https://arm.sputniknews.ru/20250224/der-chem-havatum-inch-e-katarvum-blvoger-bella-babakhanjann-arden-erevanum-e-86109082.html
Դեռ չեմ հավատում` ինչ է կատարվում. բլոգեր Բելլա Բաբախանյանն արդեն Երևանում է
Դեռ չեմ հավատում` ինչ է կատարվում. բլոգեր Բելլա Բաբախանյանն արդեն Երևանում է
Sputnik Արմենիա
«Զվարթնոց» օդանավակայանում նրա հետ է եղել նաև Գագիկ Ծառուկյանը։ 24.02.2025, Sputnik Արմենիա
2025-02-24T21:49+0400
2025-02-24T21:49+0400
2025-02-24T22:13+0400
տեսանյութեր
տեսանյութ
գագիկ ծառուկյան
բլոգեր
հայաստան
բելառուս
բելլա բաբախանյան
https://cdn.am.sputniknews.ru/img/07e9/02/18/86108810_0:0:1280:720_1920x0_80_0_0_579e89bad1e3fb1774f89b1a6665cdb2.jpg
ԵՐԵՎԱՆ, 24 փետրվարի – Sputnik. Բելառուսում գործող և ադրբեջանցիների կողմից սոցցանցերում հալածվող բլոգեր Բելլա Բաբախանյանն արդեն Հայաստանում է։Նշենք, որ Բելառուսում բնակվող Բելլա Բաբախանյանը սոցցանցերում պաշտպանում է հայկական շահերը, համարձակ քննարկումներ ունենում ադրբեջանցիների հետ։ Սոցցանցերում նա հանդես է գալիս «Բելլայի մոտ» կեղծանվամբ։ Փետրվարի կեսերին նա հայտնել էր, որ ադրբեջանցիները սպառնում են իրեն, և որ Բելառուսում ամեն բան ադրբեջանցիները գնել են։ Նա նաև ասել էր, որ իրեն շուտով ձերբակալելու են ու հանձնեն Ադրբեջանին։ Փետրվարի 14-ին արդեն լուրեր տարածվեցին, որ Բաքվի հայցի հիման վրա բլոգերը ձերբակալվել է, բայց պաշտոնապես այդ լուրը չէր հաստատվել։Հավելենք նաև, որ փետրվարի 23-ին գործարար Գագիկ Ծառուկյանի մամուլի խոսնակ Իվետա Տոնոյանը հայտնեց, որ Ծառուկյանն օգտագործել է իր կապերը, որպեսզի Բելլա Բաբախանյանին իրավական և այլ աջակցություն ցուցաբերվի։«Զվարթնոց» օդանավակայանում նրա հետ է եղել նաև Գագիկ Ծառուկյանը։ Բլոգերին դիմավորեց Իվետա Տոնոյանը։Անդրադառնալով Բելառուսից Ադրբեջանին հանձնելու մասին լուրերին` Բելլան ընդգծեց` ինքը դրանում վստահ էր, քանի որ շուրջ 2 տարի բելառուսցիներն իր դեմ բողոքներ են ներկայացրել։ Ընդգծում է, որ այնուամենայնիվ սկզբում չի պատկերացրել, որ ամեն ինչ կարող է այս մակարդակի հասնել։ «Պարոն Ծառուկյանի գալը հրաշքի էր նման։ Ինձ այդ օրն ինչ–որ «կաբինետ» տարան, հյուրասիրություն էր դրված, բայց ես ոչնչի ձեռք չտվեցի, չգիտեի` ինչ սպասել, վախենում էի, մտածում էի` հիմա ինչ–որ բան կխմացնեն ինձ։ Այդ ժամանակ դուռը բացվեց ու ներս մտավ Ծառուկյանը։ Ես նստել էի ու աչքերիս չէի հավատում»,– նշեց բլոգերը։Նա ասաց, որ ուղիղ 14 օր կալանավորված է եղել ու դաժան պայմաններում, որ նույնիսկ հիշել չի ցանկանում։ Վստահեցրեց` շարունակելու է բլոգերի իր գործունեությունը նույն ֆորմատով, քանի որ այնուամենայնիվ իրեն ոչ ոք և ոչինչ չի կարող կանգնեցնել` նույնիսկ մահվան շեմին կանգնած լինելու պարագայում։ Մոսկվայի դատախազությունը պահանջել է գործ հարուցել բլոգեր Արսեն Մարգարյանի դեմԲելլան շեշտեց, որ ինքը հայրենասիրությունը վեր է դասում ամեն ինչից, որքան էլ Բաքուն դեմ լինի այդ ամենին։ Չնայած նրան, որ 27 տարի ապրել է Բելառուսում, որևէ կոնֆլիկտ էլ չի ունեցել, այժմ Բելլան ուզում է մնալ Հայաստանում, որովհետև այլ երկիր գնալն իր համար կարող է մի փոքր վտանգավոր լինել` ելնելով իր գործունեությունից։ Նշենք, որ ըստ որոշ տեղեկությունների` Բելլային մեղադրում են Բելառուսի Հանրապետության քրեական օրենսգրքի մի շարք հոդվածներով, այդ թվում՝ ազգային, կրոնական թշնամանքի հրահրում, պատերազմի քարոզչություն, զրպարտություն, նույնիսկ սպանության սպառնալիք։
բելառուս
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Блогер Белла Бабаханян прибыла в Армению
Sputnik Արմենիա
Блогер Белла Бабаханян прибыла в Армению
2025-02-24T21:49+0400
true
PT0M39S
