https://arm.sputniknews.ru/20250212/dzhvar-er-vor-maman-er-lacum-qaghckeghy-haghtaharats-erekhan-ev-hivandutjan-dem-pajqary-hhum-85712950.html

Դժվար էր, որ մաման էր լացում. քաղցկեղը հաղթահարած երեխան և հիվանդության դեմ պայքարը ՀՀ–ում

Դժվար էր, որ մաման էր լացում. քաղցկեղը հաղթահարած երեխան և հիվանդության դեմ պայքարը ՀՀ–ում

Sputnik Արմենիա

Հայաստանում ամեն տարի միջինում 100 երեխայի մոտ քաղցկեղ է ախտորոշվում, նրանցից ավելի քան 75 տոկոսը հաղթահարում է հիվանդությունը։ 12.02.2025, Sputnik Արմենիա

2025-02-12T22:15+0400

2025-02-12T22:15+0400

2025-02-12T22:15+0400

հայաստան

քաղցկեղ

«ժպիտների քաղաք» հիմնադրամ

լյուսիյա բաղմանյան

լիլիթ սարգսյան

https://cdn.am.sputniknews.ru/img/07e9/02/0c/85719505_0:83:1600:983_1920x0_80_0_0_6afcb7a44691287950d2b2177d730034.jpg

ԵՐԵՎԱՆ, 12 փետրվարի – Sputnik, Մարիաննա Փայտյան․ Արցախցի 12-ամյա Լյուսիյան այսօր ժպիտով է հիշում, թե ինչպես տարիներ առաջ ստիպված եղավ կտրել բիոքիմիայի հետևանքով թափվող մազերը։ Քանի որ շատ խիտ մազեր ուներ, մայրիկի հետ որոշեցին վաճառել, գումարն էլ նվիրաբերել «Սիթի օֆ Սմայլ» հիմնադրամին, որի օգնությամբ նաև ինքն էր պայքարում քաղցկեղի դեմ։«Ինձ թվում է՝ գումարը քիչ տվեցին. 300-գրամանոց մազեր եմ տվել»,- Sputnik Արմենիայի հետ զրույցում ծիծաղելով ասաց Լյուսիյան։Նրա մոտ հիվանդությունն ախտորոշվել է 2019թ․, երբ դեռ Արցախի Մարտակերտի շրջանում էին ապրում։ Դպրոցից տուն է վերադարձել ոտքի ցավով, բժշկի են տարել, մասնագետներն ուղեգրել են Երևան։Նա արդեն հստակ որոշել է՝ իրեն փրկած բժիշկների պես ինքն էլ է բժիշկ դառնալու։«Հենց առաջին օրը, որ դուրս եկա հիվանդանոցից, ասեցի՝ մամ, էսքան երեխեքը տանջվում են, որովհետև հիվանդություններն ավելանում են, որ մեծանամ, լավ կրթություն եմ ստանալու, բժիշկ եմ դառնալու, իմ հիվանդանոցն եմ ունենալու, որ բուժեմ բոլորին։ Երազում եմ՝ էրեխեքը չհիվանդանան, հա, մեկ էլ ուզում եմ շունիկ ունենալ, որովհետև մեր շունիկին Արցախում թողեցինք, չէինք կարող բերել․․․»։16-ամյա Ռոմիկի մոտ լեյկոզ է ախտորոշվել 9 տարեկանում․ նա էլ է ծանր հիվանդությունն անցյալում թողել․ այսօր Ռոմիկը, Լյուսիյան և քաղցկեղը հաղթահարած մյուս ընկերները խորհրդանշական նվերներ բաժանեցին բուժում ստացող փոքրիկներին, զրուցեցին նրանց հետ՝ իրենց օրինակով հավատացնելով՝ ամեն ինչ շա՛տ լավ է լինելու։Հայաստանում տարեկան միջինում 80-100 երեխայի և դեռահասի մոտ է քաղցկեղ ախտորոշվում (0-18 տարեկան)։ Մոտ 40 տոկոս դեպքերում ախտորոշումը լեյկեմիա է կամ լիմֆոմա։ Մանկական քաղցկեղի և արյան հիվանդությունների կենտրոնի ղեկավար Լիլիթ Սարգսյանի խոսքով՝ նախորդ տարի թիվն աճել` մոտ 130 առաջնակի ախտորոշված քաղցկեղ, բայց մասնագետը սա չի պայմանավորվում հիվանդացության բարձրացմամբ, այլ դիմելիության աճով և ժամանակակից ախտորոշման եղանակների կիրառմամբ։Բարեբախտաբար, Հայաստանում մանկական քաղցկեղի բուժելիությունը բավականին բարձր է՝ 70-75%, նույնիսկ մոտենում է 80 տոկոսին։ Սա նշանակում է` 100 երեխայից մոտ 75-ը հաղթահարում են հիվանդությունը։«Այս ցուցանիշը նույնական է զարգացած երկրների ցուցանիշի հետ, այն դեպքում, երբ Հայաստանի նման զարգացող երկրներում այդ ցուցանիշը տատանվում է 0-ից մինչև 30 տոկոս»,- ասաց մասնագետը։«Սիթի օֆ Սմայլ» բարեգործական հիմնադրամն իր գործունեության շուրջ 7 տարիների ընթացքում ֆինանսավորել է շուրջ 900 երեխայի և մինչև 25 տարեկան երիտասարդների ամբողջական բուժումը Հայաստանում։ Հիմնադրամի գործադիր տնօրեն Էսթեր Դեմիրճյանն ուրախությամբ է նշում՝ նրանցից շուրջ 500-ն արդեն ավարտել են իրենց բուժումը։«Սա մեծ նվաճում է մեզ համար, որովհետև գիտենք՝ կարողանում ենք օգնել երեխաներին և նրանց ընտանիքներին։ Ծնողների ուսերին որևէ ֆինանսական բեռ չի մնում, և ինչն ամենակարևորն է, ծնողի ֆինանսական կարողություններից կախված չէ՝ երեխան բուժում կստանա, թե ոչ։ Մեզ համար շատ կարևոր է նաև հավասարությունը․ բոլոր երեխաները ստանում են միևնույն բուժումը, որը լավագույնն է Հայաստանում և լավագույններից աշխարհում»,- ընդգծեց գործադիր տնօրենը։Նրա խոսքով՝ հիմնադրամը միայն նախորդ տարվա ընթացքում ֆինանսավորել է 260 երեխաների և երիտասարդների բուժումը մեր երկրում, տրամադրվել է մոտ 530 մլն դրամի աջակցություն։Հիմնադրամի գործադիր տնօրենը հիշեցրեց՝ քաղցկեղը դատավճիռ չէ, փոքրիկներն անպայման հաղթահարելու են դժվարությունները և շարունակելու են իրենց ճանապարհը դեպի երազանքների իրականացում։

https://arm.sputniknews.ru/20240407/qaghckegh-ev-verartadrvoghakanutjun-hnaravvor-e-ardjvoq-qimiaterapiajic-hetvo-erekha-unenal-73979415.html

2025

Լուրեր

am_HY

հայաստան, քաղցկեղ, «ժպիտների քաղաք» հիմնադրամ, լյուսիյա բաղմանյան, լիլիթ սարգսյան