https://arm.sputniknews.ru/20250128/mez-hamar-hajreniqy-sakarkman-ararka-che-abrahamjany-alievi-arajarki-masin-85211287.html
Մեզ համար հայրենիքը սակարկման առարկա չէ․ Աբրահամյանը՝ Ալիևի առաջարկի մասին
Մեզ համար հայրենիքը սակարկման առարկա չէ․ Աբրահամյանը՝ Ալիևի առաջարկի մասին
Sputnik Արմենիա
Տիգրան Աբրահամյանը նշեց՝ այն մոտեցումները, դիրքորոշումը, որ Սարգսյանն ունեցել է երկրի պաշտպանության, բանակցությունների թեմայի շուրջ, երբևէ չեն փոխվել։ 28.01.2025, Sputnik Արմենիա
2025-01-28T16:39+0400
2025-01-28T16:39+0400
2025-01-28T16:56+0400
տիգրան աբրահամյան
ալեքսանդր լուկաշենկո
հայրենիք
«պատիվ ունեմ» դաշինք
https://cdn.am.sputniknews.ru/img/07e7/09/0b/65613168_0:0:1600:901_1920x0_80_0_0_3d499a91043ad0ab38925eba239265ef.jpg
ԵՐԵՎԱՆ, 28 հունվարի – Sputnik. Արցախը մեր հայրենիքի մի մասն է, իսկ հայրենիքը սակարկման առարկա չէ։ Այսօր «Եռաբլուր» զինվորական պանթեոնում լրագրողների հետ զրույցում այս մասին ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը՝ անդրադառնալով Բելառուսի նախագահ Ալեքսանդր Լուկաշենկոյի խոսքերին։Բելառուսի նախագահն ավելի վաղ պատմել էր, որ տարիներ առաջ ՀՀ երրորդ նախագահ Սերժ Սարգսյանն իրենից նեղացել է, երբ ինքը փոխանցել է Ադրբեջանի նախագահ Իլհամ Ալիևի առաջարկը՝ 5 միլիարդ դոլար տալ Արցախի 5 շրջանների դիմաց։Նա հիշեցրեց, որ այդ առաջարկին ի պատասխան՝ Սերժ Սարգսյանն էլ 6 միլիարդ դոլար էր առաջարկել Ալիևին։Աբրահամյանի խոսքով՝ այն մոտեցումները, դիրքորոշումը, որ Սարգսյանն ունեցել է երկրի պաշտպանության, բանակցությունների թեմայի շուրջ, եղել են անփոփոխ ու մնացել են այդպիսին։Հիշեցնենք՝ Բելառուսի նախագահը 2021թ-ին Ադրբեջանի նախագահի հետ հանդիպման ժամանակ ասել էր, թե Սերժ Սարգսյանի իշխանությունը հրաժարվել է խաղաղ ճանապարհով լուծել ԼՂ հարցը, ինչին Սերժ Սարգսյանն արձագանքել էր՝ ասելով, որ մեծագույն հարգանք տածելով բելառուս ժողովրդի հանդեպ՝ չէր ցանկանա, որ նրանք երբևէ նման «խաղաղասեր» հարևան ունենային, քանի որ կարճ ժամանակ հետո կպարզվեր, որ Մինսկը ադրբեջանական հինավուրց քաղաք է, իսկ բելառուս ժողովուրդ՝ որպես այդպիսին, չի էլ եղել։ Պուտինն ու Լուկաշենկոն քննարկել են Արցախի թեմանՀՀ երրորդ նախագահը նշել էր՝ ճշմարտությունը պարզել ցանկացողները կարող են ընդամենը համացանցից հանել «խաղաղասեր» Ալիևի տարիներ շարունակ հրապարակավ հնչեցրած հայատյաց, ռազմատենչ հայտարարությունները և հետևություններ անել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e7/09/0b/65613168_132:0:1552:1065_1920x0_80_0_0_2fd71b41b9b5ddcf61b6ba0f555e5c37.jpgSputnik Արմենիա
media@sputniknews.com
+74956456601
MIA „Rossiya Segodnya“
տիգրան աբրահամյան, ալեքսանդր լուկաշենկո, հայրենիք, «պատիվ ունեմ» դաշինք
տիգրան աբրահամյան, ալեքսանդր լուկաշենկո, հայրենիք, «պատիվ ունեմ» դաշինք
Մեզ համար հայրենիքը սակարկման առարկա չէ․ Աբրահամյանը՝ Ալիևի առաջարկի մասին
16:39 28.01.2025 (Թարմացված է: 16:56 28.01.2025) Տիգրան Աբրահամյանը նշեց՝ այն մոտեցումները, դիրքորոշումը, որ Սարգսյանն ունեցել է երկրի պաշտպանության, բանակցությունների թեմայի շուրջ, երբևէ չեն փոխվել։
ԵՐԵՎԱՆ, 28 հունվարի – Sputnik. Արցախը մեր հայրենիքի մի մասն է, իսկ հայրենիքը սակարկման առարկա չէ։ Այսօր «Եռաբլուր» զինվորական պանթեոնում լրագրողների հետ զրույցում այս մասին ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը՝ անդրադառնալով Բելառուսի նախագահ Ալեքսանդր Լուկաշենկոյի խոսքերին։
Բելառուսի նախագահն ավելի վաղ
պատմել էր, որ տարիներ առաջ ՀՀ երրորդ նախագահ Սերժ Սարգսյանն իրենից նեղացել է, երբ ինքը փոխանցել է Ադրբեջանի նախագահ Իլհամ Ալիևի առաջարկը՝ 5 միլիարդ դոլար տալ Արցախի 5 շրջանների դիմաց։
«Հայրենիքը սրբություն է և որևէ գնով վաճառքի ենթակա չէ»,- ասաց Տիգրան Աբրահամյանը։
Նա հիշեցրեց, որ այդ առաջարկին ի պատասխան՝ Սերժ Սարգսյանն էլ 6 միլիարդ դոլար էր առաջարկել Ալիևին։
Աբրահամյանի խոսքով՝ այն մոտեցումները, դիրքորոշումը, որ Սարգսյանն ունեցել է երկրի պաշտպանության, բանակցությունների թեմայի շուրջ, եղել են անփոփոխ ու մնացել են այդպիսին։
Հիշեցնենք՝ Բելառուսի նախագահը 2021թ-ին Ադրբեջանի նախագահի հետ հանդիպման ժամանակ ասել էր, թե Սերժ Սարգսյանի իշխանությունը հրաժարվել է խաղաղ ճանապարհով լուծել ԼՂ հարցը, ինչին
Սերժ Սարգսյանն արձագանքել էր՝ ասելով, որ մեծագույն հարգանք տածելով բելառուս ժողովրդի հանդեպ՝ չէր ցանկանա, որ նրանք երբևէ նման «խաղաղասեր» հարևան ունենային, քանի որ կարճ ժամանակ հետո կպարզվեր, որ Մինսկը ադրբեջանական հինավուրց քաղաք է, իսկ բելառուս ժողովուրդ՝ որպես այդպիսին, չի էլ եղել։
ՀՀ երրորդ նախագահը նշել էր՝ ճշմարտությունը պարզել ցանկացողները կարող են ընդամենը համացանցից հանել «խաղաղասեր» Ալիևի տարիներ շարունակ հրապարակավ հնչեցրած հայատյաց, ռազմատենչ հայտարարությունները և հետևություններ անել։