https://arm.sputniknews.ru/20241225/qnnarkvum-e-partqy-hashvancelu-tarberaky-nakharary-chmatakararvats-rusakan-zenqi-masin-84306501.html

Քննարկվում է պարտքը հաշվանցելու տարբերակը. նախարարը` չմատակարարված ռուսական զենքի մասին

Քննարկվում է պարտքը հաշվանցելու տարբերակը. նախարարը` չմատակարարված ռուսական զենքի մասին

Sputnik Արմենիա

ՀՀ ֆինանսների նախարարը, անդրադառնալով ռուսական զենքի թեմային, նշեց, որ գնումների մի մասը չի իրականացվել, մի մասն ուշացումով է իրականացվել։ 25.12.2024, Sputnik Արմենիա

2024-12-25T13:56+0400

2024-12-25T13:56+0400

2024-12-25T13:57+0400

հայաստան

ռուսաստան

զենք

վահե հովհաննիսյան

պարտք

https://cdn.am.sputniknews.ru/img/07e8/0c/19/84294501_0:83:1600:983_1920x0_80_0_0_027dd7e780d2367e79fe14e9911136f0.jpg

ԵՐԵՎԱՆ, 25 դեկտեմբերի – Sputnik. Ռուսաստանի հետ երկխոսություն կա երկկողմ պարտավորությունների շրջանակում առաջացած պարտքը հաշվանցելու շուրջ, սակայն դրանք գաղտնի պրոցեսներ են։ Այսօր ճեպազրույցի ժամանակ այս մասին ասաց ՀՀ ֆինանսների նախարար Վահե Հովհաննիսյանը։Նա անդրադարձավ այն դիտարկմանը, որ Ռուսաստանը ՀՀ–ին պետք է զենք մատակարարեր, գումարը փոխանցվել էր, սակայն, ըստ ՀՀ իշխանությունների, դա տեղի չի ունեցել։ Լրագրողները հետաքրքրվեցին` հնարավո՞ր է, որ այդ գումարը մարվի ՀՀ–ի` այս կամ այն ծառայության համար ունեցած պարտքով (օրինակ` հայկական ԱԷԿ–ի սպասարկման համար)։Նախարարը խուսափեց ուղիղ պատասխանից` նշելով, որ դա պետական գաղտնիք պարունակող հարց է, այլ մանրամասներ չի կարող ասել։Հիշեցնենք` Հայաստանի իշխանությունը բազմիցս հայտարարել է, որ Ռուսաստանը պայմանագրով նախատեսված սպառազինություն և ռազմական տեխնիկա չի մատակարարել, մինչդեռ գումարները փոխանցվել են: Ճշգրիտ գումարը պաշտոնապես չի նշվել։ Որոշ տվյալներով` խոսքը 250 մլն դոլարի մասին է։ՀՀ վարչապետ Նիկոլ Փաշինյանը նոյեմբերի 24-ին հայտարարեց, որ քննարկվում է Ռուսաստանին զենքի գնման համար վճարած միջոցների հաշվին Հայաստանի պարտքի նվազեցման տարբերակը։ՀՀ ՊՆ–ն տեր չի կանգնել ՌԴ–ից պատվիրած զենքին. «Ժողովուրդը» մանրամասներ է ներկայացրել

2024

Լուրեր

am_HY

հայաստան, ռուսաստան, զենք, վահե հովհաննիսյան, պարտք