https://arm.sputniknews.ru/20241105/turqiajum-bvoghvoqi-akcianer-en-teghi-unecel-ynddem-erdvoghani-qaghaqakanutjan-82692302.html
Թուրքիայում բողոքի ակցիաներ են տեղի ունեցել ընդդեմ Էրդողանի քաղաքականության
Թուրքիայում բողոքի ակցիաներ են տեղի ունեցել ընդդեմ Էրդողանի քաղաքականության
Sputnik Արմենիա
Բողոքի ակցիաների պատճառ են դարձել ընդդիմադիր կուսակցությունները ներկայացնող վարչակազմերի ղեկավարների ձերբակալություններն ու պաշտոնանկությունները։ 05.11.2024, Sputnik Արմենիա
2024-11-05T10:52+0400
2024-11-05T10:52+0400
2024-11-05T17:31+0400
տեսանյութեր
տեսանյութ
թուրքիա
բողոքի ակցիա
ռեջեփ թայիփ էրդողան
https://cdn.am.sputniknews.ru/img/07e8/0b/05/82690417_0:0:1280:720_1920x0_80_0_0_9aa400bc325e2d2c8f3581d84ee7483d.jpg
Նախօրեին Բաթմանում և Էսենյուրթի (Ստամբուլի նահանգ) քաղաքապետարանում բողոքի ցույցեր են տեղի ունեցել ընդդեմ թուրքական իշխանությունների քաղաքականության։Ավելի վաղ հայտնի էր դարձել, որ քրդամետ «Ժողովրդավարական հասարակություն» կուսակցությունը (DEM) ներկայացնող Մարդինի, Բաթմանի և Հալֆեթիի քաղաքապետները պաշտոնանկ են արվել Քրդստանի աշխատավորական կուսակցության հետ կապեր ունենալու պատճառով նրանց նկատմամբ կայացված դատավճիռների պատճառով։Մասնավորապես, Բաթմանի քաղաքապետ Գյուլիստան Սյոնյուկը դատապարտվել է 6 տարի 3 ամիս ազատազրկման՝ «զինված ահաբեկչական կազմակերպությանն անդամակցելու համար»։Թուրքիայում բողոքում են քրդամետ քաղաքապետի ձերբակալության դեմ. տեսանյութՄարդինի քաղաքապետ Ահմեթ Թյուրքը ավելի վաղ 10 տարվա ազատազրկում էր ստացել, իսկ Հալֆեթիի քաղաքապետ Մեհմեթ Քարայըլանը՝ 6 տարի 3 ամիս 15 օր ազատազրկման դատապարտվել՝ նմանատիպ մեղադրանքով։Բաթմանի բնակիչները նախօրեին դուրս էին եկել փողոց՝ բողոքելու Սյոնյուկին քաղաքապետի պաշտոնից հեռացնելու դեմ։ Երեկոյան ցուցարարները սկսել են հրկիզել անվադողեր ու աղբամաններ։Նախօրեին իրավիճակը սրվել է նաև Էսենյուրթի քաղաքապետարանում։Պատճառը ընդդիմադիր Ժողովրդահանրապետական կուսակցությունը (CHP) ներկայացնող վարչակազմի ղեկավար Ահմեթ Օզերին ձերբակալելն ու պաշտոնից հեռացնելն էր։ Նրան մեղադրում են Քրդստանի աշխատավորական կուսակցության հետ կապեր ունենալու և քաղաքապետի պաշտոնակատար նշանակելու համար։Բողոքի ակցիա Թուրքիայում ԱՄՆ ավիաբազայի մոտ. ոստիկանությունն արցունքաբեր գազ է կիրառելՆոյեմբերի 4-ի կեսօրին ընդդիմության կողմնակիցների և ոստիկանների միջև բախում է տեղի ունեցել, սակայն դա չի հանգստացրել ցուցարարներին։ Բողոքի ցույցերը շարունակվել են մինչև ուշ երեկո։ Ցուցարարները ֆայերներ են վառել, շրջել աղբամաններ և այրել փողոցում գտնվող աղբը։Ավելի վաղ Ժողովրդահանրապետական կուսակցության առաջնորդ Օզգյուր Օզելը Օզերի ձերբակալումը թուրքական իշխանությունների դավադրություն և կեղտոտ խաղ էր անվանել։
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Протесты в Батмане и Эсеньюрте против политики властей Турции
Sputnik Արմենիա
Протесты в Батмане и Эсеньюрте против политики властей Турции
2024-11-05T10:52+0400
true
PT0M59S
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, տեսանյութ, թուրքիա, բողոքի ակցիա, ռեջեփ թայիփ էրդողան, видео
տեսանյութեր, տեսանյութ, թուրքիա, բողոքի ակցիա, ռեջեփ թայիփ էրդողան, видео
Թուրքիայում բողոքի ակցիաներ են տեղի ունեցել ընդդեմ Էրդողանի քաղաքականության
10:52 05.11.2024 (Թարմացված է: 17:31 05.11.2024) Բողոքի ակցիաների պատճառ են դարձել ընդդիմադիր կուսակցությունները ներկայացնող վարչակազմերի ղեկավարների ձերբակալություններն ու պաշտոնանկությունները։
Նախօրեին Բաթմանում և Էսենյուրթի (Ստամբուլի նահանգ) քաղաքապետարանում բողոքի ցույցեր են տեղի ունեցել ընդդեմ թուրքական իշխանությունների քաղաքականության։
Ավելի վաղ հայտնի էր դարձել, որ քրդամետ «Ժողովրդավարական հասարակություն» կուսակցությունը (DEM) ներկայացնող Մարդինի, Բաթմանի և Հալֆեթիի քաղաքապետները պաշտոնանկ են արվել Քրդստանի աշխատավորական կուսակցության հետ կապեր ունենալու պատճառով նրանց նկատմամբ կայացված դատավճիռների պատճառով։
Մասնավորապես, Բաթմանի քաղաքապետ Գյուլիստան Սյոնյուկը դատապարտվել է 6 տարի 3 ամիս ազատազրկման՝ «զինված ահաբեկչական կազմակերպությանն անդամակցելու համար»։
Մարդինի քաղաքապետ Ահմեթ Թյուրքը ավելի վաղ 10 տարվա ազատազրկում էր ստացել, իսկ Հալֆեթիի քաղաքապետ Մեհմեթ Քարայըլանը՝ 6 տարի 3 ամիս 15 օր ազատազրկման դատապարտվել՝ նմանատիպ մեղադրանքով։
Բաթմանի բնակիչները նախօրեին դուրս էին եկել փողոց՝ բողոքելու Սյոնյուկին քաղաքապետի պաշտոնից հեռացնելու դեմ։ Երեկոյան ցուցարարները սկսել են հրկիզել անվադողեր ու աղբամաններ։
Նախօրեին իրավիճակը սրվել է նաև Էսենյուրթի քաղաքապետարանում։
Պատճառը ընդդիմադիր Ժողովրդահանրապետական կուսակցությունը (CHP) ներկայացնող վարչակազմի ղեկավար Ահմեթ Օզերին ձերբակալելն ու պաշտոնից հեռացնելն էր։ Նրան մեղադրում են Քրդստանի աշխատավորական կուսակցության հետ կապեր ունենալու և քաղաքապետի պաշտոնակատար նշանակելու համար։
Նոյեմբերի 4-ի կեսօրին ընդդիմության կողմնակիցների և ոստիկանների միջև բախում է տեղի ունեցել, սակայն դա չի հանգստացրել ցուցարարներին։ Բողոքի ցույցերը շարունակվել են մինչև ուշ երեկո։ Ցուցարարները ֆայերներ են վառել, շրջել աղբամաններ և այրել փողոցում գտնվող աղբը։
Ավելի վաղ Ժողովրդահանրապետական կուսակցության առաջնորդ Օզգյուր Օզելը Օզերի ձերբակալումը թուրքական իշխանությունների դավադրություն և կեղտոտ խաղ էր անվանել։
