https://arm.sputniknews.ru/20240602/baqun-maki-hamazhvoghvovum-patrastvum-e-hh-qartezy-nerkajacnel-adrbejanakan-teghanunnervov-76310267.html
Բաքուն ՄԱԿ–ի համաժողովում պատրաստվում է ՀՀ քարտեզը ներկայացնել ադրբեջանական տեղանուններով
Բաքուն ՄԱԿ–ի համաժողովում պատրաստվում է ՀՀ քարտեզը ներկայացնել ադրբեջանական տեղանուններով
Sputnik Արմենիա
Նոյեմբերին Ադրբեջանում նախանշված միջազգային համաժողովում ՀՀ–ի դեմ բնապահպանական քարոզչական արշավը տարվելու է 2 ուղղություններով. ներկայացվելու է, թե ինչպես է... 02.06.2024, Sputnik Արմենիա
2024-06-02T19:14+0400
2024-06-02T19:14+0400
2024-06-02T19:15+0400
կլիմա
համաժողով
հայաստան
ադրբեջան
մակ-ի կլիմայի փոփոխության համաժողով (cop 29)
տաթևիկ հայրապետյան
https://cdn.am.sputniknews.ru/img/07e8/05/1b/76309693_0:209:1600:1109_1920x0_80_0_0_656081854e0921543cc3a8dc2d20bd3a.jpg
ԵՐԵՎԱՆ, 2 հունիսի – Sputnik․ Ադրբեջանում ակտիվորեն պատրաստվում են ՄԱԿ–ի կլիմայի փոփոխության 29-րդ համաժողովը (COP 29) օգտագործել Հայաստանի դեմ։ Sputnik Արմենիայի հետ զրույցում այս մասին ասաց ադրբեջանագետ Տաթև Հայրապետյանը` վերլուծելով ադրբեջանական աղբյուրներում տեղեկությունները միջազգային համաժողովի նախապատրասման վերաբերյալ։Հայտնել ենք, որ ս.թ. նոյեմբերին Բաքվում նախատեսված է ՄԱԿ–ի կլիմայի փոփոխության (COP) 29-րդ համաժողովը։ Նախնական պայմանավորվածության համաձայն` համաժողովը պետք է հյուրընկալեր Հայաստանը։ Բայց 2023թ–ի տարեվերջին Հայաստանի և Ադրբեջանի ղեկավարների աշխատակազմերը հայտարարություն հրապարակեցին, որտեղ ասվում էր, որ համաժողովն անցկացնելու հայտը Երևանը զիջում է Բաքվին։ Նույն պայմանավորվածության համաձայն` Ադրբեջանը Հայաստանին վերադարձրեց 32 հայ ռազմագերիների, իսկ Հայաստանն Ադրբեջանին` ադրբեջանցի 2 սահմանախախտների, որոնցից մեկը մեղադրվում էր Զանգեզուրի պղնձամոլիբդենային կոմբինատի պահակին սպանելու համար։ԼՂ ղեկավարների դիմաց Ադրբեջանը թանկ գին է պահանջելու. Սահակյանը` քարտեզներ տալու մասինՄԱԿ–ի կլիմայի փոփոխության 29-րդ համաժողովում, ըստ ադրբեջանագետի, բնապահպանական քարոզչական արշավը Հայաստանի դեմ տարվելու է երկու ուղղություններով. ներկայացվելու է, թե ինչպես է Հայաստանն «ապօրինաբար» շահագործել ԼՂ բնական պաշարները, մյուս դեպքում խնդիր է դրվել Հայաստանը ներկայացնել որպես տարածաշրջանն ամենաաղտոտող երկիր։Այդ նպատակով, նրա խոսքով, Ադրբեջանի իշխանությունները մի շարք չակերտավոր հասարակական կազմակերպությունների, որոնք իրականում պետության հրահանգով գործող կառույցներ են, հրահանգել են կազմել եռալեզու քարտեզներ՝ ադրբեջաներեն, անգլերեն և ռուսերեն լեզուներով, որոնցում պետք է ներկայացնեն «փաստեր» այն մասին, թե ինչպես է «Հայաստանը վտանգում տարածաշրջանի էկոլոգիան»։Մարդկությունը գնում է դեպի կլիմայական դժոխք. Գուտերեշ«Զավեշտն այն է, որ Ադրբեջանը, լինելով բնապահպանական լուրջ խնդիրներով պետություն, որտեղ օդի աղտոտվածության ծավալները հսկայական չափերի են հասնում, որը հայտնի է իր նավթային– գազային արտադրանքի թափոններով ու թունավորումներով, փորձում է Հայաստանը ներկայացնել որպես աղետ տարածաշրջանի համար, ու այդ ուղղությամբ հսկայական աշխատանք է տանում։ Սա ևս մեկ անգամ գալիս է ապացուցելու, որ այդ պետությունը Հայաստանի հետ խաղաղության գնալու, բարիդրացիություն հաստատելու որևէ միտում չունի։ Ավելին` նախապատրաստվող քարտեզում հատուկ շեշտում են, որ օգտագործելու են մեր տարածքների, իբր, ադրբեջանական