https://arm.sputniknews.ru/20240627/ekhkhv-n-hajtnvel-e-hh-ishkhanutjunneri-ev-baqvi-lvobbii-azdecutjan-tak-nakhkin-nakharar-77726111.html
ԵԽԽՎ-ն հայտնվել է ՀՀ իշխանությունների և Բաքվի լոբբիի ազդեցության տակ. նախկին նախարար
ԵԽԽՎ-ն հայտնվել է ՀՀ իշխանությունների և Բաքվի լոբբիի ազդեցության տակ. նախկին նախարար
Sputnik Արմենիա
Դավիթ Հարությունյանը որոշ հեգնանքով հայտարարեց, որ ԵԽԽՎ երեկվա զեկույցը Հայաստանի վերաբերյալ գրվել է արհեստական բանականության միջոցով։ 27.06.2024, Sputnik Արմենիա
2024-06-27T20:49+0400
2024-06-27T20:49+0400
2024-06-27T20:49+0400
դավիթ հարությունյան
եվրախորհրդի խորհրդարանական վեհաժողով (եխխվ)
հայաստան
բանաձև
https://cdn.am.sputniknews.ru/img/07e7/06/10/61276114_0:86:1600:986_1920x0_80_0_0_94fe007625be8f8904df419785563c56.jpg
ԵՐԵՎԱՆ, 27 հունիսի - Sputnik. ԵԽԽՎ-ն հայտնվել է Հայաստանի կառավարության և ադրբեջանական լոբբիստական շրջանակների ազդեցության տակ։ Այս մասին Sputnik Արմենիայի հետ զրույցում ասել է արդարադատության նախկին նախարար, ԵԽԽՎ-ում Հայաստանի պատվիրակության նախկին ղեկավար Դավիթ Հարությունյանը՝ մեկնաբանելով Հայաստանին վերաբերող երեկվա բանաձևը։Քաղաքական գործչի խոսքով՝ ինքը ԵԽԽՎ-ի քննադատությամբ է զբաղվել դեռ այն տարիներին, երբ գլխավորում էր այդ կառույցում Ազգային ժողովի պատվիրակությունը: Նա դեռ այն ժամանակ ասում էր, որ ԵԽԽՎ-ն չի կատարում իր առաքելությունը, այլ սպասարկում է տարբեր խաղացողների և երկրների շահերը։Նրա բնութագրմամբ՝ ԵԽԽՎ զեկույցը երեսպաշտության գլուխործոցն, որովհետև այն, ինչ նկարագրվում է այստեղ, ընդհանուր լղոզված բառեր են։Հարությունյանը Հայաստանի իշխանությունների գործողություններին ԵԽԽՎ–ի զգալի չափով լոյալ գնահատականները որակել է «կոռուպցիոն տարր» և երեսպաշտության գլուխգործոց։«Ես բավական երկար մտածում էի, թե ինչպես կարող են զեկուցողները, որոնք լավ պետք է իմանան այն երկիրը, որի մասին գրում են, գրեն այնպիսի անհեթեթություն, որ խորհրդարանում այսուհետ պետք է պաշտոնների նշանակումը անցկացվի 2/3–րդով։ Պարզ է, որ 2/3–րդն ունի գործող իշխանությունը, իսկ իրենք նկարագրում են դա որպես քաղաքական ուժերի համագործակցություն»,-հավելեց Հարությունյանը։Նա նաև որոշակի հեգնանքով ենթադրեց, որ փաստաթուղթը գրվել է արհեստական բանականության միջոցով. ԱԲ–ին հանձնարարվել է երկրի մասին զեկույց կազմել, առանձնապես չքննադատել իշխանությանը կամ ընդհանրապես չքննադատել։Քաղաքական գործիչն ինքն էլ նման փորձ է կատարել` դիմելով արհեստական բանականության «օգնությանը», արդյունքում ստացել է գրեթե նույն կողմնակալ տեքստը։ Պայմաններ են ապահովում դատական համակարգի հախից գալու համար. Դավիթ ՀարությունյանԻնչ վերաբերում է ադրբեջանական լոբբիի ազդեցությանը, ապա Հարությունյանն ուշադրություն հրավիրեց նաև այն բանի վրա, թե ինչ ձևով է բանաձևում ներկայացվում Բաքվի ագրեսիան Լեռնային Ղարաբաղի դեմ 2023 թվականի սեպտեմբերյան իրադարձությունների համատեքստում։ Այնտեղ չկա ոչ «ագրեսիա» բառը, ոչ էլ «էթնիկ զտում» բառակապակցությունը։ Տպավորություն է ստեղծվում, որ ադրբեջանական բանակը «հանգիստ» մտել է Լեռնային Ղարաբաղի տարածք։ Նրա խոսքով ՝ պարզ է, որ այդ տեքստի մշակման ժամանակ, առնվազն Ղարաբաղին վերաբերող հատվածում, դեր է խաղացել ադրբեջանական լոբբին։Հիշեցնենք, որ բանաձևն ընդհանուր առմամբ աջակցություն է հայտնում ժողովրդավարության ամրապնդմանն ուղղված Հայաստանի ջանքերին ՝ ի հեճուկս անվտանգության հետ կապված խնդիրների: Փաստաթղթում ասվում է, որ գործելով միջազգային բարդ մթնոլորտում՝ Հայաստանը շարունակել է բարեփոխումների հավակնոտ ծրագիրը:ԵԽԽՎ-ն նշում է, որ Լեռնային Ղարաբաղի ժողովրդի տեղահանումից հետո վարչապետ Փաշինյանի հրաժարականը պահանջող ընդդիմության որոշ հանրահավաքներ ուժային բնույթ են ստացել. տեղի են ունեցել ցուցարարների կողմից պետական շենքեր ներխուժելու փորձեր: ԵԽԽՎ-ն գոհունակությամբ նշում է, որ այս բոլոր իրադարձությունների ժամանակ ոստիկանության հետ բախումները չեն հանգեցրել զոհերի, ի տարբերություն 2008թ.մարտի 1-ի դեպքերի, որոնք հանգեցրին 10 մարդու մահվան:Կազմակերպությունը նաև կոչ է անում Ադրբեջանին ազատ արձակել Լեռնային Ղարաբաղի ձերբակալված բոլոր ներկայացուցիչներին, ինչպես նաև բոլոր հայ ռազմագերիներին:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դավիթ հարությունյան, եվրախորհրդի խորհրդարանական վեհաժողով (եխխվ), հայաստան, բանաձև
դավիթ հարությունյան, եվրախորհրդի խորհրդարանական վեհաժողով (եխխվ), հայաստան, բանաձև
ԵԽԽՎ-ն հայտնվել է ՀՀ իշխանությունների և Բաքվի լոբբիի ազդեցության տակ. նախկին նախարար
Դավիթ Հարությունյանը որոշ հեգնանքով հայտարարեց, որ ԵԽԽՎ երեկվա զեկույցը Հայաստանի վերաբերյալ գրվել է արհեստական բանականության միջոցով։
ԵՐԵՎԱՆ, 27 հունիսի - Sputnik. ԵԽԽՎ-ն հայտնվել է Հայաստանի կառավարության և ադրբեջանական լոբբիստական շրջանակների ազդեցության տակ։ Այս մասին Sputnik Արմենիայի հետ զրույցում ասել է արդարադատության նախկին նախարար, ԵԽԽՎ-ում Հայաստանի պատվիրակության նախկին ղեկավար Դավիթ Հարությունյանը՝ մեկնաբանելով Հայաստանին վերաբերող
երեկվա բանաձևը։
Քաղաքական գործչի խոսքով՝ ինքը ԵԽԽՎ-ի քննադատությամբ է զբաղվել դեռ այն տարիներին, երբ գլխավորում էր այդ կառույցում Ազգային ժողովի պատվիրակությունը: Նա դեռ այն ժամանակ ասում էր, որ ԵԽԽՎ-ն չի կատարում իր առաքելությունը, այլ սպասարկում է տարբեր խաղացողների և երկրների շահերը։
«Եթե նախկինում շատ ակնհայտ էր ադրբեջանական լոբբիի ազդեցությունը նման զեկույցների պատրաստման ժամանակ, ապա այժմ նույնքան ակնհայտ է ինչպես Հայաստանի կառավարության, այնպես էլ նույն ադրբեջանական լոբբիի ազդեցությունը»,–նշեց նա:
Նրա բնութագրմամբ՝ ԵԽԽՎ զեկույցը երեսպաշտության գլուխործոցն, որովհետև այն, ինչ նկարագրվում է այստեղ, ընդհանուր լղոզված բառեր են։
Հարությունյանը Հայաստանի իշխանությունների գործողություններին ԵԽԽՎ–ի զգալի չափով լոյալ գնահատականները որակել է «կոռուպցիոն տարր» և երեսպաշտության գլուխգործոց։
«Ես բավական երկար մտածում էի, թե ինչպես կարող են զեկուցողները, որոնք լավ պետք է իմանան այն երկիրը, որի մասին գրում են, գրեն այնպիսի անհեթեթություն, որ խորհրդարանում այսուհետ պետք է պաշտոնների նշանակումը անցկացվի 2/3–րդով։ Պարզ է, որ 2/3–րդն ունի գործող իշխանությունը, իսկ իրենք նկարագրում են դա որպես քաղաքական ուժերի համագործակցություն»,-հավելեց Հարությունյանը։
Նա նաև որոշակի հեգնանքով ենթադրեց, որ փաստաթուղթը գրվել է արհեստական բանականության միջոցով. ԱԲ–ին հանձնարարվել է երկրի մասին զեկույց կազմել, առանձնապես չքննադատել իշխանությանը կամ ընդհանրապես չքննադատել։
Քաղաքական գործիչն ինքն էլ նման փորձ է կատարել` դիմելով արհեստական բանականության «օգնությանը», արդյունքում ստացել է գրեթե նույն կողմնակալ տեքստը։
Ինչ վերաբերում է ադրբեջանական լոբբիի ազդեցությանը, ապա Հարությունյանն ուշադրություն հրավիրեց նաև այն բանի վրա, թե ինչ ձևով է բանաձևում ներկայացվում Բաքվի ագրեսիան Լեռնային Ղարաբաղի դեմ 2023 թվականի սեպտեմբերյան իրադարձությունների համատեքստում։ Այնտեղ չկա ոչ «ագրեսիա» բառը, ոչ էլ «էթնիկ զտում» բառակապակցությունը։ Տպավորություն է ստեղծվում, որ ադրբեջանական բանակը «հանգիստ» մտել է Լեռնային Ղարաբաղի տարածք։ Նրա խոսքով ՝ պարզ է, որ այդ տեքստի մշակման ժամանակ, առնվազն Ղարաբաղին վերաբերող հատվածում, դեր է խաղացել ադրբեջանական լոբբին։
Հիշեցնենք, որ
բանաձևն ընդհանուր առմամբ աջակցություն է հայտնում ժողովրդավարության ամրապնդմանն ուղղված Հայաստանի ջանքերին ՝ ի հեճուկս անվտանգության հետ կապված խնդիրների: Փաստաթղթում ասվում է, որ գործելով միջազգային բարդ մթնոլորտում՝ Հայաստանը շարունակել է բարեփոխումների հավակնոտ ծրագիրը:
ԵԽԽՎ-ն նշում է, որ Լեռնային Ղարաբաղի ժողովրդի տեղահանումից հետո վարչապետ Փաշինյանի հրաժարականը պահանջող ընդդիմության որոշ հանրահավաքներ ուժային բնույթ են ստացել. տեղի են ունեցել ցուցարարների կողմից պետական շենքեր ներխուժելու փորձեր: ԵԽԽՎ-ն գոհունակությամբ նշում է, որ այս բոլոր իրադարձությունների ժամանակ ոստիկանության հետ բախումները չեն հանգեցրել զոհերի, ի տարբերություն 2008թ.մարտի 1-ի դեպքերի, որոնք հանգեցրին 10 մարդու մահվան:
Կազմակերպությունը նաև կոչ է անում Ադրբեջանին ազատ արձակել Լեռնային Ղարաբաղի ձերբակալված բոլոր ներկայացուցիչներին, ինչպես նաև բոլոր հայ ռազմագերիներին:
