https://arm.sputniknews.ru/20240928/hajastanum-hastatvel-e-hetmahu-dvonvorneri-pvokhpatvastman-organneri-canky-manramasner-81075707.html
Հայաստանում հաստատվել է հետմահու դոնորների փոխպատվաստման օրգանների ցանկը. մանրամասներ
Հայաստանում հաստատվել է հետմահու դոնորների փոխպատվաստման օրգանների ցանկը. մանրամասներ
Sputnik Արմենիա
Ներկա դրությամբ Հայաստանում նման վիրահատություններ չեն իրականացվում, սակայն իշխանությունները շարունակում են աշխատել փոխպատվաստման համակարգի ստեղծման... 28.09.2024, Sputnik Արմենիա
2024-09-28T14:07+0400
2024-09-28T14:07+0400
2024-09-28T14:07+0400
փոխպատվաստում
լյարդի փոխպատվաստում
դիակային փոխպատվաստում
հայաստան
բուժառու
https://cdn.am.sputniknews.ru/img/891/93/8919315_0:0:3102:1745_1920x0_80_0_0_3d199e65bb2d596e994f45057b96eb4e.jpg
ԵՐԵՎԱՆ, 28 սեպտեմբերի - Sputnik, Լաուրա Սարգսյան. Հայաստանում հաստատվել է հետմահու դոնորներից փոխպատվաստման ենթակա օրգանների և հյուսվածքների ցանկը։ Այս մասին Sputnik Արմենիայի գրավոր հարցմանն ի պատասխան հայտնել է ՀՀ առողջապահության նախարարության մամուլի ծառայությունը։Մարտին խորհրդարանն ընդունեց օրենքի փոփոխությունները, որից հետո հաստատվեց հետմահու դոնորներից վերցնելու համար թույլատրված օրգանների ցանկը: Նոր դրույթների համաձայն՝ «ուղեղի մահվան» կամ «կենսաբանական մահվան» արձանագրումից հետո հնարավոր է հանել 11 տեսակի օրգաններ և հյուսվածքներ, այդ թվում՝ երիկամներ, լյարդ, սիրտ, թոքեր, ենթաստամոքսային գեղձ, ոսկրային և աճառային հյուսվածքներ, աչքի եղջերաթաղանթ, սրտի փականներ, անոթներ և մաշկային ծածկույթներ:Կենդանի դոնորներից թույլատրվում է աչքի եղջերաթաղանթի և լյարդի հատվածի փոխպատվաստում:ՀՀ–ում մեկ տարում եղջերաթաղանթի 150 փոխպատվաստում է իրականացվել. փոխնախարարՆախարարությունից մանրամասնում են, որ օրգաններ կամ հյուսվածքներ վերցնելու, մշակելու, կոնսերվացնելու, տեղափոխելու և փոխպատվաստելու գործընթացը կարող է իրականացվել բացառապես համապատասխան լիցենզիա ունեցող բժշկական հաստատությունների կողմից:Օրգանների հանումը հնարավոր է միայն դոնորի համապարփակ բժշկական հետազոտություն անցկացնելուց և նրա պիտանիության մասին եզրակացություն ստանալուց հետո: Կենդանի դոնորի դեպքում պահանջվում է կամավոր գրավոր համաձայնություն, իսկ վիրահատությունից 15 օր առաջ նրան պետք է տեղեկացնեն հնարավոր ռիսկերի մասին:Հետմահու դոնորներից հանված օրգանները ենթարկվում են հատուկ մշակման, այնուհետև փաթեթավորվում են փոխադրման տարաների մեջ (պահպանելով հատուկ ջերմաստիճանային ռեժիմը) և առաքվում մասնագիտացած բժշկական հաստատություններ:Հայաստանում 400 քաղաքացի երիկամի փոխպատվաստման կարիք ունի. մանրամասներ նախարարությունիցՆերկա դրությամբ հետմահու դոնորներից օրգանների փոխպատվաստում Հայաստանում չի իրականացվում, սակայն իշխանությունները շարունակում են աշխատել փոխպատվաստման համակարգի ստեղծման և համապատասխան բժշկական մասնագետների պատրաստման ուղղությամբ:Նշենք, որ փոխպատվաստման համակարգը ներառում է մի շարք միջոցառումներ, ընթացակարգեր և ենթակառուցվածքներ, որոնք ապահովում են դոնորներից (կենդանի կամ հետմահու) օրգանների և հյուսվածքների փոխպատվաստման գործընթացը ռեցիպիենտներին:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
փոխպատվաստում, լյարդի փոխպատվաստում, դիակային փոխպատվաստում, հայաստան, բուժառու
փոխպատվաստում, լյարդի փոխպատվաստում, դիակային փոխպատվաստում, հայաստան, բուժառու
Հայաստանում հաստատվել է հետմահու դոնորների փոխպատվաստման օրգանների ցանկը. մանրամասներ
Ներկա դրությամբ Հայաստանում նման վիրահատություններ չեն իրականացվում, սակայն իշխանությունները շարունակում են աշխատել փոխպատվաստման համակարգի ստեղծման ուղղությամբ:
ԵՐԵՎԱՆ, 28 սեպտեմբերի - Sputnik, Լաուրա Սարգսյան. Հայաստանում հաստատվել է հետմահու դոնորներից փոխպատվաստման ենթակա օրգանների և հյուսվածքների ցանկը։ Այս մասին
Sputnik Արմենիայի գրավոր հարցմանն ի պատասխան հայտնել է ՀՀ առողջապահության նախարարության մամուլի ծառայությունը։
«Մարդու օրգաններ և (կամ) հյուսվածքներ փոխպատվաստելու մասին» օրենքն ընդունվել է դեռևս 2009 թվականին և գործում է այսպես կոչված համաձայնության կանխավարկածի սկզբունքով. դա նշանակում է, որ եթե մարդը կենդանության օրոք չի հայտարարել մերժման մասին, նրա մահից հետո օրգանները կարող են հարազատների թույլտվությամբ հանվել: Սակայն գործնականում օրենքը սկսել է մասամբ կիրառվել միայն 2019 թվականից։
Մարտին խորհրդարանն ընդունեց օրենքի փոփոխությունները, որից հետո հաստատվեց հետմահու դոնորներից վերցնելու համար թույլատրված օրգանների ցանկը: Նոր դրույթների համաձայն՝ «ուղեղի մահվան» կամ «կենսաբանական մահվան» արձանագրումից հետո հնարավոր է հանել 11 տեսակի օրգաններ և հյուսվածքներ, այդ թվում՝ երիկամներ, լյարդ, սիրտ, թոքեր, ենթաստամոքսային գեղձ, ոսկրային և աճառային հյուսվածքներ, աչքի եղջերաթաղանթ, սրտի փականներ, անոթներ և մաշկային ծածկույթներ:
Կենդանի դոնորներից թույլատրվում է աչքի եղջերաթաղանթի և լյարդի հատվածի փոխպատվաստում:
Նախարարությունից մանրամասնում են, որ օրգաններ կամ հյուսվածքներ վերցնելու, մշակելու, կոնսերվացնելու, տեղափոխելու և փոխպատվաստելու գործընթացը կարող է իրականացվել բացառապես համապատասխան լիցենզիա ունեցող բժշկական հաստատությունների կողմից:
Օրգանների հանումը հնարավոր է միայն դոնորի համապարփակ բժշկական հետազոտություն անցկացնելուց և նրա պիտանիության մասին եզրակացություն ստանալուց հետո: Կենդանի դոնորի դեպքում պահանջվում է կամավոր գրավոր համաձայնություն, իսկ վիրահատությունից 15 օր առաջ նրան պետք է տեղեկացնեն հնարավոր ռիսկերի մասին:
Հետմահու դոնորներից հանված օրգանները ենթարկվում են հատուկ մշակման, այնուհետև փաթեթավորվում են փոխադրման տարաների մեջ (պահպանելով հատուկ ջերմաստիճանային ռեժիմը) և առաքվում մասնագիտացած բժշկական հաստատություններ:
Ներկա դրությամբ հետմահու դոնորներից օրգանների փոխպատվաստում Հայաստանում չի իրականացվում, սակայն իշխանությունները շարունակում են աշխատել փոխպատվաստման համակարգի ստեղծման և համապատասխան բժշկական մասնագետների պատրաստման ուղղությամբ:
Նշենք, որ փոխպատվաստման համակարգը ներառում է մի շարք միջոցառումներ, ընթացակարգեր և ենթակառուցվածքներ, որոնք ապահովում են դոնորներից (կենդանի կամ հետմահու) օրգանների և հյուսվածքների փոխպատվաստման գործընթացը ռեցիպիենտներին:
