https://arm.sputniknews.ru/20241013/mtatsum-einq-10000--ktsakhsenq-bajc-100000-arzhecav-inchpes-hh-um-tsnvec-usanvoghi-tuny-81804441.html
Մտածում էինք` 10000 $ կծախսենք, բայց 100000 արժեցավ․ ինչպես ՀՀ-ում ծնվեց «Ուսանողի տունը»
Մտածում էինք` 10000 $ կծախսենք, բայց 100000 արժեցավ․ ինչպես ՀՀ-ում ծնվեց «Ուսանողի տունը»
Sputnik Արմենիա
2021 թվականից «Ուսանողի տունը» հյուրընկալել է ավելի քան 80 սովորողի: Անհրաժեշտ ներդրումներ լինելու դեպքում նախագծի հիմնադիրները պատրաստ են ընդլայնել այն։ 13.10.2024, Sputnik Արմենիա
2024-10-13T15:09+0400
2024-10-13T15:09+0400
2024-10-13T15:09+0400
ուսանող
«ուսանողի տուն»
հայաստան
մարզ
երևան
ջավախք
https://cdn.am.sputniknews.ru/img/07e8/0a/09/81635801_0:128:1280:848_1920x0_80_0_0_fa686f700053993dd6fa224f4569af92.jpg
ԵՐԵՎԱՆ, 13 հոկտեմբերի – Sputnik, Լիլիթ Հարությունյան. Եթե անմնացորդ նվիրվեք, ապա ցանկացած, անգամ ամենախենթ գաղափարն իր պտուղները կտա։ Հենց այդպես էլ ստեղծվեց «Ուսանողի տունը» Երևանում, որտեղ Հայաստանի տարբեր մարզերի, ինչպես նաև Ջավախքի երիտասարդները կարող են ոչ միայն խորհրդանշական վճարով ապրել, այլև ստանալ ոչ ֆորմալ կրթություն։«Փորձում ենք այնպես անել, որ երիտասարդները բուհն ավարտելուց հետո չձգտեն մեկնել արտերկիր, այլ հակառակը՝ ցանկանան վերադառնալ իրենց համայնք և զարգացնել այն։ Մենք ամեն կերպ ուզում ենք ցույց տալ, որ նրանցից յուրաքանչյուրը կարող է իր լուման ներդնել երկրի զարգացման գործում», - ասում է նախագծի համահիմնադիր Ծովինար Սարգսյանը։Ծովինարը խոստովանում է` նախագծի գնահատման ամենասկզբում իրենք մեկ այլ համահիմնադրի՝ Մհեր Մկրտչյանի հետ կոպիտ սխալ են թույլ տվել, ինչն արդյունքում վերածվել է հաջողության:«Երբ առաջին անգամ տեսանք 600 քմ մակերեսով կիսաքանդ շենքը, չգիտես ինչու որոշեցինք, որ այն բարեկարգելու համար կպահանջվի մոտ 10 հազար դոլար։ Իրականում, մեկուկես-երկու տարվա ընթացքում այս նախագծում ոչ միայն մեր ժամանակն ենք ներդրել ամբողջությամբ, այլև 100 հազար դոլարից ավելի գումար՝ նախատեսված 10 հազարի փոխարեն», - պատմում է Ծովինարն ու խոստովանում, որ եթե իրենք ավելի իրատեսական գնահատեին նախագիծը և անհրաժեշտ ֆինանսական ներդրումները, ապա դրան մոտ չէին էլ գա։Ծովինարն ու Մհերը նախագծի իրականացման համար ոչ միայն իրենց խնայողություններն էին ներդնում, այլ նաև քրաուդֆանդինգ (հանրային հանգանակություն – խմբ․) էին կազմակերպում և գտնում հովանավորներ, ոչ անտարբեր մարդկանց, նրանց, ովքեր կարող էին գոնե ինչ-որ աջակցություն ցուցաբերել։ Եվ ահա, «Ուսանողի տունը» արդեն չորրորդ տարին է, ինչ խորհրդանշական վարձավճարով բնակարանով է ապահովում մարզերի երիտասարդներին։ Սա նրանց օգնում է ոչ միայն լուծել կենցաղային հարցերը, այլև հնարավորություն է տալիս մասնակցել տարբեր կրթական նախագծերի ու ծրագրերի:Նախագծի հիմնադիրները, ինչպես նաև կամավորները ուսանողների հետ աշխատում են ոչ միայն Երևանում, նրանք հանգստյան օրերին մեկնում են հանրապետության գյուղեր:Փաստն այն է, որ այդ բնագավառը շատերին վանում է միայն այն պատճառով, որ նրանք տեղյակ չեն գյուղատնտեսության վերջին նվաճումներից:Նման այցելությունները գյուղական դպրոցականներին մոտիվացնում են կազմակերպել տարբեր կրթական միջոցառումներ։Մհերը խոստովանում է, որ հաճախ այս կամ այն համայնքում երեխաները սեփական ուժերով միջոցառում են կազմակերպում և իրենց հրավիրում որպես բանախոսներ: Պատահում է, որ տարբեր գյուղերի կամ համայնքների ավելի ակտիվ երիտասարդներն ընկերական կապեր են հաստատում, մյուս երեխաների համար միասին անցկացնում են ամենահնարավոր կրթական միջոցառումներ:Անհրաժեշտ ներդրումների դեպքում «Ուսանողի տան» հիմնադիրները պատրաստ են ընդլայնել նախագիծը, քանի որ նրանց մոտ ընդունվել ցանկացողները շատ են, բայց ներկա դրությամբ, ցավոք, ոչ բոլորին կարող են այդ հնարավորությունը ընձեռել:
երևան
ջավախք
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ուսանող, «ուսանողի տուն», հայաստան, մարզ, երևան, ջավախք
ուսանող, «ուսանողի տուն», հայաստան, մարզ, երևան, ջավախք
Մտածում էինք` 10000 $ կծախսենք, բայց 100000 արժեցավ․ ինչպես ՀՀ-ում ծնվեց «Ուսանողի տունը»
2021 թվականից «Ուսանողի տունը» հյուրընկալել է ավելի քան 80 սովորողի: Անհրաժեշտ ներդրումներ լինելու դեպքում նախագծի հիմնադիրները պատրաստ են ընդլայնել այն։
ԵՐԵՎԱՆ, 13 հոկտեմբերի – Sputnik, Լիլիթ Հարությունյան. Եթե անմնացորդ նվիրվեք, ապա ցանկացած, անգամ ամենախենթ գաղափարն իր պտուղները կտա։ Հենց այդպես էլ ստեղծվեց «Ուսանողի տունը» Երևանում, որտեղ Հայաստանի տարբեր մարզերի, ինչպես նաև Ջավախքի երիտասարդները կարող են ոչ միայն խորհրդանշական վճարով ապրել, այլև ստանալ ոչ ֆորմալ կրթություն։
«Փորձում ենք այնպես անել, որ երիտասարդները բուհն ավարտելուց հետո չձգտեն մեկնել արտերկիր, այլ հակառակը՝ ցանկանան վերադառնալ իրենց համայնք և զարգացնել այն։ Մենք ամեն կերպ ուզում ենք ցույց տալ, որ նրանցից յուրաքանչյուրը կարող է իր լուման ներդնել երկրի զարգացման գործում», - ասում է նախագծի համահիմնադիր Ծովինար Սարգսյանը։
Ծովինարը խոստովանում է` նախագծի գնահատման ամենասկզբում իրենք մեկ այլ համահիմնադրի՝ Մհեր Մկրտչյանի հետ կոպիտ սխալ են թույլ տվել, ինչն արդյունքում վերածվել է հաջողության:
«Երբ առաջին անգամ տեսանք 600 քմ մակերեսով կիսաքանդ շենքը, չգիտես ինչու որոշեցինք, որ այն բարեկարգելու համար կպահանջվի մոտ 10 հազար դոլար։ Իրականում, մեկուկես-երկու տարվա ընթացքում այս նախագծում ոչ միայն մեր ժամանակն ենք ներդրել ամբողջությամբ, այլև 100 հազար դոլարից ավելի գումար՝ նախատեսված 10 հազարի փոխարեն», - պատմում է Ծովինարն ու խոստովանում, որ եթե իրենք ավելի իրատեսական գնահատեին նախագիծը և անհրաժեշտ ֆինանսական ներդրումները, ապա դրան մոտ չէին էլ գա։
Ծովինարն ու Մհերը նախագծի իրականացման համար ոչ միայն իրենց խնայողություններն էին ներդնում, այլ նաև քրաուդֆանդինգ (հանրային հանգանակություն – խմբ․) էին կազմակերպում և գտնում հովանավորներ, ոչ անտարբեր մարդկանց, նրանց, ովքեր կարող էին գոնե ինչ-որ աջակցություն ցուցաբերել։ Եվ ահա, «Ուսանողի տունը» արդեն չորրորդ տարին է, ինչ խորհրդանշական վարձավճարով բնակարանով է ապահովում մարզերի երիտասարդներին։ Սա նրանց օգնում է ոչ միայն լուծել կենցաղային հարցերը, այլև հնարավորություն է տալիս մասնակցել տարբեր կրթական նախագծերի ու ծրագրերի:
Նախագծի հիմնադիրները, ինչպես նաև կամավորները ուսանողների հետ աշխատում են ոչ միայն Երևանում, նրանք հանգստյան օրերին մեկնում են հանրապետության գյուղեր:
«Հիմնական թեման, որը մենք քննարկում ենք երիտասարդների հետ՝ ապագա մասնագիտության ընտրությունն է։ Շատերը հստակ չգիտեն, թե ինչ ճանապարհ ընտրել, ինչ հնարավորություններ կան դրա համար, ինչպես է զարգանում այս կամ այն ճյուղը», - պատմում է Մհերն ու օրինակ բերում գյուղատնտեսությունը։
Փաստն այն է, որ այդ բնագավառը շատերին վանում է միայն այն պատճառով, որ նրանք տեղյակ չեն գյուղատնտեսության վերջին նվաճումներից:
Նման այցելությունները գյուղական դպրոցականներին մոտիվացնում են կազմակերպել տարբեր կրթական միջոցառումներ։
Մհերը խոստովանում է, որ հաճախ այս կամ այն համայնքում երեխաները սեփական ուժերով միջոցառում են կազմակերպում և իրենց հրավիրում որպես բանախոսներ: Պատահում է, որ տարբեր գյուղերի կամ համայնքների ավելի ակտիվ երիտասարդներն ընկերական կապեր են հաստատում, մյուս երեխաների համար միասին անցկացնում են ամենահնարավոր կրթական միջոցառումներ:
Անհրաժեշտ ներդրումների դեպքում «Ուսանողի տան» հիմնադիրները պատրաստ են ընդլայնել նախագիծը, քանի որ նրանց մոտ ընդունվել ցանկացողները շատ են, բայց ներկա դրությամբ, ցավոք, ոչ բոլորին կարող են այդ հնարավորությունը ընձեռել:
