https://arm.sputniknews.ru/20250226/gazajum-sarnamaniqi-zvoh-dardzats-erekhaneri-tivy-hasel-e-15-i-mak-86177676.html
Գազայում սառնամանիքի զոհ դարձած երեխաների թիվը հասել է 15-ի. ՄԱԿ
Գազայում սառնամանիքի զոհ դարձած երեխաների թիվը հասել է 15-ի. ՄԱԿ
Sputnik Արմենիա
Մերձավոր Արևելքի մի շարք երկրներում անոմալ ցրտեր են։ 26.02.2025, Sputnik Արմենիա
2025-02-26T17:36+0400
2025-02-26T17:36+0400
2025-02-26T17:39+0400
գազայի հատված
ցուրտ
մահ
երեխա
նորածին
սառնամանիք
https://cdn.am.sputniknews.ru/img/07e8/0b/16/83272498_0:0:3072:1728_1920x0_80_0_0_5e18724704fa2f12a987670af9abced0.jpg
ԵՐԵՎԱՆ, 26 փետրվարի – Sputnik. Գազայում անոմալ ցրտի պատճառով մահացած երեխաների թիվը հասել է 15-ի: Այս մասին հայտնել է ՄԱԿ-ի գլխավոր քարտուղարի մամուլի քարտուղար Ստեֆան Դյուժարիկը:Նախօրեին ԶԼՄ-ները հայտնել էին, որ պաղեստինյան անկլավում 6 նորածին է մահացել։Փետրվարի 21–ից Եգիպտոսում, Հորդանանում, Լիբանանում, Սիրիայում, Պաղեստինում և Սաուդյան Արաբիայի հյուսիսում ծայրահեղ սառնամանիքներ են փոթորկի ազդեցության պատճառով, որը լիբանանցի օդերևութաբաններն անվանել են «Ադամ», իսկ նրանց հորդանանցի գործընկերները՝ «Ժայռ»: Եգիպտոսի օդերևութաբանական կենտրոնը նախազգուշացրել է երկրի մի շարք շրջաններում անոմալ ցածր ջերմաստիճանի մասին:Գազայի հատվածում մարդասիրական և վերականգնման հարցերով ՄԱԿ-ի ավագ համակարգող Սիգրիդ Կաագը Գազայում տիրող իրավիճակը ծայրահեղ է անվանել: Նա ճեպազրույցի ժամանակ հայտարարել է, որ Գազա կատարած վերջին այցի ժամանակ՝ հրադադարի մասին համաձայնագրի ուժի մեջ մտնելուց անմիջապես հետո, իրեն կրկին լիակատար դատարկության զգացում է համակել, մարդիկ հուսահատված են կորուստների, վնասվածքների և միջազգային հանրության կողմից լքված լինելու զգացումից։Ինչ իրավիճակ է Իսրայելում և Գազայում ավիահարվածներից հետո. լուսանկարներՀունվարի 19-ից Գազայի հատվածում հրադադարի ռեժիմ է գործում Իսրայելի և ՀԱՄԱՍ-ի միջև՝ պաղեստինցի բանտարկյալների դիմաց իսրայելցի պատանդներին ազատելու մասին համաձայնագրի շրջանակներում: Համաձայնագրի երաշխավորներն են Կատարը, Եգիպտոսը և ԱՄՆ-ն, որոնք համակարգող կենտրոն են ստեղծել Կահիրեում:
գազայի հատված
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գազայի հատված, ցուրտ, մահ, երեխա, նորածին, սառնամանիք
գազայի հատված, ցուրտ, մահ, երեխա, նորածին, սառնամանիք
Գազայում սառնամանիքի զոհ դարձած երեխաների թիվը հասել է 15-ի. ՄԱԿ
17:36 26.02.2025 (Թարմացված է: 17:39 26.02.2025) Մերձավոր Արևելքի մի շարք երկրներում անոմալ ցրտեր են։
ԵՐԵՎԱՆ, 26 փետրվարի – Sputnik. Գազայում անոմալ ցրտի պատճառով մահացած երեխաների թիվը հասել է 15-ի: Այս մասին հայտնել է ՄԱԿ-ի գլխավոր քարտուղարի մամուլի քարտուղար Ստեֆան Դյուժարիկը:
Փետրվարի 21–ից Եգիպտոսում, Հորդանանում, Լիբանանում, Սիրիայում, Պաղեստինում և Սաուդյան Արաբիայի հյուսիսում ծայրահեղ սառնամանիքներ են փոթորկի ազդեցության պատճառով, որը լիբանանցի օդերևութաբաններն անվանել են «Ադամ», իսկ նրանց հորդանանցի գործընկերները՝ «Ժայռ»: Եգիպտոսի օդերևութաբանական կենտրոնը նախազգուշացրել է երկրի մի շարք շրջաններում անոմալ ցածր ջերմաստիճանի մասին:
«Գազայի առողջապահության նախարարության ղեկավարն այսօր հայտարարել է, որ վերջին օրերին Գազայի հատվածում ցրտահարության ուժեղ ալիքի պատճառով մահացել 1 վեց երեխա, ինչի արդյունքում ցրտից մահացած երեխաների ընդհանուր թիվը հասել է 15-ի»,-ասել է Դյուժարիկը իր ամենօրյա ճեպազրույցի ժամանակ:
Գազայի հատվածում մարդասիրական և վերականգնման հարցերով ՄԱԿ-ի ավագ համակարգող Սիգրիդ Կաագը Գազայում տիրող իրավիճակը ծայրահեղ է անվանել: Նա ճեպազրույցի ժամանակ հայտարարել է, որ Գազա կատարած վերջին այցի ժամանակ՝ հրադադարի մասին համաձայնագրի ուժի մեջ մտնելուց անմիջապես հետո, իրեն կրկին լիակատար դատարկության զգացում է համակել, մարդիկ հուսահատված են կորուստների, վնասվածքների և միջազգային հանրության կողմից լքված լինելու զգացումից։
Հունվարի 19-ից Գազայի հատվածում հրադադարի ռեժիմ է գործում Իսրայելի և ՀԱՄԱՍ-ի միջև՝ պաղեստինցի բանտարկյալների դիմաց իսրայելցի պատանդներին ազատելու մասին համաձայնագրի շրջանակներում: Համաձայնագրի երաշխավորներն են Կատարը, Եգիպտոսը և ԱՄՆ-ն, որոնք համակարգող կենտրոն են ստեղծել Կահիրեում:
