https://arm.sputniknews.ru/20250130/hajastanum-argravel-en-iranic-aporini-nermutsvats-18-kg-tmramijvoc-13-mard-e-kalanavvorvel-85300429.html
Հայաստանում առգրավել են Իրանից ապօրինի ներմուծված 18 կգ թմրամիջոց. 13 մարդ է կալանավորվել
Հայաստանում առգրավել են Իրանից ապօրինի ներմուծված 18 կգ թմրամիջոց. 13 մարդ է կալանավորվել
Sputnik Արմենիա
Ձեռնարկվում են միջոցառումներ՝ Իրանից թմրամիջոցներն ուղարկողների և Հայաստանում նրանց օժանդակած անձանց ինքնությունը պարզելու ուղղությամբ: 30.01.2025, Sputnik Արմենիա
2025-01-30T22:06+0400
2025-01-30T22:06+0400
2025-01-30T22:41+0400
տեսանյութեր
տեսանյութ
թմրանյութ
թմրամիջոցներ
իրանի իսլամական հանրապետություն
հայաստան
վրաստանի հանրապետություն
https://cdn.am.sputniknews.ru/img/07e9/01/1e/85299354_0:42:800:492_1920x0_80_0_0_672adcf5c14adfe60aab4e05beb2d293.jpg.webp
ԵՐԵՎԱՆ, 30 հունվարի - Sputnik. 13 անձ է ձերբակալվել տարբեր տեսակի 18 կգ ընդհանուր քաշով թմրամիջոցներ պահելու և իրացնելու մեղադրանքով։ Այս մասին հայտնում է ՀՀ ՆԳՆ մամուլի ծառայությունը։Նշվում է, որ քննությունը սկսվել է այն բանից հետո, երբ ՆԳՆ–ն տեղեկատվություն է ստացել, որ Իրանից մաքսանենգ ճանապարհով Հայաստան է ներմուծվելու մեծ քանակի թմրամիջոց։ Դրա մի մասը, ըստ տեղեկատվության, իրացվելու էր տեղում, իսկ մյուս մասը պետք է նույն`մաքսանենգ ճանապարհով տեղափոխվեր Վրաստան:Իրանից փորձել են առանձնապես խոշոր չափերի թմրամիջոցներ տեղափոխել ՀՀ. տեսանյութՄաքսանենգության ամբողջ շղթան ոստիկանները բացահայտել են մի քանի փուլով։Նախ մաքսանենգ ճանապարհով թմրամիջոց ներմուծելու և իրացնելու կասկածի հիմքով մայրաքաղաքի Դավթաշեն թաղամասում ձերբակալվել է Երևանի 40-ամյա մի բնակիչ: Նրա վարած «ՎԱԶ-21010» մակնիշի ավտոմեքենայի սրահում հայտնաբերված փաթեթում եղել է ընդհանուր 3 կգ 465 գրամ մարիխուանայի նմանվող զանգված։ Պարզվել է, որ նա պետք է թմրանյութը փոխանցեր Արարատի մարզի 40-ամյա մի բնակչի:Նույն օրը Երևան-Երասխ ճանապարհին հիշյալ փաթեթը ստանալուց անմիջապես հետո 40-ամյա արարատցին ձերբակալվել է և իր «Ռենո» մակնիշի ավտոմեքենայով հանդերձ՝ ներկայացվել նախաքննական մարմին:Հայաստանով Վրաստան մոտ 14 կգ թմրամիջոց տեղափոխելու ժամանակ ձերբակալվել է 4 տղամարդԴրանից հետո մայրաքաղաքի Դավիթ Բեկի փողոցում, մաքսանենգ ճանապարհով թմրամիջոց արտահանելու կասկածի հիմքով ձերբակալվել են Երևանի 51-ամյա և Կոտայքի մարզի 46-ամյա բնակիչներ: Քրեական վարույթի շրջանակում 46-ամյա տղամարդու վարած «Կիա» մակնիշի ավտոմեքենայի խուզարկությամբ հայտնաբերվել է ընդհանուր 106 գրամ բյուրեղանման, մեթամֆետամին տեսակի թմրամիջոցի և 142 գրամ ընդհանուր քաշով մարիխուանայի նմանվող զանգվածներ։Նույն օրը Լոռու մարզի Լալվար սարի գագաթամերձ տարածքում իրավապահները ձերբակալել են Վրաստանի` ազգությամբ հայ 46-ամյա քաղաքացու և Երևանի 36-ամյա բնակչի:Վրաստանի քաղաքացին Վրաստանից ժամանել էր Հայաստան, վերցրել թմրամիջոցը, այն տեղափոխել Լալվար սարի գագաթ, որը գտնվում է Հայաստանի և Վրաստանի սահմանամերձ հատվածում:Նպատակն այն էր, որ ինքն օրինական ճանապարհով սահմանը հատեր, մեկներ Վրաստան, ապա այնտեղից արդեն ապօրինի սահմանահատման միջոցով սարի գագաթից վերցներ թմրամիջոցը և տեղափոխեր Վրաստան։Նա թաքստոցից ներկայացրել է 2 փաթեթ՝ ընդհանուր ավելի քան հինգուկես կիլոգրամ մարիխուանայի նմանվող զանգվածով։Իրանի ոստիկանությունն ավելի քան մեկ տոննա թմրանյութ է առգրավել երկրի հարավ-արևելքումՀաջորդ կասկածյալը հայտնաբերվել է Երևանի Տիգրան Մեծի պողոտայում։ Իրավապահները ձերբակալել են Երևանի 38-ամյա և Սյունիքի մարզի 39-ամյա բնակիչների, վերջինիս վարած «Մինի Կուպեր» մակնիշի ավտոմեքենայի սրահում հայտնաբերված փաթեթում եղել են ընդհանուր 202 գրամ մեթամֆետամինի և 1 կգ 155 գրամ մարիխուանայի նմանվող զանգվածներ։ Հայտնաբերվել է նաև ինքնաձիգ` 28 փամփուշտով:Տեղեկություններ էին ստացվել նաև, որ Շիրակի մարզի երկու բնակիչ` 33 և 32 տարեկան տղամարդիկ, զբաղվում են թմրամիջոցների տեղադրմամբ և համացանցի միջոցով դրանց իրացմամբ:Միջոցառումները շարունակվել են Կոտայքի մարզում: Եղվարդում իրավապահները ձերբակալել են Շիրակի մարզի 33-ամյա և 32-ամյա բնակիչներին: Քրեական վարույթի շրջանակում վերջինիս վարած «Մերսեդեսի» շարժիչի ծածկոցի տակ հայտնաբերվել է փաթեթ՝ ընդհանուր 1 կգ 210 գրամ մարիխուանայի նմանվող զանգվածով: Հայտնաբերվել է նաև ընդհանուր 163 գրամ քաշով մարիխունայի 86 փաթեթ։Իրանից ՀՀ 3.5 կգ թմրամիջոց է ներկրվել, ապա փորձել են իրացնել. դեպքով 5 անձ է կալանավորվելՀունվարի 20-ին Եղվարդի խճուղում ձերբակալվել է Երևանի 32-ամյա մի բնակիչ: Նրա վարած «Տոյոտա» մակնիշի ավտոմեքենայի սրահում հայտնաբերվել է 6 փաթեթ՝ ընդհանուր մոտ 6 կգ մարիխուանայի նմանվող զանգվածով։Ձեռնարկվում են միջոցառումներ՝ Իրանի Իսլամական Հանրապետությունից թմրամիջոցներն ուղարկողների և Հայաստանում նրանց օժանդակած անձանց ինքնությունը պարզելու ուղղությամբ:Հիշյալ բոլոր անձինք կալանավորվել են, նախաքննությունը շարունակվում է:
իրանի իսլամական հանրապետություն
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e9/01/1e/85299354_45:0:756:533_1920x0_80_0_0_9bba70b417b3f5278ebecb42c6515c58.jpg.webpSputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, տեսանյութ, թմրանյութ, թմրամիջոցներ, видео, իրանի իսլամական հանրապետություն, հայաստան, վրաստանի հանրապետություն
տեսանյութեր, տեսանյութ, թմրանյութ, թմրամիջոցներ, видео, իրանի իսլամական հանրապետություն, հայաստան, վրաստանի հանրապետություն
Հայաստանում առգրավել են Իրանից ապօրինի ներմուծված 18 կգ թմրամիջոց. 13 մարդ է կալանավորվել
22:06 30.01.2025 (Թարմացված է: 22:41 30.01.2025) Ձեռնարկվում են միջոցառումներ՝ Իրանից թմրամիջոցներն ուղարկողների և Հայաստանում նրանց օժանդակած անձանց ինքնությունը պարզելու ուղղությամբ:
ԵՐԵՎԱՆ, 30 հունվարի - Sputnik. 13 անձ է ձերբակալվել տարբեր տեսակի 18 կգ ընդհանուր քաշով թմրամիջոցներ պահելու և իրացնելու մեղադրանքով։ Այս մասին հայտնում է ՀՀ ՆԳՆ մամուլի ծառայությունը։
Նշվում է, որ քննությունը սկսվել է այն բանից հետո, երբ ՆԳՆ–ն տեղեկատվություն է ստացել, որ Իրանից մաքսանենգ ճանապարհով Հայաստան է ներմուծվելու մեծ քանակի թմրամիջոց։ Դրա մի մասը, ըստ տեղեկատվության, իրացվելու էր տեղում, իսկ մյուս մասը պետք է նույն`մաքսանենգ ճանապարհով տեղափոխվեր Վրաստան:
Մաքսանենգության ամբողջ շղթան ոստիկանները բացահայտել են մի քանի փուլով։
Նախ մաքսանենգ ճանապարհով թմրամիջոց ներմուծելու և իրացնելու կասկածի հիմքով մայրաքաղաքի Դավթաշեն թաղամասում ձերբակալվել է Երևանի 40-ամյա մի բնակիչ: Նրա վարած «ՎԱԶ-21010» մակնիշի ավտոմեքենայի սրահում հայտնաբերված փաթեթում եղել է ընդհանուր 3 կգ 465 գրամ մարիխուանայի նմանվող զանգված։ Պարզվել է, որ նա պետք է թմրանյութը փոխանցեր Արարատի մարզի 40-ամյա մի բնակչի:
Նույն օրը Երևան-Երասխ ճանապարհին հիշյալ փաթեթը ստանալուց անմիջապես հետո 40-ամյա արարատցին ձերբակալվել է և իր «Ռենո» մակնիշի ավտոմեքենայով հանդերձ՝ ներկայացվել նախաքննական մարմին:
Դրանից հետո մայրաքաղաքի Դավիթ Բեկի փողոցում, մաքսանենգ ճանապարհով թմրամիջոց արտահանելու կասկածի հիմքով ձերբակալվել են Երևանի 51-ամյա և Կոտայքի մարզի 46-ամյա բնակիչներ: Քրեական վարույթի շրջանակում 46-ամյա տղամարդու վարած «Կիա» մակնիշի ավտոմեքենայի խուզարկությամբ հայտնաբերվել է ընդհանուր 106 գրամ բյուրեղանման, մեթամֆետամին տեսակի թմրամիջոցի և 142 գրամ ընդհանուր քաշով մարիխուանայի նմանվող զանգվածներ։
Նույն օրը Լոռու մարզի Լալվար սարի գագաթամերձ տարածքում իրավապահները ձերբակալել են Վրաստանի` ազգությամբ հայ 46-ամյա քաղաքացու և Երևանի 36-ամյա բնակչի:
Վրաստանի քաղաքացին Վրաստանից ժամանել էր Հայաստան, վերցրել թմրամիջոցը, այն տեղափոխել Լալվար սարի գագաթ, որը գտնվում է Հայաստանի և Վրաստանի սահմանամերձ հատվածում:
Նպատակն այն էր, որ ինքն օրինական ճանապարհով սահմանը հատեր, մեկներ Վրաստան, ապա այնտեղից արդեն ապօրինի սահմանահատման միջոցով սարի գագաթից վերցներ թմրամիջոցը և տեղափոխեր Վրաստան։
Նա թաքստոցից ներկայացրել է 2 փաթեթ՝ ընդհանուր ավելի քան հինգուկես կիլոգրամ մարիխուանայի նմանվող զանգվածով։
Հաջորդ կասկածյալը հայտնաբերվել է Երևանի Տիգրան Մեծի պողոտայում։ Իրավապահները ձերբակալել են Երևանի 38-ամյա և Սյունիքի մարզի 39-ամյա բնակիչների, վերջինիս վարած «Մինի Կուպեր» մակնիշի ավտոմեքենայի սրահում հայտնաբերված փաթեթում եղել են ընդհանուր 202 գրամ մեթամֆետամինի և 1 կգ 155 գրամ մարիխուանայի նմանվող զանգվածներ։ Հայտնաբերվել է նաև ինքնաձիգ` 28 փամփուշտով:
Տեղեկություններ էին ստացվել նաև, որ Շիրակի մարզի երկու բնակիչ` 33 և 32 տարեկան տղամարդիկ, զբաղվում են թմրամիջոցների տեղադրմամբ և համացանցի միջոցով դրանց իրացմամբ:
Միջոցառումները շարունակվել են Կոտայքի մարզում: Եղվարդում իրավապահները ձերբակալել են Շիրակի մարզի 33-ամյա և 32-ամյա բնակիչներին: Քրեական վարույթի շրջանակում վերջինիս վարած «Մերսեդեսի» շարժիչի ծածկոցի տակ հայտնաբերվել է փաթեթ՝ ընդհանուր 1 կգ 210 գրամ մարիխուանայի նմանվող զանգվածով: Հայտնաբերվել է նաև ընդհանուր 163 գրամ քաշով մարիխունայի 86 փաթեթ։
Հունվարի 20-ին Եղվարդի խճուղում ձերբակալվել է Երևանի 32-ամյա մի բնակիչ: Նրա վարած «Տոյոտա» մակնիշի ավտոմեքենայի սրահում հայտնաբերվել է 6 փաթեթ՝ ընդհանուր մոտ 6 կգ մարիխուանայի նմանվող զանգվածով։
Ձեռնարկվում են միջոցառումներ՝ Իրանի Իսլամական Հանրապետությունից թմրամիջոցներն ուղարկողների և Հայաստանում նրանց օժանդակած անձանց ինքնությունը պարզելու ուղղությամբ:
Հիշյալ բոլոր անձինք կալանավորվել են, նախաքննությունը շարունակվում է: