https://arm.sputniknews.ru/20241115/rvobert-qvocharjany-chi-nerkajacel-hakakvorupcivon-qreakan-dataran-83031318.html
Ռոբերտ Քոչարյանը չի ներկայացել հակակոռուպցիոն քրեական դատարան
Ռոբերտ Քոչարյանը չի ներկայացել հակակոռուպցիոն քրեական դատարան
Sputnik Արմենիա
Ռոբերտ Քոչարյանը նախորդ դատական նիստի ժամանակ խնդրել էր շտկել սխալը կամ պարզաբանել իրողությունը։ 15.11.2024, Sputnik Արմենիա
2024-11-15T13:05+0400
2024-11-15T13:05+0400
2024-11-15T13:18+0400
հայաստան
ռոբերտ քոչարյան
դատարան
https://cdn.am.sputniknews.ru/img/07e5/06/0e/27926436_0:0:1600:901_1920x0_80_0_0_3e64d3670a37a3db31bd161caab832a9.jpg
ԵՐԵՎԱՆ, 15 նոյեմբերի – Sputnik. ՀՀ 2-րդ նախագահ Ռոբերտ Քոչարյանը չի ներկայացել հակակոռուպցիոն դատարանի նիստին։ Չեն ներկայացել նաև պաշտպանության նախկին նախարար և «Հայաստան» խմբակցության ղեկավար Սեյրան Օհանյանը և ՀՀ ԶՈւ գլխավոր շտաբի նախկին պետ Յուրի Խաչատուրովը: Պաշտպանների խոսքով` պատճառն այն է, որ նրանք պարզաբանում չեն ստացել, թե ինչ հոդվածով են մեղադրվում։Նրա ու մյուս փաստաբանների պնդմամբ` Քոչարյանն ու Օհանյանը չեն կարող ունենալ մեղադրյալի կարգավիճակ:Նշենք, որ Ռոբերտ Քոչարյանը նախորդ դատական նիստի ժամանակ դատարանի քարտուղարին խնդրել էր շտկել սխալը կամ պարզաբանել իրողությունը։Հիշեցնենք, որ ՀՀ երկրորդ նախագահ Ռոբերտ Քոչարյանը, ՀՀ նախկին փոխվարչապետ Արմեն Գևորգյանը, ՀՀ պաշտպանության նախկին նախարար Սեյրան Օհանյանն ու ԳՇ նախկին պետ, ՀԱՊԿ նախկին գլխավոր քարտուղար Յուրի Խաչատուրովը մեղադրվում էին ՀՀ ՔՕ 300․1 հոդվածով (սահմանադրական կարգը տապալելը)։ ՀՀ ՍԴ-ն 2021 թ. մարտի 26-ին անվավեր և հակասահմանադրական ճանաչեց ՀՀ ՔՕ 300.1 հոդվածը, և նրանց նկատմամբ քրեական հետապնդումը դադարեցվեց։2021 թ. ապրիլի 6-ին Երևանի ընդհանուր իրավասության դատարանը բավարարեց Մարտի 1-ի գործով պաշտպանական կողմի միջնորդությունը` ՍԴ–ի որոշմամբ հակասահմանադրական ճանաչված 300․1 հոդվածով քրեական հետապնդումը ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, ՀՀ պաշտպանության նախկին նախարար Սեյրան Օհանյանի ու ԳՇ նախկին պետ, ՀԱՊԿ նախկին գլխավոր քարտուղար Յուրի Խաչատուրովի նկատմամբ դադարեցնելու մասին։Սեյրան Օհանյանն ու Յուրի Խաչատուրովն ընդհանրապես ազատվեցին քրեական հետապնդումից, քանի որ նրանք մեղադրվում էին միայն Քրեական օրենսգրքի 300․1 հոդվածով։ Դատարանը որոշեց նրանց նկատմամբ ընտրված խափանման միջոցները վերացնել, գույքի վրա դրված կալանքը հանել։«Մարտի 1»-ի գործով ամբաստանյալներ Ռոբերտ Քոչարյանի ու Արմեն Գևորգյանի նկատմամբ քրեական հետապնդումը դադարեցվեց միայն վերոհիշյալ հոդվածով։ՀՀ Սահմանադրական դատարանը հուլիսի 22-ի նիստում որոշեց, որ 1998 թ. ՀՀ քրեական դատավարության օրենսգրքի 309.1-ին հոդվածի 3-րդ մասը համապատասխանում է Սահմանադրությանը։ Ադպիսով դատախազությանը հնարավորություն է տրվում Ռոբերտ Քոչարյանի և մյուսների մեղադրանքը վերաորակել ու նորից սկսել գործի քննությունը։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռոբերտ քոչարյան, դատարան
հայաստան, ռոբերտ քոչարյան, դատարան
Ռոբերտ Քոչարյանը չի ներկայացել հակակոռուպցիոն քրեական դատարան
13:05 15.11.2024 (Թարմացված է: 13:18 15.11.2024) Ռոբերտ Քոչարյանը նախորդ դատական նիստի ժամանակ խնդրել էր շտկել սխալը կամ պարզաբանել իրողությունը։
ԵՐԵՎԱՆ, 15 նոյեմբերի – Sputnik. ՀՀ 2-րդ նախագահ Ռոբերտ Քոչարյանը չի ներկայացել հակակոռուպցիոն դատարանի նիստին։ Չեն ներկայացել նաև պաշտպանության նախկին նախարար և «Հայաստան» խմբակցության ղեկավար Սեյրան Օհանյանը և ՀՀ ԶՈւ գլխավոր շտաբի նախկին պետ Յուրի Խաչատուրովը:
Պաշտպանների խոսքով` պատճառն այն է, որ նրանք պարզաբանում չեն ստացել, թե ինչ հոդվածով են մեղադրվում։
Փաստաբան Արամ Վարդևանյանը նշեց, որ ստացել է ծանուցագիր, որտեղ որևէ տեղ հիշատակված չի եղել «մեղադրյալ Ռոբերտ Քոչարյան» բառակապակցությունը։ Նա հիշեցրեց, որ նախորդ նիստին դատարանն է անգամ արձանագրել է, որ Ռոբերտ Քոչարյանին դիմելիս չի օգտագործում «մեղադրյալ» եզրույթը։
Նրա ու մյուս փաստաբանների պնդմամբ` Քոչարյանն ու Օհանյանը չեն կարող ունենալ մեղադրյալի կարգավիճակ:
Նշենք, որ Ռոբերտ Քոչարյանը նախորդ դատական նիստի ժամանակ դատարանի քարտուղարին խնդրել էր շտկել սխալը կամ պարզաբանել իրողությունը։
Հիշեցնենք, որ ՀՀ երկրորդ նախագահ Ռոբերտ Քոչարյանը, ՀՀ նախկին փոխվարչապետ Արմեն Գևորգյանը, ՀՀ պաշտպանության նախկին նախարար Սեյրան Օհանյանն ու ԳՇ նախկին պետ, ՀԱՊԿ նախկին գլխավոր քարտուղար Յուրի Խաչատուրովը մեղադրվում էին ՀՀ ՔՕ 300․1 հոդվածով (սահմանադրական կարգը տապալելը)։ ՀՀ ՍԴ-ն 2021 թ. մարտի 26-ին անվավեր և հակասահմանադրական ճանաչեց ՀՀ ՔՕ 300.1 հոդվածը, և նրանց նկատմամբ քրեական հետապնդումը դադարեցվեց։
2021 թ. ապրիլի 6-ին Երևանի ընդհանուր իրավասության դատարանը բավարարեց Մարտի 1-ի գործով պաշտպանական կողմի միջնորդությունը` ՍԴ–ի որոշմամբ հակասահմանադրական ճանաչված 300․1 հոդվածով քրեական հետապնդումը ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, ՀՀ պաշտպանության նախկին նախարար Սեյրան Օհանյանի ու ԳՇ նախկին պետ, ՀԱՊԿ նախկին գլխավոր քարտուղար Յուրի Խաչատուրովի նկատմամբ դադարեցնելու մասին։
Սեյրան Օհանյանն ու Յուրի Խաչատուրովն ընդհանրապես ազատվեցին քրեական հետապնդումից, քանի որ նրանք մեղադրվում էին միայն Քրեական օրենսգրքի 300․1 հոդվածով։ Դատարանը որոշեց նրանց նկատմամբ ընտրված խափանման միջոցները վերացնել, գույքի վրա դրված կալանքը հանել։
«Մարտի 1»-ի գործով ամբաստանյալներ
Ռոբերտ Քոչարյանի ու Արմեն Գևորգյանի նկատմամբ քրեական հետապնդումը դադարեցվեց միայն վերոհիշյալ հոդվածով։
ՀՀ Սահմանադրական դատարանը
հուլիսի 22-ի նիստում որոշեց, որ 1998 թ. ՀՀ քրեական դատավարության օրենսգրքի 309.1-ին հոդվածի 3-րդ մասը համապատասխանում է Սահմանադրությանը։ Ադպիսով դատախազությանը հնարավորություն է տրվում Ռոբերտ Քոչարյանի և մյուսների մեղադրանքը վերաորակել ու նորից սկսել գործի քննությունը։
