https://arm.sputniknews.ru/20241031/pashtvonatvogh-spanery-ksharunaken-tsarajel-ev-tvoshak-stanal-azh-n-miadzajn-yndunec-orinagitsy-82536484.html
Պաշտոնաթող սպաները կշարունակեն ծառայել և թոշակ ստանալ․ ԱԺ-ն միաձայն ընդունեց օրինագիծը
Պաշտոնաթող սպաները կշարունակեն ծառայել և թոշակ ստանալ․ ԱԺ-ն միաձայն ընդունեց օրինագիծը
Sputnik Արմենիա
Պետությունը կշարունակի զինվորականերին կենսաթոշակ վճարել ստաժի տարիների համար, եթե նրանք ծառայության են անցնում պաշտպանության նախարարի հրամանով սահմանված... 31.10.2024, Sputnik Արմենիա
2024-10-31T17:30+0400
2024-10-31T17:30+0400
2024-10-31T17:34+0400
սպա
բանակ
հհ պաշտպանության նախարարություն (պն)
հայաստան
թոշակ
անդրանիկ քոչարյան
արամ խաչատրյան
https://cdn.am.sputniknews.ru/img/07e5/0a/1c/34784241_0:0:1600:901_1920x0_80_0_0_afe4271b7b1e3ff079da536d39ed269f.jpg
ԵՐԵՎԱՆ, 31 հոկտեմբերի - Sputnik. Պաշտոնաթող սպաները կկարողանան վերադառնալ ծառայության և միաժամանակ կշարունակեն կենսաթոշակ ստանալ։ Այսօր Ազգային ժողովն արտահերթ նիստում առաջին և երկրորդ ընթերցմամբ ու ամբողջությամբ ընդունեց «Զինվորական ծառայության և զինծառայողի կարգավիճակի մասին» և «Պետական կենսաթոշակների մասին» օրենքներում փոփոխություններ և լրացումներ կատարելու նախագիծը։Օրենսդրական փոփոխությունների հեղինակներն ԱԺ պաշտպանության հանձնաժողովի նախագահ Անդրանիկ Քոչարյանը և նրա տեղակալ Արմեն Խաչատրյանն են։ Հիմնավորմամբ խնդիր է դրված զինված ուժերում ներգրավել փորձառու և արհեստավարժ զինվորականների։ Պետությունը կշարունակի նրանց կենսաթոշակ վճարել ստաժի տարիների համար։Օրինագծի քննարկման ժամանակ ՀՀ պաշտպանության նախարար Սուրեն Պապիկյանը նշեց՝ զորամասերի ցանկը հրապարակային չի լինելու։Բանակում «բարդակ» է, հնարավոր է` թոշակառու սպաներին «վերադարձնեն» զորամասեր. «Հրապարակ»«Նախագիծը նպատակ ունի պահեստազորում գտնվող մեր որակյալ ռեսուրսը ներգրավել զինված ուժերի կարևոր ուղղություններում, մասնավորապես՝ խոսքը վերաբերում է սահմանային զորամասերին և կարևորություն ունեցող հատուկ զորամասերին, օրինակ՝ անօդաչու թռչող սարքերի ուղղությամբ զորամասեր։ Մեզ համար մեծ կարևորություն ունեն կապի ոլորտի, ՀՕՊ, հետախուզության մասնագետները, այսինքն՝ մարդիկ, որոնք ունեն գիտելիք, փորձ և արագ կարող են համալրել ԶՈւ շարքերն ու իրենց նպաստը բերել»,- ասաց Պապիկյանը։Պայման է նաև, որ նշանակումը պետք է լինի ոչ ավելի, քան փոխգնդապետի կոչումային դասակարգմամբ զինվորական պաշտոնում։ Կադրերով համալրվելու կարիք ունեցող զորամասերի ցանկն անընդհատ թարմացվելու է։Սպաների և ոչ միայն սպաների պակաս. փորձագետն ասել է` ինչու են բանակում շատ մահվան դեպքերըԱնկախ պատգամավոր Թագուհի Թովմասյանը հետաքրքրվեց՝ ինչ է արվում զինված ուժերում ոչ մարտական պայմաններում կորուստների դեպքերը նվազեցնելու ուղղությամբ։ Պատգամավորը մատնանշեց, որ այս տարի արդեն 39 կորուստ է եղել ԶՈւ-ում ոչ մարտական պայմաններում։«Մեր մարտահրավերն են ինքնասպանությունները, ինքնասպանության հասցնելու դեպքերը, սպանությունների դեպքերը, որոնց ուղղությամբ էական աշխատանք է տարվում»,- նշեց նախարարը։Նրա խոսքով՝ այս նախագիծն էլ նաև դրան է ուղղված՝ որակյալ սպաներով համալրել զինված ուժերը, որով պետք է բարձրացվի նաև զորամասերում վերահսկողությունն ու կարգապահությունը, ինչը նաև կբերի նման ցավալի դեպքերի նվազման։Բանակում «բարդակի» մեղավորը բոլորն են՝ և՛ նախարարը, և՛ վարչապետը. սպան` հրդեհի մասին«Հայաստան» խմբակցության անդամ Թադևոս Ավետիսյանը հետաքրքրվեց՝ ինչ է լինելու այն սպաների հետ, որոնք կենսաթոշակի էին անցել, այնուհետև վերադարձել են զինվորական ծառայության։ Գործող օրենսդրությամբ` ծառայության վերադառնալուց հետո նրանց կենսաթոշակը դադարեցվել է։ Օրենսդրական նախագծի հեղինակներից Արմեն Խաչատրյանը նշեց՝ օրենքը հետադարձ ուժ չունի, բայց առաջարկեց հարցը քննարկել այսօր ավելի ուշ՝ ԱԺ պաշտպանության և անվտանգության հարցերի մշտական հանձնաժողովում։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սպա, բանակ, հհ պաշտպանության նախարարություն (պն), հայաստան, թոշակ, անդրանիկ քոչարյան, արամ խաչատրյան
սպա, բանակ, հհ պաշտպանության նախարարություն (պն), հայաստան, թոշակ, անդրանիկ քոչարյան, արամ խաչատրյան
Պաշտոնաթող սպաները կշարունակեն ծառայել և թոշակ ստանալ․ ԱԺ-ն միաձայն ընդունեց օրինագիծը
17:30 31.10.2024 (Թարմացված է: 17:34 31.10.2024) Պետությունը կշարունակի զինվորականերին կենսաթոշակ վճարել ստաժի տարիների համար, եթե նրանք ծառայության են անցնում պաշտպանության նախարարի հրամանով սահմանված զորամասերում։
ԵՐԵՎԱՆ, 31 հոկտեմբերի - Sputnik. Պաշտոնաթող սպաները կկարողանան վերադառնալ ծառայության և միաժամանակ կշարունակեն կենսաթոշակ ստանալ։ Այսօր Ազգային ժողովն արտահերթ նիստում առաջին և երկրորդ ընթերցմամբ ու ամբողջությամբ ընդունեց «Զինվորական ծառայության և զինծառայողի կարգավիճակի մասին» և «Պետական կենսաթոշակների մասին» օրենքներում փոփոխություններ և լրացումներ կատարելու նախագիծը։
Օրենքի նախագծերի փաթեթն ընդունվեց միաձայն։ Քվեարկությանը մասնակցած բոլոր 77 պատգամավորները կողմ քվեարկեցին փաթեթին։ Քվեարկությանը մասնակցում էին թե՛ իշխանական, թե՛ ընդդիմադիր խմբակցությունները։
Օրենսդրական փոփոխությունների հեղինակներն ԱԺ պաշտպանության հանձնաժողովի նախագահ Անդրանիկ Քոչարյանը և նրա տեղակալ Արմեն Խաչատրյանն են։ Հիմնավորմամբ խնդիր է դրված զինված ուժերում ներգրավել փորձառու և արհեստավարժ զինվորականների։ Պետությունը կշարունակի նրանց կենսաթոշակ վճարել ստաժի տարիների համար։
«Այս օրենքը վերաբերում է այն զորամասերին, որտեղ կադրային ռեսուրսի համալրման հրատապ խնդիր կա»,- նախագծի ներկայացման ժամանակ ասաց պատգամավոր Արմեն Խաչատրյանը։
Օրինագծի քննարկման ժամանակ ՀՀ պաշտպանության նախարար Սուրեն Պապիկյանը նշեց՝ զորամասերի ցանկը հրապարակային չի լինելու։
«Նախագիծը նպատակ ունի պահեստազորում գտնվող մեր որակյալ ռեսուրսը ներգրավել զինված ուժերի կարևոր ուղղություններում, մասնավորապես՝ խոսքը վերաբերում է սահմանային զորամասերին և կարևորություն ունեցող հատուկ զորամասերին, օրինակ՝ անօդաչու թռչող սարքերի ուղղությամբ զորամասեր։ Մեզ համար մեծ կարևորություն ունեն կապի ոլորտի, ՀՕՊ, հետախուզության մասնագետները, այսինքն՝ մարդիկ, որոնք ունեն գիտելիք, փորձ և արագ կարող են համալրել ԶՈւ շարքերն ու իրենց նպաստը բերել»,- ասաց Պապիկյանը։
Պայման է նաև, որ նշանակումը պետք է լինի ոչ ավելի, քան փոխգնդապետի կոչումային դասակարգմամբ զինվորական պաշտոնում։ Կադրերով համալրվելու կարիք ունեցող զորամասերի ցանկն անընդհատ թարմացվելու է։
Անկախ պատգամավոր Թագուհի Թովմասյանը հետաքրքրվեց՝ ինչ է արվում զինված ուժերում ոչ մարտական պայմաններում կորուստների դեպքերը նվազեցնելու ուղղությամբ։ Պատգամավորը մատնանշեց, որ այս տարի արդեն 39 կորուստ է եղել ԶՈւ-ում ոչ մարտական պայմաններում։
«Մեր մարտահրավերն են ինքնասպանությունները, ինքնասպանության հասցնելու դեպքերը, սպանությունների դեպքերը, որոնց ուղղությամբ էական աշխատանք է տարվում»,- նշեց նախարարը։
Նրա խոսքով՝ այս նախագիծն էլ նաև դրան է ուղղված՝ որակյալ սպաներով համալրել զինված ուժերը, որով պետք է բարձրացվի նաև զորամասերում վերահսկողությունն ու կարգապահությունը, ինչը նաև կբերի նման ցավալի դեպքերի նվազման։
«Հայաստան» խմբակցության անդամ Թադևոս Ավետիսյանը հետաքրքրվեց՝ ինչ է լինելու այն սպաների հետ, որոնք կենսաթոշակի էին անցել, այնուհետև վերադարձել են զինվորական ծառայության։ Գործող օրենսդրությամբ` ծառայության վերադառնալուց հետո նրանց կենսաթոշակը դադարեցվել է։ Օրենսդրական նախագծի հեղինակներից Արմեն Խաչատրյանը նշեց՝ օրենքը հետադարձ ուժ չունի, բայց առաջարկեց հարցը քննարկել այսօր ավելի ուշ՝ ԱԺ պաշտպանության և անվտանգության հարցերի մշտական հանձնաժողովում։
