https://arm.sputniknews.ru/20241115/datarany-vorvoshec-berman-entarkel-sejran-ohanjanin-juri-khachaturvovin-ev-rvobert-qvocharjanin--83040141.html

Դատարանը որոշեց Օհանյանին, Յուրի Խաչատուրովին և Քոչարյանին հարկադրաբար ներկայացնել նիստին

Դատարանը որոշեց Օհանյանին, Յուրի Խաչատուրովին և Քոչարյանին հարկադրաբար ներկայացնել նիստին

Sputnik Արմենիա

Հաջորդ նիստը նշանակվեց նոյեմբերի 28-ին: 15.11.2024, Sputnik Արմենիա

2024-11-15T14:40+0400

2024-11-15T14:40+0400

2024-11-15T15:10+0400

հայաստան

ռոբերտ քոչարյան

յուրի խաչատուրով

սեյրան օհանյան

https://cdn.am.sputniknews.ru/img/07e7/02/15/55693564_0:15:1600:915_1920x0_80_0_0_2eadc3d1516ee60b5ad3fa8f2773e84a.jpg

ԵՐԵՎԱՆ, 15 նոյեմբերի – Sputnik. Հակակոռուպցիոն դատարանի դատավոր Սարգիս Պետրոսյանը որոշեց ՀՀ 2–րդ նախագահ Ռոբերտ Քոչարյանին, ՀՀ պաշտպանության նախկին նախարար Սեյրան Օհանյանին և ՀԱՊԿ նախկին գլխավոր քարտուղար Յուրի Խաչատուրովին հարկադրաբար ներկայացնել հաջորդ նիստին։Ավելի վաղ հայտնել էինք, որ նրանք չեն ներկայացել այսօրվա նիստին։ Պաշտպանների խոսքով` պատճառն այն է, որ նրանք պարզաբանում չեն ստացել, թե ինչ հոդվածով են մեղադրվում։Սարգիս Պետրոսյանը մինչ որոշումը կայացնելն ընդգծեց, որ գործով անցնողները պատշաճ կերպով ծանուցված են եղել դատական նիստի ժամկետների մասին, սակայն չեն ներկայացել։ Դատարանը Օհանյանի, Խաչատուրովի և Քոչարյանի չներկայանալը համարեց ոչ հարգելի։Փաստաբան Արամ Օրբելյանն ի պատասխան շեշտեց, որ դատարանը պատգամավորին ազատազրկելու որոշում կայացրեց, իսկ Պետրոսյանն ընդգծեց` որևէ առարկություն, դիրքորոշում, հայտարարություններ ներկայացնելու փուլ այլևս չի քննարկվում։Հաջորդ դատական նիստը նշանակվեց նոյեմբերի 28-ին։Հիշեցնենք, որ ՀՀ երկրորդ նախագահ Ռոբերտ Քոչարյանը, ՀՀ նախկին փոխվարչապետ Արմեն Գևորգյանը, ՀՀ պաշտպանության նախկին նախարար Սեյրան Օհանյանն ու ԳՇ նախկին պետ, ՀԱՊԿ նախկին գլխավոր քարտուղար Յուրի Խաչատուրովը մեղադրվում էին ՀՀ ՔՕ 300․1 հոդվածով (սահմանադրական կարգը տապալելը)։ ՀՀ ՍԴ-ն 2021 թ. մարտի 26-ին անվավեր և հակասահմանադրական ճանաչեց ՀՀ ՔՕ 300.1 հոդվածը, և նրանց նկատմամբ քրեական հետապնդումը դադարեցվեց։2021 թ. ապրիլի 6-ին Երևանի ընդհանուր իրավասության դատարանը բավարարեց Մարտի 1-ի գործով պաշտպանական կողմի միջնորդությունը` ՍԴ–ի որոշմամբ հակասահմանադրական ճանաչված 300․1 հոդվածով քրեական հետապնդումը ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, ՀՀ պաշտպանության նախկին նախարար Սեյրան Օհանյանի ու ԳՇ նախկին պետ, ՀԱՊԿ նախկին գլխավոր քարտուղար Յուրի Խաչատուրովի նկատմամբ դադարեցնելու մասին։Սեյրան Օհանյանն ու Յուրի Խաչատուրովն ընդհանրապես ազատվեցին քրեական հետապնդումից, քանի որ նրանք մեղադրվում էին միայն Քրեական օրենսգրքի 300․1 հոդվածով։ Դատարանը որոշեց նրանց նկատմամբ ընտրված խափանման միջոցները վերացնել, գույքի վրա դրված կալանքը հանել։«Մարտի 1»-ի գործով ամբաստանյալներ Ռոբերտ Քոչարյանի ու Արմեն Գևորգյանի նկատմամբ քրեական հետապնդումը դադարեցվեց միայն վերոհիշյալ հոդվածով։ՀՀ Սահմանադրական դատարանը հուլիսի 22-ի նիստում որոշեց, որ 1998 թ. ՀՀ քրեական դատավարության օրենսգրքի 309.1-ին հոդվածի 3-րդ մասը համապատասխանում է Սահմանադրությանը։ Ադպիսով դատախազությանը հնարավորություն է տրվում Ռոբերտ Քոչարյանի և մյուսների մեղադրանքը վերաորակել ու նորից սկսել գործի քննությունը։

2024

Լուրեր

am_HY

հայաստան, ռոբերտ քոչարյան, յուրի խաչատուրով, սեյրան օհանյան