https://arm.sputniknews.ru/20241016/khuzarkutjun-erevanum-gvortsvogh-zangeri-kentrvonum-khvoshvor-gumarneri-hapshtakutjun-e-eghel-81902164.html
Խուզարկություն Երևանում գործող զանգերի կենտրոնում. խոշոր գումարների հափշտակություն է եղել
Խուզարկություն Երևանում գործող զանգերի կենտրոնում. խոշոր գումարների հափշտակություն է եղել
Sputnik Արմենիա
Հանցավոր գործունեությունից տուժած քաղաքացիներին հայտնաբերելու համար ոստիկանությունը համագործակցում է օտարերկրյա իրավապահ մարմինների հետ: 16.10.2024, Sputnik Արմենիա
2024-10-16T14:27+0400
2024-10-16T14:27+0400
2024-10-16T14:28+0400
հայաստան
խարդախություն
օտարերկրացի
զանգ
տեսանյութ
տեսանյութեր
https://cdn.am.sputniknews.ru/img/07e8/0a/10/81900965_0:0:1281:720_1920x0_80_0_0_39f4bfc8ba0ace5c3c80eb1c926d9a67.jpg
ՀՀ իրավապահները Երևանում հայտնաբերել են հատուկ կահավորված զանգերի կենտրոն, որում ներգրավված անձինք, չարաշահելով օտարերկրյա պետություններում գտնվող անձանց վստահությունը, հափշտակել են առանձնապես խոշոր չափերի գումարներ: Տեղեկությունը հայտնում է ՀՀ ՆԳՆ ոստիկանության մամուլի ծառայությունը։Նշվում է, որ կենտրոնի անձինք ինտերնետային հեռախոսազանգեր են հաստատել օտարերկրյա քաղաքացիների հետ և ներկայացել թե՛ որպես իրավաբանական ծառայություն մատուցող, թե՛ որպես իրավապահ մարմնի ներկայացուցիչ:«Զանգերի կենտրոնի թիրախում են հայտնվել բացառապես օտարերկրյա քաղաքացիներ, հատկապես նրանք, ովքեր արդեն իսկ դարձել էին խարդախության զոհ: Ձեռք բերելով անհրաժեշտ տեղեկություններ` կապ են հաստատել տուժած անձանց հետ և հայտնել, թե իբր իրենց կազմակերպությունն իրականացնում է հափշտակված ֆինանսական միջոցների բռնագանձման և վերադարձի գործընթաց, և դրա համար տուժած անձինք պետք է վճարեն տարաբնույթ միջնորդավճարներ»,– նշում են ոստիկանությունից:Պարզվել են հանցավոր կազմակերպությունում ներգրավված անձանց ինքնությունը, դերային բաշխման մեխանիզմը, հանցավոր մեխանիզմի շրջանակում օգտագործվող կեղծանունները:Որոշվել է խուզարկություն կատարել հոկտեմբերի 12–ին` կեսգիշերից քիչ անց, քանի որ ժամային գոտիների տարբերությունը հաշվի առնելով` հանցավոր կազմակերպության անդամները օտարերկրացի պոտենցիալ տուժողների հետ կապ են հաստատել հենց գիշերը:Խուզարկության արդյունքում հայտնաբերվել են էլեկտրոնային ապացույցներ, ինչպես նաև քրեական վարույթով հնարավոր տուժողների և ենթադրյալ հանցավոր կազմակերպության անդամների վերաբերյալ տվյալներ:Պարզվել է նաև, որ հանցավոր կազմակերպությունը հարկային մարմիններից թաքցրել է իրական գործունեության տեսակն ու եկամուտների չափը` խուսափելով հարկային մի շարք վճարումներից` պետությանը պատճառելով նյութական վնաս:Այժմ ոստիկանությունը համագործակցում է օտարերկրյա իրավապահ մարմինների հետ` հանցավոր գործունեությունից տուժած քաղաքացիներին հայտնաբերելու նպատակով:Նախաքննությունը շարունակվում է, հանգամանքները պարզվում են:ՊԵԿ-ի մի խումբ պաշտոնատար անձինք 8 մլն դրամ կաշառք են պահանջել. ՀՀ հակակոռուպցիոն կոմիտե
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, խարդախություն, օտարերկրացի, զանգ, տեսանյութ, տեսանյութեր, видео
հայաստան, խարդախություն, օտարերկրացի, զանգ, տեսանյութ, տեսանյութեր, видео
Խուզարկություն Երևանում գործող զանգերի կենտրոնում. խոշոր գումարների հափշտակություն է եղել
14:27 16.10.2024 (Թարմացված է: 14:28 16.10.2024) Հանցավոր գործունեությունից տուժած քաղաքացիներին հայտնաբերելու համար ոստիկանությունը համագործակցում է օտարերկրյա իրավապահ մարմինների հետ:
ՀՀ իրավապահները Երևանում հայտնաբերել են հատուկ կահավորված զանգերի կենտրոն, որում ներգրավված անձինք, չարաշահելով օտարերկրյա պետություններում գտնվող անձանց վստահությունը, հափշտակել են առանձնապես խոշոր չափերի գումարներ: Տեղեկությունը հայտնում է
ՀՀ ՆԳՆ ոստիկանության մամուլի ծառայությունը։
Նշվում է, որ կենտրոնի անձինք ինտերնետային հեռախոսազանգեր են հաստատել օտարերկրյա քաղաքացիների հետ և ներկայացել թե՛ որպես իրավաբանական ծառայություն մատուցող, թե՛ որպես իրավապահ մարմնի ներկայացուցիչ:
«Զանգերի կենտրոնի թիրախում են հայտնվել բացառապես օտարերկրյա քաղաքացիներ, հատկապես նրանք, ովքեր արդեն իսկ դարձել էին խարդախության զոհ: Ձեռք բերելով անհրաժեշտ տեղեկություններ` կապ են հաստատել տուժած անձանց հետ և հայտնել, թե իբր իրենց կազմակերպությունն իրականացնում է հափշտակված ֆինանսական միջոցների բռնագանձման և վերադարձի գործընթաց, և դրա համար տուժած անձինք պետք է վճարեն տարաբնույթ միջնորդավճարներ»,– նշում են ոստիկանությունից:
Պարզվել են հանցավոր կազմակերպությունում ներգրավված անձանց ինքնությունը, դերային բաշխման մեխանիզմը, հանցավոր մեխանիզմի շրջանակում օգտագործվող կեղծանունները:
Որոշվել է խուզարկություն կատարել հոկտեմբերի 12–ին` կեսգիշերից քիչ անց, քանի որ ժամային գոտիների տարբերությունը հաշվի առնելով` հանցավոր կազմակերպության անդամները օտարերկրացի պոտենցիալ տուժողների հետ կապ են հաստատել հենց գիշերը:
Խուզարկության արդյունքում հայտնաբերվել են էլեկտրոնային ապացույցներ, ինչպես նաև քրեական վարույթով հնարավոր տուժողների և ենթադրյալ հանցավոր կազմակերպության անդամների վերաբերյալ տվյալներ:
Պարզվել է նաև, որ հանցավոր կազմակերպությունը հարկային մարմիններից թաքցրել է իրական գործունեության տեսակն ու եկամուտների չափը` խուսափելով հարկային մի շարք վճարումներից` պետությանը պատճառելով նյութական վնաս:
Այժմ ոստիկանությունը համագործակցում է օտարերկրյա իրավապահ մարմինների հետ` հանցավոր գործունեությունից տուժած քաղաքացիներին հայտնաբերելու նպատակով:
Նախաքննությունը շարունակվում է, հանգամանքները պարզվում են:
