https://arm.sputniknews.ru/20241027/hvoktemberi-27-ic-25-tari-anc-gvortsy-bacahajtvats-che-qvocharjany-meghadrec-glkhavvor-datakhazin-82360765.html
Հոկտեմբերի 27-ից 25 տարի անց գործը բացահայտված չէ․ Քոչարյանը մեղադրեց գլխավոր դատախազին
Հոկտեմբերի 27-ից 25 տարի անց գործը բացահայտված չէ․ Քոչարյանը մեղադրեց գլխավոր դատախազին
Sputnik Արմենիա
Հոկտեմբերի 27-ի բացահայտման հետ կապված Անդրանիկ Քոչարյանի ակնկալիքները գլխավոր դատախազից չեն արդարացել։ 27.10.2024, Sputnik Արմենիա
2024-10-27T12:24+0400
2024-10-27T12:24+0400
2024-10-27T12:35+0400
«հոկտեմբերի 27». ահաբեկչություն, դատավարություն
հոկտեմբերի 27
անդրանիկ քոչարյան
աննա վարդապետյան
դատախազ
https://cdn.am.sputniknews.ru/img/07e7/0a/1b/67852664_0:0:1245:700_1920x0_80_0_0_c7ec8c4c1b1ee52ee73745ae54e3a837.jpg
ԵՐԵՎԱՆ, 27 հոկտեմբերի – Sputnik. ՀՀ ԱԺ «Քաղաքացիական պայմանագիր» խմբակցության պատգամավոր Անդրանիկ Քոչարյանը ՀՀ գլխավոր դատախազից ակնկալում էր, որ Հոկտեմբերի 27-ի 25-րդ տարելիցին բազմաթիվ հարցերի պատասխաններ կտրվեն, սակայն դա տեղի չունեցավ։ Այս մասին Քոչարյանը ասաց «Եռաբլուր» զինվորական պանթեոնում՝ Հոկտեմբերի 27-ի զոհերի հիշատակի արարողության ժամանակ։Նա նշեց, որ դեռ անցած տարի ինքն ասել է, որ գլխավոր դատախազը փոխվել է, և հույս ունի որոշ հարցերի պատասխաններ ստանալ, որովհետև Հոկտեմբերի 27-ի քննչական խմբի թողած ժառանությունը՝ հատորների տեսքով, տալիս էր գործը բացահայտելու հնարավորություն։«Պատահական չէ, որ նախկինում իշխանությունները ինչ-ինչ պատճառներից ելնելով այդ գործընթացը սառեցրեցին և դատավարությունն էլ մկրատով կտրեցին։ Ո՞ւր է հիմա պարոն Ուզունյանը («Հոկտեմբերի 27-ի» գործով դատավոր Սամվել Ուզունյան): Այդ հարցը մեր գլխավոր դատախազին պետք է շատ հուզի։ Ո՞նց եղավ, որ Ուզունյանն անհետացավ։ Առանց պատվերի դա չէր կարող լինել։ Դատավարության ընթացքում վկայությունների շնորհիվ պետք է բացահայտվեին բոլոր հանգամանքները, որոնք կբացահայտեին եղելությունը։ Ո՞ւր է ՀՀ երկրորդ նախագահ Ռոբերտ Քոչարյանի աշխատակազմի ղեկավար Ալիկ Հարությունյանը»,-հարցրեց Քոչարյանը։Նրա խոսքով՝ Հոկտեմբերի 27-ի քննչական խմբի առաջին փուլով ձեռք բերված ապացույցներն այսօր էլ շատ ակտուալ են, քանի որ այդտեղ կան առանցքային վկաներ, որոնք այսօր չկան` նրանցից մի մասը մահացել է, բայց մի մասն էլ շարունակում են մնալ գործի բացահայտման համար բանալի։Նշենք, որ այսօր ՀՀ իշխանության մի քանի ներկայացուցիչներ, ԵԿՄ անդամներ, Եռաբլուրում ծաղկեպսակ դրեցին և ծաղիկներ խոնարհեցին 1999 թվականին հոկտեմբերի 27-ին Հայաստանի ազգային ժողովի վրա իրականացված ոճրագործության զոհերի հիշատակին։«Եռաբլուր» պանթեոն եկած հոգևորականները հիշատակի կարգ մատուցեցին զոհվածների հոգիների հանգստության համար։1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ, ՀՀ ազգային ժողովի նիստերի դահլիճում սպանեց ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:Հարուցված քրեական գործի նախաքննությունը տևեց 1.5 տարի, դատավարությունը` 2.5։2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։2019թ–ին` «թավշյա հեղափոխությունից» հետո, «Հոկտեմբերի 27»-ի գործը վերաբացվեց։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«հոկտեմբերի 27». ահաբեկչություն, դատավարություն, հոկտեմբերի 27, անդրանիկ քոչարյան, աննա վարդապետյան, դատախազ
«հոկտեմբերի 27». ահաբեկչություն, դատավարություն, հոկտեմբերի 27, անդրանիկ քոչարյան, աննա վարդապետյան, դատախազ
Հոկտեմբերի 27-ից 25 տարի անց գործը բացահայտված չէ․ Քոչարյանը մեղադրեց գլխավոր դատախազին
12:24 27.10.2024 (Թարմացված է: 12:35 27.10.2024) Հոկտեմբերի 27-ի բացահայտման հետ կապված Անդրանիկ Քոչարյանի ակնկալիքները գլխավոր դատախազից չեն արդարացել։
ԵՐԵՎԱՆ, 27 հոկտեմբերի – Sputnik. ՀՀ ԱԺ «Քաղաքացիական պայմանագիր» խմբակցության պատգամավոր Անդրանիկ Քոչարյանը ՀՀ գլխավոր դատախազից ակնկալում էր, որ Հոկտեմբերի 27-ի 25-րդ տարելիցին բազմաթիվ հարցերի պատասխաններ կտրվեն, սակայն դա տեղի չունեցավ։ Այս մասին Քոչարյանը ասաց «Եռաբլուր» զինվորական պանթեոնում՝ Հոկտեմբերի 27-ի զոհերի հիշատակի արարողության ժամանակ։
«Հոկտեմբերի 27-ի 25-ամյա տարելիցը նշում ենք առանց գործի բացահայտման, որը շատ վատ է։ Գոնե բացահայտման հեռանկարի մասին խոսակցություններ կամ հաղորդումներ պետք է լինեն, որ բոլորը հասկանան, թե ինչ-որ ուղղությամբ ենք քայլում։ Բացահայտման համար նախկին քննչական խումբը՝ պարոն Ջհանգիրյանի կողմից ղեկավարվող, թողել է բավականին հարուստ ժառանգություն։ Թող բարի լինեն` կարդան, թե այնտեղ՝ տողատակերում ինչ է գրված»,-ասաց ԱԺ պաշտպանության և անվտանգության հանձնաժողովի նախագահը։
Նա նշեց, որ դեռ անցած տարի ինքն ասել է, որ գլխավոր դատախազը փոխվել է, և հույս ունի որոշ հարցերի պատասխաններ ստանալ, որովհետև Հոկտեմբերի 27-ի քննչական խմբի թողած ժառանությունը՝ հատորների տեսքով, տալիս էր գործը բացահայտելու հնարավորություն։
«Պատահական չէ, որ նախկինում իշխանությունները ինչ-ինչ պատճառներից ելնելով այդ գործընթացը սառեցրեցին և դատավարությունն էլ մկրատով կտրեցին։ Ո՞ւր է հիմա պարոն Ուզունյանը («Հոկտեմբերի 27-ի» գործով դատավոր Սամվել Ուզունյան): Այդ հարցը մեր գլխավոր դատախազին պետք է շատ հուզի։ Ո՞նց եղավ, որ Ուզունյանն անհետացավ։ Առանց պատվերի դա չէր կարող լինել։ Դատավարության ընթացքում վկայությունների շնորհիվ պետք է բացահայտվեին բոլոր հանգամանքները, որոնք կբացահայտեին եղելությունը։ Ո՞ւր է ՀՀ երկրորդ նախագահ Ռոբերտ Քոչարյանի աշխատակազմի ղեկավար Ալիկ Հարությունյանը»,-հարցրեց Քոչարյանը։
Նրա խոսքով՝ Հոկտեմբերի 27-ի քննչական խմբի առաջին փուլով ձեռք բերված ապացույցներն այսօր էլ շատ ակտուալ են, քանի որ այդտեղ կան առանցքային վկաներ, որոնք այսօր չկան` նրանցից մի մասը մահացել է, բայց մի մասն էլ շարունակում են մնալ գործի բացահայտման համար բանալի։
Անդրանիկ Քոչարյանն ակնկալում է, որ Հայաստանի ամենաողբալի էջերից մեկի բացահայտումը հնարավորություն կտա կանխել հետագա նման ոճրագործություններ գործելու ցանկությունները։
Նշենք, որ այսօր ՀՀ իշխանության մի քանի ներկայացուցիչներ, ԵԿՄ անդամներ, Եռաբլուրում ծաղկեպսակ դրեցին և
ծաղիկներ խոնարհեցին 1999 թվականին հոկտեմբերի 27-ին Հայաստանի ազգային ժողովի վրա իրականացված ոճրագործության զոհերի հիշատակին։
«Եռաբլուր» պանթեոն եկած հոգևորականները հիշատակի կարգ մատուցեցին զոհվածների հոգիների հանգստության համար։
1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ, ՀՀ ազգային ժողովի նիստերի դահլիճում սպանեց ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:
Հարուցված քրեական գործի նախաքննությունը տևեց 1.5 տարի, դատավարությունը` 2.5։
2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։
Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։
2019թ–ին` «թավշյա հեղափոխությունից» հետո, «Հոկտեմբերի 27»-ի գործը վերաբացվեց։
