https://arm.sputniknews.ru/20240910/inchu-e-tankacel-restvorannerin-kic-hamajnqajin-taratsqi-vardzakalutjuny-parzabanum-80479367.html
Ինչու է թանկացել ռեստորաններին կից համայնքային տարածքների վարձակալությունը. պարզաբանում
Ինչու է թանկացել ռեստորաններին կից համայնքային տարածքների վարձակալությունը. պարզաբանում
Sputnik Արմենիա
Երևանի փոխքաղաքապետը համարում է, որ թանկացումը կատարվել է խելամտության սահմաններում,և եթե ռեստորանի, սրճարանի սեփականատիրոջ համար եկամտաբեր չլինի, նա այդ... 10.09.2024, Sputnik Արմենիա
2024-09-10T17:45+0400
2024-09-10T17:45+0400
2024-09-10T17:49+0400
երևան
սրճարան
երևանի քաղաքապետարան
վարձ
սուրեն գրիգորյան
https://cdn.am.sputniknews.ru/img/07e5/03/17/26897595_0:84:1601:984_1920x0_80_0_0_258d6ac6457758ce84a1719c7f9704e4.jpg
ԵՐԵՎԱՆ, 10 սեպտեմբերի – Sputnik. Երևանի քաղաքապետարանը ռեստորաններին, սրճարաններին կից համայնքային տարածքի 1 քմ–ն 5000 դրամով տալիս է վարձակալության, որը մատչելի գին է։ Այս մասին լրագրողների հետ զրույցում ասաց Երևանի փոխքաղաքապետ Սուրեն Գրիգորյանը` պատասխանելով լրագրողի այն հարցին, թե ինչու է քաղաքապետարանը 3 անգամ թանկացրել բացօթյա տարածքի վարճակալության վճարը։Լրագրողի խոսքով` եթե նախկինում 6 ամիս վարձակալելու դեպքում 1 քմ–ի համար ռեստորանի, սրճարանի սեփականատերը վճարում էր 10.000 դրամ, ապա այժմ վճարում է 30.000 դրամ, որն էլ էականորեն ազդում է սպասարկման, ուտեստների գների վրա։ Այսինքն, փաստացի, ռեստորանատերը միջինում ամսական 500.000-ից 1 մլն դրամ են վճարում վարձակալության համար։ Արդյունքում ամեն ինչ թանկանում է, և հաճախորդն է կրկնակի վճարում։Երևանում բացվել է Ալբերտ Ազարյանի բրոնզաձույլ արձանըՓոխքաղաքապետը չհամաձայնեց լրագրողի դիտարկման հետ` համարելով, որ Կենտրոն վարչական շրջանի համայնքային տարածքի 1 քմ–ի վարձակալության համար 5000 դրամն անգամ մատչելի գին է։Նա ընդգծեց, որ դժվար թե կենտրոնում հնարավոր լինի գտնել վարձակալությամբ տարածք, որի 1 քմ–ն կլինի 5000 դրամ։ Գրիգորյանի խոսքով` նույն գործարարը մեկ այլ անձից տարածք վարձակալելու համար մի քանի անգամ ավել է վճարում ու չի բողոքում։Երևանի Ամիրյան փողոցը կվերանվանվի ի պատիվ Փաշինյանի սիրելի թագավորիՀարցին` հնարավո՞ր է` առաջիկայում այդ վարձավճարի չափը նվազի, Գրիգորյանը նշեց, որ նման նախադրյալներ այժմ չկան։ Երևանի քաղաքապետն ընդգծեց, որ ռեստորան, սրճարան գնալը քաղաքացիների համար պարտադիր պահանջ չէ, և եթե մարդն իրեն չի կարող դա թույլ տալ, կարող է ուղղակի չգնալ ռեստորան կամ գնալ ավելի մատչելի տեղեր։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երևան, սրճարան, երևանի քաղաքապետարան, վարձ, սուրեն գրիգորյան
երևան, սրճարան, երևանի քաղաքապետարան, վարձ, սուրեն գրիգորյան
Ինչու է թանկացել ռեստորաններին կից համայնքային տարածքների վարձակալությունը. պարզաբանում
17:45 10.09.2024 (Թարմացված է: 17:49 10.09.2024) Երևանի փոխքաղաքապետը համարում է, որ թանկացումը կատարվել է խելամտության սահմաններում,և եթե ռեստորանի, սրճարանի սեփականատիրոջ համար եկամտաբեր չլինի, նա այդ տարածքն ուղղակի չի վարձակալի։
ԵՐԵՎԱՆ, 10 սեպտեմբերի – Sputnik. Երևանի քաղաքապետարանը ռեստորաններին, սրճարաններին կից համայնքային տարածքի 1 քմ–ն 5000 դրամով տալիս է վարձակալության, որը մատչելի գին է։ Այս մասին լրագրողների հետ զրույցում ասաց Երևանի փոխքաղաքապետ Սուրեն Գրիգորյանը` պատասխանելով լրագրողի այն հարցին, թե ինչու է քաղաքապետարանը 3 անգամ թանկացրել բացօթյա տարածքի վարճակալության վճարը։
Լրագրողի խոսքով` եթե նախկինում 6 ամիս վարձակալելու դեպքում 1 քմ–ի համար ռեստորանի, սրճարանի սեփականատերը վճարում էր 10.000 դրամ, ապա այժմ վճարում է 30.000 դրամ, որն էլ էականորեն ազդում է սպասարկման, ուտեստների գների վրա։ Այսինքն, փաստացի, ռեստորանատերը միջինում ամսական 500.000-ից 1 մլն դրամ են վճարում վարձակալության համար։ Արդյունքում ամեն ինչ թանկանում է, և հաճախորդն է կրկնակի վճարում։
Փոխքաղաքապետը չհամաձայնեց լրագրողի դիտարկման հետ` համարելով, որ Կենտրոն վարչական շրջանի համայնքային տարածքի 1 քմ–ի վարձակալության համար 5000 դրամն անգամ մատչելի գին է։
«Մարդը, որն ունի սրճարան, ուզում է իր սրճարանի հարակից տարածքում համայնքային տարածքի հաշվին սեղաններ դնի, տարածքն օգտագործի, որպեսզի բիզնես անի ու եկամուտ ստանա։ Ինչքան մարդ օրինական հարստանա, ես ուրախ եմ, բայց, մյուս կողմից, ոչ մեկն իրեն չի ստիպում այդ տարածքից օգտվել, եթե համարում է, որ եկամտաբեր չէ»,–ասաց Գրիգորյանը։
Նա ընդգծեց, որ դժվար թե կենտրոնում հնարավոր լինի գտնել վարձակալությամբ տարածք, որի 1 քմ–ն կլինի 5000 դրամ։ Գրիգորյանի խոսքով` նույն գործարարը մեկ այլ անձից տարածք վարձակալելու համար մի քանի անգամ ավել է վճարում ու չի բողոքում։
Հարցին` հնարավո՞ր է` առաջիկայում այդ վարձավճարի չափը նվազի, Գրիգորյանը նշեց, որ նման նախադրյալներ այժմ չկան։ Երևանի քաղաքապետն ընդգծեց, որ ռեստորան, սրճարան գնալը քաղաքացիների համար պարտադիր պահանջ չէ, և եթե մարդն իրեն չի կարող դա թույլ տալ, կարող է ուղղակի չգնալ ռեստորան կամ գնալ ավելի մատչելի տեղեր։
