատժամիջոցներ կիրառի ադրբեջանցի այն պաշտոնյաների դեմ, որոնք դատական բռնություններ են կատարում։ Ինչպես հայտնում է
«Արմենպրեսը», այս մասին հայտարարել է Եվրախորհրդարանում հայ գերիների վերաբերյալ հրատապ բանաձևի համահեղինակ Վասիլե Դինկուն։
Բանաձևը քննարկվել է Եվրոպական խորհրդարանի մարտի 12-ի լիագումար նիստում։
Դինկուն իր ելույթում նշել է, որ հայ քաղաքական բանտարկյալների վիճակը մեծ հարցականի տակ է Կովկասի այս հատվածում արդարության, կայունության և խաղաղության առումով։ Նա հիշեցրել է, որ Եվրոպական խորհրդարանը վերոնշյալ հարցերում երբեք չի շեղվել իր սկզբունքներից, այդ թվում` Հայաստանի ինքնիշխանության և անկախության հարցում։
«Մենք ցանկանում ենք լինել այս դատավարությունների մասը և աջակցել այն հնարավոր պատժամիջոցներին, որոնք կուղղվեն ադրբեջանական այն պաշտոնյաների դեմ, որոնք կատարում են դատական բռնություններ։ Մենք պետք է խիստ պատժամիջոցներ կիրառենք այս պաշտոնյաների նկատմամբ և խրախուսենք ապագայում նման բռնությունների կանխարգելումը։ Տարածաշրջանում ռազմական իրավիճակը հաշվի առնելով՝ մենք պետք է գործենք հիմա և ընդունենք կոնկրետ միջոցներ՝ապագա ողբերգություն թույլ չտալու համար», - ասել է եվրապատգամավորը։
Հայաստանի հարցերով մշտական զեկուցող և բանաձևի համահեղինակներից Միրիամ Լեքսմանն իր ելույթում նշել է, որ Բաքվում տեղի ունեցող կեղծ դատավարություններն ու գերիների անմարդկային պայմանները ցույց են տալիս Ադրբեջանի նախագահ Իլհամ Ալիևի իրական դեմքը՝ ռեժիմ, որն անտեսում է միջազգային պարտավորությունները։
Առաջարկված բանաձևի համահեղինակ, Հայաստանի հարցերով համազեկուցող Նատալի Լուազոն էլ ասել է, որ Բաքվում տեղի ունեցող դատավարությունները ոչնչով չեն զիջում ստալինյան դատավարություններին, և որ գերիների միակ «մեղքը» հայ լինելն է։ Լուազոն, դիմելով ԵՄ բարձր ներկայացուցիչ Կայա Կալասին, ափսոսանք է հայտնել, որ նա հերթական անգամ ներկա չէ լիագումար նիստին և չի լսում իրենց։ Պատգամավորը կոչ է արել լսել ու իրականացնել այն, ինչ երկար ժամանակ անընդհատ պահանջում է Եվրոպական խորհրդարանը։
ԵԽ քաղաքական բոլոր խմբակցություններից ելույթ են ունեցել ավելի քան մեկ տասնյակ պատգամավորներ և կարևորել ԵՄ-ի խիստ դիրքորոշման, Ադրբեջանին պատասխանատվության ենթարկելու, պատժամիջոցներ կիրառելու անհրաժեշտությունը։ Նրանք ստեղծված քաղաքական իրավիճակն անվանել են ամոթալի։
Պատգամավորները հիշեցրել են, որ Բաքվից գնված գազը չի կարող առավել կարևոր լինել մարդու իրավունքներից և եվրոպական արժեքներից։
Քննարկման ավարտին ելույթ է ունեցել նաև Եվրոպական Հանձնաժողովի հանձնակատար Դան Յորգենսենը։
«Եվրամիությունը շարունակելու է կոչ անել Ադրբեջանի կառավարությանը կատարել իր միջազգային պարտավորությունները, որոնք ներառում են օրինական դատավարության և արդար դատաքննության իրավունքը։ Մենք կօգտագործենք բոլոր հնարավորությունները, որպեսզի Ադրբեջանը պարտավորվի ապահովել կալանավորվածների համար արժանապատիվ և անվտանգ պայմաններ։ Խոշտանգումների և անմարդկային վերաբերմունքի վերաբերյալ զեկույցները պետք է անհապաղ և անկողմնակալ կերպով հետաքննվեն», - նշել է հանձնակատարը։
Հրատապ ընթացակարգով առաջարկված բանաձևը քվեարկության կդրվի այսօր՝ մարտի 13-ին։
Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով
«դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:
Նախկին պետնախարար և բարերար Ռուբեն Վարդանյանի գործը
քննվում է առանձին վարույթով: Չնայած գործի նյութերը մյուսների հետ միավորելու նրա խնդրանքին` դատարանը որոշել է 422 հատորներից 400-ը դիտարկել առանձին:
Փետրվարի 26-ին հայտնի դարձավ,, որ Ռուբեն Վարդանյանի առողջական վիճակը
կտրուկ վատացել է, քանի որ նա ադրբեջանական բանտում փետրվարի 19–ից
հացադուլ է սկսել։
