https://arm.sputniknews.ru/20241027/5-tari-e-ibr-bacvel-e-gvortsy-vochinch-chen-arel-bakhshjany-hvoktemberi-27-y-chbacajtelu-masin-82368191.html
5 տարի է` իբր բացվել է գործը, ոչինչ չեն արել․ Բախշյանը՝ Հոկտեմբերի 27-ի մասին
5 տարի է` իբր բացվել է գործը, ոչինչ չեն արել․ Բախշյանը՝ Հոկտեմբերի 27-ի մասին
Sputnik Արմենիա
Անահիտ Բախշյանը վերհիշեց, թե ինչպես է նախորդ տարի հոկտեմբերի 27-ին ԱԺ նախագահին հարցրել, թե ինչո՞ւ ԱԺ անվտանգության հարցերի հանձնաժողովը չի հրավիրում, չի... 27.10.2024, Sputnik Արմենիա
2024-10-27T16:37+0400
2024-10-27T16:37+0400
2024-10-27T16:59+0400
«հոկտեմբերի 27». ահաբեկչություն, դատավարություն
հոկտեմբերի 27
անահիտ բախշյան
https://cdn.am.sputniknews.ru/img/2114/13/21141396_0:0:1600:901_1920x0_80_0_0_42bd94809477bc05db5850de393cf3b1.jpg
ԵՐԵՎԱՆ, 27 հոկտեմբերի – Sputnik. Հոկտեմբերի 27-ի ոճրագործությունը բացահայտելու համար ՀՀ իշխանությունները լավ խոստումներ էին տալիս, բայց դրանք իրականացնելը կա՛մ դժվար է, կա՛մ անցանկալի։ Այս մասին այսօր ԱԺ բակում լրագրողների հետ զրույցում ասաց Հոկտեմբերի 27-ի ոճրագործության ժամանակ զոհված ԱԺ փոխխոսնակ Յուրի Բախշյանի այրին՝ Անահիտ Բախշյանը:Բախշյանը վերհիշեց, թե ինչպես է նախորդ տարի հոկտեմբերի 27-ին ԱԺ նախագահին հարցրել, թե ինչո՞ւ ԱԺ անվտանգության հարցերի հանձնաժողովը չի հրավիրում, չի փորձում պարզել, թե ինչ են արել, բայց այդպես էլ իրեն հուզող հարցերի պատասխանը չի ստացել։Հոկտեմբերի 27-ից 25 տարի անց գործը բացահայտված չէ․ Քոչարյանը մեղադրեց գլխավոր դատախազին«5 տարի է` իբր բացվել է գործը, ինչու թեկուզ փակ լսում չեն անում, հասկանաք՝ ինչ է կատարվում: Մեկ տարի էլ անցավ, ոչինչ չարեցին: Հիմա գործն արդեն քննչականում է: Վերջերս Քյարամյանը ԱԺ-ում հաշվետվություն էր տալիս, ոչ մի պատգամավոր հարց չտվեց, չասաց՝ պարոն Քյարամյան, փետրվարից այդ գործը ձեր ենթակայության տակ է, ի՞նչ եք արել, ինչ եք պատրաստվում անել»,-ասաց Բախշյանը:Նա հայտարարեց, որ հիասթափված է Նիկոլ Փաշինյանից։Հիշեցնենք, որ 1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ, ՀՀ ազգային ժողովի նիստերի դահլիճում սպանեց ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:Հարուցված քրեական գործի նախաքննությունը տևեց 1.5 տարի, դատավարությունը` 2.5։2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։2019թ–ին` «թավշյա հեղափոխությունից» հետո, «Հոկտեմբերի 27»-ի գործը վերաբացվեց։Հոկտեմբերի 27-ի գործի նախաքննությունը հանձնարարվել է ՔԿ-ին․ դատախազությունը` Քոչարյանին
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«հոկտեմբերի 27». ահաբեկչություն, դատավարություն, հոկտեմբերի 27, անահիտ բախշյան
«հոկտեմբերի 27». ահաբեկչություն, դատավարություն, հոկտեմբերի 27, անահիտ բախշյան
5 տարի է` իբր բացվել է գործը, ոչինչ չեն արել․ Բախշյանը՝ Հոկտեմբերի 27-ի մասին
16:37 27.10.2024 (Թարմացված է: 16:59 27.10.2024) Անահիտ Բախշյանը վերհիշեց, թե ինչպես է նախորդ տարի հոկտեմբերի 27-ին ԱԺ նախագահին հարցրել, թե ինչո՞ւ ԱԺ անվտանգության հարցերի հանձնաժողովը չի հրավիրում, չի փորձում պարզել, թե ինչ են արել, բայց այդպես էլ իրեն հուզող հարցերի պատասխանը չի ստացել։
ԵՐԵՎԱՆ, 27 հոկտեմբերի – Sputnik. Հոկտեմբերի 27-ի ոճրագործությունը բացահայտելու համար ՀՀ իշխանությունները լավ խոստումներ էին տալիս, բայց դրանք իրականացնելը կա՛մ դժվար է, կա՛մ անցանկալի։ Այս մասին այսօր ԱԺ բակում լրագրողների հետ զրույցում ասաց Հոկտեմբերի 27-ի ոճրագործության ժամանակ զոհված ԱԺ փոխխոսնակ Յուրի Բախշյանի այրին՝ Անահիտ Բախշյանը:
«Որովհետև, երբ ուզում են, բացահայտում են այն ահաբեկչությունը, որ ինչ-որ խումբ պատրաստվում էր նույնիսկ Սերժ Սարգսյանի ժամանակ, Նիկոլ Փաշինյանի ժամանակ։ Բացահայտեցին, փառք Աստծո, բայց Հոկտեմբերի 27-ից անցել է 25 տարի, չեն բացահայտում: Պատճառները չեմ կարող ասել, բայց ցանկության բացակայություն եմ տեսնում: Չեմ կարող ասել՝ ինչով է պայմանավորված, բայց չափազանց դժգոհ եմ, ամբողջ հոգով ուզում եմ գոռալ ու ասել, որ մեր պետության այսօրվա վիճակը հոկտեմբերի 27-ի հետևանք է: Դա տեսնում են բոլորը»,- ասաց նա։
Բախշյանը վերհիշեց, թե ինչպես է նախորդ տարի հոկտեմբերի 27-ին ԱԺ նախագահին հարցրել, թե ինչո՞ւ ԱԺ անվտանգության հարցերի հանձնաժողովը չի հրավիրում, չի փորձում պարզել, թե ինչ են արել, բայց այդպես էլ իրեն հուզող հարցերի պատասխանը չի ստացել։
«5 տարի է` իբր բացվել է գործը, ինչու թեկուզ փակ լսում չեն անում, հասկանաք՝ ինչ է կատարվում: Մեկ տարի էլ անցավ, ոչինչ չարեցին: Հիմա գործն արդեն քննչականում է: Վերջերս Քյարամյանը ԱԺ-ում հաշվետվություն էր տալիս, ոչ մի պատգամավոր հարց չտվեց, չասաց՝ պարոն Քյարամյան, փետրվարից այդ գործը ձեր ենթակայության տակ է, ի՞նչ եք արել, ինչ եք պատրաստվում անել»,-ասաց Բախշյանը:
Նա հայտարարեց, որ հիասթափված է Նիկոլ Փաշինյանից։
«Շատ առիթներ ունեմ հիասթափվելու: Չեմ թաքցրել, ասել եմ, բայց գիտեք՝ շատ դժվար է խոստովանել, որ պետությանդ վարչապետը, որին ընտրել է ժողովրդի 60 տոկոսից ավելին, այսօր խոստումները, որ տվել է, ծրագիրը, որ գրել է հոկտեմբերի 27-ի վերաբերյալ` մազ անգամ տեղից չի շարժվել: Սա ես ասում եմ ամենայն պատասխանատվությամբ, որպես մեկը, ում դիմումի հիման վրա վերաբացվեց գործը: Ես Քյարամյանի հետ հանդիպել եմ, ոչ մի գործ չի արվել և առաջ չի գնում»,- ասաց նա:
Հիշեցնենք, որ 1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ, ՀՀ ազգային ժողովի նիստերի դահլիճում սպանեց ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:
Հարուցված քրեական գործի նախաքննությունը տևեց 1.5 տարի, դատավարությունը` 2.5։
2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։
Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։
2019թ–ին` «թավշյա հեղափոխությունից» հետո, «Հոկտեմբերի 27»-ի գործը վերաբացվեց։
