https://arm.sputniknews.ru/20250127/petq-e-khvosel-irakan-adrbejani-masin-hh-nakhkin-artgvortsnakharary-vtangneri-masin-85155826.html
Պետք է խոսել «իրական Ադրբեջանի» մասին. ՀՀ նախկին արտգործնախարարը վտանգներ է տեսնում
Պետք է խոսել «իրական Ադրբեջանի» մասին. ՀՀ նախկին արտգործնախարարը վտանգներ է տեսնում
Sputnik Արմենիա
Արա Այվազյանը նշել է, որ ամեն գնով հնարավոր չի չեղարկել պատերազմը, քանի որ պատերազմից խուսափելը շատ անգամ բերում է միայն հետաձգված պատերազմի: 27.01.2025, Sputnik Արմենիա
2025-01-27T12:04+0400
2025-01-27T12:04+0400
2025-01-27T12:41+0400
հայաստան
նիկոլ փաշինյան
իլհամ ալիև
արա այվազյան
ադրբեջան
https://cdn.am.sputniknews.ru/img/07e8/05/1b/76302075_0:42:1600:942_1920x0_80_0_0_86a8e3515189c75f23ec396e8305f3ad.jpg.webp
ԵՐԵՎԱՆ, 27 հունվարի – Sputnik. Ադրբեջանը շատ լուրջ վտանգ է ներկայացնում ամբողջ տարածաշրջանի համար, ու զենքով պարբերաբար թխկթխկացնելը, Հայաստանի ամբողջական ապառազմականացման պահանջը, նոր ագրեսիայի ակտիվ նախապատրաստությունները կարող են հանգեցնել ծայրահեղ ծանր հետևանքների։ Այս մասին գրում է ՀՀ նախկին արտգործնախարար Արա Այվազյանը, որը զուգահեռներ է անցկացնում ադրբեջանական իշխանությունների հայտարարությունների և ֆաշիստական Գերմանիայի առաջնորդների հռետորաբանության միջև։Ավելի վաղ ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցում, անդրադառնալով Իլհամ Ալիևի հայտարարություններին, թե Հայաստանը ֆաշիստական պետություն է ու այդ ֆաշիզմը պետք կործանի կա՛մ ՀՀ ղեկավարությունը, կա՛մ էլ հենց իրենք, ու դրան այլընտրանք չկա, ասել էր` պետք է հասկանալ` ինչու է Հայաստանի և Ադրբեջանի հասարակություններում իրար հանդեպ նման կարծիք ձևավորվել։Պատմության խեղաթյուրում. Ռուսատանի հայերի միությունը` Փաշինյանի հայտարարությունների մասինԴիվանագետը սխալ է համարում ՀՀ իշխանությունների դիրքորոշումը, որոնք հրաժարվում են հավուր պատշաճի արձագանքել Ադրբեջանի նախագահ Իլհամ Ալիևի հայտարարություններին։ Այվազյանի խոսքով` նախկինում Ադրբեջանի ղեկավարն ինքն է խոստովանել, որ իր կյանքի առաքելությունն է եղել պատերազմում հաղթելը, ոչ թե քաղաքական կարգավորումը:«2020 թվականից ի վեր «երկաթյա բռունցքը» (Բաքուն այդպես է անվանում 44-օրյա պատերազմը) վերածվել է ադրբեջանցիների ազգային հպարտության աղբյուր և խորհրդանիշ, իսկ ուժային գործոնը Բաքվի համար դարձել է խնդիրների լուծման միակ գործիք»,– նշում է Այվազյանը։Ըստ նախկին արտգործնախարարի` ուժի նման ֆետիշացումը հիշեցնում է Չարլզ Դարվինի էվոլյուցիայի տեսությունը, որով նա ներդրել է «ուժեղագույնների գոյատևման» հասկացությունը։ Հետագայում «սոցիալ–դարվինիզմը» հանգեցրեց ավելի վտանգավոր գաղափարախոսությունների առաջացմանը, որոնց վրա մասնավորապես սկսեցին հիմնվել գերմանական միլիտարիզմի և ֆաշիզմի գաղափարները։Նրա խոսքով` այս ֆոնին հայկական իշխանությունները «իրական Հայաստանի» և «պատմական Հայաստանի» մասին դիսկուրսի փոխարեն պետք է հանրությանը ներկայացնեն «իրական Ադրբեջանը»։«Մեր հավաքական ինքնագիտակցությունն ու մտածելակերպն արհեստականորեն փոխակերպելու փոխարեն պետք է առերեսվել դառը ճշմարտությանը. այս տեսակ հակառակորդի հետ ոչ մի փաստաթուղթ կամ պայմանավորվածություն չեն բերելու խաղաղություն։ Ամեն գնով հնարավոր չի չեղարկել պատերազմը, քանի որ պատերազմից խուսափելը շատ անգամ բերում է միայն հետաձգված պատերազմի: Այլընտրանքը չի նշանակում հռետորաբանության