տեղանունները։ Այսինքն` ամբողջությամբ խեղաթյուրելու են մեր պետության աշխարհագրական անվանումները` թարգմանելով տարբեր լեզուներով, խեղաթյուրելով փաստերն ու փորձելով դա դարձնել օրակարգի մաս»,– արձանագրում է Հայրապետյանը։Ադրբեջանագետը շեշտում է, որ Ադրբեջանն իր այս մտադրությունը ոչ միայն չի թաքցնում, այլև խորհրդարանականների մակարդակով բազմիցս հայտարարել է, որ միջազգային համաժողովը օգտագործելու է որպես գործիք` իրենց ձևակերպմամբ «Հայաստանի իրական դեմքը ներկայացնելու համար»։Տաթև Հայրապետյանի բնորոշմամբ` COP-29-ը Ադրբեջանի համար շատ հարմար հարթակ է իր քարոզչական ամբողջ գործիքակազմով Հայաստանի դեմ հերթական միջազգային արշավն իրականացնելու համար։ Ընդ որում` բնապահպանական ու քաղաքական խնդիրներից բացի, Ադրբեջանն այս կերպ նաև տնտեսական խնդիր է փորձում լուծել` արհեստական խոչընդոտներ ստեղծելով հայաստանյան տնտեսական օբյեկտների համար։«Մենք ապրում ենք մի այնպիսի ժամանակաշրջանում, որում սուտը շատ արագ վերածվում է ճշմարտության։ Այդ սուտն այնքան շատ են ասում ու կրկնում, որ այն դառնում է «ճշմարտություն»։ Բայց ուղղակի հույս ունենալ, որ մարդիկ ամեն ինչ կհասկանան և ոչինչ չանել այդ քարոզչական արշավների դեմ` առնվազն միամտություն է»,– ասում է Հարյապետյանը` ի պատասխան մեր դիտարկման, թե որքանով Ադրբեջանին կհաջողվի իր քարոզչական կեղծ թեզերով մոլորեցնել բնապահպանության ոլորտի միջազգային մակարդակի փորձագետներին։Հավելենք, որ 2024 թվականին ՄԱԿ-ի Կլիմայի փոփոխության համաժողովը (COP 29) Բաքվում կնախագահի Ադրբեջանի Հանրապետության էկոլոգիայի և բնական պաշարների նախարարն է և SOCAR-ի՝ Ադրբեջանի ազգային նավթային ընկերության նախկին փոխնախագահ Մուխթար Բաբաևը։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կլիմա, համաժողով, հայաստան, ադրբեջան, մակ-ի կլիմայի փոփոխության համաժողով (cop 29) , տաթևիկ հայրապետյան
կլիմա, համաժողով, հայաստան, ադրբեջան, մակ-ի կլիմայի փոփոխության համաժողով (cop 29) , տաթևիկ հայրապետյան
Բաքուն ՄԱԿ–ի համաժողովում պատրաստվում է ՀՀ քարտեզը ներկայացնել ադրբեջանական տեղանուններով
19:14 02.06.2024 (Թարմացված է: 19:15 02.06.2024) Նոյեմբերին Ադրբեջանում նախանշված միջազգային համաժողովում ՀՀ–ի դեմ բնապահպանական քարոզչական արշավը տարվելու է 2 ուղղություններով. ներկայացվելու է, թե ինչպես է ՀՀ–ն «ապօրինաբար» շահագործել ԼՂ բնական պաշարները և ՀՀ–ն ներկայացվելու է որպես տարածաշրջանն ամենաաղտոտող երկիր։
ԵՐԵՎԱՆ, 2 հունիսի – Sputnik․ Ադրբեջանում ակտիվորեն պատրաստվում են ՄԱԿ–ի կլիմայի փոփոխության 29-րդ համաժողովը (COP 29) օգտագործել Հայաստանի դեմ։
Sputnik Արմենիայի հետ զրույցում այս մասին ասաց ադրբեջանագետ Տաթև Հայրապետյանը` վերլուծելով ադրբեջանական աղբյուրներում տեղեկությունները միջազգային համաժողովի նախապատրասման վերաբերյալ։
Հայտնել ենք, որ ս.թ. նոյեմբերին Բաքվում նախատեսված է ՄԱԿ–ի կլիմայի փոփոխության (COP) 29-րդ համաժողովը։ Նախնական պայմանավորվածության համաձայն` համաժողովը պետք է հյուրընկալեր Հայաստանը։ Բայց 2023թ–ի տարեվերջին Հայաստանի և Ադրբեջանի ղեկավարների աշխատակազմերը հայտարարություն հրապարակեցին, որտեղ ասվում էր, որ համաժողովն անցկացնելու հայտը Երևանը զիջում է Բաքվին։ Նույն պայմանավորվածության համաձայն` Ադրբեջանը Հայաստանին վերադարձրեց 32 հայ ռազմագերիների, իսկ Հայաստանն Ադրբեջանին` ադրբեջանցի 2 սահմանախախտների, որոնցից մեկը մեղադրվում էր Զանգեզուրի պղնձամոլիբդենային կոմբինատի պահակին սպանելու համար։
ՄԱԿ–ի կլիմայի փոփոխության 29-րդ համաժողովում, ըստ ադրբեջանագետի, բնապահպանական քարոզչական արշավը Հայաստանի դեմ տարվելու է երկու ուղղություններով. ներկայացվելու է, թե ինչպես է Հայաստանն «ապօրինաբար» շահագործել ԼՂ բնական պաշարները, մյուս դեպքում խնդիր է դրվել Հայաստանը ներկայացնել որպես տարածաշրջանն ամենաաղտոտող երկիր։
«Առաջին հերթին թիրախում է Զանգեզուրի պղնձամոլիբդենային գործարանը, Ալավերդու պղնձաձուլական գործարանը և մի շարք այլ խոշոր գործարաններ։ Հատկապես գետերի հետ կապված են պատրաստում մեծ փաթեթներ, թե իբր Հայաստանը թափոններ է լցնում գետերը, որոնք հոսում են դեպի Ադրբեջան ու թունավորում ադրբեջանցիներին»,– ասում է Հայրապետյանը։
Այդ նպատակով, նրա խոսքով, Ադրբեջանի իշխանությունները մի շարք չակերտավոր հասարակական կազմակերպությունների, որոնք իրականում պետության հրահանգով գործող կառույցներ են, հրահանգել են կազմել եռալեզու քարտեզներ՝ ադրբեջաներեն, անգլերեն և ռուսերեն լեզուներով, որոնցում պետք է ներկայացնեն «փաստեր» այն մասին, թե ինչպես է «Հայաստանը վտանգում տարածաշրջանի էկոլոգիան»։
«Զավեշտն այն է, որ Ադրբեջանը, լինելով բնապահպանական լուրջ խնդիրներով պետություն, որտեղ օդի աղտոտվածության ծավալները հսկայական չափերի են հասնում, որը հայտնի է իր նավթային– գազային արտադրանքի թափոններով ու թունավորումներով, փորձում է Հայաստանը ներկայացնել որպես աղետ տարածաշրջանի համար, ու այդ ուղղությամբ հսկայական աշխատանք է տանում։ Սա ևս մեկ անգամ գալիս է ապացուցելու, որ այդ պետությունը Հայաստանի հետ խաղաղության գնալու, բարիդրացիություն հաստատելու որևէ միտում չունի։ Ավելին` նախապատրաստվող քարտեզում հատուկ շեշտում են, որ օգտագործելու են մեր տարածքների, իբր, ադրբեջանական տեղանունները։ Այսինքն` ամբողջությամբ խեղաթյուրելու են մեր պետության աշխարհագրական անվանումները` թարգմանելով տարբեր լեզուներով, խեղաթյուրելով փաստերն ու փորձելով դա դարձնել օրակարգի մաս»,– արձանագրում է Հայրապետյանը։
Ադրբեջանագետը շեշտում է, որ Ադրբեջանն իր այս մտադրությունը ոչ միայն չի թաքցնում, այլև խորհրդարանականների մակարդակով բազմիցս հայտարարել է, որ միջազգային համաժողովը օգտագործելու է որպես գործիք` իրենց ձևակերպմամբ «Հայաստանի իրական դեմքը ներկայացնելու համար»։
Տաթև Հայրապետյանի բնորոշմամբ` COP-29-ը Ադրբեջանի համար շատ հարմար հարթակ է իր քարոզչական ամբողջ գործիքակազմով Հայաստանի դեմ հերթական միջազգային արշավն իրականացնելու համար։ Ընդ որում` բնապահպանական ու քաղաքական խնդիրներից բացի, Ադրբեջանն այս կերպ նաև տնտեսական խնդիր է փորձում լուծել` արհեստական խոչընդոտներ ստեղծելով հայաստանյան տնտեսական օբյեկտների համար։
«Մենք ապրում ենք մի այնպիսի ժամանակաշրջանում, որում սուտը շատ արագ վերածվում է ճշմարտության։ Այդ սուտն այնքան շատ են ասում ու կրկնում, որ այն դառնում է «ճշմարտություն»։ Բայց ուղղակի հույս ունենալ, որ մարդիկ ամեն ինչ կհասկանան և ոչինչ չանել այդ քարոզչական արշավների դեմ` առնվազն միամտություն է»,– ասում է Հարյապետյանը` ի պատասխան մեր դիտարկման, թե որքանով Ադրբեջանին կհաջողվի իր քարոզչական կեղծ թեզերով մոլորեցնել բնապահպանության ոլորտի միջազգային մակարդակի փորձագետներին։
Հավելենք, որ 2024 թվականին ՄԱԿ-ի Կլիմայի փոփոխության համաժողովը (COP 29) Բաքվում կնախագահի Ադրբեջանի Հանրապետության էկոլոգիայի և բնական պաշարների նախարարն է և SOCAR-ի՝
Ադրբեջանի ազգային նավթային ընկերության նախկին փոխնախագահ Մուխթար Բաբաևը։
