Փաշինյանը դատապարտել է Թրամփի դեմ մահափորձը
15:21 14.07.2024 (Թարմացված է: 20:38 14.07.2024)
© Sputnik / Aram Nersesyan
Բաժանորդագրվել
Կառավարության ղեկավարը շեշտել է, որ բռնության նման դրսևորումները խաթարում են ժողովրդավարության հիմնարար սկզբունքները։
ԵՐԵՎԱՆ, 14 հուլիսի – Sputnik․ Բռնության նման գործողությունները տեղ չունեն ժողովրդավարական հասարակության մեջ։ Այս մասին նշված է ՀՀ վարչապետ Նիկոլ Փաշինյանի՝ X-ի պաշտոնական էջում արված հայտարարության մեջ, որով կառավարության ղեկավարը դատապարտում է ԱՄՆ նախկին նախագահ, ներկայում նախագահի թեկնածու Դոնալդ Թրամփի դեմ մահափորձը։
«Բռնության նման գործողությունները տեղ չունեն ժողովրդավարական հասարակության մեջ, քանի որ դրանք խաթարում են ժողովրդավարության և օրենքի գերակայության հիմնարար սկզբունքները, որոնք մենք խորապես գնահատում ենք»,- գրել է Փաշինյանը:
Նա շուտափույթ ապաքինում է մաղթել ԱՄՆ 45-րդ նախագահ Դոնալդ Թրամփին։
ԱՄՆ նախկին նախագահի դեմ հուլիսի 13-ին մահափորձ է կատարվել Փենսիլվանիայի Բաթլեր քաղաքում՝ նախընտրական ելույթի ժամանակ։ Քաղաքական գործիչը վնասվածք է ստացել ականջի շրջանում։
We strongly condemn the attack on 🇺🇸45th President & presidential candidate Donald Trump.
— Nikol Pashinyan (@NikolPashinyan) July 14, 2024
Such acts of violence have no place in democratic society, as they undermine the core principles of democracy & rule of law that we deeply value.
I wish Donald Trump a speedy recovery.
Ավելի ուշ ԱՄՆ Գաղտնի ծառայությունը հայտնել է, որ բեմի ուղղությամբ մի քանի անգամ կրակած կասկածյալը ոչնչացված է: Հրաձգության հետևանքով զոհվել է հանդիսատեսներից մեկը, ևս երկուսը ծանր վնասվածքներ են ստացել: Կրակողը 20-ամյա Թոմաս Մեթյու Քրուքսն էր։
