https://arm.sputniknews.ru/20241007/dvomusum-hrdehic-araj-pajtjun-teghi-chi-unecel-aveli-qan-2-zham-anc-ajn-marvel-e-81554283.html

«Դոմուսում» հրդեհից առաջ պայթյուն տեղի չի ունեցել. ավելի քան 2 ժամ անց այն մարվել է

«Դոմուսում» հրդեհից առաջ պայթյուն տեղի չի ունեցել. ավելի քան 2 ժամ անց այն մարվել է

Sputnik Արմենիա

«Դոմուսի» աշխատակիցները սկզբում փորձել են իրենց ուժերով մարել կրակը, հետո միայն ահազանգել ՓԾ։ 07.10.2024, Sputnik Արմենիա

2024-10-07T15:56+0400

2024-10-07T15:56+0400

2024-10-07T16:55+0400

հրդեհ

կամո ցուցուլյան

«դոմուս» հիպերմարկետ

ներքին գործերի նախարարություն (նգն)

https://cdn.am.sputniknews.ru/img/07e8/0a/07/81550936_0:151:1600:1051_1920x0_80_0_0_d2153c4fc9fef03b6df0a074e227b7ff.jpg

ԵՐԵՎԱՆ, 7 հոկտեմբերի – Sputnik. Երևանի Իսակովի պողոտայում «Դոմուս» հիպերմարկետում բռնկված հրդեհից առաջ պայթյուն տեղի չի ունեցել։ Այս մասին լրագրողների հետ զրույցում ասաց դեպքի վայրում աշխատանքները համակարգող, ՀՀ ՆԳՆ Փրկարար ծառայության տնօրեն Կամո Ցուցուլյանը։Նշենք, որ դեպքի վայրում աշխատում է Փրկարար ծառայության 17 հաշվարկ, 5 օպերատիվ մեքենա, 2 ավտոսանդուղք, Երևանի քաղաքապետարանի 5 ջրատար մեքենա։Ավելի քան 2 ժամ անց այն հնարավոր է եղել մեկուսացնել, ապա մարել։Ցուցուլյանը լրագրողների հետ զրույցում ընդգծեց, որ բարեբախտաբար տուժածներ չկան։Ցուցուլյանը շեշտեց, որ մինչ իրենց դեպքի վայր ժամանելն աշխատակիցներն ու այցելուներն ինքնուրույն դուրս են եկել շենքից։Նրա խոսքով`հիպերմարկետի տանիքին արևային համակարգ է տեղադրված եղել, դրա համար հրդեհն արագ է տարածվել, իսկ հրդեհաշիջումը դժվարացել է։ Ներկայում տարածքում հետհրդեհաշիջման աշխատանքներ են իրականացվում` հովացման, տարածքի մաքրման։Ցուցուլյանը վստահեցրեց` տուժածներ չկան, վտանգ էլ այս պահին արդեն չկա։Հիշեցնենք, որ հրդեհի մասին ահազանգը ՆԳՆ Փրկարար ծառայությունում ստացվել է հոկտեմբերի 7-ին, ժամը 12։57-ին։ Հայտարարվել է հրդեհի բարդության «Թիվ 3» կանչ։ Հրդեհը տարածվել է ոչ միայն «Դոմուսի» պահեստի հատվածում, այլև խանութի։ Այրվել է կահույք, տեխնիկա, շինանյութ։

2024

Լուրեր

am_HY

հրդեհ, կամո ցուցուլյան, «դոմուս» հիպերմարկետ, ներքին գործերի նախարարություն (նգն)