https://arm.sputniknews.ru/20240723/rusastancineri-nkatmamb-khtrakanutjan-depqer-zvartnvocum-despanin-namak-e-ugharkvel--78666298.html
Ռուսաստանցիների նկատմամբ խտրականության դեպքեր «Զվարթնոցում». դեսպանին նամակ է ուղարկվել
Ռուսաստանցիների նկատմամբ խտրականության դեպքեր «Զվարթնոցում». դեսպանին նամակ է ուղարկվել
Sputnik Արմենիա
Այդօրինակ իրավիճակում է հայտնվել նաև ռուս օպերային երգչուհի Սվետլանա Կասյանը։ 23.07.2024, Sputnik Արմենիա
2024-07-23T20:15+0400
2024-07-23T20:15+0400
2024-07-23T21:12+0400
ռուսաստան
«flyone armenia» ավիաընկերություն
«զվարթնոց» օդանավակայան
վաղարշակ հարությունյան
https://cdn.am.sputniknews.ru/img/07e7/05/0c/59562056_0:51:1500:895_1920x0_80_0_0_01e38c891b3167164f3e9ce58e1eb87c.jpg
ԵՐԵՎԱՆ, 23 հուլիսի - Sputnik. ՌԴ նախագահին առընթեր քաղաքացիական հասարակության զարգացման և մարդու իրավունքների խորհրդի ղեկավար Վալերի Ֆադեևը դիմել է Ռուսաստանում ՀՀ դեսպան Վաղարշակ Հարությունյանին՝ Երևանի օդանավակայանում ռուսաստանցիների նկատմամբ արձանագրված խտրականության դեպքերի առիթով:Իրավապաշտպանի հասցեին դիմումներ են ստացվել են Ռուսաստանի քաղաքացիներից, ովքեր բախվել են հայկական FlyOne ավիափոխադրողի ներկայացուցիչների և «Զվարթնոց» միջազգային օդանավակայանի աշխատակիցների կողմից իրենց իրավունքների խախտումների դեպքերի:Խորհուրդը, մասնավորապես, տեղեկացնում է, որ հուլիսի 6-ին ռուս օպերային երգչուհի Սվետլանա Կասյանը, ով հյուրախաղերով Գերմանիայում էր, անչափահաս դստեր հետ այնտեղից Երևան վերադառնալիս, չնայած օդանավակայան նախապես գալուն, իրեն և դստերը, լրացուցիչ վճարի դիմաց, «գրանցել են» առանց նստատեղերի չվերթի համար՝ չառաջարկելով որևէ փոխհատուցում։«Երբ Սվետլանա Կասյանը սրտացավ ուղևորների օգնությամբ կարողացել է հասնել ինքնաթիռ, ավիաընկերության ներկայացուցիչները նրան և աղջկան առաջարկել են թռչել կանգնած՝ անգամ մեկ բաժակ ջուր հրաժարվելով տալ։ Թռիչքից առաջ երեխան պատսպարվել է օդաչուների խցիկում, իսկ թռիչքի ժամանակ նրան և մորը թույլ է տվել նստել երեխային գրկած մի ուղևորուհի», - ասված է հաղորդագրության մեջ։ Երևան-Քիշնև չվերթի շուրջ 50 ուղևորի թույլ չեն տվել մեկնել․ «FlyOne»-ը մեկնաբանել էԲացի այդ, խորհրդում նշել են, որ հունիսի 3-ին Հռոմ-Երևան-Մոսկվա երթուղով թռչող մի խումբ ռուսաստանցիներ Հռոմից չվերթի ուշացման պատճառով Մոսկվա ուղևորվող ինքնաթիռը չեն նստել: «Բայց այդ ուղևորների խնդիրը լուծելու փոխարեն օդանավակայանի ներկայացուցիչները, առանց բացատրության, նրանց բերման են ենթարկել և տարել ոստիկանության բաժին։ Ուղևորները հայտնում են օդանավակայանի անվտանգության աշխատակիցների կողմից ազգային հիմքով բազմաթիվ վիրավորանքների մասին»,-հայտնում է իրավապաշտպանը։FlyOne ավիաընկերության հետ կապված՝ նախկինում ևս արձանագրվել են միջադեպեր։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, «flyone armenia» ավիաընկերություն, «զվարթնոց» օդանավակայան, վաղարշակ հարությունյան
ռուսաստան, «flyone armenia» ավիաընկերություն, «զվարթնոց» օդանավակայան, վաղարշակ հարությունյան
Ռուսաստանցիների նկատմամբ խտրականության դեպքեր «Զվարթնոցում». դեսպանին նամակ է ուղարկվել
20:15 23.07.2024 (Թարմացված է: 21:12 23.07.2024) Այդօրինակ իրավիճակում է հայտնվել նաև ռուս օպերային երգչուհի Սվետլանա Կասյանը։
ԵՐԵՎԱՆ, 23 հուլիսի - Sputnik. ՌԴ նախագահին առընթեր քաղաքացիական հասարակության զարգացման և մարդու իրավունքների խորհրդի ղեկավար Վալերի Ֆադեևը դիմել է Ռուսաստանում ՀՀ դեսպան Վաղարշակ Հարությունյանին՝ Երևանի օդանավակայանում ռուսաստանցիների նկատմամբ արձանագրված խտրականության դեպքերի առիթով:
Իրավապաշտպանի հասցեին դիմումներ են ստացվել են Ռուսաստանի քաղաքացիներից, ովքեր բախվել են հայկական FlyOne ավիափոխադրողի ներկայացուցիչների և «Զվարթնոց» միջազգային օդանավակայանի աշխատակիցների կողմից իրենց իրավունքների խախտումների դեպքերի:
«Ծանոթանալով բաց աղբյուրների հրապարակումներին՝ եկանք այն եզրակացության, որ նկարագրված իրավիճակները, ցավոք, եզակի դեպքեր չեն։ Խնդրում ենք Ձեզ Հայաստանի Հանրապետության իշխանության իրավասու մարմիններին հասցնել ներկայացված տեղեկատվությունը, ինչպես նաև ՌԴ քաղաքացիների հետ նման միջադեպերի անթույլատրելիության հետ կապված մեր դիրքորոշումը», - ասված է նամակում, որը մեջբերում է կառույցի տելեգրամ-ալիքը:
Խորհուրդը, մասնավորապես, տեղեկացնում է, որ հուլիսի 6-ին ռուս օպերային երգչուհի Սվետլանա Կասյանը, ով հյուրախաղերով Գերմանիայում էր, անչափահաս դստեր հետ այնտեղից Երևան վերադառնալիս, չնայած օդանավակայան նախապես գալուն, իրեն և դստերը, լրացուցիչ վճարի դիմաց, «գրանցել են» առանց նստատեղերի չվերթի համար՝ չառաջարկելով որևէ փոխհատուցում։
«Երբ Սվետլանա Կասյանը սրտացավ ուղևորների օգնությամբ կարողացել է հասնել ինքնաթիռ, ավիաընկերության ներկայացուցիչները նրան և աղջկան առաջարկել են թռչել կանգնած՝ անգամ մեկ բաժակ ջուր հրաժարվելով տալ։ Թռիչքից առաջ երեխան պատսպարվել է օդաչուների խցիկում, իսկ թռիչքի ժամանակ նրան և մորը թույլ է տվել նստել երեխային գրկած մի ուղևորուհի», - ասված է հաղորդագրության մեջ։
Բացի այդ, խորհրդում նշել են, որ հունիսի 3-ին Հռոմ-Երևան-Մոսկվա երթուղով թռչող մի խումբ ռուսաստանցիներ Հռոմից չվերթի ուշացման պատճառով Մոսկվա ուղևորվող ինքնաթիռը չեն նստել: «Բայց այդ ուղևորների խնդիրը լուծելու փոխարեն օդանավակայանի ներկայացուցիչները, առանց բացատրության, նրանց բերման են ենթարկել և տարել ոստիկանության բաժին։ Ուղևորները հայտնում են օդանավակայանի անվտանգության աշխատակիցների կողմից ազգային հիմքով բազմաթիվ վիրավորանքների մասին»,-հայտնում է իրավապաշտպանը։
FlyOne ավիաընկերության հետ կապված՝ նախկինում ևս արձանագրվել են միջադեպեր։
