https://arm.sputniknews.ru/20250111/pashinjany-azhin-khnajel-e-tsarajvoghakan-avtvomeqenanery-krtshatvel-en-voch-te-90-ajl-24-vov-84683565.html
Փաշինյանը ԱԺ–ին խնայե՞լ է. ծառայողական ավտոմեքենաները կրճատվել են ոչ թե 90, այլ 24 %–ով
Փաշինյանը ԱԺ–ին խնայե՞լ է. ծառայողական ավտոմեքենաները կրճատվել են ոչ թե 90, այլ 24 %–ով
Sputnik Արմենիա
Ինչպես և ենթադրվում էր, ՀՀ Ազգային ժողովի նախագահին սպասարկող 90 մլն դրամ արժողությամբ «BMW 750Li xDrive LCI» դասի մեքենան կրճատված մեքենաների ցանկում չէ։ 11.01.2025, Sputnik Արմենիա
2025-01-11T09:55+0400
2025-01-11T09:55+0400
2025-01-11T09:55+0400
աժ (ազգային ժողով)
ավտոմեքենա
նիկոլ փաշինյան
ալեն սիմոնյան
https://cdn.am.sputniknews.ru/img/07e6/09/0d/48161820_138:315:1475:1067_1920x0_80_0_0_c90d87687dad33408fe5dc2abbc5674c.jpg
ԵՐԵՎԱՆ, 11 հունվարի – Sputnik․ ՀՀ Ազգային ժողովի հաշվեկշռում առկա 42 ծառայողական ավտոմեքենայից կրճատվել է 10-ը։ Տեղեկությունը հայտնել է ԱԺ մամուլի ծառայությունը` պատասխանելով Sputnik Արմենիայի գրավոր հարցմանը։Ավելի վաղ Փաշինյանը Հանրային հեռուստաընկերության եթերում ասել էր, որ որոշել է պետական ծառայողական մեքենաների հարցը «կացնային ձևով» լուծել` դրանք կրճատելով 80-90 տոկոսով։Արդեն հայտնել էինք, որ ՀՀ վարչապետ Նիկոլ Փաշինյանը նախորդ տարվա վերջին առանց երկար–բարակ մտածելու ծայրից ծայր «խազեր քաշեց» ՀՀ գերատեսչությունների ծառայողական մեքենաների վրա, ինչի հետևանքով այս տարի մի շարք նախարարությունների և այլ գերատեսչությունների ծառայողական մեքենաների թիվը կդառնա 1։«Մեքենաները «Toyota Prado», «Toyota Camry», «Nissan Sentra», «Renault Dokker», «Nissan X-Trail», «Nissan Urvan», «Toyota Hiace», «Բեռնատար GAZ», «Mercedes- Benz Sprinter», «Land Cruiser Prado», «BMW» մակնիշի են։ Նշենք նաև, որ ՀՀ Ազգային ժողովի նախագահին սպասարկող ավտոմեքենան կրճատված մեքենաների ցանկում ընդգրկված չէ»,–հայտնել են մամուլի ծառայությունից։Հավելենք, որ Sputnik Արմենիան հարցումներ էր ուղարկել և պարզել, որ ՀՀ արտաքին գործերի նախարարության 15 մեքենաներից 14–ը ենթակա են կրճատման, առողջապահության նախարարության 9 մեքենաներից կկրճատվի 8–ը, Շրջակա միջավայրի նախարարությունը կզրկվի առկա 14 մեքենաներից 13–ից և այլն։ Մի քանի նախարարություններում կրճատման գործընթացը դեռ չի ավարտվել։Հիշեցնենք` Փաշինյանը հայտարարել էր, որ վերցրել է գերատեսչությունների մեքենաների ցուցակը ու գրիչով խազեր քաշել։ Նա նշել էր, որ իր այդ որոշման արդյունքում կազմակերպչական որոշ խնդիրներ կառաջանան, բայց դրա պատճառն այն է, որ գործընկերները ժամանակին չեն արձագանքել իր նախկին հրահանգին։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աժ (ազգային ժողով), ավտոմեքենա, նիկոլ փաշինյան, ալեն սիմոնյան
աժ (ազգային ժողով), ավտոմեքենա, նիկոլ փաշինյան, ալեն սիմոնյան
Փաշինյանը ԱԺ–ին խնայե՞լ է. ծառայողական ավտոմեքենաները կրճատվել են ոչ թե 90, այլ 24 %–ով
Ինչպես և ենթադրվում էր, ՀՀ Ազգային ժողովի նախագահին սպասարկող 90 մլն դրամ արժողությամբ «BMW 750Li xDrive LCI» դասի մեքենան կրճատված մեքենաների ցանկում չէ։
ԵՐԵՎԱՆ, 11 հունվարի – Sputnik․ ՀՀ Ազգային ժողովի հաշվեկշռում առկա 42 ծառայողական ավտոմեքենայից կրճատվել է 10-ը։ Տեղեկությունը հայտնել է ԱԺ մամուլի ծառայությունը` պատասխանելով
Sputnik Արմենիայի գրավոր հարցմանը։
Ավելի վաղ Փաշինյանը Հանրային հեռուստաընկերության եթերում ասել էր, որ որոշել է պետական ծառայողական մեքենաների հարցը «կացնային ձևով» լուծել` դրանք կրճատելով 80-90 տոկոսով։
Արդեն հայտնել էինք, որ ՀՀ վարչապետ Նիկոլ Փաշինյանը նախորդ տարվա վերջին առանց երկար–բարակ մտածելու ծայրից ծայր «խազեր քաշեց» ՀՀ գերատեսչությունների ծառայողական մեքենաների վրա, ինչի հետևանքով այս տարի մի շարք նախարարությունների և այլ գերատեսչությունների ծառայողական մեքենաների թիվը կդառնա 1։
Ստացվում է` ԱԺ հաշվեկշռում առկա ծառայողական ավտոմեքենաները կրճատվել են 24 %-ով, այլ ոչ թե մյուս գերատեսչությունների պես 80–90 %–ով։ Հարցին, թե ավտոտնտեսությունում ինչ մակնիշի մեքենաներ կան, և արդյոք առկա են էլեկտրամոբիլներ, ԱԺ մամուլի ծառայությունից հայտնել են, որ աշխատակազմին սպասարկող էլեկտրամոբիլներ առկա չեն։
«Մեքենաները «Toyota Prado», «Toyota Camry», «Nissan Sentra», «Renault Dokker», «Nissan X-Trail», «Nissan Urvan», «Toyota Hiace», «Բեռնատար GAZ», «Mercedes- Benz Sprinter», «Land Cruiser Prado», «BMW» մակնիշի են։ Նշենք նաև, որ ՀՀ Ազգային ժողովի նախագահին սպասարկող ավտոմեքենան կրճատված մեքենաների ցանկում ընդգրկված չէ»,–հայտնել են մամուլի ծառայությունից։
Հավելենք, որ
Sputnik Արմենիան հարցումներ էր ուղարկել և պարզել, որ ՀՀ արտաքին գործերի նախարարության 15 մեքենաներից 14–ը ենթակա են կրճատման, առողջապահության նախարարության 9 մեքենաներից կկրճատվի 8–ը, Շրջակա միջավայրի նախարարությունը կզրկվի առկա 14 մեքենաներից 13–ից և այլն։ Մի քանի նախարարություններում կրճատման գործընթացը դեռ չի ավարտվել։
Հիշեցնենք` Փաշինյանը հայտարարել էր, որ վերցրել է գերատեսչությունների մեքենաների ցուցակը ու գրիչով խազեր քաշել։ Նա նշել էր, որ իր այդ որոշման արդյունքում կազմակերպչական որոշ խնդիրներ կառաջանան, բայց դրա պատճառն այն է, որ գործընկերները ժամանակին չեն արձագանքել իր նախկին հրահանգին։