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, տեսանյութ, գագիկ ծառուկյան, видео, բլոգեր, հայաստան, բելառուս, բելլա բաբախանյան
տեսանյութեր, տեսանյութ, գագիկ ծառուկյան, видео, բլոգեր, հայաստան, բելառուս, բելլա բաբախանյան
Դեռ չեմ հավատում` ինչ է կատարվում. բլոգեր Բելլա Բաբախանյանն արդեն Երևանում է
21:49 24.02.2025 (Թարմացված է: 22:13 24.02.2025) «Զվարթնոց» օդանավակայանում նրա հետ է եղել նաև Գագիկ Ծառուկյանը։
ԵՐԵՎԱՆ, 24 փետրվարի – Sputnik. Բելառուսում գործող և ադրբեջանցիների կողմից սոցցանցերում հալածվող բլոգեր Բելլա Բաբախանյանն արդեն Հայաստանում է։
Նշենք, որ Բելառուսում բնակվող Բելլա Բաբախանյանը սոցցանցերում պաշտպանում է հայկական շահերը, համարձակ քննարկումներ ունենում ադրբեջանցիների հետ։ Սոցցանցերում նա հանդես է գալիս «Բելլայի մոտ» կեղծանվամբ։ Փետրվարի կեսերին նա հայտնել էր, որ ադրբեջանցիները սպառնում են իրեն, և որ Բելառուսում ամեն բան ադրբեջանցիները գնել են։ Նա նաև ասել էր, որ իրեն շուտով ձերբակալելու են ու հանձնեն Ադրբեջանին։ Փետրվարի 14-ին արդեն լուրեր տարածվեցին, որ Բաքվի հայցի հիման վրա բլոգերը ձերբակալվել է, բայց պաշտոնապես այդ լուրը չէր հաստատվել։
Հավելենք նաև, որ փետրվարի 23-ին գործարար Գագիկ Ծառուկյանի մամուլի խոսնակ
Իվետա Տոնոյանը հայտնեց, որ Ծառուկյանն օգտագործել է իր կապերը, որպեսզի Բելլա Բաբախանյանին իրավական և այլ աջակցություն ցուցաբերվի։
«Զվարթնոց» օդանավակայանում նրա հետ է եղել նաև Գագիկ Ծառուկյանը։ Բլոգերին դիմավորեց Իվետա Տոնոյանը։
«Դեռ ուշքի չեմ եկել, չեմ հավատում` ինչ է կատարվում։ Ասում էի` մինչև Հայաստանի հողի վրա չիջնեմ, չեմ հավատա, որ այստեղ եմ, սա ոնց որ հեքիաթ ու հրաշք լիներ։ Այն, ինչ ես այս ընթացքում եմ ապրել ու թե ինչպես 2 օրում ամեն ինչ փոխվեց` հրաշք էր։ Տեսնենք, թե ինչ կլինի հետո»,– օդանավակայանում լրագրողների հետ զրույցում ասաց բլոգերը։
Անդրադառնալով Բելառուսից Ադրբեջանին հանձնելու մասին լուրերին` Բելլան ընդգծեց` ինքը դրանում վստահ էր, քանի որ շուրջ 2 տարի բելառուսցիներն իր դեմ բողոքներ են ներկայացրել։
Ընդգծում է, որ այնուամենայնիվ սկզբում չի պատկերացրել, որ ամեն ինչ կարող է այս մակարդակի հասնել։
«Պարոն Ծառուկյանի գալը հրաշքի էր նման։ Ինձ այդ օրն ինչ–որ «կաբինետ» տարան, հյուրասիրություն էր դրված, բայց ես ոչնչի ձեռք չտվեցի, չգիտեի` ինչ սպասել, վախենում էի, մտածում էի` հիմա ինչ–որ բան կխմացնեն ինձ։ Այդ ժամանակ դուռը բացվեց ու ներս մտավ Ծառուկյանը։ Ես նստել էի ու աչքերիս չէի հավատում»,– նշեց բլոգերը։
Նա ասաց, որ ուղիղ 14 օր կալանավորված է եղել ու դաժան պայմաններում, որ նույնիսկ հիշել չի ցանկանում։ Վստահեցրեց` շարունակելու է բլոգերի իր գործունեությունը նույն ֆորմատով, քանի որ այնուամենայնիվ իրեն ոչ ոք և ոչինչ չի կարող կանգնեցնել` նույնիսկ մահվան շեմին կանգնած լինելու պարագայում։
Բելլան շեշտեց, որ ինքը հայրենասիրությունը վեր է դասում ամեն ինչից, որքան էլ Բաքուն դեմ լինի այդ ամենին։
«Ես մի տեսանյութ էի արել Անդրանիկ զորավարի գերեզմանի մոտ, որտեղ ասում եմ` «Անդրանիկ, ժամանակին պետք է բոլորին ոչնչացրած լինեիր, որ այսօր այսպես չլիներ»։ Նկատի ունեի Եռաբլուրը։ Այդ ու «Յութուբում» տեղադրվող մյուս վիդեոներն իրենց (ադրբեջանցիներին,–խմբ.) շատ են ցավեցրել»,– ասաց Բելլան։
Չնայած նրան, որ 27 տարի ապրել է Բելառուսում, որևէ կոնֆլիկտ էլ չի ունեցել, այժմ Բելլան ուզում է մնալ Հայաստանում, որովհետև այլ երկիր գնալն իր համար կարող է մի փոքր վտանգավոր լինել` ելնելով իր գործունեությունից։
Նշենք, որ ըստ որոշ տեղեկությունների` Բելլային մեղադրում են Բելառուսի Հանրապետության քրեական օրենսգրքի մի շարք հոդվածներով, այդ թվում՝ ազգային, կրոնական թշնամանքի հրահրում, պատերազմի քարոզչություն, զրպարտություն, նույնիսկ սպանության սպառնալիք։