արմատական կոշտացում, ոչ էլ իրավիճակն անկառավարելի հուն տեղափոխելը: Մեր նպատակը պետք է լինի իրատեսական՝ զսպման արդյունավետ մեխանիզմների ձևավորման միջոցով ապահովել տանելի կայունություն, որը հիմնված կլինի ռազմավարական նոր հավասարակշռության վրա»,– կարծում է դիվանագետը։Ըստ Այվազյանի` անպատժելիության հետևանքներն անդրադառնում են նաև այն դերակատարների վրա, որոնք իրենց նպատակների հետապնդման արդյունքում աչք են փակել Բաքվի հանցավոր ինքնահաստատման վրա և այսօր ստանում են իրենց վարած քաղաքականության առաջին պտուղները: Նախկին նախարարը համոզված է` միլիտարիզմի, նացիզմի և ֆաշիզմի թույնը, ինչպես նաև «ուժեղագույնների գոյատևման» հասկացությունը միշտ կգտնեն «պարարտ հող» և հակազդեցության բացակայության պայմաններում ժամանակի ընթացքում կդառնան անվերահսկելի։Այվազյանը հիշեցնում է` մի քանի ամսից լրանալու է Մեծ հաղթանակի 80-ամյակը ու որևէ մեկը չի կարող ուրանալ այն փաստը, որ Հայաստանն ու հայ ժողովուրդը մեծ և անհերքելի ներդրում են ունեցել ֆաշիզմի ջախջախման գործում: Որևէ մեկը չի կարող անտեսել, որ Հայաստանն այսօր առերեսվում է ֆաշիզմի նորանոր դրսևորումների: Ըստ դիվանագետի` կարող է թվալ, որ ինչպես անցած դարում Սուդետը և ապա Չեխոսլովակիան, այնպես էլ Արցախն ու Հայաստանն այսօր կարող են զոհաբերվել հանուն ինչ-ինչ նպատակների: Այդուհանդերձ, 1938 թ. Մյունխենի այսպես կոչված «հանդարտեցման» ողբերգական դասերը հենց մեր ժամանակների համար լավագույն հիշեցումն ու նախազգուշացումն են:Բանակի բարեփոխումների համար շատ կարևոր է Արարատ–Արագած դիսկուրսը. Փաշինյան
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e8/05/1b/76302075_0:0:1425:1068_1920x0_80_0_0_05b759fdcdd8f58243c053941f359cd8.jpg.webpSputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, իլհամ ալիև, արա այվազյան, ադրբեջան
հայաստան, նիկոլ փաշինյան, իլհամ ալիև, արա այվազյան, ադրբեջան
Պետք է խոսել «իրական Ադրբեջանի» մասին. ՀՀ նախկին արտգործնախարարը վտանգներ է տեսնում
12:04 27.01.2025 (Թարմացված է: 12:41 27.01.2025) Արա Այվազյանը նշել է, որ ամեն գնով հնարավոր չի չեղարկել պատերազմը, քանի որ պատերազմից խուսափելը շատ անգամ բերում է միայն հետաձգված պատերազմի:
ԵՐԵՎԱՆ, 27 հունվարի – Sputnik. Ադրբեջանը շատ լուրջ վտանգ է ներկայացնում ամբողջ տարածաշրջանի համար, ու զենքով պարբերաբար թխկթխկացնելը, Հայաստանի ամբողջական ապառազմականացման պահանջը, նոր ագրեսիայի ակտիվ նախապատրաստությունները կարող են հանգեցնել ծայրահեղ ծանր հետևանքների։ Այս մասին գրում է ՀՀ նախկին արտգործնախարար Արա Այվազյանը, որը զուգահեռներ է անցկացնում ադրբեջանական իշխանությունների հայտարարությունների և ֆաշիստական Գերմանիայի առաջնորդների հռետորաբանության միջև։
Ավելի վաղ ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցում, անդրադառնալով Իլհամ Ալիևի հայտարարություններին, թե Հայաստանը ֆաշիստական պետություն է ու այդ ֆաշիզմը պետք կործանի կա՛մ ՀՀ ղեկավարությունը, կա՛մ էլ հենց իրենք, ու դրան այլընտրանք չկա, ասել էր` պետք է հասկանալ` ինչու է Հայաստանի և Ադրբեջանի հասարակություններում իրար հանդեպ նման կարծիք ձևավորվել։
Դիվանագետը սխալ է համարում ՀՀ իշխանությունների դիրքորոշումը, որոնք հրաժարվում են հավուր պատշաճի արձագանքել Ադրբեջանի նախագահ Իլհամ Ալիևի հայտարարություններին։ Այվազյանի խոսքով` նախկինում Ադրբեջանի ղեկավարն ինքն է խոստովանել, որ իր կյանքի առաքելությունն է եղել պատերազմում հաղթելը, ոչ թե քաղաքական կարգավորումը:
«2020 թվականից ի վեր «երկաթյա բռունցքը» (Բաքուն այդպես է անվանում 44-օրյա պատերազմը) վերածվել է ադրբեջանցիների ազգային հպարտության աղբյուր և խորհրդանիշ, իսկ ուժային գործոնը Բաքվի համար դարձել է խնդիրների լուծման միակ գործիք»,– նշում է Այվազյանը։
Ըստ նախկին արտգործնախարարի` ուժի նման ֆետիշացումը հիշեցնում է Չարլզ Դարվինի էվոլյուցիայի տեսությունը, որով նա ներդրել է «ուժեղագույնների գոյատևման» հասկացությունը։ Հետագայում «սոցիալ–դարվինիզմը» հանգեցրեց ավելի վտանգավոր գաղափարախոսությունների առաջացմանը, որոնց վրա մասնավորապես սկսեցին հիմնվել գերմանական միլիտարիզմի և ֆաշիզմի գաղափարները։
«Տասնամյակներ շարունակ հայերի նկատմամբ ատելություն քարոզող, պատերազմներ և ռազմական հանցագործություններ իրականացրած, նացիստական Ռեյխի ազգային խտրականության «լավագույն փորձը» յուրացրած ու էթնիկ զտումներ և ցեղասպանական ոճրագործություններ իրականացրած Ադրբեջանը պահանջում է Հայաստանի դենացիֆիկացիա, հակառակ պարագայում, եթե չասենք՝ ցանկացած պարագայում, սպառնում և պատրաստվում է նոր պատերազմի: Նման երկիրը, որի բերանն է ընկել հայերի նկատմամբ ռազմական հաղթանակի խենթացնող համը, ամենամեծ վտանգն է տարածաշրջանի կայունության համար»,– գրում է նախկին նախարարը:
Նրա խոսքով` այս ֆոնին հայկական իշխանությունները «իրական Հայաստանի» և «պատմական Հայաստանի» մասին դիսկուրսի փոխարեն պետք է հանրությանը ներկայացնեն «իրական Ադրբեջանը»։
«Մեր հավաքական ինքնագիտակցությունն ու մտածելակերպն արհեստականորեն փոխակերպելու փոխարեն պետք է առերեսվել դառը ճշմարտությանը. այս տեսակ հակառակորդի հետ ոչ մի փաստաթուղթ կամ պայմանավորվածություն չեն բերելու խաղաղություն։ Ամեն գնով հնարավոր չի չեղարկել պատերազմը, քանի որ պատերազմից խուսափելը շատ անգամ բերում է միայն հետաձգված պատերազմի: Այլընտրանքը չի նշանակում հռետորաբանության արմատական կոշտացում, ոչ էլ իրավիճակն անկառավարելի հուն տեղափոխելը: Մեր նպատակը պետք է լինի իրատեսական՝ զսպման արդյունավետ մեխանիզմների ձևավորման միջոցով ապահովել տանելի կայունություն, որը հիմնված կլինի ռազմավարական նոր հավասարակշռության վրա»,– կարծում է դիվանագետը։
Ըստ Այվազյանի` անպատժելիության հետևանքներն անդրադառնում են նաև այն դերակատարների վրա, որոնք իրենց նպատակների հետապնդման արդյունքում աչք են փակել Բաքվի հանցավոր ինքնահաստատման վրա և այսօր ստանում են իրենց վարած քաղաքականության առաջին պտուղները: Նախկին նախարարը համոզված է` միլիտարիզմի, նացիզմի և ֆաշիզմի թույնը, ինչպես նաև «ուժեղագույնների գոյատևման» հասկացությունը միշտ կգտնեն «պարարտ հող» և հակազդեցության բացակայության պայմաններում ժամանակի ընթացքում կդառնան անվերահսկելի։
Այվազյանը հիշեցնում է` մի քանի ամսից լրանալու է Մեծ հաղթանակի 80-ամյակը ու որևէ մեկը չի կարող ուրանալ այն փաստը, որ Հայաստանն ու հայ ժողովուրդը մեծ և անհերքելի ներդրում են ունեցել ֆաշիզմի ջախջախման գործում: Որևէ մեկը չի կարող անտեսել, որ Հայաստանն այսօր առերեսվում է ֆաշիզմի նորանոր դրսևորումների: Ըստ դիվանագետի` կարող է թվալ, որ ինչպես անցած դարում Սուդետը և ապա Չեխոսլովակիան, այնպես էլ Արցախն ու Հայաստանն այսօր կարող են զոհաբերվել հանուն ինչ-ինչ նպատակների: Այդուհանդերձ, 1938 թ. Մյունխենի այսպես կոչված «հանդարտեցման» ողբերգական դասերը հենց մեր ժամանակների համար լավագույն հիշեցումն ու նախազգուշացումն են: