https://arm.sputniknews.ru/20241009/hh-ajcelats-zbvosashrjikneri-tivy-nvazel-e-aveli-qan-24-hazarvov-septemberi-vitshakagrutjun-81631155.html

ՀՀ այցելած զբոսաշրջիկների թիվը նվազել է ավելի քան 24 հազարով. սեպտեմբերի վիճակագրություն

ՀՀ այցելած զբոսաշրջիկների թիվը նվազել է ավելի քան 24 հազարով. սեպտեմբերի վիճակագրություն

Sputnik Արմենիա

Մասնագետները այս տարվա զբոսաշրջային հոսքի նվազումը մի շարք գործոններով են բացատրում։ 09.10.2024, Sputnik Արմենիա

2024-10-09T12:40+0400

2024-10-09T12:40+0400

2024-10-09T12:40+0400

հայաստան

զբոսաշրջություն

զբոսաշրջիկ

https://cdn.am.sputniknews.ru/img/1141/25/11412577_0:0:1600:901_1920x0_80_0_0_f357d7d1a6ecea91e30932de3da4c217.jpg

ԵՐԵՎԱՆ, 9 հոկտեմբերի – Sputnik. Հայաստան այցելած զբոսաշրջիկների թիվը 2024 թվականի սեպտեմբերին նախորդ տարվա նույն ժամանակահատվածի համեմատ նվազել է 24 057-ով։ Տեղեկությունը հայտնում է ՀՀ զբոսաշրջության կոմիտեն։Ըստ կոմիտեի տվյալների` 2024 թ. սեպտեմբերին Հայաստան է այցելել 236 561 զբոսաշրջիկ, մինչդեռ 2023 թ․ սեպտեմբերին՝ 260 618։Այս տարվա սեպտեմբերին դեպի Հայաստան առավել շատ զբոսաշրջային այցելություններ գրանցվել են Ռուսաստանից (43%), Վրաստանից (12%) և Իրանից (8%):Նշենք, որ օգոստոսին ևս նախորդ տարվա համեմատ զբոսաշրջային հոսքը դեպի մեր երկիր նվազել էր շուրջ 28 հազարով։Դեռևս հունիսին Sputnik Արմենիան գրել էր, որ այս տարի մեր երկիր այցելող զբոսաշրջիկների թիվը պակասել է։ Տուրիզմի hայկական ֆեդերացիայի նախագահ Մեխակ Ապրեսյանը դրա համար մի քանի գործոն էր նշել։ Մի շարք պետություններ՝ Ճապոնիան, ԱՄՆ–ն ու ԵՄ երկրները, Հայաստանը դեռևս ներառում են ճանապարհորդության համար ոչ անվտանգ երկրների ցանկում. այս երկրների ԱԳՆ–ների կայքերում ՀՀ–ն կարմիր եզրագծերով է ներկայացվում։ Զբոսաշրջության վրա, ըստ նրա, ազդում է նաև անհարկի, չհիմնավորված գնաճը։

2024

Լուրեր

am_HY

հայաստան, զբոսաշրջություն , զբոսաշրջիկ