https://arm.sputniknews.ru/20250122/irany-cankanum-e-vor-erevanic-u-baqvic-sparnaliqner-chlinen-qaghaqaget-85022981.html
Իրանը ցանկանում է, որ Երևանից ու Բաքվից սպառնալիքներ չլինեն. քաղաքագետ
Իրանը ցանկանում է, որ Երևանից ու Բաքվից սպառնալիքներ չլինեն. քաղաքագետ
Sputnik Արմենիա
Վերջին օրերին իրանցի պաշտոնյաները տարածաշրջանում բավական լուրջ դիվանագիտական ակտիվություն են ցուցաբերում։ 22.01.2025, Sputnik Արմենիա
2025-01-22T22:22+0400
2025-01-22T22:22+0400
2025-01-22T22:22+0400
կարեն իգիթյան
երևան
հայաստան
հայաստան–իրան գործակցություն
իրանի իսլամական հանրապետություն
ռուսաստան
հայ-ադրբեջանական
ադրբեջան
վահան կոստանյան
https://cdn.am.sputniknews.ru/img/07e9/01/16/85019818_0:0:1500:844_1920x0_80_0_0_3ee0a3454ffec68b07d856d19d8d1027.jpg
ԵՐԵՎԱՆ, 22 հունվարի - Sputnik. Իրանը փորձում է ապահովագրվել հայկական և ադրբեջանական ուղղություններից հնարավոր սպառնալիքներից այն դեպքում, եթե ԱՄՆ-ն պատերազմ սանձազերծի իր դեմ: Sputnik Արմենիայի հետ զրույցում նման կարծիք հայտնեց քաղաքագետ Կարեն Իգիթյանը՝ մեկնաբանելով վերջին օրերի ակտիվ դիվանագիտական միջոցառումները։Նրա խոսքով՝ Իրանը հասկանում է, թե ինչ փոփոխությունների են ենթարկվում Հարավային Կովկասը և մերձավորարևելյան տարածաշրջանը և փորձում է ամեն ինչ անել, որպեսզի այդ փոփոխությունները չոտնահարեն իր շահերը։ Թեհրանում լրջորեն տեսնում են մեծ պատերազմի վտանգը, որը կարող է սանձազերծել Արևմուտքը և մասնավորապես ԱՄՆ-ն, և Իսլամական Հանրապետության ողջ տարածաշրջանային ակտիվությունն ուղղված է հնարավորինս ապահովագրվելու հարևան երկրների սպառնալիքներից։ Հունվարի սկզբին Բաքու, ապա նաև Երևան էր այցելել ԻԻՀ անվտանգության բարձրագույն խորհրդի քարտուղար Ալի Աքբար Ահմադիանը. իրանցի պաշտոնյային ընդունել էին նաև Հայաստանի և Ադրբեջանի ղեկավարները: Այնուհետև Թեհրան այցելեց ՀՀ փոխարտգործնախարար Վահան Կոստանյանը, որը հանդիպումներ ունեցավ ԱԳ նախարար Աբբաս Արաղչիի, նրա տեղակալի, ինչպես նաև ԻԻՀ հոգևոր առաջնորդի խորհրդականի հետ: Հատկանշական է, որ դրանից հետո Իրան այցելեց Ադրբեջանի փոխվարչապետ Շահին Մուստաֆաևը: Իգիթյանի խոսքով՝ Իրանը որոշակի սպառնալիքներ է զգում ինչպես Հայաստանի, այնպես էլ, իհարկե, Ադրբեջանի կողմից։ Թեհրանը մտավախություն ունի, որ և' Երևանը, և' Բաքուն կարող են գործիք դառնալ Արևմուտքի հակաիրանական քաղաքականության և քայլերի համար: Անդրադառնալով ռուս-իրանական համապարփակ ռազմավարական գործընկերության պայմանագրին և Հայաստանի վրա դրա հնարավոր ազդեցությանը՝ փորձագետն ընդգծեց, որ Հայաստանի ազգային և պետական շահերի տեսանկյունից համաձայնագիրն անվերապահորեն դրական է: Բայց եթե հաշվի առնենք, թե ինչ քաղաքականություն է վարում Հայաստանի ներկայիս իշխող թիմը, ապա արդյունքների մասին խոսելը չափազանց դժվար է։ Դրա հետ մեկտեղ, ՀՀ ԱԳ նախարար Արարատ Միրզոյանը երեկ հայտարարել է, որ ռուս-իրանական համաձայնագիրը օգտակար կլինի բոլորին։ Իրականում Երևանը կարող է հսկայական օգուտ քաղել այդ համաձայնագրից թե' տնտեսական, թե' ռազմաքաղաքական առումով։ Այլ բան է, թե գործնականում ինչպես կմոտենան այդ հարցին ՀՀ պաշտոնական շրջանակները։
երևան
իրանի իսլամական հանրապետություն
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e9/01/16/85019818_165:0:1500:1001_1920x0_80_0_0_ee0ac86e092dca589842c78ac1740a00.jpgSputnik Արմենիա
media@sputniknews.com
+74956456601
MIA „Rossiya Segodnya“
կարեն իգիթյան, երևան, հայաստան, հայաստան–իրան գործակցություն, իրանի իսլամական հանրապետություն, ռուսաստան, հայ-ադրբեջանական, ադրբեջան, վահան կոստանյան
կարեն իգիթյան, երևան, հայաստան, հայաստան–իրան գործակցություն, իրանի իսլամական հանրապետություն, ռուսաստան, հայ-ադրբեջանական, ադրբեջան, վահան կոստանյան
Իրանը ցանկանում է, որ Երևանից ու Բաքվից սպառնալիքներ չլինեն. քաղաքագետ
Վերջին օրերին իրանցի պաշտոնյաները տարածաշրջանում բավական լուրջ դիվանագիտական ակտիվություն են ցուցաբերում։
ԵՐԵՎԱՆ, 22 հունվարի - Sputnik. Իրանը փորձում է ապահովագրվել հայկական և ադրբեջանական ուղղություններից հնարավոր սպառնալիքներից այն դեպքում, եթե ԱՄՆ-ն պատերազմ սանձազերծի իր դեմ:
Sputnik Արմենիայի հետ զրույցում նման կարծիք հայտնեց քաղաքագետ Կարեն Իգիթյանը՝ մեկնաբանելով վերջին օրերի ակտիվ դիվանագիտական միջոցառումները։
Նրա խոսքով՝ Իրանը հասկանում է, թե ինչ փոփոխությունների են ենթարկվում Հարավային Կովկասը և մերձավորարևելյան տարածաշրջանը և փորձում է ամեն ինչ անել, որպեսզի այդ փոփոխությունները չոտնահարեն իր շահերը։
Թեհրանում լրջորեն տեսնում են մեծ պատերազմի վտանգը, որը կարող է սանձազերծել Արևմուտքը և մասնավորապես ԱՄՆ-ն, և Իսլամական Հանրապետության ողջ տարածաշրջանային ակտիվությունն ուղղված է հնարավորինս ապահովագրվելու հարևան երկրների սպառնալիքներից։
Հունվարի սկզբին
Բաքու, ապա նաև
Երևան էր այցելել ԻԻՀ անվտանգության բարձրագույն խորհրդի քարտուղար Ալի Աքբար Ահմադիանը. իրանցի պաշտոնյային ընդունել էին նաև Հայաստանի և Ադրբեջանի ղեկավարները: Այնուհետև Թեհրան այցելեց ՀՀ փոխարտգործնախարար
Վահան Կոստանյանը, որը հանդիպումներ ունեցավ ԱԳ նախարար Աբբաս Արաղչիի, նրա տեղակալի, ինչպես նաև ԻԻՀ հոգևոր առաջնորդի խորհրդականի հետ: Հատկանշական է, որ դրանից հետո Իրան այցելեց Ադրբեջանի փոխվարչապետ Շահին Մուստաֆաևը:
Իգիթյանի խոսքով՝ Իրանը որոշակի սպառնալիքներ է զգում ինչպես Հայաստանի, այնպես էլ, իհարկե, Ադրբեջանի կողմից։ Թեհրանը մտավախություն ունի, որ և' Երևանը, և' Բաքուն կարող են գործիք դառնալ Արևմուտքի հակաիրանական քաղաքականության և քայլերի համար:
«...Իհարկե, հայկական կողմը փորձում է հանգստացնել իրանցի գործընկերներին և հավաստիացնել, որ Հայաստանի կողմից սպառնալիքներ չկան։ Կարծում եմ՝ Կոստանյանը (ՀՀ փոխարտգործնախարար Վահան Կոստանյանը,-խմբ.) Թեհրան է մեկնել պաշտոնական Երևանի այն ուղերձով, որ ԱՄՆ-ի հետ ռազմավարական գործընկերության համաձայնագիրը որևէ կերպ ուղղված չէ իրանական շահերի դեմ։ Բանակցությունների արդյունքներով արված պաշտոնական հայտարարություններում նշվել է, որ կողմերը հարգում են միմյանց արտաքին քաղաքական առաջնահերթությունները: Հայաստանի իշխանությունները փորձել են համոզել Իրանին, որ իրենց շրջադարձը դեպի Արևմուտք չի սպառնում Իրանին», - ասաց մեր զրուցակիցը։
Անդրադառնալով
ռուս-իրանական համապարփակ ռազմավարական գործընկերության պայմանագրին և Հայաստանի վրա դրա հնարավոր ազդեցությանը՝ փորձագետն ընդգծեց, որ Հայաստանի ազգային և պետական շահերի տեսանկյունից համաձայնագիրն անվերապահորեն դրական է: Բայց եթե հաշվի առնենք, թե ինչ քաղաքականություն է վարում Հայաստանի ներկայիս իշխող թիմը, ապա արդյունքների մասին խոսելը չափազանց դժվար է։ Դրա հետ մեկտեղ, ՀՀ ԱԳ նախարար
Արարատ Միրզոյանը երեկ հայտարարել է, որ ռուս-իրանական
համաձայնագիրը օգտակար կլինի բոլորին։
Իրականում Երևանը կարող է հսկայական օգուտ քաղել այդ համաձայնագրից թե' տնտեսական, թե' ռազմաքաղաքական առումով։ Այլ բան է, թե գործնականում ինչպես կմոտենան այդ հարցին ՀՀ պաշտոնական շրջանակները։