https://arm.sputniknews.ru/20240724/arnvazn-minchev-petrvar-erevanum-tsarahatumner-chen-katarvi-datarany-kasecrel-e-gvortsyntacy-78687539.html
Առնվազն մինչև փետրվար Երևանում ծառահատումներ չեն կատարվի. դատարանը կասեցրել է գործընթացը
Առնվազն մինչև փետրվար Երևանում ծառահատումներ չեն կատարվի. դատարանը կասեցրել է գործընթացը
Sputnik Արմենիա
Երևանի ավագանու անդամ Քրիստինա Վարդանյանը հուսով է, որ դատաիրավական գործընթացի արդյունքում հաջորդ տարի գարնանը նախատեսվող ծառահատումները ևս չեն իրականացվի: 24.07.2024, Sputnik Արմենիա
2024-07-24T18:30+0400
2024-07-24T18:30+0400
2024-07-24T18:37+0400
հայաստան
երևան
ծառահատում
քրիստինա վարդանյան
դատարան
https://cdn.am.sputniknews.ru/img/07e8/04/02/74103811_0:0:1280:721_1920x0_80_0_0_5dbcfb5e7d8d8fe14cb4c9c088594532.jpg
ԵՐԵՎԱՆ, 24 հուլիսի – Sputnik. Երևանի քաղաքապետարանի որոշմամբ այս տարվա աշնանը նախատեսված ծառահատումները մայրաքաղաքում չեն իրականացվի: Sputnik Արմենիային այս մասին ասաց ավագանու «Ազգային առաջընթաց» խմբակցության անդամ, «Կանաչապատում և շրջակա միջավայրի պահպանություն» կազմակերպության տնօրենի նախկին տեղակալ Քրիստինա Վարդանյանը:Երևանում անցած տարվանից սկսվել է հնացած և ոչ կենսունակ համարված ծառերը նոր տեսակներով փոխարինելու ծրագիրը: Խմբակցությունը դատարան է դիմել ծառահատումներն առանց օրենքով պահանջվող ՇՄԱԳ փորձաքննության եզրակացության իրականացնելու փաստով: Դատարանը մինչև որոշման կայացումը դադարեցրել է մայրաքաղաքում քաղաքապետարանի կողմից իրականացվող «Կենսունակության ավարտին մոտ գտնվող և ամբողջովին դեֆորմացված ծառերի փոխարինումն առավել գեղազարդ և արժեքավոր ծառերով» ծրագրով նախատեսված բոլոր ծառահատումները: Դատական առաջին նիստը նշանակվել է 2025թ-ի փետրվարի 4-ին:«Կանաչապատում և շրջակա միջավայրի պահպանություն» ՀՈԱԿ-ը մարտ ամսից սկսել է մայրաքաղաքի մի շարք փողոցներում թեղիների հատումները։ Ըստ քաղաքային իշխանությունների` հատված ոչ կենսունակ թեղիները փոխարինվել են լենքորանյան ալբիցիա, օճառածառ և սակուրա տեսակներով։ Ծառահատումները հարթ չէին ընթանում, Երևանի ավագանու ընդդիմադիր խմբակցությունների ներկայացուցիչները, նախկին պաշտոնյաներ ու մասնագետներ բողոքում էին, որ ծառերի հատումն ու դրանց փոխարեն նոր տեսակների տնկումը չի տալու ցանկալի արդյունքը և առնվազն տասնյակ տարիներ արևի ճառագայթներից պատսպարվելու հնարավորություն չի լինելու։ «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը դժգոհ քաղաքացիներին խորհուրդ էր տվել հովանոցներով քայլել։Երևանի իշխանությունները տապալել են քաղաքի կանաչապատման գործընթացը․ «Ժողովուրդ»«Ամբողջ աշխարհը հիմա խոսում է ջերմային կղզիների մասին, որ քաղաքները տաքանում են` ջերմային կղզիների վերածվելով: Իսկ մենք Երևանում նորմայից 5 անգամ պակաս կանաչ ֆոնդ ունենք: Մենք ո՞նց ենք հատում տարեց ծառերը, որոնք արդեն հարմարվել են միջավայրին, երբ սարսափելի մեծ ջրի խնդիր ունենք, որովհետև քաղաքն անապատացման է գնում»,- Sputnik Արմենիային ասաց ավագանու անդամը:Վարդանյանը կարծում է, որ թեև Երևանի կենտրոնում գարնանը կատարված ծառահատումներն արդեն իսկ քաղաքին մեծ վնաս են հասցրել, բայց դատական հայցն ու ծրագրի դադարեցումը կանխել են իրավիճակի կրկնությունը մնացած փողոցներում:Մասնագետը հուսով է, որ սկսված դատաիրավական գործընթացի արդյունքում հաջորդ տարի գարնանը նախատեսվող ծառահատումները ևս չեն իրականացվի: Իսկ դատարանի վճռի արդյունքում հնարավոր կլինի քաղաքային իշխանության հետ նստել բանակցությունների սեղանի շուրջ և խնդիրը լուծել մասնագիտական դաշտում` ծառերի փոխարինումն իրականացնելով աշխարհում ընդունված գրագետ մեթոդաբանության շրջանակում և ոչ այնպես, ինչպես արվեց գարնանը Երևանի Թումանյան, Սայաթ-Նովա, Ալեք Մանուկյան և Մոսկովյան փողոցներում, նաև Շենգավիթ ու Զեյթուն վարչական շրջանների որոշ փողոցներում:
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, երևան, ծառահատում, քրիստինա վարդանյան, դատարան
հայաստան, երևան, ծառահատում, քրիստինա վարդանյան, դատարան
Առնվազն մինչև փետրվար Երևանում ծառահատումներ չեն կատարվի. դատարանը կասեցրել է գործընթացը
18:30 24.07.2024 (Թարմացված է: 18:37 24.07.2024) Երևանի ավագանու անդամ Քրիստինա Վարդանյանը հուսով է, որ դատաիրավական գործընթացի արդյունքում հաջորդ տարի գարնանը նախատեսվող ծառահատումները ևս չեն իրականացվի:
ԵՐԵՎԱՆ, 24 հուլիսի – Sputnik. Երևանի քաղաքապետարանի որոշմամբ այս տարվա աշնանը նախատեսված ծառահատումները մայրաքաղաքում չեն իրականացվի:
Sputnik Արմենիային այս մասին ասաց ավագանու «Ազգային առաջընթաց» խմբակցության անդամ, «Կանաչապատում և շրջակա միջավայրի պահպանություն» կազմակերպության տնօրենի նախկին տեղակալ Քրիստինա Վարդանյանը:
Երևանում անցած տարվանից սկսվել է հնացած և ոչ կենսունակ համարված ծառերը նոր տեսակներով փոխարինելու ծրագիրը: Խմբակցությունը դատարան է դիմել ծառահատումներն առանց օրենքով պահանջվող ՇՄԱԳ փորձաքննության եզրակացության իրականացնելու փաստով: Դատարանը մինչև որոշման կայացումը դադարեցրել է մայրաքաղաքում քաղաքապետարանի կողմից իրականացվող «Կենսունակության ավարտին մոտ գտնվող և ամբողջովին դեֆորմացված ծառերի փոխարինումն առավել գեղազարդ և արժեքավոր ծառերով» ծրագրով նախատեսված բոլոր ծառահատումները: Դատական առաջին նիստը նշանակվել է 2025թ-ի փետրվարի 4-ին:
«Մենք դատարան դիմեցինք անմիջապես այն բանից հետո, երբ հատումները սկսվեցին: Երկու հայցը ընդունվել են, երկուսի վրա դեռ աշխատում ենք, որպեսզի նորից դիմենք: Հիմնական պահանջն այն է, որ քաղաքը ամբողջությամբ թողնվում է առանց կառավարվող ռիսկերի, որովհետև ծառերը հարավային քաղաքներում ռիսկերի հիմնական կառավարիչներն են (ստվերային ծածկ, արտանետումներ, աղմուկ)»,- նշեց Վարդանյանը:
«Կանաչապատում և շրջակա միջավայրի պահպանություն» ՀՈԱԿ-ը մարտ ամսից սկսել է
մայրաքաղաքի մի շարք փողոցներում թեղիների հատումները։ Ըստ քաղաքային իշխանությունների` հատված ոչ կենսունակ թեղիները փոխարինվել են լենքորանյան ալբիցիա, օճառածառ և սակուրա տեսակներով։ Ծառահատումները հարթ չէին ընթանում, Երևանի ավագանու ընդդիմադիր խմբակցությունների ներկայացուցիչները, նախկին պաշտոնյաներ ու մասնագետներ բողոքում էին, որ ծառերի հատումն ու դրանց փոխարեն նոր տեսակների տնկումը չի տալու ցանկալի արդյունքը և առնվազն տասնյակ տարիներ արևի ճառագայթներից պատսպարվելու հնարավորություն չի լինելու։ «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը դժգոհ քաղաքացիներին խորհուրդ էր տվել հովանոցներով քայլել։
«Ամբողջ աշխարհը հիմա խոսում է ջերմային կղզիների մասին, որ քաղաքները տաքանում են` ջերմային կղզիների վերածվելով: Իսկ մենք Երևանում նորմայից 5 անգամ պակաս կանաչ ֆոնդ ունենք: Մենք ո՞նց ենք հատում տարեց ծառերը, որոնք արդեն հարմարվել են միջավայրին, երբ սարսափելի մեծ ջրի խնդիր ունենք, որովհետև քաղաքն անապատացման է գնում»,- Sputnik Արմենիային ասաց ավագանու անդամը:
Վարդանյանը կարծում է, որ թեև Երևանի կենտրոնում գարնանը կատարված ծառահատումներն արդեն իսկ քաղաքին մեծ վնաս են հասցրել, բայց դատական հայցն ու ծրագրի դադարեցումը կանխել են իրավիճակի կրկնությունը մնացած փողոցներում:
«14 փողոց էր նախատեսված, հասցրին հատել ընդամենը 4-ը»,- արձանագրում է մեր զրուցակիցը:
Մասնագետը հուսով է, որ սկսված դատաիրավական գործընթացի արդյունքում հաջորդ տարի գարնանը նախատեսվող ծառահատումները ևս չեն իրականացվի: Իսկ դատարանի վճռի արդյունքում հնարավոր կլինի քաղաքային իշխանության հետ նստել բանակցությունների սեղանի շուրջ և խնդիրը լուծել մասնագիտական դաշտում` ծառերի փոխարինումն իրականացնելով աշխարհում ընդունված գրագետ մեթոդաբանության շրջանակում և ոչ այնպես, ինչպես արվեց գարնանը Երևանի Թումանյան, Սայաթ-Նովա, Ալեք Մանուկյան և Մոսկովյան փողոցներում, նաև Շենգավիթ ու Զեյթուն վարչական շրջանների որոշ փողոցներում:
