https://arm.sputniknews.ru/20241113/hhum-amenadzhvary-elitar-qaghaqakan-kvorupciaji-dem-pajqarn-e-atvovmjan-82962438.html
ՀՀ–ում ամենադժվարը էլիտար, քաղաքական կոռուպցիայի դեմ պայքարն է. Ատովմյան
ՀՀ–ում ամենադժվարը էլիտար, քաղաքական կոռուպցիայի դեմ պայքարն է. Ատովմյան
Sputnik Արմենիա
Փաստաբան Ատովմյանի կարծիքով` կոռուպցիայի դեմ պայքարը համակարգային մոտեցում է պահանջում` տնտեսական, կառավարման, կրթական համակարգների զուգահեռ բարեփոխումներ... 13.11.2024, Sputnik Արմենիա
2024-11-13T15:37+0400
2024-11-13T15:37+0400
2024-11-13T16:06+0400
կոռուպցիա
կոռուպցիայի կանխարգելման հանձնաժողով
հակակոռուպցիոն կոմիտե
սերգեյ ատովմյան
https://cdn.am.sputniknews.ru/img/07e8/0b/0d/82956345_0:0:1601:901_1920x0_80_0_0_8c3c5a082a167482c3fed99d86360766.jpg
ԵՐԵՎԱՆ, 13 նոյեմբերի – Sputnik. Հայաստանում էլիտար, քաղաքական կոռուպցիայի դեմ պայքարն ամենադժվարն է։ Այս մասին Sputnik Արմենիայի մուլտիմեդիոն մամուլի կենտրոնում ասաց կոռուպցիայի դեմ պայքարի ոլորտի փորձագետ, փաստաբան Մարատ Ատովմյանը։Ինչ վերաբերում է կոռուպցիայի ստորին մակարդակին, օրինակ` ճանապարհային ոստիկանությանը, անձնագրային բաժիններին, սոցիալական ծառայություններին, ապա այս դեպքում, ըստ նրա, պայքարը շատ ավելի հեշտ է լինում։ Պատճառը, փաստաբանի խոսքով, այն է, որ այս ոլորտներում տարիներ առաջ մեկնարկած բարեփոխումներն առավել նկատելի են։Կոռուպցիայից մինչև անփութություն․ ինչո՞ւ է տրանսպորտի վճարային նոր համակարգը խնդիր դարձելԱտովմյանը նշեց, որ ստորին օղակներում կոռուպցիայի դեմ պայքարն առավել արդյունավետ է դառնում մեկ պատուհանի սկզբունքի, տեսախցիկների տեղադրման, էլեկտրոնային այլ գործիքների կիրառման շնորհիվ, որոնք նվազագույնի են հասցնում շփումը պաշտոնյայի ու քաղաքացու միջև։Կոռուպցիայի դեմ պայքարը, ըստ նրա,համակարգային մոտեցում է պահանջում` տնտեսական, կառավարման, կրթական համակարգների զուգահեռ բարեփոխումներ, ինչպես նաև ազգային մտածելակերպի փոփոխություններ։Հիշեցնենք, որ Հակակոռուպցիոն կոմիտեում՝ կառույցի կազմավորման 3–րդ տարեդարձին և Հակակոռուպցիոն կոմիտեի ծառայողի օրվան նվիրված հանդիսավոր նիստի ժամանակ, ՀՀ վարչապետ Նիկոլ Փաշինյանը հայտարարեց` հանրության տրամադրությունն այնպիսին է, որ Հայաստանում այսօր մեծ ծավալի կոռուպցիա, անարդարություններ, ապօրինություններ կան, որոնք, ըստ նրա, արդեն դառնում են քաղաքական խնդիր:Այս տարի կոռուպցիոն բնույթի հանցագործությունների վերաբերյալ քննվել է 1003 քրեական վարույթ
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կոռուպցիա, կոռուպցիայի կանխարգելման հանձնաժողով, հակակոռուպցիոն կոմիտե, սերգեյ ատովմյան
կոռուպցիա, կոռուպցիայի կանխարգելման հանձնաժողով, հակակոռուպցիոն կոմիտե, սերգեյ ատովմյան
ՀՀ–ում ամենադժվարը էլիտար, քաղաքական կոռուպցիայի դեմ պայքարն է. Ատովմյան
15:37 13.11.2024 (Թարմացված է: 16:06 13.11.2024) Փաստաբան Ատովմյանի կարծիքով` կոռուպցիայի դեմ պայքարը համակարգային մոտեցում է պահանջում` տնտեսական, կառավարման, կրթական համակարգների զուգահեռ բարեփոխումներ, ինչպես նաև ազգային մտածելակերպի փոփոխություններ։
ԵՐԵՎԱՆ, 13 նոյեմբերի – Sputnik. Հայաստանում էլիտար, քաղաքական կոռուպցիայի դեմ պայքարն ամենադժվարն է։ Այս մասին
Sputnik Արմենիայի մուլտիմեդիոն մամուլի կենտրոնում ասաց կոռուպցիայի դեմ պայքարի ոլորտի փորձագետ, փաստաբան Մարատ Ատովմյանը։
«Բարձրաստիճան պաշտոնյաների շրջանում կոռուպցիոն սխեմաներն ու դրսևորումներն ավելի շատ են, ու այդ ամենը քողարկված է, լատենտային բնույթ ունի։ Օրինակ` չես կարող պաշտոնյաների սենյակներում տեսախցիկներ դնել, ոստիկան կանգնեցնել դռան մոտ, որ տեսնես` ով մտավ իր սենյակ, ինչ խոսեցին, ինչ կոռուպցիոն սխեմա եղավ։ Ինչպես ամբողջ աշխարհում, այնպես էլ մեր երկրում, շատ դժվար է քաղաքական կոռուպցիայի դեմ պայքարելը»,– ընդգծեց նա։
Ինչ վերաբերում է կոռուպցիայի ստորին մակարդակին, օրինակ` ճանապարհային ոստիկանությանը, անձնագրային բաժիններին, սոցիալական ծառայություններին, ապա այս դեպքում, ըստ նրա, պայքարը շատ ավելի հեշտ է լինում։ Պատճառը, փաստաբանի խոսքով, այն է, որ այս ոլորտներում տարիներ առաջ մեկնարկած բարեփոխումներն առավել նկատելի են։
Ատովմյանը նշեց, որ ստորին օղակներում կոռուպցիայի դեմ պայքարն առավել արդյունավետ է դառնում մեկ պատուհանի սկզբունքի, տեսախցիկների տեղադրման, էլեկտրոնային այլ գործիքների կիրառման շնորհիվ, որոնք նվազագույնի են հասցնում շփումը պաշտոնյայի ու քաղաքացու միջև։
«Այս դաշտում, այո՛, մենք ունենք նկատելի առաջընթաց։ Իսկ աշխարհում կոռուպցիայի դեմ պայքարում կարևոր գործիքներ են ընդհանուր հայտարարագրման համակարգի և ազդարարի ինստիտուտի ներդրումը։ Արտերկրում անձը կարող է պարգևատրում ստանալ, եթե որևէ պաշտոնյայի կառուպցիոն գործարքների մասին հայտնի պատկան մարմիններին։ Դրա համար էլ դրսում պաշտոնյաները միշտ զգաստ են լինում»,– ընդգծեց Ատովմյանը։
Կոռուպցիայի դեմ պայքարը, ըստ նրա,համակարգային մոտեցում է պահանջում` տնտեսական, կառավարման, կրթական համակարգների զուգահեռ բարեփոխումներ, ինչպես նաև ազգային մտածելակերպի փոփոխություններ։
Հիշեցնենք, որ Հակակոռուպցիոն կոմիտեում՝ կառույցի կազմավորման 3–րդ տարեդարձին և Հակակոռուպցիոն կոմիտեի ծառայողի օրվան նվիրված հանդիսավոր նիստի ժամանակ, ՀՀ վարչապետ Նիկոլ Փաշինյանը հայտարարեց` հանրության տրամադրությունն այնպիսին է, որ Հայաստանում այսօր մեծ ծավալի կոռուպցիա, անարդարություններ, ապօրինություններ կան, որոնք, ըստ նրա, արդեն դառնում են քաղաքական խնդիր:
