ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում
13:11 16.06.2024 (Թարմացված է: 13:20 16.06.2024)
© Photo : press office of Human Rights Defender of Armenia ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում
![ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում - Sputnik Արմենիա, 1920, 16.06.2024](https://cdn.am.sputniknews.ru/img/07e8/06/10/77194820_0:335:960:875_1920x0_80_0_0_51b4a50025be6f4568644a7c0b17eda4.jpg)
Բաժանորդագրվել
Խցերի սակավության պատճառով մեկում պահվում են մինչև անգամ 10 և ավելի անձինք։
ԵՐԵՎԱՆ, 16 հունիսի – Sputnik. ՄԻՊ աշխատակազմի խոշտանգումների և վատ վերաբերմունքի կանխարգելման վարչության ներկայացուցիչները հունիսի 12-ին չհայտարարված մշտադիտարկման այցեր են իրականացրել Երևանի առաջին ատյանի ընդհանուր իրավասության քրեական դատարանի ազատությունից զրկված անձանց ժամանակավոր պահելու Աջափնյակ-1, Շենգավիթ, Կենտրոն և Ավան նստավայրերերում և խնդիրներ արձանագրել։ Տեղեկությունը հայտնում է ՄԻՊ գրասենյակը։
Խցային անբավարար պայմաններ են արձանագրվել Շենգավիթի, Կենտրոնի և Ավանի նստավայրերում: Կենտրոնի և Ավանի խցերի սանհանգույցները հիմնական կոյուղագծին միացված չլինելու պատճառով չեն շահագործվել, և ազատությունից զրկված անձինք ոստիկանության ուղեկցող գումարտակի ծառայողների հետ միասին օգտվել են խցային հատվածի միջանցքում տեղակայված սանհանգույցից: Ավանի և Կենտրոնի նստավայրերի խցերում չի եղել նաև հոսող ջրին հասանելիություն: Ուսումնասիրված խցերի սանհանգույցները խցի բնակելի հատվածից առանձնացված չեն եղել ամբողջական պատով և չեն ունեցել դռներ: Ավելին, որոշ խցերում կիսապատերն այնքան կարճ են եղել, որ ամբողջությամբ չեն ծածկել անձին: Ընդգծվում է, որ այս վիճակը հատկապես անընդունելի է այն պարագայում, երբ ազատությունից զրկված անձը կին է, իսկ ուղեկցող գումարտակի աշխատակիցները հիմնականում տղամարդիկ են։
© Photo : press office of Human Rights Defender of Armenia ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում
![Аппарат омбудсмена провел мониторинг в тюрьмах Еревана Аппарат омбудсмена провел мониторинг в тюрьмах Еревана - Sputnik Արմենիա, 1920, 16.06.2024](https://cdn.am.sputniknews.ru/img/07e8/06/10/77194776_0:0:1280:960_1920x0_80_0_0_2b951e604108cf3de2f309a99e718757.jpg)
ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում
Աջափնյակ-1 նստավայրի բոլոր խցերում, իսկ Կենտրոն և Ավան նստավայրերի որոշ խցերում բացակայել են պատուհանները և բնական ու արհեստական լուսավորությունը:
Արձանագրվել են նաև դեպքեր, երբ խցերի անբավարար քանակի պատճառով մեկ խցում ստիպված են լինում պահել մինչև անգամ 10 և ավելի անձանց կամ մինչև դատական նիստի սկսվելը վերջիններիս պահում են ուղեկցող գումարտակի տրանսպորտային միջոցներում:
Ուսումնասիրված նստավայրերի բոլոր խցերում բացակայել է սեղան, սպասք և այլն:
Տեղեկություններ են ստացվել նաև այն մասին, որ ազատությունից զրկված անձանց քրեակատորողական հիմնարկներից սնունդ չի տրամադրվում։ Աջափնյակ-1, Շենգավիթ և Կենտրոն նստավայրերի խցերում պահվող անձանց համար հանձնուքներ առհասարակ չեն ընդունվում, իսկ Ավանի նստավայրում ընդունվում են միայն ձերբակալված անձանց համար բերված հանձնուքները՝ այն էլ Ոստիկանության ուղեկցող գումարտակի ծաայողների համաձայնության դեպքում:
© Photo : press office of Human Rights Defender of Armenia ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում
![Аппарат омбудсмена провел мониторинг в тюрьмах Еревана Аппарат омбудсмена провел мониторинг в тюрьмах Еревана - Sputnik Արմենիա, 1920, 16.06.2024](https://cdn.am.sputniknews.ru/img/07e8/06/10/77194798_0:0:960:1280_1920x0_80_0_0_dd69b99ba0fa9385817631072937942f.jpg)
ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում
Խնդիրներ են արձանագրվել նաև ազատությունից զրկված անձանց իրավաբանական օգնություն ստանալու և փաստաբանների տեսակցությունների կազմակերպման հետ կապված: Անձի և նրա փաստաբանի հանդիպումը դատարանի շենքում առանձին դեպքերում կազմակերպվում է դատական նիստերի դահլիճում՝ մինչ դատական նիստն սկսելը:
Մշտադիտարկման ժամանակ ուսումնասիրվել են նաև ազատությունից զրկված անձանց դատարան տեղափոխման համար շահագործվող տրանսպորտային միջոցները․ մեքենաների խցերի չափերը չեն համապատասխանել միջազգային չափանիշներին․ չունեն բավարար լուսավորություն և օդափոխություն, հարմարեցված չեն տեղաշարժման դժվարություններ ունեցող անձանց կարիքներին։
Այցի արդյունքները կամփոփվեն և համապատասխան առաջարկներ կներկայացվեն իրավասու պետական մարմիններին:
© Photo : press office of Human Rights Defender of Armenia ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում
![Аппарат омбудсмена провел мониторинг в тюрьмах Еревана Аппарат омбудсмена провел мониторинг в тюрьмах Еревана - Sputnik Արմենիա, 1920, 16.06.2024](https://cdn.am.sputniknews.ru/img/07e8/06/10/77194754_0:0:960:1280_1920x0_80_0_0_80e361d0629c0911d6355e074b8fd888.jpg)
ՄԻՊ–ը բազմաթիվ խնդիրներ է արձանագրել ազատությունից զրկվածների ժամանակավոր պահման վայրերում