https://arm.sputniknews.ru/20240630/turqiaji-tsragirn-u-hajastani-shahery-inch-klini-ete-gvortsi-ankaraji-arajarkats-tshanaparhy-77788408.html
Թուրքիայի ծրագիրն ու Հայաստանի շահերը. ի՞նչ կլինի, եթե գործի Անկարայի առաջարկած ճանապարհը
Թուրքիայի ծրագիրն ու Հայաստանի շահերը. ի՞նչ կլինի, եթե գործի Անկարայի առաջարկած ճանապարհը
Sputnik Արմենիա
Ոսկանյանի կարծիքով` Թուրքիայի կողմից նախաձեռնվող ու առաջ մղվող տրանսպորտային նոր ծրագիրը հակասում է ոչ միայն Հայաստանի, այլև Իրանի, Հնդկաստանի ու Ռուսաստանի... 30.06.2024, Sputnik Արմենիա
2024-06-30T16:58+0400
2024-06-30T16:58+0400
2024-06-30T16:59+0400
հայաստան
թուրքիա
իրանի իսլամական հանրապետություն
հնդկաստան
ռուսաստան
վարդան ոսկանյան
https://cdn.am.sputniknews.ru/img/07e8/01/12/71254960_11:0:678:375_1920x0_80_0_0_b32a93fb2d9fb2811c6d0c5271476702.jpg
ԵՐԵՎԱՆ, 30 հունիսի – Sputnik. Թուրքիայի առաջարկած «Զարգացման ուղի» տրանսպորտային ծրագիրը հավակնում է դառնալ Մերձավոր Արևելքով Ասիան Եվրոպային միացնող լոգիստիկ մի նախագիծ, որն ուղղակի հակասում է իրանական «Պարսից ծոց–Սև ծով» և հնդկական «Հյուսիս–հարավ» հանգույցների ծրագրերին, որոնք ներառում են նաև Հայաստանը։ Sputnik Արմենիայի հետ զրույցում այս տեսակետը հայտնեց ԵՊՀ արևելագիտության ֆակուլտետի դեկան Վարդան Ոսկանյանը։Ըստ նրա` Թուրքիայի առաջարկածը ոչ միայն տրանսպորտային, այլև աշխարհաքաղաքական ծրագիր է։«Խոսքը վերաբերում է այս տարվա ապրիլին Իրաք կատարած այցի ժամանակ Թուրքիայի նախագահ Ռեջեփ Թայիփ Էրդողանի նախաձեռնությամբ ստեղծված քառակողմ մի ձևաչափի մասին, որտեղ ներգրված են Թուրքիան, Իրաքը, Կատարը և ԱՄԷ–ն։ Թուրքական կողմի նպատակն է կրճատել Չինաստանից և Հնդկաստանից եկող բեռների տարանցումը դեպի Եվրոպա»,– նշեց փորձագետը։Ոսկանյանի խոսքով` Թուրքիայի այս ծրագիրը պետք է կապի իրաքյան Բասրայի Ալ–Ֆավ նավահանգիստը թուրք–իրաքյան սահմանին։Թուրքիայի կողմից նախաձեռնվող ու առաջ մղվող այդ ծրագիրը, Ոսկանյանի բնորոշմամբ, ուղղակի հակասում է ոչ միայն Հայաստանի աշխարհաքաղաքական շահերին, այլև Իրանի, Հնդկաստանի ու Ռուսաստանի շահերին. եթե այս ճանապարհը սկսի աշխատել, ապա վերոհիշյալ մյուս երկու ծրագրերը փաստացի կկորցնեն իրենց արդիականությունը։Իրանագետի խոսքով` աշխարհաքաղաքական առումով այսօր տարածաշրջանում ստեղծվել է մի իրավիճակ, երբ ՀՀ–ի դերը կարևորվում է Իրանի, Հնդկաստանի ու Ռուսաստանի համար։ Բանն այն է, որ ՀՀ–ի միակ այլընտրանքն ադրբեջանա–թուրքական տարածքն է, որը փաստացի միասնական աշխարհաքաղաքական տարածք է, և թուրքական կողմը ցանկանում է, որ տարածաշրջանային տրանսպորտային հանգույցները նաև դառնան աշխարհաքաղաքական կարևոր լծակ սեփական ազդեցությունը տարածելու համար։Ըստ Ոսկանյանի` այս հարցերում ՀՀ իշխանությունների կողմից սեփական շահի գիտակցության լավագույն մակարդակ դեռ չկա, մինչդեռ այս ծրագրերի մեջ ճիշտ կողմնորոշումը նաև կարող է բարձրացնել ՀՀ անվտանգության մակարդակը։Շրջանցելով Հայաստանը. ինչպես է Թուրքիան Պաղեստինն օգտագործում առևտրային ուղիների համար
թուրքիա
իրանի իսլամական հանրապետություն
հնդկաստան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, թուրքիա, իրանի իսլամական հանրապետություն, հնդկաստան, ռուսաստան, վարդան ոսկանյան
հայաստան, թուրքիա, իրանի իսլամական հանրապետություն, հնդկաստան, ռուսաստան, վարդան ոսկանյան
Թուրքիայի ծրագիրն ու Հայաստանի շահերը. ի՞նչ կլինի, եթե գործի Անկարայի առաջարկած ճանապարհը
16:58 30.06.2024 (Թարմացված է: 16:59 30.06.2024) Ոսկանյանի կարծիքով` Թուրքիայի կողմից նախաձեռնվող ու առաջ մղվող տրանսպորտային նոր ծրագիրը հակասում է ոչ միայն Հայաստանի, այլև Իրանի, Հնդկաստանի ու Ռուսաստանի աշխարհաքաղաքական շահերին։
ԵՐԵՎԱՆ, 30 հունիսի – Sputnik. Թուրքիայի առաջարկած «Զարգացման ուղի» տրանսպորտային ծրագիրը հավակնում է դառնալ Մերձավոր Արևելքով Ասիան Եվրոպային միացնող լոգիստիկ մի նախագիծ, որն ուղղակի հակասում է իրանական «Պարսից ծոց–Սև ծով» և հնդկական «Հյուսիս–հարավ» հանգույցների ծրագրերին, որոնք ներառում են նաև Հայաստանը։
Sputnik Արմենիայի հետ զրույցում այս տեսակետը հայտնեց ԵՊՀ արևելագիտության ֆակուլտետի դեկան Վարդան Ոսկանյանը։
Ըստ նրա` Թուրքիայի առաջարկածը ոչ միայն տրանսպորտային, այլև աշխարհաքաղաքական ծրագիր է։
«Խոսքը վերաբերում է այս տարվա ապրիլին Իրաք կատարած այցի ժամանակ Թուրքիայի նախագահ Ռեջեփ Թայիփ Էրդողանի նախաձեռնությամբ ստեղծված քառակողմ մի ձևաչափի մասին, որտեղ ներգրված են Թուրքիան, Իրաքը, Կատարը և ԱՄԷ–ն։ Թուրքական կողմի նպատակն է կրճատել Չինաստանից և Հնդկաստանից եկող բեռների տարանցումը դեպի Եվրոպա»,– նշեց փորձագետը։
Ոսկանյանի խոսքով` Թուրքիայի այս ծրագիրը պետք է կապի իրաքյան Բասրայի Ալ–Ֆավ նավահանգիստը թուրք–իրաքյան սահմանին։
«Առաջին հայացքից թվում է` զուտ տնտեսական ծրագրի մասին է խոսքը, սակայն այս ծրագիրը առաջ է մղվում որպես այլընտրանք Հնդկաստանի կողմից առաջ քաշվող «Հյուսիս–հարավ» տրանսպորտային միջանցքին, որի կայացման հարցում շահագրգռված է ռուսական կողմը` հաշվի առնելով Արևմուտքի հետ հարաբերությունների շատ ցածր մակարդակը։ Մյուս կողմից հակասության մեջ է մտնում իրանական Պարսից ծոցը Սև ծովին կապող տրանսպորտային հանգույցի հետ։ Երկու տրանսպորտային ծրագրերն էլ իրենց մի ճյուղով վերաբերում են նաև ՀՀ–ին, քանի որ ենթադրվում է, որ Հյուսիս–հարավի և Պարսից ծոց–Սև ծով տրանսպորտային հանգույցի համատեքստում ՀՀ–ն պետք է դառնա տարանցիկ երկիր»,– ասաց նա։
Թուրքիայի կողմից նախաձեռնվող ու առաջ մղվող այդ ծրագիրը, Ոսկանյանի բնորոշմամբ, ուղղակի հակասում է ոչ միայն
Հայաստանի աշխարհաքաղաքական շահերին, այլև Իրանի, Հնդկաստանի ու Ռուսաստանի շահերին. եթե այս ճանապարհը սկսի աշխատել, ապա վերոհիշյալ մյուս երկու ծրագրերը փաստացի կկորցնեն իրենց արդիականությունը։
Իրանագետի խոսքով` աշխարհաքաղաքական առումով այսօր տարածաշրջանում ստեղծվել է մի իրավիճակ, երբ ՀՀ–ի դերը կարևորվում է Իրանի, Հնդկաստանի ու Ռուսաստանի համար։ Բանն այն է, որ ՀՀ–ի միակ այլընտրանքն ադրբեջանա–թուրքական տարածքն է, որը փաստացի միասնական աշխարհաքաղաքական տարածք է, և թուրքական կողմը ցանկանում է, որ տարածաշրջանային տրանսպորտային հանգույցները նաև դառնան աշխարհաքաղաքական կարևոր լծակ սեփական ազդեցությունը տարածելու համար։
Ըստ Ոսկանյանի` այս հարցերում ՀՀ իշխանությունների կողմից սեփական շահի գիտակցության լավագույն մակարդակ դեռ չկա, մինչդեռ այս ծրագրերի մեջ ճիշտ կողմնորոշումը նաև կարող է բարձրացնել ՀՀ անվտանգության մակարդակը։
