https://arm.sputniknews.ru/20241019/danaky-kvokvordin-98-tvonna-kshrvogh-gnacq-e-qashel-djuznagirqy-nvor-rekvordnervov-harstacav-82031813.html

Դանակը կոկորդին՝ 98 տոննա կշռող գնացք է քաշել․ «Դյուզնագիրքը» նոր ռեկորդներով հարստացավ

Դանակը կոկորդին՝ 98 տոննա կշռող գնացք է քաշել․ «Դյուզնագիրքը» նոր ռեկորդներով հարստացավ

Sputnik Արմենիա

Դյուցազունների ասոցիացիայի նախագահի խոսքով՝ հայ ժողովուրդը սիրում է իր ֆիզիկական ուժը ցուցադրել։ 19.10.2024, Sputnik Արմենիա

2024-10-19T17:56+0400

2024-10-19T17:56+0400

2024-10-19T17:58+0400

հայաստան

գնացք

ռեկորդ

դյուցազնագիրք

տեսանյութ

տեսանյութեր

https://cdn.am.sputniknews.ru/img/07e8/0a/13/82032576_0:0:542:305_1920x0_80_0_0_660cd198af60925d38e29770da968c45.jpg

«Դյուցազնագիրքն» այսօր միանգամից մի քանի ռեկորդներով հարստացավ։ 3 հայ դյուցազուններ իրենց զարմանալի ուժը ցույց տվեցին։ 36-ամյա Դավիթ Ոսկանյանը, որը կրկեսի արտիստ է, հանդես է գալիս էքստրեմալ և յոգա ժանրերում, միաժամանակ գիտությամբ է զբաղվում, այս ամենին զուգահեռ այսօր «Դյուցազնագրքի» արդեն յոթակի ռեկորդակիր դարձավ։Առաջին ռեկորդը Դավիթը սահմանեց՝ 98 տոննա կշռող 3 վագոնից բաղկացած գնացքը 3 մետր 74 սմ քաշելով, ընդ որում` դա արեց դանակը կոկորդին դրած։Երկրորդ ռեկորդի համար արդեն 2,2 տոննա կշռող ավտոմեքենան բարձրացավ պառկած դիրքում գտնվող Դավիթի վրա, միաժամանակ 60 կգ կշռող տղան էլ բահը սեղմեց Դավիթի կոկորդին ու կանգնեց դրա վրա։ Այս դիրքում Դավիթը մնաց 15 վայրկյան։«Դյուցազնագրքի» հանձնաժողովը երկու ռեկորդն էլ ընդունեց ու գրանցեց։Այսօր ռեկորդներ սահմանեցին նաև 34-ամյա Վարազդատ Հակոբյանը (2 ռեկորդ՝ աջ ձեռքի միջնամատով երկու գնացքով, 66 տոննա կշռող գնացքը ձգելով 2 մետր 30 սմ, իսկ երկրորդ վարժությունը՝ աջ ձեռքով ձգեց 133 տոննա կշռող 4 վագոն՝ 68 սմ) և 39-ամյա Արմենակ Ծատուրյանը (66 տոննա կշռող 2 վագոնները ձախ ձեռքով ձգեց 4 մետր 92 սմ):Լրագրողների հետ զրույցում Դյուցազունների ասոցիացիայի նախագահ Վարդան Թովմասյանը հայտնեց, որ «Դյուցազնագրքի» ռեկորդների 80-83 տոկոսն ուժային են, թեպետ 2012 թվականից սկսած՝ գրքում կարող են նաև արվեստի ռեկորդներ գրանցվել։«Հայ ժողովուրդը սիրում է ֆիզիկական ուժը ցուցադրել»,- ասաց Թովմասյանը։Նշենք, որ «Դյուցազնագիրքը» Հայաստանի ռեկորդների, արտասովոր ունակություններով մարդկանց մասին տեղեկագիրք է, որտեղ գրանցումներն արվում են 1990 թվականից սկսած, իսկ տեղեկագիրքը հրատարակվում է 2012թ-ից։Անհավանական հնարքներ. հայերից ովքե՞ր են հայտնվել Գինեսի գրքում

2024

Լուրեր

am_HY

հայաստան, գնացք, ռեկորդ, դյուցազնագիրք, տեսանյութ, տեսանյութեր