https://arm.sputniknews.ru/20230828/hajastanum-400-qaghaqaci-erikami-pvokhpatvastman-kariq-uni-manramasner-nakhararutjunic-64791234.html
Հայաստանում 400 քաղաքացի երիկամի փոխպատվաստման կարիք ունի. մանրամասներ նախարարությունից
Հայաստանում 400 քաղաքացի երիկամի փոխպատվաստման կարիք ունի. մանրամասներ նախարարությունից
Sputnik Արմենիա
Փոխպատվաստման ինստիտուտի ներդրումը կբարելավի հիվանդների կյանքի որակը, կապահովի նրանց սոցիալական հարմարվողականությունը, կնվազեցնի նրանց շրջանում մահացության... 28.08.2023, Sputnik Արմենիա
2023-08-28T08:55+0400
2023-08-28T08:55+0400
2023-08-28T09:02+0400
երիկամ
փոխպատվաստում
լյարդի փոխպատվաստում
դիակային փոխպատվաստում
հհ առողջապահության նախարարություն
https://cdn.am.sputniknews.ru/img/2043/74/20437461_0:170:3039:1879_1920x0_80_0_0_314d9b14d29e4ba8d3e4827507bb2b21.jpg
ԵՐԵՎԱՆ, 28 օգոստոսի – Sputnik. Այս պահին Հայաստանում 400 մարդ երիկամի փոխպատվաստման կարիք ունի։ Տեղեկությունը Sputnik Արմենիային հայտնեցին ՀՀ առողջապահության նախարարությունից՝ ի պատասխան գրավոր հարցմանը, ներկայացնելով օգոստոս ամսվա տվյալները։Դեռ ապրիլին 500 մարդ դոնորական երիկամի կարիք ուներ։ Այսպիսով, վերջին երեք ամիսների ընթացքում նման հիվանդների թիվը 100-ով նվազել է։ Գերատեսչությունում, սակայն, չեն պարզաբանում` այդ մարդիկ ստացե՞լ են անհրաժեշտ օգնությունը, թե՞ պարզապես չեն հասցրել ստանալ այն։Նշենք, որ 1100 քաղաքացի հեմոդիալիզ է ստանում։Կենդանի դոնորներից օրգանների փոխպատվաստման վիրահատությունները երկրում իրականացվում են 2019 թվականից, երբ Հայաստանում հաստատվեց փոխպատվաստման թույլատրված օրգանների ցանկը (կենդանի դոնորներից երիկամներ, լյարդ և եղջերաթաղանթ): Այսպես, վերջին չորս տարվա ընթացքում երիկամ է փոխպատվաստվել է 62 հիվանդի, իսկ լյարդ՝ 9 հիվանդի։ Բոլոր օրգանները փոխպատվաստված են կենդանի դոնորներից:Ընդհանուր առմամբ, հանրապետությունում ապրում է փոխպատվաստված երիկամով 116, փոխպատվաստված լյարդով՝ 16, իսկ փոխպատվաստված սրտով՝ 1 քաղաքացի: Սակայն այդ միջամտությունների մեծ մասն իրականացվել է հանրապետության սահմաններից դուրս։Պատրաստ ենք խորացնել կապն Իրանի հետ օրգանների փոխպատվաստման ոլորտում. ԱվանեսյանԸնդ որում, առողջապահության նախարարությունը տվյալներ չունի (կամ հաշվառում չի վարում) սրտի փոխպատվաստման կարիք ունեցող քաղաքացիների մասին, թեև հանրապետությունում մահացությունների 50 տոկոսը բաժին է ընկնում հենց սրտանոթային համակարգի հիվանդություններին:Հարցը կլուծվի միայն օրգանների դոնորների (այդ թվում՝ դիակային) և ռեցիպիենտների ռեեստրի վերջնական ներդրումից, ինչպես նաև սրտի փոխպատվաստման համար անհրաժեշտ բոլոր իրավական նորմերի հաստատումից հետո:Գերատեսչությունում նշել են, որ անհրաժեշտ է նաև մի շարք օրենսդրական բարեփոխումներ իրականացնել: Մասնավորապես՝ լրացումներ կատարել «Փոխպատվաստման համար օրգանների ցանկը հաստատելու մասին» թիվ 3 որոշման մեջ (այժմ սիրտը դրանում ներառված չէ):Հետո պետք է ստեղծվի և հաստատվի դիակային դոնորից սիրտը վերցնելու և փոխպատվաստման նպատակով դրա մշակման կարգը: Այդ պատասխանատվությունը դրվելու է հատուկ ստեղծված աշխատանքային խմբի վրա։ Առանցքային է նաև բժշկական կենտրոնների բժիշկների վերապատրաստումը, որտեղ օրգանները կհանվեն, ինչպես նաև այսպես կոչված օրգանների պահոցի ստեղծումը։20 տարով երիտասարդ. ինչպես է ապրում փոխպատվաստված սրտով միակ բուժառուն ՀայաստանումՌեեստրի գործողության և ձևավորման կարգն ընդունվել և հաստատվել է դեռ 2022 թվականի հունվարին, ուժի մեջ է մտել 2022 թվականի նոյեմբերին։ Հրամանով հաստատված ծրագրային աշխատանքները մշակման են հանձնվել «էլեկտրոնային առողջապահության ազգային օպերատոր» ՓԲԸ-ի կողմից:Գերատեսչությունը չափազանց կարևոր է համարում նախաձեռնությունը, քանի որ ռեեստրը թույլ կտա զարգացնել փոխպատվաստման ոլորտը, ինչպես նաև կարագացնի ՀՀ-ում հետմահու դոնորության համակարգի գործարկման գործընթացը, կբարելավի հիվանդների կյանքի որակը, կապահովի նրանց սոցիալական ադապտացիան, կնվազեցնի նրանց շրջանում մահացության գործակիցը:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երիկամ, փոխպատվաստում, լյարդի փոխպատվաստում, դիակային փոխպատվաստում, հհ առողջապահության նախարարություն
երիկամ, փոխպատվաստում, լյարդի փոխպատվաստում, դիակային փոխպատվաստում, հհ առողջապահության նախարարություն
Հայաստանում 400 քաղաքացի երիկամի փոխպատվաստման կարիք ունի. մանրամասներ նախարարությունից
08:55 28.08.2023 (Թարմացված է: 09:02 28.08.2023) Փոխպատվաստման ինստիտուտի ներդրումը կբարելավի հիվանդների կյանքի որակը, կապահովի նրանց սոցիալական հարմարվողականությունը, կնվազեցնի նրանց շրջանում մահացության մակարդակը:
ԵՐԵՎԱՆ, 28 օգոստոսի – Sputnik. Այս պահին Հայաստանում 400 մարդ երիկամի փոխպատվաստման կարիք ունի։ Տեղեկությունը
Sputnik Արմենիային հայտնեցին ՀՀ առողջապահության նախարարությունից՝ ի պատասխան գրավոր հարցմանը, ներկայացնելով օգոստոս ամսվա տվյալները։
Դեռ ապրիլին
500 մարդ դոնորական երիկամի կարիք ուներ։ Այսպիսով, վերջին երեք ամիսների ընթացքում նման հիվանդների թիվը 100-ով նվազել է։ Գերատեսչությունում, սակայն, չեն պարզաբանում` այդ մարդիկ ստացե՞լ են անհրաժեշտ օգնությունը, թե՞ պարզապես չեն հասցրել ստանալ այն։
Նշենք, որ 1100 քաղաքացի հեմոդիալիզ է ստանում։
Կենդանի դոնորներից օրգանների փոխպատվաստման վիրահատությունները երկրում իրականացվում են 2019 թվականից, երբ Հայաստանում հաստատվեց փոխպատվաստման թույլատրված օրգանների ցանկը (կենդանի դոնորներից երիկամներ, լյարդ և եղջերաթաղանթ): Այսպես, վերջին չորս տարվա ընթացքում երիկամ է փոխպատվաստվել է 62 հիվանդի, իսկ լյարդ՝ 9 հիվանդի։ Բոլոր օրգանները փոխպատվաստված են կենդանի դոնորներից:
Ընդհանուր առմամբ, հանրապետությունում ապրում է փոխպատվաստված երիկամով 116, փոխպատվաստված լյարդով՝ 16, իսկ փոխպատվաստված սրտով՝ 1 քաղաքացի: Սակայն այդ միջամտությունների մեծ մասն իրականացվել է հանրապետության սահմաններից դուրս։
Ընդ որում, առողջապահության նախարարությունը տվյալներ չունի (կամ հաշվառում չի վարում) սրտի փոխպատվաստման կարիք ունեցող քաղաքացիների մասին, թեև հանրապետությունում մահացությունների 50 տոկոսը բաժին է ընկնում հենց սրտանոթային համակարգի հիվանդություններին:
Հարցը կլուծվի միայն օրգանների դոնորների (այդ թվում՝ դիակային) և ռեցիպիենտների ռեեստրի վերջնական ներդրումից, ինչպես նաև սրտի փոխպատվաստման համար անհրաժեշտ բոլոր իրավական նորմերի հաստատումից հետո:
Գերատեսչությունում նշել են, որ անհրաժեշտ է նաև մի շարք օրենսդրական բարեփոխումներ իրականացնել: Մասնավորապես՝ լրացումներ կատարել «Փոխպատվաստման համար օրգանների ցանկը հաստատելու մասին» թիվ 3 որոշման մեջ (այժմ սիրտը դրանում ներառված չէ):
Հետո պետք է ստեղծվի և հաստատվի դիակային դոնորից սիրտը վերցնելու և փոխպատվաստման նպատակով դրա մշակման կարգը: Այդ պատասխանատվությունը դրվելու է հատուկ ստեղծված աշխատանքային խմբի վրա։ Առանցքային է նաև բժշկական կենտրոնների բժիշկների վերապատրաստումը, որտեղ օրգանները կհանվեն, ինչպես նաև այսպես կոչված օրգանների պահոցի ստեղծումը։
Ռեեստրի գործողության և ձևավորման կարգն ընդունվել և հաստատվել է դեռ 2022 թվականի հունվարին, ուժի մեջ է մտել 2022 թվականի նոյեմբերին։ Հրամանով հաստատված ծրագրային աշխատանքները մշակման են հանձնվել «էլեկտրոնային առողջապահության ազգային օպերատոր» ՓԲԸ-ի կողմից:
Գերատեսչությունը չափազանց կարևոր է համարում նախաձեռնությունը, քանի որ ռեեստրը թույլ կտա զարգացնել փոխպատվաստման ոլորտը, ինչպես նաև կարագացնի ՀՀ-ում հետմահու դոնորության համակարգի գործարկման գործընթացը, կբարելավի հիվանդների կյանքի որակը, կապահովի նրանց սոցիալական ադապտացիան, կնվազեցնի նրանց շրջանում մահացության գործակիցը:
