https://arm.sputniknews.ru/20240713/inch-spasel-vrastani-pashtpanutjan-nakharari-erevanjan-ajcic-78305323.html
Ի՞նչ սպասել Վրաստանի պաշտպանության նախարարի երևանյան այցից
Ի՞նչ սպասել Վրաստանի պաշտպանության նախարարի երևանյան այցից
Sputnik Արմենիա
Հայաստանն ու Վրաստանը զարգացնում են երկկողմ հարաբերությունները տարբեր ոլորտներում, այդ թվում՝ պաշտպանական փոխգործակցության ուղղությամբ։ 13.07.2024, Sputnik Արմենիա
2024-07-13T21:40+0400
2024-07-13T21:40+0400
2024-07-13T21:40+0400
հայաստան
հայաստան–վրաստան համագործակցություն
վրաստանի հանրապետություն
իրակլի չիկովանի
պետրե մամրաձե
https://cdn.am.sputniknews.ru/img/07e8/07/0c/78273845_0:0:1281:721_1920x0_80_0_0_3d6bc2dd7fb669fc5cb5c86d22495b59.jpg
ԵՐԵՎԱՆ, 13 հուլիսի – Sputnik. Վրաստանի պաշտպանության նախարար Իրակլի Չիկովանիի առաջին պաշտոնական այցը ճանաչողական բնույթ ուներ և ուղղված էր երկրների միջև պաշտպանական համագործակցության ոլորտում շփումների ակտիվացմանը: Դա չի նշանակում, որ մոտ ապագայում կողմերը համատեղ զորավարժություններ կանցկացնեն, կամ այդ ուղղությամբ փոխգործակցության կտրուկ փոփոխություններ կլինեն, բայց տեղաշարժերը միանգամայն իրատեսական են։Իրակլի Չիկովանին պաշտոնական այցով Հայաստան է ժամանել հուլիսի 12–ին։ Այցի շրջանակում Հայաստանի ու Վրաստանի պաշտպանության նախարարությունները ստորագրել են 2024 թվականի համագործակցության պլանը։ Ու թեև մանրամասները, ավանդույթի համաձայն, չեն հրապարակվում, սակայն ուշագրավ է վրացի նախարարի հայտարարությունը: Չիկովանին կարևորել է Հայաստանի պաշտպանության նախարարության հետ գործակցությունը և դրա ընդլայնմանը միտված ծրագրերը:Վրաստանի նախագահի աշխատակազմի նախկին ղեկավար Պետրե Մամրաձեի խոսքով՝ այցը նշանակալի է և ժամանակին: Այն առաջին հերթին ուղղված է երկրների միջև համագործակցության ամրապնդմանը, ինչպես նաև տարածաշրջանում խաղաղության և կայունության հաստատմանը։Այս առնչությամբ Մամրաձեն հիշեցրեց, որ Վրաստանը կարողացել է լավ հարաբերություններ կառուցել Ադրբեջանի և Թուրքիայի հետ։ Սակայն այս հանգամանքը և տարածաշրջանում տեղի ունեցած վերջին իրադարձությունները չեն խանգարել Երևանին և Թբիլիսիին հաստատելու երկխոսություն՝ ի նպաստ Հարավային Կովկասում կայունության և խաղաղության։Մամրաձեն ընդգծեց, որ երկկողմ հարաբերությունները մշտական ուշադրություն են պահանջում, իսկ դրանց ընդլայնումը միայն օգուտ է բերում ժողովուրդներին:Պաշտպանական ոլորտում Վրաստանի և Հայաստանի միջև ձևավորվում է փոխշահավետ համագործակցության ձևաչափ տարբեր ուղղություններով՝ անհամաչափ սպառնալիքների, ռազմական համագործակցության հարցերում։Երկրները նաև ունեն ռազմական բժշկության և կրթության ոլորտում շփումներ զարգացնելու ներուժ։ Ի դեպ, Վրաստանը կարող է Հայաստանին փոխանցել Ադրբեջանի և Թուրքիայի հետ համագործակցության փորձը՝ ենթակառուցվածքների (գազատարներ, նավթամուղներ և երկաթուղիներ) անվտանգության ապահովման վարժանքներ կազմակերպելու հարցում։ Չպետք է բացառել նաև հայ-վրացական համատեղ զորավարժությունները։Երևանն էլ, ամենայն հավանականությամբ, Թբիլիսիին կկարողանա հասկացնել, որ տարածաշրջանի կայունության և անվտանգության համար Թբիլիսի-Բաքու-Անկարա ձևաչափով պաշտպանական համագործակցությունը բավարար չէ․ պետք է նաև զարգացնել Հայաստանի և Վրաստանի միջև պաշտպանական երկխոսությունը։Փորձագետը չի բացառում, որ երկու երկրների պաշտպանական գերատեսչությունների ղեկավարների բանակցությունների հիմնական թեման եղել են հայ-ամերիկյան առաջիկա զորավարժությունները, քանի որ ԱՄՆ-ն սառեցրել է Վրաստանի հետ նմանատիպ զորավարժությունների անցկացումըՀիշեցնենք, որ Հայաստանի և Վրաստանի հարաբերությունները 2024 թվականի հունվարից պաշտոնապես գտնվում են ռազմավարական մակարդակում։ Ավանդույթի համաձայն` երկու երկրների պաշտպանության նախարարները տարվա առաջին կեսին պաշտոնական այցեր են կատարում հարևան և բարեկամ երկրներ: Նախարարները ստորագրում են համագործակցության պլանը, նախանշում ընթացիկ տարվա անելիքները։Վրաստանի պաշտպանության նախկին նախարար Ջուանշեր Բուրչուլաձեն պաշտոնական այցով Հայաստան էր եկել 2023 թվականին:
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հայաստան–վրաստան համագործակցություն, վրաստանի հանրապետություն, իրակլի չիկովանի, պետրե մամրաձե
հայաստան, հայաստան–վրաստան համագործակցություն, վրաստանի հանրապետություն, իրակլի չիկովանի, պետրե մամրաձե
Ի՞նչ սպասել Վրաստանի պաշտպանության նախարարի երևանյան այցից
Հայաստանն ու Վրաստանը զարգացնում են երկկողմ հարաբերությունները տարբեր ոլորտներում, այդ թվում՝ պաշտպանական փոխգործակցության ուղղությամբ։
ԵՐԵՎԱՆ, 13 հուլիսի – Sputnik. Վրաստանի պաշտպանության նախարար Իրակլի Չիկովանիի առաջին պաշտոնական այցը ճանաչողական բնույթ ուներ և ուղղված էր երկրների միջև պաշտպանական համագործակցության ոլորտում շփումների ակտիվացմանը: Դա չի նշանակում, որ մոտ ապագայում կողմերը համատեղ զորավարժություններ կանցկացնեն, կամ այդ ուղղությամբ փոխգործակցության կտրուկ փոփոխություններ կլինեն, բայց տեղաշարժերը միանգամայն իրատեսական են։
Իրակլի Չիկովանին պաշտոնական այցով
Հայաստան է ժամանել հուլիսի 12–ին։ Այցի շրջանակում Հայաստանի ու Վրաստանի պաշտպանության նախարարությունները
ստորագրել են 2024 թվականի համագործակցության պլանը։ Ու թեև մանրամասները, ավանդույթի համաձայն, չեն հրապարակվում, սակայն ուշագրավ է վրացի նախարարի հայտարարությունը: Չիկովանին կարևորել է Հայաստանի պաշտպանության նախարարության հետ գործակցությունը և դրա ընդլայնմանը միտված ծրագրերը:
Վրաստանի նախագահի աշխատակազմի նախկին ղեկավար Պետրե Մամրաձեի խոսքով՝ այցը նշանակալի է և ժամանակին: Այն առաջին հերթին ուղղված է երկրների միջև համագործակցության ամրապնդմանը, ինչպես նաև տարածաշրջանում խաղաղության և կայունության հաստատմանը։
«Այն է՛լ ավելի կամրապնդի Հայաստանի և Վրաստանի հարաբերությունները։ Գաղտնիք չէ, որ Երևանի և Թբիլիսիի հարաբերությունները նաև ազդում են տարածաշրջանային անվտանգության ճարտարապետության կառուցման վրա և հակառակը», –
Sputnik Արմենիայի հետ զրույցում ասաց Մամրաձեն։
Այս առնչությամբ Մամրաձեն հիշեցրեց, որ Վրաստանը կարողացել է լավ հարաբերություններ կառուցել Ադրբեջանի և Թուրքիայի հետ։ Սակայն այս հանգամանքը և տարածաշրջանում տեղի ունեցած վերջին իրադարձությունները չեն խանգարել Երևանին և Թբիլիսիին հաստատելու երկխոսություն՝ ի նպաստ Հարավային Կովկասում կայունության և խաղաղության։
Մամրաձեն ընդգծեց, որ երկկողմ հարաբերությունները մշտական ուշադրություն են պահանջում, իսկ դրանց ընդլայնումը միայն օգուտ է բերում ժողովուրդներին:
Պաշտպանական ոլորտում Վրաստանի և Հայաստանի միջև ձևավորվում է փոխշահավետ համագործակցության ձևաչափ տարբեր ուղղություններով՝ անհամաչափ սպառնալիքների, ռազմական համագործակցության հարցերում։
Երկրները նաև ունեն ռազմական բժշկության և կրթության ոլորտում շփումներ զարգացնելու ներուժ։ Ի դեպ, Վրաստանը կարող է Հայաստանին փոխանցել Ադրբեջանի և Թուրքիայի հետ համագործակցության փորձը՝ ենթակառուցվածքների (գազատարներ, նավթամուղներ և երկաթուղիներ) անվտանգության ապահովման վարժանքներ կազմակերպելու հարցում։ Չպետք է բացառել նաև հայ-վրացական համատեղ զորավարժությունները։
Երևանն էլ, ամենայն հավանականությամբ, Թբիլիսիին կկարողանա հասկացնել, որ տարածաշրջանի կայունության և անվտանգության համար Թբիլիսի-Բաքու-Անկարա ձևաչափով պաշտպանական համագործակցությունը բավարար չէ․ պետք է նաև զարգացնել Հայաստանի և Վրաստանի միջև պաշտպանական երկխոսությունը։
Փորձագետը չի բացառում, որ երկու երկրների պաշտպանական գերատեսչությունների ղեկավարների բանակցությունների հիմնական թեման եղել են
հայ-ամերիկյան առաջիկա զորավարժությունները, քանի որ ԱՄՆ-ն սառեցրել է Վրաստանի հետ նմանատիպ զորավարժությունների անցկացումը
Հիշեցնենք, որ Հայաստանի և Վրաստանի հարաբերությունները 2024 թվականի հունվարից պաշտոնապես գտնվում են ռազմավարական մակարդակում։ Ավանդույթի համաձայն` երկու երկրների պաշտպանության նախարարները տարվա առաջին կեսին պաշտոնական այցեր են կատարում հարևան և բարեկամ երկրներ: Նախարարները ստորագրում են համագործակցության պլանը, նախանշում ընթացիկ տարվա անելիքները։
Վրաստանի պաշտպանության նախկին նախարար Ջուանշեր Բուրչուլաձեն պաշտոնական այցով Հայաստան էր եկել 2023 թվականին:
