https://arm.sputniknews.ru/20241123/israjely-harvatsel-e-bejruti-kentrvonin-kan-zvoher-ev-viravvorner-83312171.html
Իսրայելը հարվածել է Բեյրութի կենտրոնին. կան զոհեր և վիրավորներ
Իսրայելը հարվածել է Բեյրութի կենտրոնին. կան զոհեր և վիրավորներ
Sputnik Արմենիա
Հարվածի հետևանքով փլուզվել է 8–հարկանի շենք։ 23.11.2024, Sputnik Արմենիա
2024-11-23T09:42+0400
2024-11-23T09:42+0400
2024-11-23T09:47+0400
իսրայել
լիբանան
զոհ
գնդակոծություն
շենք
հզբոլլահ
https://cdn.am.sputniknews.ru/img/07e8/0a/08/81587267_0:320:3072:2048_1920x0_80_0_0_c08249a4e40070859d6c3c3776cb7114.jpg
ԵՐԵՎԱՆ, 23 նոյեմբերի - Sputnik. Իսրայելի ռազմաօդային ուժերն այսօր առավոտյան հարված են հասցրել Բեյրութի կենտրոնական շրջանում գտնվող բնակելի տան ուղղությամբ: Զոհվել է առնվազն 4 մարդ, վիրավորվել՝ 23 – ը։ Այս մասին հաղորդում է Al Mayadeen հեռուստաալիքը՝ վկայակոչելով Լիբանանի առողջապահության նախարարությանը:Ավելի վաղ ԶԼՄ-ները հայտնել էին, որ իսրայելական կործանիչներն առնվազն 4 հրթիռ են արձակել շենքի ուղղությամբ: Նշվում էր, որ հարվածի հետևանքով փլուզվել է 8–հարկանի շենք։ Իսրայելական բանակը շրջանի բնակիչներին չի զգուշացրել պատրաստվող հարվածի մասին։Բացի դրանից, իսրայելական օդուժը գիշերը հարվածներ է հասցրել նաև Բեյրութի հարավային արվարձանի մի քանի շրջանների: Հնարավոր զոհերի մասին տեղեկություններ դեռ չկան:Հիշեցնենք` Իսրայելը հոկտեմբերի 1-ից Լիբանանի հարավում ցամաքային գործողություն է իրականացնում «Հզբոլլահի» ուժերի դեմ և շարունակում հրթիռակոծել հարևան երկիրը, որտեղ արդեն ավելի քան 2 հազար մարդ է զոհվել, ավելի քան մեկ միլիոն անձ փախստական է դարձել: Չնայած կորուստներին (այդ թվում՝ հրամանատարական կազմում)` «Հզբոլլահը» ցամաքային մարտեր է մղում և չի դադարեցնում Իսրայելի տարածքի հրթիռակոծումը:Իսրայելը նշում է, որ ռազմական արշավի գլխավոր նպատակն է պայմաններ ստեղծել հյուսիսի 60 հազար բնակիչների վերադարձի համար, որոնք մեկ տարի առաջ տարհանվել են «Հզբոլլահի» կողմից պաղեստինյան ՀԱՄԱՍ շարժմանն աջակցելու համար սկսված գնդակոծությունների պատճառով:Իրավիճակը կրկին սրվեց սեպտեմբերի 17-ին և 18-ին Լիբանանի տարբեր շրջաններում կապի միջոցների զանգվածային պայթյուններից հետո, որոնց հետևանքով տասնյակ մարդիկ մահացան, շուրջ 3 հազար քաղաքացիներ վիրավորվեցին: Ավելի ուշ իսրայելական ավիացիան հարվածեց Բեյրութի հարավային արվարձանում գտնվող բնակելի շենքին, ինչի հետևանքով մահացավ ավելի քան 50 մարդ, այդ թվում՝ «Հզբոլլահի» հատուկ գործողությունների ուժերի հրամանատար Իբրահիմ Աքիլը:
իսրայել
լիբանան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իսրայել, լիբանան, զոհ, գնդակոծություն, շենք, հզբոլլահ
իսրայել, լիբանան, զոհ, գնդակոծություն, շենք, հզբոլլահ
Իսրայելը հարվածել է Բեյրութի կենտրոնին. կան զոհեր և վիրավորներ
09:42 23.11.2024 (Թարմացված է: 09:47 23.11.2024) Հարվածի հետևանքով փլուզվել է 8–հարկանի շենք։
ԵՐԵՎԱՆ, 23 նոյեմբերի - Sputnik. Իսրայելի ռազմաօդային ուժերն այսօր առավոտյան հարված են հասցրել Բեյրութի կենտրոնական շրջանում գտնվող բնակելի տան ուղղությամբ: Զոհվել է առնվազն 4 մարդ, վիրավորվել՝ 23 – ը։ Այս մասին հաղորդում է Al Mayadeen հեռուստաալիքը՝ վկայակոչելով Լիբանանի առողջապահության նախարարությանը:
Ավելի վաղ ԶԼՄ-ները հայտնել էին, որ իսրայելական կործանիչներն առնվազն 4 հրթիռ են արձակել շենքի ուղղությամբ: Նշվում էր, որ հարվածի հետևանքով փլուզվել է 8–հարկանի շենք։ Իսրայելական բանակը շրջանի բնակիչներին չի զգուշացրել պատրաստվող հարվածի մասին։
«Բեյրութի Բաստա ալ–Ֆաուկա շրջանի վրա իսրայելական հարձակման հետևանքով, նախնական հաշվարկներով, զոհվել է չորս մարդ, ևս 23 – ը վիրավորվել են, փլատակներում որոնումները շարունակվում են», – ասվում է հաղորդագրության մեջ:
Բացի դրանից, իսրայելական օդուժը գիշերը հարվածներ է հասցրել նաև Բեյրութի հարավային արվարձանի մի քանի շրջանների: Հնարավոր զոհերի մասին տեղեկություններ դեռ չկան:
Հիշեցնենք` Իսրայելը հոկտեմբերի 1-ից Լիբանանի հարավում ցամաքային գործողություն է իրականացնում «Հզբոլլահի» ուժերի դեմ և շարունակում հրթիռակոծել հարևան երկիրը, որտեղ արդեն ավելի քան 2 հազար մարդ է զոհվել, ավելի քան մեկ միլիոն անձ փախստական է դարձել: Չնայած կորուստներին (այդ թվում՝ հրամանատարական կազմում)` «Հզբոլլահը» ցամաքային մարտեր է մղում և չի դադարեցնում Իսրայելի տարածքի հրթիռակոծումը:
Իսրայելը նշում է, որ ռազմական արշավի գլխավոր նպատակն է պայմաններ ստեղծել հյուսիսի 60 հազար բնակիչների վերադարձի համար, որոնք մեկ տարի առաջ տարհանվել են «Հզբոլլահի» կողմից պաղեստինյան ՀԱՄԱՍ շարժմանն աջակցելու համար սկսված գնդակոծությունների պատճառով:
Իրավիճակը կրկին սրվեց սեպտեմբերի 17-ին և 18-ին Լիբանանի տարբեր շրջաններում կապի միջոցների զանգվածային
պայթյուններից հետո, որոնց հետևանքով տասնյակ մարդիկ մահացան, շուրջ 3 հազար քաղաքացիներ վիրավորվեցին: Ավելի ուշ իսրայելական ավիացիան հարվածեց Բեյրութի հարավային արվարձանում գտնվող բնակելի շենքին, ինչի հետևանքով մահացավ ավելի քան 50 մարդ, այդ թվում՝ «Հզբոլլահի» հատուկ գործողությունների ուժերի հրամանատար Իբրահիմ Աքիլը:
