https://arm.sputniknews.ru/20240821/hdm-ktrvon-talu-hamar-taqsin-arandzin-sarq-teghadrelu-kariq-chuni-pek-79688857.html

ՀԴՄ կտրոն տալու համար տաքսին առանձին սարք տեղադրելու կարիք չունի. ՊԵԿ

ՀԴՄ կտրոն տալու համար տաքսին առանձին սարք տեղադրելու կարիք չունի. ՊԵԿ

Sputnik Արմենիա

Կոմիտեից տեղեկացնում են, որ տաքսի ծառայության մատուցման դիմաց պետբյուջե վճարվող պետական տուրքը հաշվարկվում է յուրաքանչյուր փոխադրման ընդհանուր արժեքից։ Պետական... 21.08.2024, Sputnik Արմենիա

2024-08-21T11:59+0400

2024-08-21T11:59+0400

2024-08-21T13:37+0400

պետական եկամուտների կոմիտե (պեկ)

տաքսի

հդմ

կտրոն

էլեկտրոնային ծառայություններ

https://cdn.am.sputniknews.ru/img/1016/10/10161032_0:35:1600:935_1920x0_80_0_0_99dbc65d274396c02c0afd9f0886862a.jpg

ԵՐԵՎԱՆ, 21 օգոստոսի – Sputnik. Սեպտեմբերի 1–ից տաքսիստները հաճախորդին կտրոն տրամադրելու համար առանձին հսկիչ դրամարկղային մեքենա տեղադրելու կարիք չունեն։ Այս մասին հաղորդում է ՀՀ պետական եկամուտների կոմիտեն` անդրադառնալով ուժի մեջ մտնող նոր կարգավորումներին։Ավելի վաղ ՀՀ ՊԵԿ–ը տեղեկացրել էր «Պետական տուրքի մասին» ՀՀ օրենքում իրականացված փոփոխությունների մասին, ըստ որոնց` ուղևորափոխադրումներ կարող են իրականացնել միայն այն կազմակերպությունները, անհատ ձեռնարկատերերը կամ ֆիզիկական անձինք, որոնք միացել են հարկային մարմնի էլեկտրոնային համակարգին և տրամադրում են էլեկտրոնային ՀԴՄ կտրոն։ Չտրամադրելու դեպքում տուգանքը կկազմի 200 հազար դրամ։ՊԵԿ–ից հիշեցնում են, որ անհատ տաքսիստները, ինչպես նաև տաքսի ծառայությունները ՀԴՄ էլեկտրոնային կտրոնը գեներացնելու են ավտոմատ՝ կոմիտեին միացած համակարգի միջոցով, իսկ GG, Yandex, Utaxi կամ նմանատիպ այլ հարթակներով կատարված պատվերների դեպքում՝ դրանց հավելվածների միջոցով։Բոլոր այս երեք տաքսի ծառայություն մատուցողներն ուղևորափոխադրումներ կարող են իրականացնել, եթե ունեն համապատասխան լիցենզիա, միացել են հարկային մարմնի էլեկտրոնային համակարգին։ Ի դեպ, անհատ տաքսիստները լիցենզիայի համար պետական տուրք չեն վճարի։Տաքսի ծառայությունները, որոնք միացած չեն էլեկտրոնային որևէ հավելվածի և հանդես են գալիս որպես առանձին սուբյեկտ, 1–4 ավտոմոբիլներով ուղևորափոխադրումներ կազմակերպելիս տարեկան պետական տուրք կվճարեն 100 հազար դրամ, իսկ 4–ից ավելի ավտոմոբիլներով աշխատելիս՝ 200 հազար դրամ։Սա օրենք չէ, կառափնատուն է. փորձագետը` տաքսի ծառայության համար ՀԴՄ կտրոն պահանջելու մասինԷլեկտրոնային հարթակով ուղևորափոխադրման ծառայություն մատուցող անհատ ձեռնարկատերերը կամ կազմակերպությունները պետք է վճարեն տարեկան պետական տուրք՝ 1 մլն դրամ։ Բացի այդ, էլեկտրոնային եղանակով նրանք հարկային մարմին պետք է ներկայացնեն ուղևորափոխադրման համար գանձված և պետական բյուջե վճարման ենթակա պետական տուրքի վերաբերյալ հայտարարություն՝ մինչև յուրաքանչյուր ամսվան հաջորդող ամսվա 10–ը ներառյալ։ՊԵԿ–ից նշում են, որ այն վարորդները, որոնք իրենց մեքենաներով տաքսի ծառայություն են մատուցում՝ պատվերներ ստանալով էլեկտրոնային հարթակներից, չունեն որևէ պարտավորություն, բացի հարկային մարմնում հաշվառվելուց. բոլոր պարտավորությունները նրանց փոխարեն կատարելու է էլեկտրոնային հարթակով ուղևորափոխադրման ծառայություն մատուցող ընկերությունը։Այսպիսով` կանխիկ դրամով վճարումների դեպքում պետական տուրքը սահմանվել է յուրաքանչյուր փոխադրման ընդհանուր արժեքի 2 %–ի չափով՝ 2024 թ․ սեպտեմբերի 1-ից, 3․5 %–ի չափով՝ 2025 թ․ հունվարի 1–ից, 5 %–ի չափով՝ 2026 թ․ հունվարի 1–ից։Անկանխիկ դրամով վճարումների դեպքում պետական տուրքը կլինի յուրաքանչյուր փոխադրման ընդհանուր արժեքի 1․5 %–ի չափով` 2024 թ․սեպտեմբերի 1–ից, 2․5 %–ի չափով՝ 2025 թ․ հունվարի 1–ից, 4 %–ի չափով՝ 2026 թ․ հունվարի 1–ից։Օրինակ` 1000 դրամ արժեքով կանխիկ վճարումով պատվերի դեպքում պետական տուրքը 2024 թ. սեպտեմբերի 1–ից կկազմի 20 դրամ, անկանխիկ վճարման դեպքում՝ 15 դրամ։Սեպտեմբերի 1-ից տաքսիները ևս ՀԴՄ կտրոն պետք է տան․ ՊԵԿ

2024

Լուրեր

am_HY

պետական եկամուտների կոմիտե (պեկ), տաքսի, հդմ, կտրոն, էլեկտրոնային ծառայություններ