https://arm.sputniknews.ru/20241003/hh-kensachapakan-andznagri-shurj-banakanutjunnern-avartvel-en-hajtni-e-hraparakman-ory-81409298.html
ՀՀ կենսաչափական անձնագրի շուրջ բանակցություններն ավարտվել են. հայտնի է հրապարակման օրը
ՀՀ կենսաչափական անձնագրի շուրջ բանակցություններն ավարտվել են. հայտնի է հրապարակման օրը
Sputnik Արմենիա
Հունվարի 11–ից սկսած ՀՀ ՆԳՆ—ն սկսելու է բուն գնահատման գործընթացը հենց գնահատող հանձնաժողովի կողմից և նախարարությունը 80 օր կունենա ` ամփոփելու ամբողջ... 03.10.2024, Sputnik Արմենիա
2024-10-03T12:40+0400
2024-10-03T12:40+0400
2024-10-03T12:51+0400
անձնագիր
կենսաչափական անձնագիր
հայաստան
https://cdn.am.sputniknews.ru/img/1669/98/16699871_0:39:1600:939_1920x0_80_0_0_af25cbcaed9a8892c079a028c72479b1.jpg
ԵՐԵՎԱՆ, 3 հոկտեմբերի – Sputnik. ՀՀ քաղաքացուն նոր կենսաչափական անձնագրեր և նույնականացման քարտեր տրամադրելու շուրջ միջազգային հեղինակավոր 3 կազմակերպության հետ բանակցություններն ավարտվել են. հոկտեմբերի 10–ին կհրապարակվեն արդյունքները։ Այդ մասին ՀՀ կառավարության այսօրվա նիստի ժամանակ հայտարարեց ՀՀ ՆԳՆ նախարարի տեղակալ Արփինե Սարգսյանը։Նա նշեց, որ այսօր կառավարության որոշմամբ կամփոփվեն պետություն–մասնավոր հատված համագործակցության շրջանակում ՀՀ քաղաքացուն նոր կենսաչափական անձնագիր և նույնականացման քարտեր տրամադրելու մրցութային 2–րդ և վերջին փուլի արդյունքները։Փոխնախարարը ևս մեկ անգամ տեղեկացրեց, որ 3 հայտատու ունեն, որոնք միջազգային հեղինակավոր կազմակերպություններ են, նրանցից երկուսը կոնսորցիումի, իսկ մեկը` անհատ կազմակերպության ձևաչափով են։Սարգսյանն ավելացրեց, որ հոկտեմբերի 8–ին գնահատող հանձնաժողովը կհաստատի հայտատուների առաջարկների ամբողջ բնութագիրը և հոկտեմբերի 10–ին արդեն կհանրայնացվի այդ տեղեկությունը։ Դրանից հետո, ըստ նրա` մասնակիցները մինչև 2025 թ. հունվարի 10–ը կկարողանան ներկայացնել հայտերը։«Հունվարի 11–ից սկսած մենք սկսելու ենք բուն գնահատման գործընթացը հենց գնահատող հանձնաժողովի կողմից և 80 օր ունենք` ամփոփելու ամբողջ տվյալները։ Հայտերն ամփոփելիս մենք գնահատելու ենք երկու գործոն` որակ և գին, սակայն առաջնահերթությունը տալու ենք որակին»,– վստահեցրեց Սարգսյանը։Արդյունքում, նրա խոսքով` 2025 թվականի մարտի վերջին արդեն կունենանք հաղթած ընկերություն, որին կտրվի ժամանակ, որպեսզի ներդնի ենթակառուցվածք և սկսի անձնագրերի արտադրությունը։Հիշեցնենք, որ առաջին փուլը հաղթահարած ու որակավորում ստացած երեք ընկերություններից (որոնցից երկուսը գերմանական է, մեկը` ֆրանսիական) պետք է ընտրվի մեկը։2025թ–ի մարտին նախատեսվում է, որ արդեն կլինի հաղթող ընկերություն, որին կհաջորդի պայմանագրի կնքումը։ Այնուհետև հաղթած ընկերությունը մեկ տարի ժամանակ կունենա, որպեսզի ենթակառուցվածքները բերի այն վիճակին, ինչ նախատեսված է պայմանագրով և ըստ այդմ` 10 տարի ժամկետով կկարողանա քաղաքացիներին մատուցել ծառայություններ։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
անձնագիր, կենսաչափական անձնագիր, հայաստան
անձնագիր, կենսաչափական անձնագիր, հայաստան
ՀՀ կենսաչափական անձնագրի շուրջ բանակցություններն ավարտվել են. հայտնի է հրապարակման օրը
12:40 03.10.2024 (Թարմացված է: 12:51 03.10.2024) Հունվարի 11–ից սկսած ՀՀ ՆԳՆ—ն սկսելու է բուն գնահատման գործընթացը հենց գնահատող հանձնաժողովի կողմից և նախարարությունը 80 օր կունենա ` ամփոփելու ամբողջ տվյալները։
ԵՐԵՎԱՆ, 3 հոկտեմբերի – Sputnik. ՀՀ քաղաքացուն նոր կենսաչափական անձնագրեր և նույնականացման քարտեր տրամադրելու շուրջ միջազգային հեղինակավոր 3 կազմակերպության հետ բանակցություններն ավարտվել են. հոկտեմբերի 10–ին կհրապարակվեն արդյունքները։ Այդ մասին ՀՀ կառավարության այսօրվա նիստի ժամանակ հայտարարեց ՀՀ ՆԳՆ նախարարի տեղակալ Արփինե Սարգսյանը։
Նա նշեց, որ այսօր կառավարության որոշմամբ կամփոփվեն պետություն–մասնավոր հատված համագործակցության շրջանակում ՀՀ քաղաքացուն նոր կենսաչափական անձնագիր և նույնականացման քարտեր տրամադրելու մրցութային 2–րդ և վերջին փուլի արդյունքները։
Փոխնախարարը ևս մեկ անգամ տեղեկացրեց, որ 3 հայտատու ունեն, որոնք միջազգային հեղինակավոր կազմակերպություններ են, նրանցից երկուսը կոնսորցիումի, իսկ մեկը` անհատ կազմակերպության ձևաչափով են։
«Ըստ ընթացակարգի` շուրջ 5 ամիս մենք պետք է բանակցություններ վարեինք նրանց հետ, որպեսզի փոխընդունելի ձևակերպումներ ունենայինք ամբողջ մրցույթի ընթացքում։ Ուրախալի է, որ կարողացել ենք այս բանակցությունները ճիշտ ժամկետներում ամփոփել, որի արդյունքներն էլ այսօր ներկայացվել են հաստատման»,– ընդգծեց նա։
Սարգսյանն ավելացրեց, որ հոկտեմբերի 8–ին գնահատող հանձնաժողովը կհաստատի հայտատուների առաջարկների ամբողջ բնութագիրը և հոկտեմբերի 10–ին արդեն կհանրայնացվի այդ տեղեկությունը։ Դրանից հետո, ըստ նրա` մասնակիցները մինչև 2025 թ. հունվարի 10–ը կկարողանան ներկայացնել հայտերը։
«Հունվարի 11–ից սկսած մենք սկսելու ենք բուն գնահատման գործընթացը հենց գնահատող հանձնաժողովի կողմից և 80 օր ունենք` ամփոփելու ամբողջ տվյալները։ Հայտերն ամփոփելիս մենք գնահատելու ենք երկու գործոն` որակ և գին, սակայն առաջնահերթությունը տալու ենք որակին»,– վստահեցրեց Սարգսյանը։
Արդյունքում, նրա խոսքով` 2025 թվականի մարտի վերջին արդեն կունենանք հաղթած ընկերություն, որին կտրվի ժամանակ, որպեսզի ներդնի ենթակառուցվածք և սկսի անձնագրերի արտադրությունը։
Հիշեցնենք, որ առաջին փուլը հաղթահարած ու որակավորում ստացած երեք ընկերություններից (որոնցից երկուսը գերմանական է, մեկը` ֆրանսիական) պետք է ընտրվի մեկը։
2025թ–ի մարտին նախատեսվում է, որ արդեն կլինի հաղթող ընկերություն, որին կհաջորդի պայմանագրի կնքումը։ Այնուհետև հաղթած ընկերությունը մեկ տարի ժամանակ կունենա, որպեսզի ենթակառուցվածքները բերի այն վիճակին, ինչ նախատեսված է պայմանագրով և ըստ այդմ` 10 տարի ժամկետով կկարողանա քաղաքացիներին մատուցել ծառայություններ։
