https://arm.sputniknews.ru/20240828/mvoskvajin-hajtni-e-zangezuri-mijancqi-veraberjal-irani-mtahvogutjuny-rd-agn-79937178.html
Մոսկվային հայտնի Է «Զանգեզուրի միջանցքի» վերաբերյալ Իրանի մտահոգությունը․ ՌԴ ԱԳՆ
Մոսկվային հայտնի Է «Զանգեզուրի միջանցքի» վերաբերյալ Իրանի մտահոգությունը․ ՌԴ ԱԳՆ
Sputnik Արմենիա
ՌԴ արտաքին քաղաքական գերատեսչության պաշտոնական ներկայացուցիչը նշել է, որ Ռուսաստանը հանդես է գալիս հօգուտ հաղորդակցությունների այնպիսի ապաշրջափակման, որը... 28.08.2024, Sputnik Արմենիա
2024-08-28T18:56+0400
2024-08-28T18:56+0400
2024-08-28T18:57+0400
մարիա զախարովա
հայաստան
ադրբեջան
նախիջևան
«զանգեզուրի միջանցք»
ռուսաստան
իրանի իսլամական հանրապետություն
https://cdn.am.sputniknews.ru/img/07e7/06/1b/61837415_0:84:1600:984_1920x0_80_0_0_3f84319f6d1d38df3db54177f08c80c1.jpg
ԵՐԵՎԱՆ, 28 օգոստոսի - Sputnik. Մոսկվայում տեղյակ են, այսպես կոչված, «Զանգեզուրի միջանցքի» կառուցման հետ կապված իրանցի պաշտոնյաների մտահոգություններին։ Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի տարածքով Ադրբեջանի հիմնական հատվածից դեպի Նախիջևան արտատարածքային միջանցքի անընդունելիության մասին Թեհրանից բազմիցս արտահայտված դիրքորոշումները։Զախարովայի խոսքով՝ իրանական կողմի այդօրինակ մոտեցման պատճառների պարզաբանման համար պետք է ուղղակիորեն դիմել Թեհրան:Նա հավելել է, որ Մոսկվայի դիրքորոշումը Երևանի և Բաքվի միջև կապերի ապաշրջափակման վերաբերյալ հայտնի է:Ավելի վաղ Հայաստանի և Ադրբեջանի միջև հաղորդակցությունների ապաշրջափակման և սահմանազատման եռակողմ հանձնաժողովի ռուսաստանցի համանախագահ, ՌԴ փոխվարչապետ Ալեքսեյ Օվերչուկը նշել էր, որ ճանապարհները պետք է գտնվեն այն երկրների ինքնիշխանության ներքո, որոնց տարածքով անցնում են:Իր հերթին, Թեհրանը բազմիցս հայտարարել է, որ դեմ է Հայաստանի տարածքով արտատարածքային միջանցքի բացմանը։ Ինչպես հուլիսի վերջին Հայաստանի վարչապետ Նիկոլ Փաշինյանի հետ հանդիպման ժամանակ ասել Էր Իրանի գերագույն առաջնորդ Ալի Խամենեին, Թեհրանը նախկինի պես կարծում է, որ «Զանգեզուրի միջանցքի» գաղափարը չի բխում Հայաստանի շահերից: Խամենեին ընդգծել է Հայաստանի տարածքային ամբողջականության կարևորությունը և նշել, որ հայ-իրանական հարաբերությունները կզարգանան փոխադարձ շահերի հիման վրա՝ անկախ այլ երկրների քաղաքականությունից:«Բաքվի և Երևանի հետ միշտ քննարկում ենք Հայրենականի հերոսների արձանների պահպանման թեման»
ադրբեջան
նախիջևան
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մարիա զախարովա, հայաստան, ադրբեջան, նախիջևան, «զանգեզուրի միջանցք», ռուսաստան, իրանի իսլամական հանրապետություն
մարիա զախարովա, հայաստան, ադրբեջան, նախիջևան, «զանգեզուրի միջանցք», ռուսաստան, իրանի իսլամական հանրապետություն
Մոսկվային հայտնի Է «Զանգեզուրի միջանցքի» վերաբերյալ Իրանի մտահոգությունը․ ՌԴ ԱԳՆ
18:56 28.08.2024 (Թարմացված է: 18:57 28.08.2024) ՌԴ արտաքին քաղաքական գերատեսչության պաշտոնական ներկայացուցիչը նշել է, որ Ռուսաստանը հանդես է գալիս հօգուտ հաղորդակցությունների այնպիսի ապաշրջափակման, որը կարտացոլի տարածաշրջանի բոլոր երկրների շահերը:
ԵՐԵՎԱՆ, 28 օգոստոսի - Sputnik. Մոսկվայում տեղյակ են, այսպես կոչված, «Զանգեզուրի միջանցքի» կառուցման հետ կապված իրանցի պաշտոնյաների մտահոգություններին։ Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի տարածքով Ադրբեջանի հիմնական հատվածից դեպի Նախիջևան արտատարածքային միջանցքի անընդունելիության մասին Թեհրանից բազմիցս արտահայտված դիրքորոշումները։
Զախարովայի խոսքով՝ իրանական կողմի այդօրինակ մոտեցման պատճառների պարզաբանման համար պետք է ուղղակիորեն դիմել Թեհրան:
Նա հավելել է, որ Մոսկվայի դիրքորոշումը Երևանի և Բաքվի միջև կապերի ապաշրջափակման վերաբերյալ հայտնի է:
«ՌԴ-ում ելնում են նրանից, որ համապատասխան պայմանավորվածությունները կիրացվեն փոխադարձ համաձայնությամբ և փոխընդունելի պայմաններով՝ այնպես, որ դա համապատասխանի ինչպես Հայաստանի և Ադրբեջանի, այնպես էլ տարածաշրջանի հարևան երկրների՝ Ռուսաստանի, Իրանի և Թուրքիայի շահերին», – ընդգծել Է դիվանագետը:
Ավելի վաղ Հայաստանի և Ադրբեջանի միջև հաղորդակցությունների ապաշրջափակման և սահմանազատման եռակողմ հանձնաժողովի ռուսաստանցի համանախագահ, ՌԴ փոխվարչապետ Ալեքսեյ Օվերչուկը նշել էր, որ ճանապարհները պետք է գտնվեն այն երկրների ինքնիշխանության ներքո, որոնց տարածքով անցնում են:
Իր հերթին, Թեհրանը բազմիցս հայտարարել է, որ դեմ է Հայաստանի տարածքով արտատարածքային միջանցքի բացմանը։ Ինչպես հուլիսի վերջին Հայաստանի վարչապետ Նիկոլ Փաշինյանի հետ հանդիպման ժամանակ ասել Էր Իրանի գերագույն առաջնորդ Ալի Խամենեին, Թեհրանը նախկինի պես կարծում է, որ «Զանգեզուրի միջանցքի» գաղափարը չի բխում Հայաստանի շահերից: Խամենեին ընդգծել է Հայաստանի տարածքային ամբողջականության կարևորությունը և նշել, որ հայ-իրանական հարաբերությունները կզարգանան փոխադարձ շահերի հիման վրա՝ անկախ այլ երկրների քաղաքականությունից:
