https://arm.sputniknews.ru/20241102/israjelum-gaghtni-teghekutjunneri-artahvosqi-gvortsvov-kaskatsjalner-en-dzerbakalvel-82618794.html
Իսրայելում գաղտնի տեղեկությունների արտահոսքի գործով կասկածյալներ են ձերբակալվել
Իսրայելում գաղտնի տեղեկությունների արտահոսքի գործով կասկածյալներ են ձերբակալվել
Sputnik Արմենիա
Իսրայելի վարչապետը հայտարարել է, որ իր գրասենյակից ոչ ոք չի հարցաքննվել կամ ձերբակալվել: 02.11.2024, Sputnik Արմենիա
2024-11-02T13:25+0400
2024-11-02T13:25+0400
2024-11-02T13:27+0400
իսրայել
ձերբակալություն
ամն
իրանի իսլամական հանրապետություն
https://cdn.am.sputniknews.ru/img/07e8/0b/02/82617384_0:0:1600:901_1920x0_80_0_0_d17c98fbf1cf789ade6ac1f025b4e65d.jpg
ԵՐԵՎԱՆ, 2 նոյեմբերի – Sputnik. Իսրայելի ուժայինները ձերբակալել են երկրի ռազմական ծրագրերի մասին գաղտնի տվյալների արտահոսքի մեջ կասկածվող մի քանի անձանց, նրանցից մեկը կարող է լինել վարչապետ Բենիամին Նեթանյահուի գրասենյակի աշխատակիցը։ Տեղեկությունը հայտնում է «Haaretz»–ը։«Axios» կայքն էլ, վկայակոչելով իսրայելցի պաշտոնյաներին, տեղեկացնում է, որ կասկածյալներից մեկը Նեթանյահուի օգնականն է:Ավելի վաղ ԶԼՄ-ները հայտնել էին, որ ԱՄՆ-ն հետաքննում է իր հույժ գաղտնի հետախուզական տվյալների արտահոսքը՝ կապված Իրանին հարված հասցնելու Իսրայելի նախապատրաստման հետ, որը ներառում է Իսրայելի ռազմաօդային ուժերի զորավարժություններ՝ «օդ-երկիր» հրթիռների կիրառմամբ: Հոկտեմբերի 15-ով և 16-ով թվագրված փաստաթղթերը համացանցում սկսեցին շրջանառվել հոկտեմբերի 18-ին: Ըստ ԶԼՄ–ների՝ դրանց վրա «հույժ գաղտնի» դրոշմագիր կա, և նշված է, որ այդ տեղեկություններին կարող են ծանոթանալ միայն «Հինգ աչք» (Five Eyes) հետախուզական դաշինքի անդամները, որի անդամներն են ԱՄՆ-ն, Կանադան, Նոր Զելանդիան, Մեծ Բրիտանիան և Ավստրալիան։Հոկտեմբերի 23-ին Պենտագոնի ղեկավար Լլոյդ Օսթինը հայտարարել է, որ իր քարտուղարությունից որևէ մեկը կապ չունի այդ արտահոսքի հետ։Իսրայելն ամերիկյան փաստաթղթերի արտահոսքի պատճառով հետաձգել է Իրանի վրա հարձակումը. ԶԼՄՀիշեցնենք` Իրանը հոկտեմբերի 1-ին պատմության մեջ երկրորդ անգամ զանգվածային հրթիռակոծության ենթարկեց Իսրայելը՝ դա անվանելով ինքնապաշտպանության գործողություն: Իսրայելցի զինվորականները հայտարարում են, որ արձակվել է մոտ 180 բալիստիկ հրթիռ, որոնց մեծ մասը հաջողվել է որսալ: Իսրայելի իշխանությունների տվյալներով՝ գնդակոծության հետևանքով քաղաքացիների թվում զոհեր չկան։ Մի շարք լրատվամիջոցներ հաղորդել են Հորդանան գետի արևմտյան ափին մեկ մարդու մահվան մասին, որը ենթադրաբար պաղեստինցի է եղել (Գազայի հատվածից):Իրանցիները պնդում են, որ հրթիռները խոցել են Իսրայելի ռազմական օբյեկտները, իսրայելցիները վստահեցնում են, որ նվազագույն վնաս է հասցվել։ Նրանք խոստանում են պատասխան հարված հասցնել, իսկ ԱՄՆ-ն՝ օգնության հասնել իր գլխավոր մերձավորարևելյան դաշնակցին։ ՌԴ ԱԳՆ պաշտոնական ներկայացուցիչ Մարիա Զախարովան Իրանի հրթիռային հարվածից հետո հայտարարել է, որ ԱՄՆ նախագահ Ջո Բայդենի վարչակազմը ձախողվել է Մերձավոր Արևելքում՝ լիակատար անօգնականություն ցուցաբերելով ճգնաժամերի լուծման հարցում:
իսրայել
ամն
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իսրայել, ձերբակալություն, ամն, իրանի իսլամական հանրապետություն
իսրայել, ձերբակալություն, ամն, իրանի իսլամական հանրապետություն
Իսրայելում գաղտնի տեղեկությունների արտահոսքի գործով կասկածյալներ են ձերբակալվել
13:25 02.11.2024 (Թարմացված է: 13:27 02.11.2024) Իսրայելի վարչապետը հայտարարել է, որ իր գրասենյակից ոչ ոք չի հարցաքննվել կամ ձերբակալվել:
ԵՐԵՎԱՆ, 2 նոյեմբերի – Sputnik. Իսրայելի ուժայինները ձերբակալել են երկրի ռազմական ծրագրերի մասին գաղտնի տվյալների արտահոսքի մեջ կասկածվող մի քանի անձանց, նրանցից մեկը կարող է լինել վարչապետ Բենիամին Նեթանյահուի գրասենյակի աշխատակիցը։ Տեղեկությունը հայտնում է
«Haaretz»–ը։
«Ձերբակալվել են գաղտնի հետախուզական տվյալների արտահոսքի գործով կասկածյալներ, որոնք կարող էին խանգարել Գազայի պատերազմի նպատակներին հասնելուն։ Ձերբակալվածներից մեկը կապված է Նեթանյահուի գրասենյակի հետ և պատերազմի ժամանակ սերտորեն համագործակցել է նրա հետ», - գրում է լրատվամիջոցը։
«Axios» կայքն էլ, վկայակոչելով իսրայելցի պաշտոնյաներին, տեղեկացնում է, որ կասկածյալներից մեկը Նեթանյահուի օգնականն է:
Ավելի վաղ ԶԼՄ-ները հայտնել էին, որ ԱՄՆ-ն հետաքննում է իր հույժ գաղտնի հետախուզական տվյալների արտահոսքը՝ կապված Իրանին հարված հասցնելու Իսրայելի նախապատրաստման հետ, որը ներառում է Իսրայելի ռազմաօդային ուժերի զորավարժություններ՝ «օդ-երկիր» հրթիռների կիրառմամբ: Հոկտեմբերի 15-ով և 16-ով թվագրված փաստաթղթերը համացանցում սկսեցին շրջանառվել հոկտեմբերի 18-ին: Ըստ ԶԼՄ–ների՝ դրանց վրա «հույժ գաղտնի» դրոշմագիր կա, և նշված է, որ այդ տեղեկություններին կարող են ծանոթանալ միայն «Հինգ աչք» (Five Eyes) հետախուզական դաշինքի անդամները, որի անդամներն են ԱՄՆ-ն, Կանադան, Նոր Զելանդիան, Մեծ Բրիտանիան և Ավստրալիան։
Հոկտեմբերի 23-ին Պենտագոնի ղեկավար Լլոյդ Օսթինը հայտարարել է, որ իր քարտուղարությունից որևէ մեկը կապ չունի այդ արտահոսքի հետ։
Հիշեցնենք` Իրանը հոկտեմբերի 1-ին պատմության մեջ երկրորդ անգամ զանգվածային հրթիռակոծության ենթարկեց Իսրայելը՝ դա անվանելով ինքնապաշտպանության գործողություն: Իսրայելցի զինվորականները հայտարարում են, որ արձակվել է մոտ 180 բալիստիկ հրթիռ, որոնց մեծ մասը հաջողվել է որսալ: Իսրայելի իշխանությունների տվյալներով՝ գնդակոծության հետևանքով քաղաքացիների թվում զոհեր չկան։ Մի շարք լրատվամիջոցներ հաղորդել են Հորդանան գետի արևմտյան ափին մեկ մարդու մահվան մասին, որը ենթադրաբար պաղեստինցի է եղել (Գազայի հատվածից):
Իրանցիները պնդում են, որ հրթիռները խոցել են Իսրայելի ռազմական օբյեկտները, իսրայելցիները վստահեցնում են, որ նվազագույն վնաս է հասցվել։ Նրանք խոստանում են պատասխան հարված հասցնել, իսկ ԱՄՆ-ն՝ օգնության հասնել իր գլխավոր մերձավորարևելյան դաշնակցին։ ՌԴ ԱԳՆ պաշտոնական ներկայացուցիչ Մարիա Զախարովան Իրանի հրթիռային հարվածից հետո հայտարարել է, որ ԱՄՆ նախագահ Ջո Բայդենի վարչակազմը ձախողվել է Մերձավոր Արևելքում՝ լիակատար անօգնականություն ցուցաբերելով ճգնաժամերի լուծման հարցում:
